ಜಾಗತೀಕರಣದ ಕಾಲ ಸರಿದಂತೆಯೇ?

ಆಳುವವರು ಮಾಡುತ್ತಿರುವ ಮೋಸದ, ವೈಷಮ್ಯಪೂರಿತ ಪ್ರಚಾರಕ್ಕೆ, ಢೋಂಗಿ ರಾಷ್ಟ್ರವಾದಕ್ಕೆ ಪ್ರಜೆಗಳು ಬಲಿ ಆಗಕೂಡದು. ತಮ್ಮ ಪಾಲಕರು ಈ ದುರುದ್ದೇಶದ ವಾಣಿಜ್ಯ ಯುದ್ಧಗಳನ್ನು ನಿಲ್ಲಿಸಬೇಕೆಂದು ಪರಸ್ಪರ ಅನುಕೂಲವಾಗುವ ರೀತಿಯಲ್ಲಿ ನ್ಯಾಯಯುತವಾದ ವಾಣಿಜ್ಯವನ್ನು ನಿರ್ವಹಿಸಬೇಕೆಂಬ ಡಿಮ್ಯಾಂಡ್ ಮಾಡುತ್ತಾ ವಿವಿಧ ದೇಶಗಳ ಪ್ರಜೆಗಳು ಒತ್ತಡ ತೆಗೆದುಕೊಂಡು ಬರಬೇಕು.

ಕೆಲವು ದಶಕಗಳ ಹಿಂದೆ ಅಮೆರಿಕ ಸಾಮ್ರಾಜ್ಯವಾದ ನಾಯಕತ್ವದಲ್ಲಿನ ಬಂಡವಾಳಶಾಹಿ ಜಗತ್ತು ತೆರಿಗೆಗಳ ಅಡ್ಡಗೋಡೆ ಇಲ್ಲದ ‘ಸ್ವೇಚ್ಛಾ ವಾಣಿಜ್ಯ’ದ ಜಪ ಮಾಡಿತು. ಜಾಗತೀಕರಣ ವಿಧಾನದ ಮೂಲಕ ಜಗತ್ತೆಲ್ಲಾ ಸಂಪತ್ತಿನಲ್ಲಿ ಓಲಾಡುತ್ತಾ ಸಾಮರಸ್ಯದಿಂದ ಜೀವಿಸುತ್ತದೆ ಎಂದು ಡಂಗುರ ಸಾರಿದರು. ಕೆಲ ದಶಕಗಳಿಂದ ಈ ಸರಳೀಕರಣ ಆರ್ಥಿಕ ವಿಧಾನಗಳು ಜಾರಿ ಮಾಡಿದ ನಂತರ ಪ್ರಚಾರಾಡಂಭರಗಳ ಹಿಂದೆ ಇರುವ ವಾಸ್ತವತೆ ಬಹಿರಂಗಗೊಂಡಿತು. ಅಭಿವೃದ್ಧಿ ಹೊಂದಿದ ಬಂಡವಾಳಶಾಹಿ ದೇಶಗಳಲ್ಲಿ ಕೂಡಾ ಆರ್ಥಿಕ ಪ್ರಕ್ಷುಬ್ಧತೆ ಹೆಚ್ಚಾಗಿ ಹೋಗಿ ನಿರುದ್ಯೋಗ ಸಮಸ್ಯೆ ಅತ್ಯಂತ ತೀವ್ರರೂಪ ತಾಳಿತು. ಈ ಹಿನ್ನೆಲೆಯಲ್ಲಿ ಅಮೆರಿಕದೊಂದಿಗೆ ಸಹ ಸಾಮ್ರಾಜ್ಯವಾದಿ ದೇಶಗಳು ಹಿಂದಿರುಗಿ ‘ಆರ್ಥಿಕ ರಾಷ್ಟ್ರೀಯತೆ’ ಹೆಸರಿನಲ್ಲಿ ವಾಣಿಜ್ಯ ತೆರಿಗೆಗಳನ್ನು ವಿಧಿಸುತ್ತಿವೆ.

 ಆಮದುಗಳನ್ನು ನಿಯಂತ್ರಿಸುವುದಕ್ಕೆ ಒಂದು ದೇಶ ಆಮದು ತೆರಿಗೆ ವಿಧಿಸಿದರೆ, ಅದಕ್ಕೆ ಪ್ರತಿಕ್ರಿಯೆಯಾಗಿ ಇತರ ದೇಶಗಳು ಕೂಡಾ ಅಂತಹ ತೆರಿಗೆಗಳನ್ನು ವಿಧಿಸಿದರೆ ಅದನ್ನು ‘ತೆರಿಗೆಗಳ ಯುದ್ಧ’ ಅನ್ನುತ್ತಾರೆ. ಸ್ವಯಂ ವಿಧ್ವಂಸಕರವಾದ ಈ ತೆರಿಗೆ ಯುದ್ಧವನ್ನು ತನ್ನ ಸಾಮ್ರಾಜ್ಯವಾದಿ ಸಹಚರರಿಂದ ಆಮದು ಮಾಡಿಕೊಳ್ಳುವ ಉಕ್ಕಿನ ಮೇಲೆ ಶೇ.25ರಷ್ಟು, ಅಲ್ಯುಮೀನಿಯಂ ಮೇಲೆ ಶೇ.10ರಷ್ಟು ಆಮದು ತೆರಿಗೆಯನ್ನು ವಿಧಿಸುವುದರ ಮೂಲಕ ಅಮೆರಿಕ ಆರಂಭಿಸಿತು. ಚೀನಾ, ದಕ್ಷಿಣ ಕೊರಿಯಾಗಳಿಂದ ಆಮದಾಗುವ ವಾಷಿಂಗ್ ಮೆಷಿನ್‌ಗಳು, ಸೋಲಾರ್ ಪ್ಯಾನೆಲ್‌ಗಳ ಮೇಲೆ ಸಹ ಅಮೆರಿಕ ಅದಕ್ಕೆ ಮುನ್ನವೇ ತೆರಿಗೆಗಳನ್ನು ವಿಧಿಸಿತ್ತು. ಮೆಕ್ಸಿಕೋ, ಕೆನಡಾಗಳ ಕಾರುಗಳ ಮೇಲೆ ಕೂಡಾ ಅಮೆರಿಕ ತೆರಿಗೆಗಳನ್ನು ವಿಧಿಸಿತ್ತು. ಅದೇ ಕ್ರಮದಲ್ಲಿ ಜುಲೈ 6ರಂದು 34 ಬಿಲಿಯನ್ ಡಾಲರ್‌ಗಳ ಚೀನಾ ಉತ್ಪತ್ತಿಗಳ ಮೇಲೆ ಶೇ.25ರಷ್ಟು ತೆರಿಗೆಯನ್ನು ಅಮೆರಿಕ ವಿಧಿಸಿತ್ತು. ಇದಕ್ಕೆ ಪ್ರತೀಕಾರ ಕ್ರಮಗಳನ್ನು ತೆಗೆದುಕೊಳ್ಳುವುದಾಗಿ ಚೀನಾ ತಕ್ಷಣ ಎಚ್ಚರಿಸಿತ್ತು.
ಜೂನ್ 8, 9ರಂದು ನಡೆದ ಜಗತ್ತಿನಲ್ಲಿನ ಅತಿದೊಡ್ಡ ಸಾಮ್ರಾಜ್ಯವಾದಿ ದೇಶಗಳಾದ ಅಮೆರಿಕ, ಇಂಗ್ಲೆಂಡ್, ಜರ್ಮನಿ, ಫ್ರಾನ್ಸ್, ಜಪಾನ್ ಮತ್ತು ಇಟಲಿಗಳ ಜಿ7 ಶಿಖರಾಗ್ರ ಸಮಾವೇಶದಲ್ಲಿ ಆಯಾ ಸಾಮ್ರಾಜ್ಯಶಾಹಿ ಶಕ್ತಿಗಳ ಮಧ್ಯೆ ಇರುವ ವೈರುಧ್ಯಗಳು ಬಹಿರಂಗಗೊಂಡವು. ಕೊನೆಗೆ ಜಿ7, ಜಿ6+1 ಆಗಿ ಬೇರ್ಪಟ್ಟವು. ಕೆನಡಾ 13 ಬಿಲಿಯನ್ ಡಾಲರ್‌ಗಳ ಅಮೆರಿಕ ವಸ್ತುಗಳ ಮೇಲೆ ತೆರಿಗೆಗಳ ವಿಧಿಸಿದರೆ, ಯುರೋಪಿಯನ್ ಯೂನಿಯನ್ 300 ಬಿಲಿಯನ್ ಡಾಲರ್‌ಗಳ ಅಮೆರಿಕ ಕಾರುಗಳ ಮೇಲೆ ತೆರಿಗೆಗಳ ವಿಧಿಸುತ್ತೇವೆ ಎಂದು, ಮೆಕ್ಸಿಕೋ ಅಮೆರಿಕ ವ್ಯವಸಾಯ ಉಪಕರಣಗಳ ಖರೀದಿ ನಿಲ್ಲಿಸುತ್ತೇವೆಂದು ಎಚ್ಚರಿಸಿದವು. ಅಮೆರಿಕ ತೆರಿಗೆ ಹೆಚ್ಚಳಕ್ಕೆ ಪ್ರತಿಯಾಗಿ ಭಾರತ ದೇಶ ಅಮೆರಿಕದಿಂದ ಆಮದು ಮಾಡಿಕೊಳ್ಳುವ 29 ವಸ್ತುಗಳ ಮೇಲೆ ತೆರಿಗೆಗಳ ವಿಧಿಸುತ್ತಿರುವುದಾಗಿ ಪ್ರಕಟಿಸಿತು. ದಾವೋಸ್‌ನಲ್ಲಿ ಜರುಗಿದ ವಿಶ್ವ ಆರ್ಥಿಕ ಸಮಾಖ್ಯ ಸಮಾವೇಶದಲ್ಲಿ ಚೀನಾ, ಇಂಡಿಯಾಗಳು ಅಮೆರಿಕದ ವ್ಯಾಪಾರ ಸಂರಕ್ಷಣಾವಾದ ಕ್ರಮಗಳನ್ನು ವಿರೋಧಿಸಿ ಜಾಗತೀಕರಣ ವಿಧಾನಗಳನ್ನು ಪಾಲಿಸಬೇಕೆಂದು ವಿನಂತಿ ಮಾಡಿದವು.
ಡಿಜಿಟಲ್ ಟೆಕ್ನಾಲಜಿ ಮೂಲಕ ಜಗತ್ತನ್ನು ಅನುಸಂಧಾನ ಮಾಡಬೇಕೆಂಬ ಘೋಷಣೆಗೆ ಕೂಡಾ ಮಾತಾಗುತ್ತಿವೆ. ತಾಂತ್ರಿಕ ಸಂರಕ್ಷಣಾವಾದ ಕ್ರಮಗಳ ಮೂಲಕ ಬಂಡವಾಳಶಾಹಿ ದೇಶಗಳು ಆ ಕ್ಷೇತ್ರದ ಮೇಲೆ ತಂತಮ್ಮ ಆಧಿಪತ್ಯಗಳಿಗೋಸ್ಕರ ಪ್ರಯತ್ನಿಸುತ್ತಿವೆ. ಆ ವಾಣಿಜ್ಯ ಯುದ್ಧಗಳು ತೆರಿಗೆ ಯುದ್ಧಗಳ ಮೂಲಕ ದರಗಳ ಹೆಚ್ಚಳ, ನಿರುದ್ಯೋಗ ಸಮಸ್ಯೆ ಮತ್ತಷ್ಟು ಹೆಚ್ಚಿ ಸಾಮಾನ್ಯ ಪ್ರಜೆಗಳ ಬದುಕುಗಳು ಮತ್ತಷ್ಟು ಪತನಗೊಳ್ಳುತ್ತಿವೆ.
ಟ್ರಂಪ್ ಮೊದಲಿಟ್ಟ ತೆರಿಗೆ ಯುದ್ಧಗಳಿಂದ ವಿಶ್ವ ಆರ್ಥಿಕ ವ್ಯವಸ್ಥೆಗೆ 430 ಬಿಲಿಯನ್ ಡಾಲರ್‌ಗಳ ನಷ್ಟ ಆಗುತ್ತಿದೆ ಎಂದು ಐಎಂಎಫ್ ಇತ್ತೀಚೆಗೆ ಎಚ್ಚರಿಸಿತ್ತು. ಇವೆಲ್ಲವನ್ನು ಗಮನಿಸುತ್ತಿರುವವರಿಗೆ ಈ ಬಂಡವಾಳಶಾಹಿ ಸಾಮ್ರಾಜ್ಯವಾದ ದೇಶಗಳ ಪ್ರಪಂಚಕ್ಕೆ ಏನಾಗಿದೆ ಎಂದು ಸಂದೇಹ ಬರುತ್ತದೆ. ತನ್ನ ಅಧ್ವರ್ಯದಲ್ಲಿ ಮುಂದಕ್ಕೆ ತೆಗೆದುಕೊಂಡು ಬಂದ ಸರಳೀಕರಣ, ಜಾಗತೀಕರಣ ವಿಧಾನಗಳನ್ನು ತ್ಯಜಿಸಿ ಅಮೆರಿಕ ಸಂರಕ್ಷಣಾ ವಾದವನ್ನು ಅನುಸರಿಸುತ್ತದೆ. ಉಳಿದ ದೇಶಗಳು ಅದನ್ನು ವಿರೋಧಿಸುತ್ತಿವೆ. ಇದಕ್ಕೆ ಅಮೆರಿಕ ಸಮೇತ ಎಲ್ಲ ಸಾಮ್ರಾಜ್ಯವಾದ ಬಂಡವಾಳಶಾಹಿ ದೇಶಗಳು ದಾಟಲಾರದಷ್ಟು ತೀವ್ರವಾದ ಪ್ರಕ್ಷಬ್ಧತೆಯ ಸುಳಿಯಲ್ಲಿ ಸಿಲುಕಿಕೊಂಡಿರುವುದು. ಈ ಪ್ರಕ್ಷಬ್ಧತೆಯಿಂದ ಹೊರಬೀಳುವುದಕ್ಕೆ ಬಂಡವಾಳಶಾಹಿ ಸಾಮ್ರಾಜ್ಯವಾದ ಶಕ್ತಿಗಳು ಎರಡು ಸಲ ವಿಶ್ವ ಯುದ್ಧಗಳನ್ನು ಮಾಡಿದವು. ಆದರೆ ಅವರ ಇಚ್ಛೆಗೆ ವಿರುದ್ಧವಾಗಿ ಎರಡನೇ ವಿಶ್ವಯುದ್ಧ ನಂತರ ಮೂರನೇ ಯುದ್ಧಕ್ಕೆ ಅವಕಾಶವಾಗದೆ ಜಗತ್ತು ಅವರ ಕಬಂಧಬಾಹುಗಳಿಂದ ಹೊರಬಿದ್ದು ಸೋಷಲಿಸ್ಟ್ ಶಿಬಿರವಾಗಿ ಬದಲಾಗುತ್ತಿದೆ.
ಕಾರ್ಲ್ ಮಾರ್ಕ್ಸ್ ಬಂಡವಾಳಶಾಹಿ ವಿಧಾನದಲ್ಲಿ ಶ್ರಮ ಅನಿವಾರ್ಯವಾಗಿ ಹೆಚ್ಚುವರಿ ಬೆಲೆಯನ್ನು ಸೃಷ್ಟಿಸುತ್ತದೆ ಎಂದು ಹೇಳಿದ್ದಾರೆ. ಉತ್ಪತ್ತಿಯಲ್ಲಿ ಶ್ರಮಿಕ ವಿನಿಯೋಗಿಸುವ ಶ್ರಮ ಶಕ್ತಿ ಎಲ್ಲಕ್ಕೂ ಬಂಡವಾಳಗಾರ ಸಂಬಳ ಕೊಡುವುದಿಲ್ಲ. ಅದರಲ್ಲಿ ಸ್ವಲ್ಪ ಭಾಗವನ್ನು ಮಾತ್ರವೇ ಕೊಡುತ್ತಾರೆ. ಇದು ತುಂಬಾ ವಿಷಯಗಳನ್ನು ಸ್ಪಷ್ಟಪಡಿಸುತ್ತದೆ. ಒಂದು- ತನ್ನ ಶ್ರಮ ಶಕ್ತಿ ಮೂಲಕ ಬಂಡವಾಳಗಳನ್ನು ಸೃಷ್ಟಿಸುವುದು ಶ್ರಮಿಕನಾಗಲೀ, ಬಂಡವಾಳಗಾರನಾಗಲೀ ಅಲ್ಲ. ಎರಡು- ಬಂಡವಾಳಗಾರ ಅನ್ಯಾಯವಾಗಿ ಸೆಳೆದುಕೊಂಡ ಈ ಹೆಚ್ಚುವರಿ ಬೆಲೆ, ಲಾಭವಾಗಿ ಬದಲಾಗಿ ಬಂಡವಾಳವಾಗಿ ರಾಶಿಯಾಗುತ್ತದೆ. ಮೂರು- ಬಂಡವಾಳಶಾಹಿ ಮಾರುಕಟ್ಟೆಯಲ್ಲಿ ಮೆಜಾರಿಟಿ ಖರೀದಿದಾರರಾದ ಶ್ರಮಿಕರು ತಮಗೆ ನ್ಯಾಯವಾಗಿ ಬರಬೇಕಾದ ಸಂಬಳವನ್ನು ಪಡೆಯರು. ತಾವು ಬದುಕುವುದಕ್ಕೆ, ಕನಿಷ್ಠ ಅಗತ್ಯಗಳನ್ನು ತೀರಿಸಿಕೊಳ್ಳುವುದಕ್ಕೆ ಸಾಕಾಗುವಷ್ಟನ್ನು ಮಾತ್ರವೇ ಸಂಬಳವಾಗಿ ಪಡೆಯುವ ಕಾರ್ಮಿಕರು ತಮಗೆ ಅಗತ್ಯವಾದ, ತಾವು ಬಯಸುವ ವಸ್ತುಗಳನ್ನು ಕೊಳ್ಳಲಾರರು. ಇದು ಮಾರ್ಕೆಟ್ ಕಲ್ಲೋಲಕ್ಕೆ ದಾರಿ ತೆರೆಯುತ್ತದೆ. ಇದೇ ಬಂಡವಾಳಶಾಹಿ ವಿಧಾನ ಸೃಷ್ಟಿಸಿದ ಮಾರ್ಕೆಟ್ ಪ್ರಕ್ಷುಬ್ಧತೆ. ಬಂಡವಾಳಶಾಹಿ ಪದ್ಧತಿಯಲ್ಲಿ ಈ ಮಹಾಮಾರಿ ಬರುಬರುತ್ತಾ ಮತ್ತಷ್ಟು ತೀವ್ರರೂಪ ತಳೆಯುತ್ತದೆ.
ಪ್ರಕ್ಷುಬ್ಧತೆಯಲ್ಲಿ ಹೂತು ಹೋದ ಆರ್ಥಿಕ ವ್ಯವಸ್ಥೆಯನ್ನು ಕೃತಕವಾಗಿ ಉತ್ತೇಜಿತಗೊಳಿಸುವುದಕ್ಕೆ ಬಂಡವಾಳಶಾಹಿ ಸಾಮ್ರಾಜ್ಯವಾದಿಗಳು ಆರ್ಥಿಕ ಸೈನಿಕೀಕರಣಕ್ಕೆ ಮುಂದಾಗಿದ್ದಾರೆ. ಗುತ್ತಿಗೆ ಬಂಡವಾಳಶಾಹಿಗಳು, ಆಯುಧ ವ್ಯಾಪಾರಿಗಳು ಯುದ್ಧೋಪಕರಣಗಳನ್ನು, ಆಯುಧಗಳನ್ನು ತಯಾರು ಮಾಡುತ್ತಿದ್ದರೆ ಅದನ್ನು ಪ್ರಜಾಧನದಿಂದ ಸರಕಾರವೇ ಕೊಳ್ಳುತ್ತಿದೆ. ಆ ವಿಧವಾಗಿ ಬಂಡವಾಳಗಾರರಿಗೆ ಮಾರ್ಕೆಟನ್ನು ಸರಕಾರವೇ ಸೃಷ್ಟಿಸುತ್ತದೆ. ಸ್ವಾತಂತ್ರ, ಪ್ರಜಾಪ್ರಭುತ್ವಗಳ ರಕ್ಷಕರೆಂದು ಸೋಗು ಹಾಕುವ ಅಮೆರಿಕ ಪಾಲಕರು ತಮ್ಮ ಸೈನಿಕ ಔದ್ಯಮಿಕ ಕೂಟಕ್ಕೆ ಮಾರ್ಕೆಟನ್ನು ಸೃಷ್ಟಿಸುವುದಕ್ಕೆ, ತನ್ಮೂಲಕ ತಮ್ಮ ಪ್ರಕ್ಷುಬ್ಧ ಆರ್ಥಿಕ ವ್ಯವಸ್ಥೆಗೆ ಕೃತ್ರಿಮ ಶ್ವಾಸವನ್ನು ಒದಗಿಸುವುದಕ್ಕೆ ಅಸಂಖ್ಯಾತವಾದ ಯುದ್ಧಗಳು, ಆಕ್ರಮಣಗಳನ್ನು ಮಾಡುತ್ತಾ ವಿಶ್ವಾದ್ಯಂತ ಮಾರಣ ಹೋಮವನ್ನು ಸೃಷ್ಟಿಸುತ್ತಿದ್ದಾರೆ. ಮಾರುಕಟ್ಟೆ ಕಲ್ಲೋಲವನ್ನು ನಿವಾರಿಸುವುದಕ್ಕೆ ಪ್ರಚಾರಾಡಂಭರದೊಂದಿಗೆ ತೆಗೆದುಕೊಂಡು ಬಂದ ‘ಜಾಗತೀಕರಣ’ ಕಲ್ಲೋಲವನ್ನು ಮತ್ತಷ್ಟು ತೀವ್ರಗೊಳಿಸಿದೆ.
ಬಂಡವಾಳಶಾಹಿ ಪ್ರಕ್ಷುಬ್ಧತೆಯನ್ನು ನಿವಾರಿಸುವುದಕ್ಕೆ, ಸೋಷಲಿಸ್ಟ್ ಶಿಬಿರ ಇಲ್ಲದ ಜಗತ್ತಿನಲ್ಲಿ ಜಾಗತಿಕ ಮಾರ್ಕೆಟ್ ವಿಧಾನವನ್ನು ತೆಗೆದುಕೊಂಡು ಬರಬೇಕೆಂದು ಬಂಡವಾಳಶಾಹಿ ಸಾಮ್ರಾಜ್ಯವಾದಿಗಳು ಕನಸು ಕಂಡರು. ಈ ಉದ್ದೇಶದಿಂದ 1990ರಲ್ಲಿ ಜಾಗತೀಕರಣ ವಿಧಾನಗಳನ್ನು ತಂದು ಸಾಮ್ರಾಜ್ಯವಾದಿಗಳ ಅಧೀನದಲ್ಲಿ ಐಎಂಎಫ್ ಮೂಲಕ ಅವುಗಳ ಪ್ರಾಥಮಿಕ ಅಂಶಗಳನ್ನು ವಿವರಿಸಿದರು. 1947ರಲ್ಲಿ ಏರ್ಪಟ್ಟ ಜನರಲ್ ಅಗ್ರಿಮೆಂಟ್ ಆನ್ ಟಾರಿಫ್ಸ್ ಆ್ಯಂಡ್ ಟ್ರೇಡ್ (ಗ್ಯಾಟ್)ನ ಪುನರುದ್ಧರಿಸಿ 1995ರಲ್ಲಿ ಡಬ್ಲೂಟಿಒ ಆಗಿ ಬದಲಿಸುವುದು, ಗಾಟ್‌ನ್ನು ಜಾರಿಗೆ ತೆಗೆದುಕೊಂಡು ಬರುವುದರ ಮೂಲಕ ಜಾಗತಿಕ ಮಾರ್ಕೆಟನ್ನು ನಿರಾತಂಕವಾಗಿ ದೋಚಿಕೊಳ್ಳುವುದಕ್ಕೆ ಕಾನೂನುರೀತ್ಯಾ ಅನುಮತಿಯನ್ನು ರೂಢಿ ಮಾಡಿಕೊಂಡರು.
ಆದರೆ ಇವ್ಯಾವೂ ಬಂಡವಾಳಶಾಹಿ ಕಲ್ಲೋಲವನ್ನು ನಿವಾರಿಸಲಾರದೇ ಹೋದವು. ತೀವ್ರವಾದ ಪ್ರಕ್ಷುಬ್ಧತೆಯಿಂದ ಸಾಮ್ರಾಜ್ಯವಾದ ಜಗತ್ತು ಕಂಪಿಸುತ್ತದೆ. ಸಾಮ್ರಾಜ್ಯವಾದಿಗಳು ಏರ್ಪಡಿಸಿಕೊಂಡ ಕೂಟಗಳೆಲ್ಲಾ ಸೀಳಿ ಹೋಗುತ್ತಿವೆ. ಜಾಗತೀಕರಣದ ಮುಸುಕಿನಲ್ಲಿ ಜರುಗುತ್ತಿರುವ ಲೂಟಿಗೆ ವಿರುದ್ಧವಾಗಿ ಪ್ರಜೆಗಳು ಪ್ರತಿಭಟಿಸುತ್ತಿದ್ದಾರೆ. ಜಾಗತೀಕರಣ ವಿಧಾನಗಳು, ಪ್ರಜೆಗಳನ್ನು ಮರುಳುಗೊಳಿಸಿ ತಮ್ಮ ಲೂಟಿಯನ್ನು ಮುಂದುವರಿಸುವುದಕ್ಕೆ ಬಂಡವಾಳಶಾಹಿಗಳು ಹೆಣೆದ ಕುತಂತ್ರವೇ ಕಾರಣ ಎಂಬ ವಿಷಯ ಪ್ರಜೆಗಳಿಗೆ ಸ್ಪಷ್ಟವಾಗಿ ತಿಳಿದು ಹೋಗಿದೆ. ಪರಿಣಾಮವಾಗಿ ವಿಶ್ವಾದ್ಯಂತ ಪ್ರಜೆಗಳಲ್ಲಿ ಸಿಟ್ಟು, ಆವೇಶ, ಪ್ರತಿಭಟನೆಗಳು ಹೆಚ್ಚಾಗಿ ಹೋಗಿವೆ. ‘ನಾವು ಶೇ.99ರಷ್ಟು, ನೀವು ಶೇ.1ರಷ್ಟು’ ಎಂಬ ಘೋಷಣೆಯೊಂದಿಗೆ ಅಮೆರಿಕದಲ್ಲಿ ಸ್ಫೋಟಿಸಿದ ‘ವಾಲ್‌ಸ್ಟ್ರೀಟ್ ಆಕ್ರಮಿಸಿಕೊಳ್ಳಿ’ ಆಂದೋಲನ, ಮಧ್ಯಪ್ರಾಚ್ಯದಲ್ಲಿ ಮುಗಿಲೆತ್ತರ ಹಾರಿ ಬಿದ್ದ ‘ಅರಬ್ ಸ್ಟ್ರಿಂಗ್’ ಆಂದೋಲನ, ಇತ್ತೀಚೆಗೆ ಫ್ರಾನ್ಸ್‌ನಲ್ಲಿ ಲಕ್ಷಾಂತರ ಪಬ್ಲಿಕ್ ಸೆಕ್ಟರ್ ಕಾರ್ಮಿಕರು ಪ್ರಜಾ ಸೇವೆಗಳ ಖಾಸಗೀಕರಣಕ್ಕೆ ವಿರುದ್ಧವಾಗಿ ಪ್ರತಿಭಟಿಸಿದ್ದು ವಿಶ್ವಾದ್ಯಂತ ಜನಾಕ್ರೋಶವನ್ನು ಪ್ರತಿಬಿಂಬಿಸಿದವು. ಈ ಹಿನ್ನೆಲೆಯಲ್ಲಿ ಪ್ರಸ್ತುತ ‘ತೆರಿಗೆ ಯುದ್ಧ’ವನ್ನು ಅರ್ಥ ಮಾಡಿಕೊಳ್ಳಬೇಕಾಗಿರುತ್ತದೆ. ಈ ‘ತೆರಿಗೆ ಯುದ್ಧ’ ತಪ್ಪು ದಾರಿ ಹಿಡಿದ ಅಧ್ಯಕ್ಷ ಮಾಡುತ್ತಿರುವ ಕೆಲಸವಲ್ಲ. ಟ್ರಂಪ್ ಆ ‘ಅಗತ್ಯ’ವನ್ನು ತನ್ನ ಸ್ವಂತ ವಿಧಾನದಲ್ಲಿ ಜಾರಿ ಮಾಡುತ್ತಿದ್ದಾರೆ. ಚೀನಾ, ಇಂಡಿಯಾದೊಂದಿಗೆ ಇತರ ಬಂಡವಾಳಶಾಹಿ ಸಾಮ್ರಾಜ್ಯವಾದ ದೇಶಗಳ ಪ್ರತಿಕ್ರಿಯೆಯನ್ನು ಕೂಡಾ ಇದೇ ಹಿನ್ನೆಲೆಯಲ್ಲಿ ನೋಡಬೇಕಾಗಿರುತ್ತದೆ.
ಸ್ವೇಚ್ಛಾ ವಾಣಿಜ್ಯದಲ್ಲಾದರೂ, ರಕ್ಷಣಾತ್ಮಕ ವಿಧಾನಗಳಲ್ಲಾದರೂ ಜನರ ಹಿತಾಸಕ್ತಿ ಕಿಂಚಿತ್ತೂ ಇಲ್ಲ. ಸ್ವೇಚ್ಛಾ ವಾಣಿಜ್ಯವಾದರೂ, ರಕ್ಷಣಾತ್ಮಕ ವಿಧಾನವಾದರೂ ಅವು ಪ್ರಜೆಗಳನ್ನು ಲೂಟಿ ಹೊಡೆಯುವುದಕ್ಕೆ ಆಳುವವರು ಹೆಣೆದ ಕುತಂತ್ರಗಳೇ ಎಂಬ ವಿಷಯ ಸ್ಪಷ್ಟ.
ಸ್ವಲ್ಪ ಕಾಲದ ಹಿಂದಿನವರೆಗೂ ಜಾಗತೀಕರಣದ ಮಂತ್ರ ಜಪಿಸಿದ ಅಮೆರಿಕ ನಿಜಕ್ಕೂ ಸ್ವೇಚ್ಛಾ ವಾಣಿಜ್ಯವನ್ನು ನಿರ್ವಹಿಸಿತಾ? ಇಲ್ಲ. ಸ್ವೇಚ್ಛಾ ವಾಣಿಜ್ಯವನ್ನು ಪ್ರಚಾರ ಮಾಡಿದ ಅಮೆರಿಕದ ಅಧ್ಯಕ್ಷ ರೊನಾಲ್ಡ್ ರೇಗನ್ ಸರಕಾರ ಜಪಾನ್‌ನಿಂದ ಆಮದಾಗುವ ಮೋಟಾರ್ ವಾಹನಗಳ ಮೇಲೆ ನಿರ್ಬಂಧ ವಿಧಿಸಿತು. ಮತ್ತೊಬ್ಬ ಸ್ವೇಚ್ಛಾ ವಾಣಿಜ್ಯ ಪ್ರಚಾರಕನಾದ ಜಾರ್ಜ್ ಬುಷ್ ಸರಕಾರ ಸ್ಟೀಲ್ ಆಮದುಗಳ ಮೇಲೆ ತೆರಿಗೆ ವಿಧಿಸಿತು. ಇತ್ತೀಚಿನ ಅಧ್ಯಕ್ಷ ಚುನಾವಣೆಯಲ್ಲಿ ಸ್ಪರ್ಧಿಸಿದ ಟ್ರಂಪ್, ಹಿಲರಿ ಕ್ಲಿಂಟನ್ ಸಹಾ ಬಹುಮುಖಿ ವಾಣಿಜ್ಯ ಒಪ್ಪಂದಗಳನ್ನು ವಿರೋಧಿಸಿದರು.
ಅಸಲಿ ವಿಷಯ ಏನೆಂದರೆ, ಒಂದೊಮ್ಮೆ ಬಲಿಷ್ಠವಾಗಿದ್ದ ಅಮೆರಿಕ ಆರ್ಥಿಕ ವ್ಯವಸ್ಥೆ ಅನೇಕ ದಶಕಗಳಿಂದ ಜಾರಿಯಲ್ಲಿರುವ ಜಾಗತೀಕರಣ ವಿಧಾನಗಳ ಜಾರಿ ಕ್ರಮದಲ್ಲಿ ಹಿಮ್ಮುಖವಾಗಿ ಪಯಣಿಸುತ್ತಾ ಮಾಂದ್ಯದಲ್ಲಿ ಹೂತು ಹೋಗಿದೆ. ಅಮೆರಿಕ ಆಡಳಿತ ವರ್ಗವನ್ನು ಪ್ರಕ್ಷುಬ್ಧತೆಯಿಂದ, ಜನಾಕ್ರೋಶದಿಂದ ಕಾಪಾಡುವುದಕ್ಕೆ, ಆ ದೇಶದ ಬಂಡವಾಳಶಾಹಿ ಸಾಮ್ರಾಜ್ಯವಾದದ ಸಮಷ್ಟಿ ಹಿತಾಸಕ್ತಿಯನ್ನು ಕಾಪಾಡುವುದಕ್ಕೆ ಟ್ರಂಪ್ ಅಧ್ಯಕ್ಷನಾಗಿದ್ದಾರೆೆ. ಬಂಡವಾಳಶಾಹಿ ಯಿಂದ ಕ್ರೂರವಾಗಿ ಲೂಟಿ ಮಾಡಲ್ಪಡುತ್ತಿರುವ ಅಮೆರಿಕ ಪ್ರಜೆಗಳ ಆಕ್ರೋಶವನ್ನು ಆಸರೆಯಾಗಿ ಮಾಡಿಕೊಂಡು ‘ಅಮೆರಿಕವೇ ಮೊದಲು’, ‘ವಲಸೆಯನ್ನು ತಡೆಯುತ್ತೇನೆ’ ಎಂಬ ಘೋಷಣೆಯೊಂದಿಗೆ ಟ್ರಂಪ್ ಅಧಿಕಾರ ಪೀಠವನ್ನು ಏರಿದರು.
ಶ್ರಮಿಕರನ್ನು ಅಗ್ಗವಾಗಿ ಪಡೆಯುವುದಕ್ಕೆ ಒಂದೊಮ್ಮೆ ಅಮೆರಿಕ ಸಾಮ್ರಾಜ್ಯವಾದವೇ ವಲಸೆಗಳನ್ನು ಪ್ರೋತ್ಸಾಹಿಸಿತು. ಪ್ರಸ್ತುತ ಮಾರ್ಕೆಟ್ ಪ್ರಕ್ಷುಬ್ಧತೆಯಿಂದ ನಿರುದ್ಯೋಗ ತೀವ್ರರೂಪ ತಾಳಿದ ಸ್ಥಿತಿಯಲ್ಲಿ ನಿರುದ್ಯೋಗ ಸಮಸ್ಯೆಗೆ ಕಾರಣ ವಲಸೆ ಎಂದು ಹೇಳುತ್ತಾ ಅಮಾನವೀಯ ವಲಸೆ ವಿರೋಧಿ ಕ್ರಮಗಳನ್ನು ಕೈಗೊಳ್ಳುತ್ತಿದ್ದಾರೆ ಅಮೆರಿಕ ಸಾಮ್ರಾಜ್ಯವಾದಿಗಳು. ಆಳುವವರು ಮಾಡುತ್ತಿರುವ ಮೋಸದ, ವೈಷಮ್ಯಪೂರಿತ ಪ್ರಚಾರಕ್ಕೆ, ಢೋಂಗಿ ರಾಷ್ಟ್ರವಾದಕ್ಕೆ ಪ್ರಜೆಗಳು ಬಲಿ ಆಗಕೂಡದು. ತಮ್ಮ ಪಾಲಕರು ಈ ದುರುದ್ದೇಶದ ವಾಣಿಜ್ಯ ಯುದ್ಧಗಳನ್ನು ನಿಲ್ಲಿಸಬೇಕೆಂದು ಪರಸ್ಪರ ಅನುಕೂಲವಾಗುವ ರೀತಿಯಲ್ಲಿ ನ್ಯಾಯಯುತವಾದ ವಾಣಿಜ್ಯವನ್ನು ನಿರ್ವಹಿಸಬೇಕೆಂಬ ಡಿಮ್ಯಾಂಡ್ ಮಾಡುತ್ತಾ ವಿವಿಧ ದೇಶಗಳ ಪ್ರಜೆಗಳು ಒತ್ತಡ ತೆಗೆದುಕೊಂಡು ಬರಬೇಕು.
ಕೃಪೆ: ಆಂಧ್ರಜ್ಯೋತಿ

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top