---

ಸಂವಿಧಾನ ಮಾನ್ಯತೆಯೇ ಇಲ್ಲದ ಸಿಬಿಐ

ರಾಜ್ಯಗಳಲ್ಲಿ ಇತರ ಸರಕಾರಗಳ ಆಡಳಿತದಲ್ಲಿನ ಭ್ರಷ್ಟಾಚಾರ ಅಪರಾಧಗಳನ್ನು ವಿಚಾರಿಸುವುದಕ್ಕೆ ಸಿಬಿಐಗೆ ಅಂತರ್‌ರಾಷ್ಟ್ರೀಯ ಪೊಲೀಸ್ ಸ್ಥಾನ ಯಾರು ಕೊಟ್ಟರು? ಸಂವಿಧಾನದಲ್ಲಿ ಇಲ್ಲ. ಪಾರ್ಲಿಮೆಂಟ್ ಕೊಡಲಿಲ್ಲ. ರಾಜ್ಯಗಳು ಅಂಗೀಕರಿಸಿಲ್ಲ. ಆದರೆ ‘‘ಇಂತಹ ಕೇಸ್‌ಗಳನ್ನು ಸಿಬಿಐಗೆ ಒಪ್ಪಿಸಿರಿ’’ ಎಂದು ಆದೇಶಗಳನ್ನು ಜಾರಿ ಮಾಡುವುದರ ಮೂಲಕ ಸುಪ್ರೀಂ ಕೋರ್ಟು, ಸಿಬಿಐಗೆ ಇಲ್ಲದ ಅಂತರ್‌ರಾಷ್ಟ್ರೀಯ ಔನ್ನತ್ಯವನ್ನು ಅಂಟಿಸಿದೆ. ರಾಜ್ಯಗಳಲ್ಲಿ ರಾಜಕೀಯ ಮುಖಂಡರಿಗೆ ಕೂಡಾ ಎದುರಾಳಿಗಳನ್ನು ಬಲಿ ಹಾಕುವುದಕ್ಕೆ ಸಿಬಿಐ ತನಿಖೆ ಆಗಬೇಕೆಂದು ಕೋರುವುದು ಚಟವಾಗಿದೆ. ಇದರಿಂದಾಗಿ ಸಿಬಿಐ ಪೆಡಂಭೂತವಾಗಿ ಬದಲಾಗಿದೆ.

ರಾಜಕೀಯ ಎದುರಾಳಿಗಳ ಮೇಲೆ ಸರಕಾರಗಳು ನೇರವಾಗಿ ಪ್ರಯೋಗಿಸುತ್ತಿರುವ ಸಿಬಿಐ ಪಾಶುಪತಾಸ್ತ್ರವು ಅದು ರಾಷ್ಟ್ರೀಯ ಪರಿಶೋಧನಾ ಪೊಲೀಸ್ ಸಂಸ್ಥೆಯೇ? ಇಲ್ಲವೇ ಕೇಂದ್ರ ಸರಕಾರದ ಕಣ್ಸನ್ನೆಯಲ್ಲಿ ಪಾತ್ರವೇ ನಡೆಯುವ ಅಧೀನ ಅತಂತ್ರ ವ್ಯವಸ್ಥೆಯೇ? ಫೆಡರಲ್ ಸಂವಿಧಾನದಲ್ಲಿನ ಸಿಬಿಐ ಸ್ಥಾನ ಎಲ್ಲಿ? ಆ ಪೊಲೀಸ್ ವ್ಯವಸ್ಥೆಗೆ ಸಂವಿಧಾನ ಬದ್ಧತೆ ಇದೆಯೇ? ಎನ್ನುವಂತಾಗಿದೆ. ರಾಜ್ಯಗಳಲ್ಲಿ ವಿರೋಧ ಪಕ್ಷದಲ್ಲಿರುವ ರಾಜಕೀಯ ಪಕ್ಷಗಳು, ಅವರ ಆರೋಪಗಳ ವಿಚಾರಣೆಯನ್ನು ಸಿಬಿಐಗೆ ಒಪ್ಪಿಸಬೇಕೆಂದು ಕೋರುವುದು, ಅಧಿಕಾರಕ್ಕೆ ಬರುತ್ತಲೇ ಅವರೇ ಸಿಬಿಐಯನ್ನು ರಾಜ್ಯದೊಳಗೆ ಅನುಮತಿಸುವುದಿಲ್ಲ ಎಂದು ಅನ್ನುವುದು... ಇದನ್ನೆಲ್ಲ ನೋಡುತ್ತಲೇ ಇದ್ದೇವೆ. ಜಾಗೃತ ಪ್ರಜೆಗಳು(?) ದೊಡ್ಡ ದೊಡ್ಡ ಅಕ್ರಮಗಳಲ್ಲಿ ಸಿಬಿಐ ತನಿಖೆ ನಡೆಯಬೇಕೆಂದು ಪಿಐಲ್ ಹಾಕುವುದು ನೋಡುತ್ತಲೇ ಇದ್ದೇವೆ. ಅವುಗಳ ಮೇಲೆ ವಿಚಾರಣೆ ನಡೆಸಬೇಕೆಂದು ಸುಪ್ರೀಂ ಕೋರ್ಟು ಅನೇಕ ಬಾರಿ ಸಿಬಿಐನ್ನು ಆದೇಶಿಸುವುದು ಕೂಡಾ ನಮಗೆ ಗೊತ್ತು.

 ಮೊದಲ ವಿಶ್ವಸಮರದ ಕಾಲದಲ್ಲಿ ಭಾರತದೇಶವನ್ನು ಆಳುತ್ತಿದ್ದ ಬ್ರಿಟಿಷ್ ಪಾರ್ಲಿಮೆಂಟ್ ಮಾಡಿದ ಇಂಡಿಯಾ- ಬರ್ಮಾ ಎಮರ್ಜೆನ್ಸಿ ನಿಯಮಗಳ ಕಾನೂನು 1940ರ ಕೆಳಗೆ ವೈಸ್‌ರಾಯ್ ಲಾರ್ಡ್ ಲಿನ್‌ಲಿತ್‌ಗೋ ಒಂದು ಆರ್ಡಿನೆನ್ಸ್ ಮೂಲಕ 1941ರಲ್ಲಿ ಯುದ್ಧ ವಿಭಾಗದಲ್ಲಿ ಸ್ಪೆಷಲ್ ಪೊಲೀಸ್ ಎನ್‌ಫೋರ್ಸ್‌ ಮೆಂಟ್‌ನ್ನು ತೆಗೆದುಕೊಂಡು ಬಂದರು. ಭಾರತ ಸರಕಾರದ ಕಾನೂನು 1935 ಸೆಕ್ಷನ್ 72 ಒಂಬತ್ತನೇ ಶೆಡ್ಯೂಲ್ ಪ್ರಕಾರ ಈ ಆರ್ಡಿನೆನ್ಸ್ ರೂಪಿಸುವ ಅಧಿಕಾರ ಆಗಿನ ವೈಸ್‌ರಾಯ್‌ಗೆ ಇತ್ತು. ಆರುತಿಂಗಳಿಗೊಂದು ಸಲ ಆರ್ಡಿನೆನ್ಸ್ ಜಾರಿ ಮಾಡುತ್ತಾ 1946ವರೆಗೂ ಎಮರ್ಜೆನ್ಸಿಯನ್ನು ಮುಂದುವರಿಸಿದರು. ವಿಶ್ವಸಮರ ಮುಗಿದ ಹಂತದಲ್ಲಿ ಈ ಎಮರ್ಜೆನ್ಸಿಯನ್ನು ಮುಗಿಸುತ್ತಾ ಆರ್ಡಿನೆನ್ಸ್ ಜಾರಿ ಮಾಡಿದರು. ಆದರೆ ಆರ್ಡಿನೆನ್ಸ್ಸ್‌ಗಳ ಮೂಲಕ ವಿಶೇಷ ಪೊಲೀಸ್ ವ್ಯವಸ್ಥೆಯನ್ನು ವಾರ್ ಡಿಪಾರ್ಟ್‌ಮೆಂಟ್‌ನಲ್ಲಿ ಮುಂದುವರಿಸಿದರು.

1941ರಲ್ಲಿ ನೀರು ಸರಬರಾಜು ಇಲಾಖೆಯಲ್ಲಿ ಅಧಿಕಾರಿಗಳ ಅತಿಯಾದ ಅಕ್ರಮವನ್ನು ತನಿಖೆ ಮಾಡುವುದಕ್ಕೆ ಸಿಬ್ಬಂದಿ ಶಿಕ್ಷಣ ವಿಭಾಗದಡಿ ವಿಶೇಷ ತನಿಖಾತಂಡವನ್ನು ಬ್ರಿಟಿಷ್ ಸರಕಾರವನ್ನು ಶೋಧಿಸಿ ತೆಗೆಯುವುದಕ್ಕೆ ಎಸ್‌ಪಿಇ ಹೆಸರಿನೊಂದಿಗೆ ಇವರು ಕೆಲಸ ಮಾಡಿದರು. ಆನಂತರ ಇದನ್ನು ಗೃಹ ಸಚಿವಾಲಯದ ಅಧ್ವರ್ಯಕ್ಕೆ ತಂದರು. ಅದರ ಪರಧಿ ಹೆಚ್ಚಿಸಿ ಕೇಂದ್ರ, ಕೇಂದ್ರಾಡಳಿತ ಪ್ರಾಂತಗಳಲ್ಲಿನ ಇತರ ಸರಕಾರಿ ಇಲಾಖೆಗಳಲ್ಲಿ ಹೆಚ್ಚಾಗಿ ಹೋದ ಲಂಚಗಳನ್ನು ಪರಿಶೋಧಿಸುವುದಕ್ಕೆ ಈ ಎಸ್‌ಪಿಇಯನ್ನು ಬಳಸಿಕೊಂಡರು.

 1946ರಲ್ಲಿ ದಿಲ್ಲಿ ವಿಶೇಷ ಪೊಲೀಸ್ ವ್ಯವಸ್ಥೆಯ ಕಾನೂನನ್ನು ಬ್ರಿಟಿಷ್ ಪಾರ್ಲಿಮೆಂಟ್ ರೂಪಿಸಿತು. ಸ್ವ್ವಾತಂತ್ರ ಬರುವ ಮುನ್ನ ಯುದ್ಧದಿಂದ ಏರ್ಪಟ್ಟ ಎಮರ್ಜೆನ್ಸಿ ಕಾಲದಲ್ಲಿ ಉಪಯೋಗಿಸಿಕೊಳ್ಳುವುದಕ್ಕೆ ಆಂಗ್ಲ ದೊರೆಗಳು ಮಾಡಿಕೊಂಡ ಈ ವಿಶೇಷ ಪೊಲೀಸ್ ಕಾನೂನನ್ನು ಸ್ವಾತಂತ್ರ ಬಂದ ಬಳಿಕ ದೇಶೀ ಪ್ರಭುಗಳು ಸಹ ಬಳಸಿಕೊಂಡರು. ಗೃಹ ಸಚಿವ ಸರ್ದಾರ್ ಪಟೇಲ್ ಜೋಧ್‌ಪೂರ್, ರೆವಾಟೊಂಕೋ ರಾಜ್ಯಗಳಲ್ಲಿ ದಿವಾನರು, ಮುಖ್ಯಮಂತ್ರಿಗಳು ಸಾಗಿಸುತ್ತಿದ್ದ ಅಕ್ರಮಾರ್ಜನೆಯ ನಿಯಂತ್ರಣಕ್ಕೆ ಈ ತಂಡವನ್ನು ಬಳಸಬೇಕೆಂದು ಕೊಂಡರು. ಅಂದರೆ, ಕೇಂದ್ರ ಸರಕಾರ ಇಲಾಖೆಗಳಿಗೆ ಸೀಮಿತವಾದ ಒಂದು ತನಿಖಾ ತಂಡವನ್ನು ತನ್ನ ಪರಿಧಿ ಹೊರಗೆ ಬೇರೆ ರಾಜ್ಯದಲ್ಲಿ ಪ್ರಯೋಗಿಸಬೇಕೆಂದುಕೊಂಡರು ಪಟೇಲ್. ಆದರೆ ರಾಜಕೀಯಕ್ಕೋಸ್ಕರ ಈ ಅಧಿಕಾರ ಬಳಸಿಕೊಂಡರು ಎನ್ನುವುದಕ್ಕೆ ಅವಕಾಶ ಇಲ್ಲ. ಪ್ರಾಮಾಣಿಕ ದೇಶಪ್ರೇಮಿಯಾದ ಅವರು 1963ರಲ್ಲಿ ಇದಕ್ಕೆ ಕೇಂದ್ರ ತನಿಖಾ ಸಂಸ್ಥೆ ಎಂದು ಹೆಸರು ಬದಲಿಸಲು ತೀರ್ಮಾನ ಮಾಡಿಸಿದರು. ಈ ತೀರ್ಮಾನದ ಮೂಲಕ ಅದು ಕೇಂದ್ರ ತನಿಖಾ ಬ್ಯುರೋ ಆಗಿದೆಯೇ ಹೊರತು ರಾಷ್ಟ್ರೀಯ ತನಿಖಾ ಸಂಸ್ಥೆ ಆಗಿಲ್ಲ. ಈಗಲೂ ಸಿಬಿಐಗೆ ಈ ತೀರ್ಮಾನವೇ ಆಧಾರ.

ಆದರೆ ಆನಂತರ ರಾಜ್ಯಗಳಲ್ಲಿ ಇತರ ಸರಕಾರಗಳ ಆಡಳಿತದಲ್ಲಿನ ಭ್ರಷ್ಟಾಚಾರ ಅಪರಾಧಗಳನ್ನು ವಿಚಾರಿಸುವುದಕ್ಕೆ ಸಿಬಿಐಗೆ ಅಂತರ್‌ರಾಷ್ಟ್ರೀಯ ಪೊಲೀಸ್ ಸ್ಥಾನ ಯಾರು ಕೊಟ್ಟರು? ಸಂವಿಧಾನದಲ್ಲಿ ಇಲ್ಲ. ಪಾರ್ಲಿಮೆಂಟ್ ಕೊಡಲಿಲ್ಲ. ರಾಜ್ಯಗಳು ಅಂಗೀಕರಿಸಿಲ್ಲ. ಆದರೆ ‘‘ಇಂತಹ ಕೇಸ್‌ಗಳನ್ನು ಸಿಬಿಐಗೆ ಒಪ್ಪಿಸಿರಿ’’ ಎಂದು ಆದೇಶಗಳನ್ನು ಜಾರಿ ಮಾಡುವುದರ ಮೂಲಕ ಸುಪ್ರೀಂ ಕೋರ್ಟು, ಸಿಬಿಐಗೆ ಇಲ್ಲದ ಅಂತರ್‌ರಾಷ್ಟ್ರೀಯ ಔನ್ನತ್ಯವನ್ನು ಅಂಟಿಸಿದೆ. ರಾಜ್ಯಗಳಲ್ಲಿ ರಾಜಕೀಯ ಮುಖಂಡರಿಗೆ ಕೂಡಾ ಎದುರಾಳಿಗಳನ್ನು ಬಲಿ ಹಾಕುವುದಕ್ಕೆ ಸಿಬಿಐ ತನಿಖೆ ಆಗಬೇಕೆಂದು ಕೋರುವುದು ಚಟವಾಗಿದೆ. ಇದರಿಂದಾಗಿ ಸಿಬಿಐ ಪೆಡಂಭೂತವಾಗಿ ಬದಲಾಗಿದೆ. ರಾಜಕೀಯ ಮಾಂತ್ರಿಕರು ಅದನ್ನು ಬಳಸಿಕೊಳ್ಳುತ್ತಿದ್ದಾರೆ. ಸಂವಿಧಾನವೂ ಇಲ್ಲ, ವಿಧಾನವೂ ಇಲ್ಲ. ಇದಕ್ಕೆ ಯಾರು ಉತ್ತರ ಕೊಡುತ್ತಾರೆ?

2013ರ ನವೆಂಬರ್‌ನಲ್ಲಿ ಗುವಾಹಟಿ ಹೈಕೋರ್ಟು ನ್ಯಾಯಾಧೀಶರು ಇಕ್ಬಾಲ್ ಅಹ್ಮದ್ ಅನ್ಸಾರಿ, ಇಂದಿರಾ ಷಾರೊಂದಿಗೆ ಕೂಡಿದ ನ್ಯಾಯಪೀಠ ನವೇಂದ್ರ ಕುಮಾರ್ ದಾಖಲು ಮಾಡಿದ ಒಂದು ರಿಟ್ ಪಿಟಿಶನ್‌ನಲ್ಲಿ ಈ ತೀರ್ಮಾನಕ್ಕೆ ಕಾನೂನು ಮಾನ್ಯತೆ ಇಲ್ಲವಾದ್ದರಿಂದ ಸಿಬಿಐ ಸಂಸ್ಥೆಗೆ ಸಂವಿಧಾನ ಬದ್ಧತೆ ಇಲ್ಲ ಎಂದು ತೀರ್ಪು ನೀಡಿತು. ‘‘ದಿಲ್ಲಿ ಸ್ಪೆಷಲ್ ಪೊಲಿೀಸ್ ಕಾನೂನು 1946 ಸಲ್ಲದು ಎಂದು ತೀರ್ಮಾನ ಪ್ರಕಟಿಸಬೇಕೆಂದುಕೊಳ್ಳಲಿಲ್ಲ. ಆದರೆ ಸಿಬಿಐ ಮಾತ್ರ ಡಿಎಸ್‌ಪಿಇಯಲ್ಲಿ ಭಾಗ ಅಲ್ಲ. ಸಿಬಿಐನ 1946 ಡಿಎಸ್‌ಪಿಇ ಕಾನೂನಿನಡಿ ಏರ್ಪಾಡಾದ ಪೊಲಿೀಸ್ ದಳ ಎಂದು ಪರಿಗಣಿಸುವುದಕ್ಕೆ ಸಾಧ್ಯವಿಲ್ಲ ಎಂದು ತೀರ್ಪು ಹೇಳುತ್ತಿದ್ದೇವೆ’’ ಎಂದು ವ್ಯಾಖ್ಯಾನಿಸಿತು. ಅಷ್ಟೇ ಅಲ್ಲಾ ಸಿಬಿಐನ ಏರ್ಪಾಟು ಮಾಡುತ್ತಾ 1963 ಎಪ್ರಿಲ್1ರಂದು ಗೃಹ ಇಲಾಖೆ ಮಾಡಿದ ತೀರ್ಮಾನ ಸಲ್ಲದು ಎಂದು ಕೂಡಾ ಪ್ರಕಟಿಸಿತು. ಪಾರ್ಲಿಮೆಂಟ್ ಕಾನೂನು ಮಾಡದೆ ಅಪರಾಧ ತನಿಖೆ ಮಾಡುವುದಕ್ಕೆ ಅಧಿಕಾರ ಬಾರದು ಎಂದೂ, ಸರಕಾರದ ಆದೇಶದ ಮೂಲಕ ಆ ಅಧಿಕಾರ ಕೊಡುವುದು ಕೂಡದು ಎಂದು ವಿವರಿಸಿದರು. ‘‘ಇದು ಕೇವಲ ಒಂದು ಇಲಾಖಾ ಪರವಾದ ಆದೇಶ. ಈ ಆದೇಶಕ್ಕೆ ಕಾನೂನಿನ ಅಂತಸ್ತು ಕೊಡುವುದಕ್ಕೆ ಸಾಧ್ಯವಿಲ್ಲ.’’ ಎನ್ನುತ್ತಾ ಸಿಬಿಐ ಕೋರ್ಟ್‌ನಲ್ಲಿ ಪೆಂಡಿಂಗ್ ಇರುವ ಚಾರ್ಜ್ ಶೀಟ್ ಸಲ್ಲದು ಎಂದು ರದ್ದು ಮಾಡಿತು. ಇದ್ದಕ್ಕಿದ್ದಂತೆ ಸಿಬಿಐ ಸಲ್ಲದೇ ಹೋದರೆ ಅನೇಕ ಮುಖ್ಯವಾದ ಕೇಸ್‌ಗಳಲ್ಲಿ ಅದು ಮುಂದುವರಿಸುತ್ತಿರುವ ತನಿಖೆಗಳೆಲ್ಲಾ ನಿಂತು ಹೋಗುತ್ತವೆ ಎಂದೂ, ಎಲ್ಲವೂ ಅಯೋಮಯವಾಗಿ ಬದಲಾಗುತ್ತೆ ಎಂದು ವಾದಿಸುತ್ತಾ ಗುವಾಹಟಿ ಹೈಕೋರ್ಟ್ ಕೊಟ್ಟ ತೀರ್ಪನ್ನು ತಾತ್ಕಾಲಿಕವಾಗಿ ನಿಲ್ಲಿಸಿ ಬಿಡಬೇಕೆಂದು ಸ್ಟೇ ಜಾರಿ ಮಾಡಿತು. ಇದರ ಮೇಲೆ ಮಾತ್ರ ಆಧಾರಗೊಂಡು ಸಿಬಿಐ ಈಗಲೂ ಅಸ್ತಿತ್ವ ಉಳಿಸಿಕೊಂಡಿದೆ. ಆದರೆ ಆ ಸ್ಟೇ ಸಹ ಸಲ್ಲದೆ ಹೋಯಿತು.

vಸುಪ್ರೀಂಕೋರ್ಟ್ 2018 ಮಾರ್ಚ್ 28ರಂದು ಏಶ್ಯಾ ರಿಸರ್ಫಿನಿಂಗ್ ಆಫ್ ರೋಡ್ ಏಜೆನ್ಸಿ ಪ್ರೈ. ಲಿಮಿಟೆಡ್ /s ಸಿಬಿಐ ಕೇಸನಲ್ಲಿ ಮೂವರು ನ್ಯಾಯಾಧೀಶರಾದ ಆರ್.ಎಫ್. ನಾರಿಮನ್, ಎ.ಕೆ. ಗೋಯಲ್, ನವೀನ್ ಸಿನ್ಹಾ ನ್ಯಾಯಪೀಠ ಕೊಟ್ಟ ತೀರ್ಪಿನ ಆಧಾರದಿಂದ ‘‘ಕೋರ್ಟ್ ಗಳು ಕೊಟ್ಟ ತಾತ್ಕಾಲಿಕ ಆದೇಶಗಳು ಆರು ತಿಂಗಳಿಗಿಂತ ಹೆಚ್ಚು ಕಾಲ ಮುಂದುವರಿಯುವುದಕ್ಕೆ ಅವಕಾಶ ಇಲ್ಲ. ಸ್ಟೇಯಂತಹ ತಾತ್ಕಾಲಿಕ ಆದೇಶಗಳ ಆಧಾರದಿಂದ ನ್ಯಾಯವನ್ನು ನಿಲ್ಲಿಸಿ ಬಿಡುವುದಕ್ಕೆ ಅವಕಾಶ ಇಲ್ಲ’’ ಎಂದು ವ್ಯಾಖ್ಯಾನಿಸುತ್ತಾ ತನ್ನೊಂದಿಗೆ ಯಾವ ಕೋರ್ಟು ಕೊಟ್ಟ ತೀರ್ಪು (ಸ್ಟೇ ಆರ್ಡ್‌ರ್‌ಗಳು) ಸಹ 2018 ಅಕ್ಟೋಬರ್ 31ರಿಂದ ಸಲ್ಲದು ಎಂದು ಸುಪ್ರೀಂಕೋರ್ಟ್ ಬಹಳ ಸ್ಪಷ್ಟವಾದ ತೀರ್ಪು ಹೇಳಿತು. ಇದರ ಪ್ರಕಾರ ಸಿಬಿಐ ಸಂವಿಧಾನ ವಿರುದ್ಧ ಎಂದು ಗುವಾಹಟಿ ಹೈಕೋರ್ಟು ನೀಡಿದ ತೀರ್ಪಿನ ಮೇಲೆ ಸುಪ್ರೀಂಕೋರ್ಟ್ ಕೊಟ್ಟ ತೀರ್ಪು ಅಕ್ಟೋಬರ್ 2018ರಲ್ಲಿ ಸಲ್ಲದೆ ಹೋಯಿತು. ಈ ಆರು ತಿಂಗಳ ಅವಧಿಯಲ್ಲಿ ಸುಪ್ರೀಂಕೋರ್ಟು ಅಂತಿಮ ವಾದಗಳನ್ನು ಕೇಳಿ ಅಂತಿಮ ತೀರ್ಪು ಕೊಡದೇ ಹೋದುದರಿಂದ ಗುವಾಹಟಿ ಹೈಕೋರ್ಟ್ ತೀರ್ಪು ಪ್ರಕಾರ ಸಿಬಿಐ ಸಂವಿಧಾನ ಬದ್ಧವಲ್ಲ ಎಂದು ಭಾವಿಸಲೇಬೇಕು.

ಸಂವಿಧಾನ ಪ್ರಕಾರ ಕಾನೂನು ಸುವ್ಯವಸ್ಥೆ, ಅಪರಾಧ ತನಿಖೆ ರಾಜ್ಯಕ್ಕೆ ಸೇರಿದ ಅಂಶಗಳು. ರಾಜ್ಯಗಳ ಪಟ್ಟಿ ಒಂದನೇ ಎಂಟ್ರಿಯಲ್ಲಿ ಪಬ್ಲಿಕ್ ಆರ್ಡರ್, ಎರಡನೇ ಎಂಟ್ರಿಯಲ್ಲಿ ಪೊಲೀಸ್ ಇದೆ. ಈ ಎರಡು ಎಂಟ್ರಿಗಳ ಪ್ರಕಾರ ಪೊಲೀಸರು, ತನಿಖೆಗಳು ಮೊದಲಾದ ಅಂಶಗಳ ಮೇಲೆ ಅಧಿಕಾರ ರಾಜ್ಯಕ್ಕೆ ಇರುತ್ತದೆ.

 ವೈಜ್ಞಾನಿಕವಾಗಿ, ತಂತ್ರಜ್ಞಾನದೊಂದಿಗೆ ತನಿಖೆಗೆ ಸಹಾಯ ಮಾಡಬೇಕೆಂದು ಮಾತ್ರವೇ ಸಂವಿಧಾನದ ಏಳನೇ ಶೆಡ್ಯೂಲ್‌ನಲ್ಲಿನ ಕೇಂದ್ರ ಪಟ್ಟಿ (ಲಿಸ್ಟ್ 1) ಎಂಟ್ರಿ 65ರಲ್ಲಿ ಇದೆ. ಸೆಂಟ್ರಲ್ ಬ್ಯುರೋ ಆಫ್ ಇಂಟಲಿಜೆನ್ಸ್, ಇನ್ವೆಸ್ಟಿಗೇಶನ್ ಎಂಬ ಅಂಶ ಕೇಂದ್ರ ಪಟ್ಟಿ ಎಂಟ್ರಿ 8ರಲ್ಲಿದೆ. ಅಂದರೆ ಈ ಅಂಶಗಳ ಮೇಲೆ ಕಾನೂನು ಮಾಡುವ ಅಧಿಕಾರ ಇದೆ ಎಂದು ಸಂವಿಧಾನ ವಿವರಿಸುತ್ತದೆ. ಇದರ ಪ್ರಕಾರ ಸಿಬಿಐಗೋಸ್ಕರ ಕಾನೂನು ಮಾಡುವ ಅಧಿಕಾರ ಕೇಂದ್ರಕ್ಕೆ ಇದೆ. ಆದರೆ ಇದುವರೆಗೂ ಪಾರ್ಲಿಮೆಂಟು ಯಾವ ಕಾನೂನನ್ನೂ ಮಾಡಿಲ್ಲ. ರಾಜ್ಯಗಳಿಗೆ ಸೇರಿದ ಅಧಿಕಾರಗಳನ್ನು ಕಿತ್ತುಕೊಳ್ಳುವುದಕ್ಕೆ ಸಂವಿಧಾನದಲ್ಲಿನ ಫೆಡರಲ್ ನಿಯಮಗಳು ಅಂಗೀಕರಿಸುವುದಿಲ್ಲ. ಶಾರದಾ ಚಿಟ್‌ಫಂಡ್, ವ್ಯಾಪಂನಂತಹ ಭಾರೀ ವಂಚನೆಗಳು, ಆರ್ಥಿಕ ಆಕ್ರಮಗಳ ಪ್ರಕರಣಗಳಲ್ಲಿ ಹಸ್ತ ಇರುವ ರಾಜಕೀಯ ಮುಖಂಡರು ಆಡಳಿತ ನಡೆಸುತ್ತಾ ಇದ್ದರೆ ಪೊಲೀಸರು ಸ್ವತಂತ್ರವಾಗಿ ತನಿಖೆ ಮಾಡಲು ಸಾಧ್ಯ ಆಗದು.ಆದರೆ ಕೇಂದ್ರದಲ್ಲಿ ಅಧಿಕಾರ ಚಲಾಯಿಸುವ ರಾಜಕೀಯ ಪಕ್ಷ, ರಾಜ್ಯದಲ್ಲಿ ಪ್ರಮುಖರಾದ ನಾಯಕರನ್ನು ತಮ್ಮ ಪಕ್ಷದೊಳಗೆ ಎಳೆದುಕೊವುಳ್ಳುವುದಕ್ಕೆ, ಕೇಂದ್ರ ಪೊಲೀಸ್ ಸ್ಥಾನದಲ್ಲಿರುವ ಸಿಬಿಐನ ವಿರೋಧಿಗಳ ಮೇಲೆ ಎಸೆಯುತ್ತಾ ಇದ್ದರೆ ಯಾರದು ತಪ್ಪು, ಯಾರದು ಸರಿ ಎಂದು ಯಾರು ನಿರ್ಧರಿಸುತ್ತಾರೆ?

(ಲೇಖಕರು ಮಾಜಿ ಕೇಂದ್ರ ಮಾಹಿತಿ ಕಮಿಷನರ್.

ಬೆನ್ನೆಟ್ ಯೂನಿವರ್ಸಿಟಿ ಪ್ರೊಫೆಸರ್)

(ಕೃಪೆ-ಆಂಧ್ರಜ್ಯೋತಿ)

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top