ಭಾರತ ಕಳೆದ ಎರಡು ವರ್ಷಗಳಿಂದ ರೈತರ ಆತ್ಮಹತ್ಯೆ ಕುರಿತಂತೆ ದತ್ತಾಂಶಗಳನ್ನು ಪ್ರಕಟಿಸಿಲ್ಲ.

ರೈತರ ಆತ್ಮಹತ್ಯೆ ಕುರಿತ ದತ್ತಾಂಶಗಳೆಲ್ಲಿ?

ಎನ್‌ಸಿಆರ್‌ಬಿ ದತ್ತಾಂಶಗಳ ಪ್ರಕಾರ 2015ರಲ್ಲಿ 8,007 ರೈತರು ಮತ್ತು 4,595 ಮಂದಿ ಕೃಷಿ ಕಾರ್ಮಿಕರು ಆತ್ಮಹತ್ಯೆ ಮಾಡಿಕೊಂಡರು. ಅದರ ಹಿಂದಿನ ವರ್ಷ 5,150 ರೈತರು ಮತ್ತು 6,710 ಕೃಷಿ ಕಾರ್ಮಿಕರು ಆತ್ಮಹತ್ಯೆ ಮಾಡಿಕೊಂಡಿದ್ದರು.
ಆ ಬಳಿಕ ಕಳೆದ ರೈತರ ಆತ್ಮಹತ್ಯೆಗಳ ಕುರಿತು ಸರಕಾರದ ವರದಿ ಲಭ್ಯವಿಲ್ಲ. ಅಂದರೆ 2016 ಮತ್ತು 2017ರಿಂದ ನಡೆದ ರೈತರ ಆತ್ಮಹತ್ಯೆಗಳು ಮತ್ತು ಈ ಎರಡು ವರ್ಷಗಳಲ್ಲಿ ದೇಶದಲ್ಲಿ ನಡೆದ ಪ್ರಮುಖ ರೈತ ಚಳವಳಿಗಳು, ಆ ಚಳವಳಿಗಳಲ್ಲಿ ಮೃತರಾದ ರೈತರ ಕುರಿತಾದ ದಾಖಲೆಗಳು ಪ್ರಕಟಿತ ಸಕಾರಿ ದತ್ತಾಂಶದಲ್ಲಿ ಸ್ಥಾನ ಪಡೆದಿಲ್ಲ

ಕಳೆದ ತಿಂಗಳು ಭಾರತದಲ್ಲಿ ನಡೆದ ಅನೇಕ ರೈತರ ಆತ್ಮಹತ್ಯೆ ಹಲವು ವರ್ಷಗಳಿಂದ ದೇಶವನ್ನು ಕಾಡುತ್ತಿರುವ ಸಮಸ್ಯೆಯೊಂದರ ಮೇಲೆ ಎಲ್ಲರ ಗಮನವನ್ನು ಕೇಂದ್ರೀಕರಿಸಿದೆ. ಕಳೆದ ಮೇ ತಿಂಗಳಲ್ಲಿ ಸಾಲಬಾಧೆ ಮತ್ತು ಕೃಷ್ಯುತ್ಪನ್ನಗಳ ಬೆಲೆಯಲ್ಲಿ ಆದ ದಿಢೀರ್ ಕುಸಿತದಿಂದಾಗಿ ರಾಜಸ್ಥಾನ ಮತ್ತು ಮಧ್ಯಪ್ರದೇಶದಲ್ಲಿ ಕನಿಷ್ಠ ಆರು ಮಂದಿ ರೈತರು ಆತ್ಮಹತ್ಯೆ ಮಾಡಿಕೊಂಡರು. ರಾಜಕೀಯ ಪಕ್ಷಗಳು ಈ ದುರಂತಗಳನ್ನು ತಮ್ಮ ಪ್ರತಿಸ್ಪರ್ಧಿಗಳ, ವಿರೋಧಿಗಳ ವಿರುದ್ಧ ದಾಳಿ ನಡೆಸಲು ಬಳಸಿಕೊಂಡವು.

ಭಾರತ ಸರಕಾರ 2016 ಮತ್ತು 2017ರಲ್ಲಿ ಸಂಭವಿಸಿದ ರೈತರ ಆತ್ಮಹತ್ಯೆಗಳ ಕುರಿತಂತೆ ಇನ್ನೂ ದತ್ತಾಂಶಗಳನ್ನು ಪ್ರಕಟಿಸಿಲ್ಲ. 2015ರವರೆಗಿನ ದತ್ತಾಂಶಗಳು ಮಾತ್ರ ಈಗ ಲಭ್ಯವಿವೆೆ. ಕೆಲ ರಾಜ್ಯಗಳು ಕೇಂದ್ರ ಸರಕಾರಕ್ಕೆ ಕಳುಹಿಸಿರುವ ದತ್ತಾಂಶದಲ್ಲಿ ಸಮಸ್ಯೆಗಳಿಂದಾಗಿ 2016-17ರ ದತ್ತಾಂಶಗಳನ್ನು ಪ್ರಕಟಿಸಲು ಸಾಧ್ಯವಾಗಿಲ್ಲ ಎಂದು ಸರಕಾರಿ ಅಧಿಕಾರಿಗಳು ಹೇಳುತ್ತಾರೆ.
ದೇಶಾದ್ಯಂತ ಸಂಭವಿಸುವ ರೈತರ ಆತ್ಮಹತ್ಯೆಗಳ ದತ್ತಾಂಶಗಳನ್ನು ಸಂಗ್ರಹಿಸುವ ಹಾಗೂ ಸಂರಕ್ಷಿಸುವ ಕೆಲಸವನ್ನು ರಾಷ್ಟ್ರೀಯ ಅಪರಾಧ ದಾಖಲೆಗಳ ಸಂಸ್ಥೆ (ಎನ್‌ಸಿಆರ್‌ಬಿ)ಗೆ ವಹಿಸಲಾಗಿದೆ. ‘ಭಾರತದಲ್ಲಿ ಆಕಸ್ಮಿಕ ಸಾವುಗಳು ಮತ್ತು ಆತ್ಮಹತ್ಯೆಗಳು’ ಎಂಬ ಶೀರ್ಷಿಕೆಯಲ್ಲಿ ಈ ಸಂಸ್ಥೆ ವಾರ್ಷಿಕ ವರದಿಯೊಂದರಲ್ಲಿ ಈ ದತ್ತಾಂಶಗಳನ್ನು ಪ್ರಕಟಿಸುತ್ತದೆ. 2015ರ ವರದಿಯಿಂದಾರಂಭಿಸಿ ಸಂಸ್ಥೆಯು ರೈತರ ಆತ್ಮಹತ್ಯೆ ಕುರಿತ ದತ್ತಾಂಶಗಳನ್ನು ಒಂದು ಪ್ರತ್ಯೇಕ ವಿಭಾಗವಾಗಿ ಪ್ರಕಟಿಸಿ ತೊಡಗಿತು.

ವಿವಾದಾಸ್ಪದ ವಿಷಯ
ಭಾರತದಲ್ಲಿ ರೈತರ ಆತ್ಮಹತ್ಯೆಗಳು ಒಂದು ವಿವಾದಾಸ್ಪದ ವಿಷಯ. ರೈತರು ಮಾಡಿಕೊಳ್ಳುವ ಪ್ರತಿಯೊಂದು ಆತ್ಮಹತ್ಯೆಯನ್ನು ಪ್ರತ್ಯಕ್ಷವಾಗಿ ಹಾಗೂ ಅಥವಾ ಪರೋಕ್ಷವಾಗಿ ಬೆಳೆ ನಾಶ ಪಾವತಿಸಲಾಗದ ಸಾಲ ಕೃಷ್ಯುತ್ಪನ್ನಕ್ಕೆ ಮಾರುಕಟ್ಟೆಯಲ್ಲಿ ಸಿಗುವ ಬೆಲೆಯಲ್ಲಿ ಆಗುವ ಕುಸಿತದಂತಹ ಕೃಷಿ ಸಂಬಂಧಿ ಕಾರಣಗಳೊಂದಿಗೆ ತಳಕುಹಾಕಬಹುದೇ ಎಂಬ ಬಗ್ಗೆ ಅಧಿಕಾರಿಗಳು ಹಲವಾರು ವರ್ಷಗಳಿಂದ ತಕರಾರು ಮಾಡುತ್ತಿದ್ದಾರೆ. ರೈತನೊಬ್ಬನ ಆತ್ಮಹತ್ಯೆಯನ್ನು ಕೃಷಿಗೆ ತಳಕು ಹಾಕಲು ಸಾಧ್ಯವಿಲ್ಲವೆಂದಾದಲ್ಲಿ ಅದನ್ನು ರೈತನ ಆತ್ಮಹತ್ಯೆ ಎಂದು ಪರಿಗಣಿಸಲೇ ಬಾರದೆಂದು ಅಧಿಕಾರಿಗಳು ವಾದಿಸುತ್ತಾರೆ. 2016ರ ತನ್ನ ವರದಿಯಲ್ಲಿ ಸಂಸ್ಥೆಯು 2015ರಿಂದ ರೈತರ ಆತ್ಮಹತ್ಯೆಗೆ ಕಾರಣಗಳೇನು ಎಂಬ ಬಗ್ಗೆ ಅಧ್ಯಾಯಗಳನ್ನು ಪ್ರಕಟಿಸಿತು. ಒಟ್ಟು ಆತ್ಮಹತ್ಯೆಗಳ ಶೇ.19.5 ಆತ್ಮಹತ್ಯೆಗಳಿಗೆ ಕೃಷಿ ಸಂಬಂಧಿ ಕಾರಣಗಳಾದರೆ, ಶೇ. 38 ಆತ್ಮಹತ್ಯೆಗಳಿಗೆ ದಿವಾಳಿತನ ಅಥವಾ ಋಣಬಾಧೆ ಕಾರಣವೆಂದು ತಿಳಿದು ಬಂತು. ಬಡತನ, ಕೌಟುಂಬಿಕ ಸಮಸ್ಯೆಗಳು, ಅನಾರೋಗ್ಯ ಮತ್ತು ವಿವಾಹ ಸಂಬಂಧಿ ಕಾರಣಗಳು ಕೂಡ ರೈತರ ಆತ್ಮಹತ್ಯೆಗೆ ಕಾರಣಗಳಾಗಿವೆ.


2016 ಮತ್ತು 2017ಕ್ಕೆ ದತ್ತಾಂಶಗಳಿಲ್ಲ
ಎನ್‌ಸಿಆರ್‌ಬಿ ದತ್ತಾಂಶಗಳ ಪ್ರಕಾರ 2015ರಲ್ಲಿ 8,007 ರೈತರು ಮತ್ತು 4,595 ಮಂದಿ ಕೃಷಿ ಕಾರ್ಮಿಕರು ಆತ್ಮಹತ್ಯೆ ಮಾಡಿಕೊಂಡರು. ಅದರ ಹಿಂದಿನ ವರ್ಷ 5,150 ರೈತರು ಮತ್ತು 6,710 ಕೃಷಿ ಕಾರ್ಮಿಕರು ಆತ್ಮಹತ್ಯೆ ಮಾಡಿಕೊಂಡಿದ್ದರು.

ಆ ಬಳಿಕ ಕಳೆದ ರೈತರ ಆತ್ಮಹತ್ಯೆಗಳ ಕುರಿತು ಸರಕಾರದ ವರದಿ ಲಭ್ಯವಿಲ್ಲ. ಅಂದರೆ 2016 ಮತ್ತು 2017ರಿಂದ ನಡೆದ ರೈತರ ಆತ್ಮಹತ್ಯೆಗಳು ಮತ್ತು ಈ ಎರಡು ವರ್ಷಗಳಲ್ಲಿ ದೇಶದಲ್ಲಿ ನಡೆದ ಪ್ರಮುಖ ರೈತ ಚಳವಳಿಗಳು, ಆ ಚಳವಳಿಗಳಲ್ಲಿ ಮೃತರಾದ ರೈತರ ಕುರಿತಾದ ದಾಖಲೆಗಳು ಪ್ರಕಟಿತ ಸರಕಾರಿ ದತ್ತಾಂಶದಲ್ಲಿ ಸ್ಥಾನ ಪಡೆದಿಲ್ಲ ಅದೇನಿದ್ದರೂ 2016ರಲ್ಲಿ ದೇಶದಲ್ಲಿ ಸಂಭವಿಸಿದ ರೈತರ ಆತ್ಮಹತ್ಯೆಗಳ ಸಂಖ್ಯೆಯನ್ನು ಈ ವರ್ಷದ ಆದಿಯಲ್ಲಿ ಸಂಸತ್ತಿನಲ್ಲಿ ಉಲ್ಲೇಖಿಸಲಾಯಿತು. ಬಜೆಟ್ ಅಧಿವೇಶನದ ವೇಳೆ 2016ರಲ್ಲಿ ಸಂಭವಿಸಿದ ರೈತರ ಆತ್ಮಹತ್ಯೆಗಳ ಕುರಿತಂತೆ ಒಂದು ಪ್ರಾಥಮಿಕ ವರದಿಯನ್ನು ಸಂಸತ್ತಿನಲ್ಲಿ ಗೃಹ ಸಚಿವಾಲಯವು ಮಂಡಿಸಿತು. ಆ ವರದಿಯ ಪ್ರಕಾರ 2016ರಲ್ಲಿ ದೇಶದಲ್ಲಿ 6,351 ಮಂದಿ ರೈತರು ಮತ್ತು 5,019 ಮಂದಿ ಕೃಷಿ ಕಾರ್ಮಿಕರು ಆತ್ಮಹತ್ಯೆ ಮಾಡಿಕೊಂಡಿದ್ದರು. ಆದರೆ ಆ ವರದಿಯಲ್ಲಿ ಆ ಆತ್ಮಹತ್ಯೆಗೆ ಕಾರಣಗಳೇನೆಂಬ ಕುರಿತು ಇರಬೇಕಾಗಿದ್ದ ಒಂದು ಅಧ್ಯಾಯ ಇರಲಿಲ್ಲ. ರೈತರ ಆತ್ಮಹತ್ಯೆ ಸಂಖ್ಯೆಗಳನ್ನು ಇರುವುದಕ್ಕಿಂತ ಕಡಿಮೆ ಎಂದು ವರದಿ ಮಾಡಿದ್ದಕ್ಕಾಗಿ ಈ ಹಿಂದೆ ಎನ್‌ಸಿಆರ್‌ಬಿಯನ್ನು ತರಾಟೆಗೆ ತೆಗೆದುಕೊಳ್ಳಲಾಗಿತ್ತು

ರಾಜ್ಯಗಳ ಸಮಸ್ಯೆ
ಎನ್‌ಸಿಆರ್‌ಬಿಯ ಹೆಸರು ಬಹಿರಂಗಪಡಿಸಲಿಚ್ಛಿಸದ ಓರ್ವ ಹಿರಿಯ ಅಧಿಕಾರಿಯವರ ಪ್ರಕಾರ ಕೆಲವು ರಾಜ್ಯಗಳು ಸಲ್ಲಿಸಿರುವ ರೈತರ ಆತ್ಮಹತ್ಯೆ ಕುರಿತ ದತ್ತಾಂಶಗಳಿಗೆ ಸಂಬಂಧಿಸಿ ಕೆಲವು ಸಮಸ್ಯೆಗಳಿವೆ. ಆದ್ದರಿಂದ ಎನ್‌ಸಿಆರ್‌ಬಿ ರೈತರ ಆತ್ಮಹತ್ಯೆಗೆ ಸಂಬಂಧಿಸಿದ ದತ್ತಾಂಶಗಳನ್ನು ಪ್ರಕಟಿಸುವಲ್ಲಿ ವಿಳಂಬವಾಗಿದೆ. ಆ ಸಮಸ್ಯೆಗಳನ್ನು, ದೋಷಗಳನ್ನು ಸರಿಪಡಿಸಲು ಅದೀಗ ಪ್ರಯತ್ನಿಸುತ್ತಿದೆ. 2016ರಲ್ಲಿ ಪಶ್ಚಿಮ ಬಂಗಾಳ ಮತ್ತು ಬಿಹಾರ ದಂತಹ ಕೆಲವು ರಾಜ್ಯಗಳು ತಮ್ಮ ರಾಜ್ಯದಲ್ಲಿ ರೈತರ ಆತ್ಮಹತ್ಯೆ ಪ್ರಕರಣಗಳು ‘ಸೊನ್ನೆ’ ಎಂದರೆ, ಇನ್ನು ಕೆಲವು ರಾಜ್ಯಗಳಲ್ಲಿ ರೈತರ ಆತ್ಮಹತ್ಯೆಯ ಸಂಖ್ಯೆಗಳು ವಿಪರೀತ ಹೆಚ್ಚು ಅಥವಾ ತೀರಾ ಕಡಿಮೆ. ಎನ್‌ಸಿಆರ್‌ಬಿ ಈಗ ಆ ಸಂಖ್ಯೆಗಳನ್ನು ಪರಿಶೀಲಿಸುವಂತೆ ಸಂಬಂಧಪಟ್ಟ ರಾಜ್ಯಳಿಗೆ ನೋಟಿಸ್‌ಗಳನ್ನು ಕಳುಹಿಸಿದೆ.
ದತ್ತಾಂಶಗಳನ್ನು ಪ್ರಕಟಿಸುವಲ್ಲಿ ಆಗುತ್ತಿರುವ ವಿಳಂಬಕ್ಕೆ ಕಾರಣಗಳೇನು? ಎಂಬ ಪ್ರಶ್ನೆಗೆ ಎನ್‌ಸಿಆರ್‌ಬಿ ನಿರ್ದೇಶಕ ಈಶ ಕುಮಾರ್ ಸ್ಪಷ್ಟವಾದ ಉತ್ತರ ನೀಡಿಲ್ಲ. ದತ್ತಾಂಶಗಳನ್ನು ಈಗಲೇ ಪರೀಕ್ಷಿಸಲಾಗುತ್ತಿದೆ ಮತ್ತು 2016ರ ವರದಿಯನ್ನು ಜೂನ್ ತಿಂಗಳ ಅಂತ್ಯದಲ್ಲಿ ಪ್ರಕಟಿಸಲಾಗುವುದೆಂದು ಅವರು ಹೇಳಿದ್ದಾರೆ.
ಕೃಪೆ: scroll.in

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top