ಈ ಹೊತ್ತಿನ ಹೊತ್ತಿಗೆ

ಸೃಜನಶೀಲ ಶಿಕ್ಷಣ - ಒಂದು ಚರ್ಚೆ

ಶಿಕ್ಷಣದ ಕುರಿತಂತೆಯೂ ಸೃಜನಶೀಲತೆಯ ಕುರಿತಂತೆಯೂ ಡಾ. ಮಹಾಬಲೇಶ್ವರ ರಾವ್ ಹಲವು ಬಾರಿ ಬರೆದಿದ್ದಾರೆ. ಸೃಜನಶೀಲತೆಯ ಕುರಿತಂತೆ ತೀವ್ರ ಅಧ್ಯಯನ ಮಾಡಿದ ಹಿರಿಮೆಯೂ ಅವರಿಗಿದೆ. ಹಾಗೆಯೇ ಹೇಗೆ ಶಿಕ್ಷಣ ಅಂಕ ಪಟ್ಟಿಗಳಿಗೆ ಸೀಮಿತವಾಗಿ ಯಾಂತ್ರಿಕವಾಗಿದೆ ಎನ್ನುವುದರ ಬಗ್ಗೆಯೂ ಅವರು ಸಾಕಷ್ಟು ಬರೆದಿದ್ದಾರೆ. ಶಿಕ್ಷಣವನ್ನು ಹೇಗೆ ಸೃಜನಶೀಲಗೊಳಿಸಿ ಆ ಮೂಲಕ ವಿದ್ಯಾರ್ಥಿಗಳ ಒಳ ಪ್ರತಿಭೆಗಳನ್ನು ಬಹಿರಂಗವಾಗಿಸಬಹುದು ಎನ್ನುವ ಬಗ್ಗೆ ಅವರು ಚರ್ಚಿಸಿದ್ದಾರೆ. ‘ಸೃಜನಶೀಲ ಶಿಕ್ಷಣ’ ಈ ನಿಟ್ಟಿನಲ್ಲಿ ಸೃಜನಶೀಲತೆಯನ್ನು, ಶಿಕ್ಷಣವನ್ನು ವಿವರಿಸುವ ಅವರ ಇನ್ನೊಂದು ಕೃತಿಯಾಗಿದೆ.

ಸಂಶೋಧನೆಳ ಹಿಂದಿರುವ ಸೃಜನಶೀಲ ಮನಸ್ಸುಗಳನ್ನು ತೆರೆದಿಡುವ ಮೊದಲ ಲೇಖನ ‘‘ನಿಗೂಢತೆಯ ನಾಡಿನಲ್ಲಿ’’ ಜಗತ್ತಿನ ಸಂಸ್ಕೃತಿ, ನಾಗರಿಕತೆ, ಮಾನವನ ಸ್ಮತಿ ಪರಂಪರೆ ಮತ್ತು ಅನುವಂಶೀಯತೆಯ ಫಲಸ್ವರೂಪವಾದ ಸೃಜನಶೀಲತೆಯು ಜಾಗತಿಕ ಜನಜೀವನದ ಮೇಲೆ ಬೀರಿರುವ ಪರಿಣಾಮಗಳನ್ನು ವಿವರಿಸುತ್ತದೆ. ಶಿಕ್ಷಣ ಮುಚ್ಚು ಮಾದರಿಯಾಗಬಾರದು ಬಿಚ್ಚು ಮಾದರಿಯಾಗಬೇಕು ಎಂದು ಅವರು ‘ಭಂಗದ ಬೆನ್ನೇರಿ ಬಂತು...’ ಲೇಖನದಲ್ಲಿ ಆಶಿಸುತ್ತಾರೆ. ಕಾವ್ಯದ ಸಾಲುಗಳನ್ನು ನೆನಪಿಸಿಕೊಳ್ಳುತ್ತಾ ಸೃಜನಶೀಲತೆ ಆಗಾಧ ಸಾಧ್ಯತೆಯನ್ನು ಅವರು ನಮಗೆ ಮನಗಾಣಿಸುತ್ತಾರೆ. ‘ಹರಿವ ತೊರೆಯ ಸೆಲೆ’ ಕೃತಿಯಲ್ಲಿ ಮಕ್ಕಳ ಮನಸ್ಸುಗಳನ್ನು ಅರ್ಥ ಮಾಡಿಕೊಳ್ಳುವ ಬಗೆಯನ್ನು ಹೇಳುತ್ತಾರೆ. ಹಾಗೆಯೇ ಸೃಜನಶೀಲತೆಯ ನಡುವಿನ ಕಚ್ಚಾಟಗಳು, ತಿಕ್ಕಾಟಗಳೂ ಹೇಗೆ ಧನಾತ್ಮಕ ಪರಿಣಾಮ ಬೀರಬಲ್ಲವು ಎನ್ನುವುದನ್ನು ವಿವರಿಸುತ್ತಾರೆ. ‘ಫಲಮಾನವುದೋ...’ ಲೇಖನದಲ್ಲಿ ಸೃಜನಶೀಲವಾಗಿ ಯೋಚಿಸುವುದರಿಂದ ಸಿಗುವ ಪ್ರಯೋಜನದ ಬಗ್ಗೆ ಹೇಳುತ್ತಾರೆ. ಇಂತಹ ಸುಮಾರು 12 ಲೇಖನಗಳು ಇಲ್ಲಿವೆ.

ಸೃಜನಶೀಲತೆ ಎಂಬ ವಿಸ್ಮಯವೊಂದನ್ನು ಹಲವು ಹತ್ತು ದಿಕ್ಕುಗಳಲ್ಲಿ ಹರಿದಾಡಿಸಿ ಅದರ ಎಲ್ಲ ಮಗ್ಗುಲುಗಳನ್ನೂ ಬೆನ್ನಟ್ಟಿ ತೆರೆದು ತೋರಿಸಲಾಗಿದೆ ಈ ಕೃತಿಯಲ್ಲಿ. ಹಾಗೆಯೇ ನಮ್ಮಲ್ಲಿ ಶಿಕ್ಷಣವೆಂಬುದು ನೊಗಕ್ಕೆ ಕಟ್ಟಿದ ಜೋಡೆತ್ತುಗಳಂತೆ. ಹೀಗೆ ಸಾಗಬೇಕೆಂಬ ಮತ್ತು ಇಂಥ ಪ್ರಶ್ನೆಗೆ ಇಂಥದೇ ಉತ್ತರವೆಂಬ, ಯೋಚಿಸಿ ಒಂದಕ್ಷರವೂ ಮಾತನಾಡಬಾರದೆಂಬ ಶಿಸಲ್ತಿಗೆ ಒಳಪಟ್ಟು ಅವನತಿಯತ್ತ ಸಾಗಿರುವುದು ಇಲ್ಲಿನ ಲೇಖನಗಳಿಂದ ನಮಗೆ ಮನನವಾಗುತ್ತದೆ. ಇಂದು ಶಿಕ್ಷಣ ಎದುರಿಸುತ್ತಿರುವ ಮೂಲಭೂತ ಸಮಸ್ಯೆಗಳಿಗೆ ಕೆಲವು ಉತ್ತರಗಳನ್ನು ಈ ಕೃತಿ ನೀಡುತ್ತದೆ. ನವಕರ್ನಾಟಕ ಪ್ರಕಾಶನ ಹೊರತಂದಿರುವ ಈ ಕೃತಿಯ ಮುಖಬೆಲೆ 100 ರೂಪಾಯಿ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top