ಇನ್ನೆರಡು ವರ್ಷಗಳಲ್ಲಿ ಭಾರತದ ರಾಜಧಾನಿಯಲ್ಲಿ ಮುಸ್ಲಿಮರಿಗೆ ದಫನ ಮಾಡಲು ಜಾಗವಿಲ್ಲ!

ಹೊಸದಿಲ್ಲಿಯಲ್ಲಿ ತಮ್ಮವರ ಸಾವಿಗೆ ರೋದಿಸುವ ಜೊತೆಗೆ ಮೃತದೇಹವನ್ನು ದಫನ ಮಾಡಲು ಜಾಗಕ್ಕಾಗಿ ಹುಡುಕಾಡುವ ಸಂಕಷ್ಟಕ್ಕೂ ಸಂಬಂಧಿಕರು ಒಳಗಾಗಬೇಕಾಗುತ್ತದೆ.
ಸದ್ಯ ಪರಿಸ್ಥಿತಿ ಹದಗೆಟ್ಟುತ್ತಿರುವುದರಿಂದ ಹೊಸದಿಲ್ಲಿಯ 113 ಖಬರ್‌ಸ್ಥಾನಗಳಲ್ಲಿ ಜಾಗದ ಕೊರತೆ ಮುಸ್ಲಿಮರನ್ನು ಬಹಳವಾಗಿ ಕಾಡುತ್ತಿದೆ.

ದಿಲ್ಲಿ ಅಲ್ಪಸಂಖ್ಯಾತ ಆಯೋಗದ ಮನವಿಯಂತೆ ಸರಕಾರೇತರ ಸಂಸ್ಥೆಗಳಾದ ಮಾನವ ಅಭಿವೃದ್ಧಿ ಸಮಾಜ ಮತ್ತು ಉಲ್ಹಾಸ ನಡೆಸಿದ ಅಧ್ಯಯನದ ಪ್ರಕಾರ, ದಿಲ್ಲಿಯ ಜನಸಂಖ್ಯೆಯ ಶೇ.13ರಷ್ಟಿರುವ ಮುಸ್ಲಿಮರಿಗೆ ಮುಂದಿನ ಎರಡು ವರ್ಷಗಳಲ್ಲಿ ದಫನ ಮಾಡಲು ಜಾಗವೇ ಇಲ್ಲದಂತಾಗಲಿದೆ. ಅಲ್ ಅರಬಿಯ ಇಂಗ್ಲಿಷ್ ಜೊತೆ ಮಾತನಾಡಿದ ದಿಲ್ಲಿ ಅಲ್ಪಸಂಖ್ಯಾತ ಆಯೋಗದ ಮುಖ್ಯಸ್ಥ ಝಫರುಲ್ ಇಸ್ಲಾಂ ಖಾನ್ ಹೀಗೆನ್ನುತ್ತಾರೆ: ‘‘ಖಬರ್‌ಸ್ಥಾನಗಳಲ್ಲಿ ಜಾಗದ ಕೊರತೆ, ಅತಿಕ್ರಮಣ ಮತ್ತು ಅಕ್ರಮ ಸ್ವಾಧೀನಪಡಿಸಿಕೊಂಡಿರುವ ಬಗ್ಗೆ ಆಗಾಗ ದೂರುಗಳು ಬರುತ್ತಲೇ ಇವೆ.’’
ಈ ಸಮಸ್ಯೆಗಳು ಎಷ್ಟು ನಿಜವಾಗಿವೆ ಎಂಬುದನ್ನು ತಿಳಿಯುವ ಉದ್ದೇಶದಿಂದ ನಡೆಸಲಾದ ಅಧ್ಯಯನದ ವರದಿ ಸಾಮಾನ್ಯ ತಿಳುವಳಿಕೆಗಿಂತ ಹೆಚ್ಚಿನ ಆಘಾತಕಾರಿ ಅಂಶಗಳನ್ನು ತೆರೆದಿಟ್ಟಿದೆ. ಸ್ಥಳಕ್ಕೆ ತೆರಳಿ ನಡೆಸಲಾದ ಅಧ್ಯಯನದಲ್ಲಿ ತಿಳಿಸಿರುವಂತೆ, ದಿಲ್ಲಿಯ ಬಹುತೇಕ ಖಬರ್‌ಸ್ಥಾನಗಳು ಅಕ್ರಮ ಸ್ವಾಧೀನಪಡಿಸಿಕೊಳ್ಳುವಿಕೆಯ ಕಾರಣ ಮಾಯವಾಗುತ್ತಿವೆ.
ಅಲ್ ಅರಬಿಯಕ್ಕೆ ಸಿಕ್ಕಿರುವ ಅಧ್ಯಯನದ ಪ್ರತಿಯಲ್ಲಿ ಉಲ್ಲೇಖಿಸಿರುವಂತೆ, ನಗರದ ಮುಸ್ಲಿಂ ಜನಸಂಖ್ಯೆ ವೃದ್ಧಿಸಿದ್ದರೂ ಇತ್ತೀಚಿನ ವರ್ಷಗಳಲ್ಲಿ ಕೆಲವೇ ಖಬರ್‌ಸ್ಥಾನಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಇವುಗಳಲ್ಲಿ ಕೇವಲ ಐದು ಖಬರ್‌ಸ್ಥಾನಗಳು ಮಾತ್ರ ಹತ್ತು ವರ್ಷಗಳಿಗಿಂತ ಕಡಿಮೆ ವಯಸ್ಸಿನದ್ದಾಗಿವೆ. ನಗರದಲ್ಲಿ ಖಬರ್‌ಸ್ಥಾನಗಳ ಅತಿಕ್ರಮಣ ಒಂದು ಸವಾಲಿನ ವಿಷಯವಾಗಿದ್ದು ದಿಲ್ಲಿ ವಕ್ಫ್ ಮಂಡಳಿ ತನ್ನ ಜಾಲತಾಣದಲ್ಲಿ ಪಟ್ಟಿ ಮಾಡಿರುವ 624 ಖಬರ್‌ಸ್ಥಾನಗಳಲ್ಲಿ ಬಹುತೇಕವು ಕಣ್ಮರೆಯಾಗಿವೆ.
ವರ್ಷದಲ್ಲಿ ಮುಸ್ಲಿಂ ಸಮುದಾಯದಲ್ಲಿ ಸರಾಸರಿ ಮರಣಗಳ ಸಂಖ್ಯೆ 13,000 ಎಂದು ಅಂದಾಜಿಸಿ ಸದ್ಯ ಖಬರ್‌ಸ್ಥಾನಗಳಲ್ಲಿ ದಫನ ಮಾಡಲು ಲಭ್ಯವಿರುವ ಜಾಗ (29,370 ಮೃತದೇಹಗಳು)ದ ಜೊತೆ ಲೆಕ್ಕ ಹಾಕಿದರೆ ಮುಂದಿನ ಎರಡು ಮೂರು ವರ್ಷಗಳಲ್ಲಿ ಖಬರ್‌ಸ್ಥಾನಗಳಲ್ಲಿ ಹೆಣ ಹೂಳಲು ಜಾಗವೇ ಇಲ್ಲವಾಗುತ್ತದೆ.
ಪತ್ರಕರ್ತರೂ ಆಗಿರುವ ಝಫರುಲ್ ಇಸ್ಲಾಂ ಖಾನ್ ಹೇಳುವಂತೆ, ‘‘ಅಧ್ಯಯನದ ಪ್ರಕಾರ ದಿಲ್ಲಿಯ 704 ಖಬರ್‌ಸ್ಥಾನಗಳ ಪೈಕಿ ಇಂದು ಕೇವಲ 131 ಮಾತ್ರ ಉಳಿದಿದ್ದು ಅದರಲ್ಲೂ 16 ವ್ಯಾಜ್ಯದಲ್ಲಿದೆ. ಹಾಗಾಗಿ ಈ 16 ಖಬರ್‌ಸ್ಥಾನಗಳಲ್ಲಿ ಮೃತದೇಹಗಳನ್ನು ದಫನ ಮಾಡಲಾಗುತ್ತಿಲ್ಲ. ಹಲವು ವರ್ಷಗಳಿಂದ ಅನೇಕ ಮಂದಿ ಮತ್ತು ಸರಕಾರಿ ಇಲಾಖೆಗಳು ಖಬರ್‌ಸ್ಥಾನದ ಜಾಗವನ್ನು ಅತಿಕ್ರಮಿಸಿಕೊಂಡಿವೆ. ಹೀಗೆ ಅತಿಕ್ರಮಣ ಮಾಡಿರುವವರಲ್ಲಿ ಮುಸ್ಲಿಂ ವ್ಯಕ್ತಿಗಳು ಮತ್ತು ಸಂಸ್ಥೆಗಳೇ ಹೆಚ್ಚಾಗಿವೆ.’’
ಈ ಸಮಸ್ಯೆಯನ್ನು ಬಗೆಹರಿಸಲು ದಿಲ್ಲಿ ಅಲ್ಪಸಂಖ್ಯಾತ ಆಯೋಗ ಯಾವ ಕ್ರಮಗಳನ್ನು ತೆಗೆದುಕೊಂಡಿದೆ ಎಂದು ಕೇಳಿದಾಗ, ‘‘ಡಿಎಂಸಿ ಈ ವಿಷಯವನ್ನು ಸಾರ್ವಜನಿಕರ ಅವಗಾಹನೆಗೆ ತಂದಿದೆ. ಖಬರ್‌ಸ್ಥಾನದ ಜಾಗದಿಂದ ಅತ್ರಿಮಣಕಾರರು ಮತ್ತು ಸ್ವಾಧೀನಪಡಿಸಿಕೊಂಡವರನ್ನು ತೆರವುಗೊಳಿಸುವಂತೆ ಮತ್ತು ಅದು ಸಾಧ್ಯವಾಗದಿದ್ದಲ್ಲಿ ಹೊಸ ಖಬರ್‌ಸ್ಥಾನವನ್ನು ನಿರ್ಮಿಸಲು ಹಣ ಅಥವಾ ಜಾಗದ ರೂಪದಲ್ಲಿ ಪರಿಹಾರ ನೀಡುವಂತೆ ಆಯೋಗವು ಸರಕಾರಿ ಇಲಾಖೆಗಳ ಜೊತೆ ಮಾತುಕತೆ ನಡೆಸುತ್ತಿದೆ’’ ಎಂದು ಖಾನ್ ತಿಳಿಸಿದ್ದಾರೆ.
ನಮ್ಮ ಬೇಡಿಕೆಗೆ ಸರಕಾರ ಇನ್ನಷ್ಟೇ ಪ್ರತಿಕ್ರಿಯಿಸಬೇಕಿದೆ. ಆದರೆ ನಾವು ನಮ್ಮ ಹೋರಾಟವನ್ನು ಮುಂದುವರಿಸಿದ್ದೇವೆ. ದಿಲ್ಲಿಯ ಮುಸ್ಲಿಮರು, ದಫನ ಮಾಡಿದ ಕೆಲವರ್ಷಗಳ ನಂತರ ಪುನಃ ಅದೇ ಜಾಗದಲ್ಲಿ ದಫನ ಮಾಡಲು ಸಾಧ್ಯವಿರುವ ಸಾಮಾನ್ಯ ಅಥವಾ ಸಿಮೆಂಟ್‌ರಹಿತ ಖಬರ್‌ಸ್ಥಾನಗಳನ್ನು ಬಳಸುವಂತೆಯೂ ಅಧ್ಯಯನ ವರದಿ ಸಲಹೆ ನೀಡುತ್ತದೆ.
ಅಧ್ಯಯನ ಈ ಸಲಹೆಗಳನ್ನು ನೀಡಿದೆ: ಲ್ಯಾಂಡ್ ಫಿಲ್ಲಿಂಗ್, ಅತಿಕ್ರಮಣಗಳ ತೆರವು ಮತ್ತು ವ್ಯಾಜ್ಯಗಳ ನಿಭಾವಣೆಗೆ ಪ್ರಾಮುಖ್ಯತೆ ನೀಡುವ ಮೂಲಕ ಸದ್ಯ ಇರುವ ಖಬರ್‌ಸ್ಥಾನಗಳ ಸಾಮರ್ಥ್ಯದ ಹೆಚ್ಚಳ, ಹೊಸ ಖಬರ್‌ಸ್ಥಾನಗಳ ನಿರ್ಮಾಣ, ಕಳೆದುಕೊಂಡಿರುವ ಖಬರ್‌ಸ್ಥಾನಗಳ ಮರುಪಡೆಯುವಿಕೆ ಮತ್ತು ಕೆಲವರ್ಷಗಳ ನಂತರ ಸಮಾಧಿಗಳ ಮರುಬಳಕೆ.
ಇತರ ಸಲಹೆಗಳು: ಖಬರ್‌ಸ್ಥಾನಗಳಲ್ಲಿ ಸದ್ಯ ಲಭ್ಯವಿರುವ ಸೌಲಭ್ಯಗಳ ಸುಧಾರಣೆಯ ಸಲಹೆಯ ಅನುಷ್ಠಾನ. ಮುಖ್ಯವಾಗಿ, ಆವರಣ ಗೋಡೆಯ ನಿರ್ಮಾಣ, ಬೀದಿದೀಪಗಳ ಅಳವಡಿಕೆ, ಭದ್ರತಾ ಸಿಬ್ಬಂದಿ ನೇಮಕ, ನೀರಿನ ಟಾಂಕಿಯ ನಿರ್ಮಾಣ, ಅಂತ್ಯಕ್ರಿಯೆಯ ವೇಳೆಯ ಪ್ರಾರ್ಥನೆಗೆ ಜಾಗ, ಭದ್ರತಾ ಸಿಬ್ಬಂದಿಗೆ ತಂಗಲು ಕೋಣೆ ಮತ್ತು ಫುಟ್‌ಪಾತ್ ಮತ್ತು ಪ್ರವೇಶ ದ್ವಾರದ ನಿರ್ಮಾಣ ಇತ್ಯಾದಿ.
ಕೃಪೆ: english.alarabiya.net

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top