ನಮ್ಮ ಅಂಗಾಂಗಗಳಲ್ಲಿಯ ಶಬ್ದಗಳು ಗಂಭೀರ ಕಾಯಿಲೆಗಳನ್ನು ಸೂಚಿಸುತ್ತಿರಬಹುದು | Vartha Bharati- ವಾರ್ತಾ ಭಾರತಿ

ನಮ್ಮ ಅಂಗಾಂಗಗಳಲ್ಲಿಯ ಶಬ್ದಗಳು ಗಂಭೀರ ಕಾಯಿಲೆಗಳನ್ನು ಸೂಚಿಸುತ್ತಿರಬಹುದು

ನಮ್ಮ ಶರೀರವನ್ನು ವಿವಿಧ ಭಾಗಗಳನ್ನು ಒಳಗೊಂಡಿರುವ ಯಂತ್ರಕ್ಕೆ ಹೋಲಿಸಬಹುದು. ಯಂತ್ರದ ಭಾಗಗಳಲ್ಲಿ ದೋಷಗಳು ಉಂಟಾದಾಗ ಅವು ಶಬ್ದವನ್ನು ಹೊರಡಿಸುವಂತೆ ನಮ್ಮ ಶರೀರವೂ ಇಂತಹ ಸಂಕೇತಗಳನ್ನು ನೀಡುತ್ತಿರುತ್ತದೆ. ನಮ್ಮ ಶರೀರದಿಂದ ಹಲವಾರು ವಿಧಗಳ ಶಬ್ದಗಳು ಹೊರಡುತ್ತಿರುತ್ತವೆ,ಈ ಪೈಕಿ ಕೆಲವು ನಮ್ಮ ಗಮನಕ್ಕೆ ಬರುತ್ತವೆ ಮತ್ತು ಕೆಲವು ಶಬ್ದಗಳು ನಮಗೆ ಕೇಳುವುದೇ ಇಲ್ಲ. ಈ ಪೈಕಿ ಕೆಲವು ಶಬ್ದಗಳು ಅಂಗಗಳ ಕಾರ್ಯನಿರ್ವಹಣೆಯಿಂದಾಗಿ ಸಹಜವಾಗಿರುತ್ತವೆ. ಆದರೆ ಕೆಲವು ಶಬ್ದಗಳು ನಮ್ಮ ಅನಾರೋಗ್ಯವನ್ನು ಸೂಚಿಸಬಹುದು. ಸಮಸ್ಯೆಯು ತೀವ್ರಗೊಳ್ಳದಂತೆ ಸರಿಯಾದ ಸಮಯದಲ್ಲಿ ಇಂತಹ ಶಬ್ದಗಳನ್ನು ಗುರುತಿಸಿ ಎಚ್ಚೆತ್ತುಕೊಂಡು ಚಿಕಿತ್ಸೆ ಪಡೆಯುವುದು ಅಗತ್ಯವಾಗುತ್ತದೆ. ಇಂತಹ ಐದು ಶಬ್ದಸಂಕೇತಗಳ ಕುರಿತು ಮಾಹಿತಿಯಿಲ್ಲಿದೆ.......

* ಉಸಿರಾಟದ ಶಬ್ದಗಳು

  ಉಸಿರಾಟವು ನಮ್ಮ ಶರೀರದ ನೈಸರ್ಗಿಕ ಪ್ರಕ್ರಿಯೆಯಾಗಿದೆ. ಆದರೆ ಹಲವೊಮ್ಮೆ ಉಸಿರಾಡುವಾಗ ಮೂಗಿನಿಂದ ಗೊರಕೆ ಅಥವಾ ಶಿಳ್ಳೆಯಂತಹ ಶಬ್ದ ಕೇಳಿಬರುತ್ತಿರುತ್ತದೆ. ಇಂತಹ ಶಬ್ದವು ಉಸಿರಾಟದ ಮಾರ್ಗದಲ್ಲಿ ಲೋಳೆಯು ತುಂಬಿಕೊಂಡಿದೆ ಅಥವಾ ಊತವುಂಟಾಗಿದೆ ಮತ್ತು ಇದರಿಂದಾಗಿ ಗಾಳಿಯು ಸರಾಗವಾಗಿ ಚಲಿಸುತ್ತಿಲ್ಲ ಎನ್ನುವುದನ್ನು ಸೂಚಿಸುತ್ತದೆ. ಲೋಳೆ ಅಥವಾ ಸಿಂಬಳ ಗಾಳಿಯಲ್ಲಿರುವ ಬ್ಯಾಕ್ಟೀರಿಯಾ ಮತ್ತು ಸೂಕ್ಷ್ಮಜೀವಿಗಳು ನಮ್ಮ ಶರೀರವನ್ನು ಪ್ರವೇಶಿಸುವುದನ್ನು ತಡೆಯುವುದರಿಂದ ಅದು ನಮ್ಮ ಆರೋಗ್ಯಕ್ಕೆ ಅಗತ್ಯವಾಗಿದೆ. ಆದರೆ ಲೋಳೆಯು ಅತಿಯಾಗಿ ತುಂಬಿಕೊಂಡಾಗ ಸೂಕ್ತವಾಗಿ ಉಸಿರಾಡಲು ಕಷ್ಟವಾಗಬಹುದು. ಇಂತಹ ಸಂದರ್ಭದಲ್ಲಿ ಬಿಸಿನೀರಿನ ಹಬೆಯನ್ನು ಉಸಿರಾಡಿಸಬೇಕು. ಸ್ಥಿತಿಯಲ್ಲಿ ಸುಧಾರಣೆಯಾಗದಿದ್ದರೆ ವೈದ್ಯರನ್ನು ಸಂಪರ್ಕಿಸಬೇಕು.

* ಕೆಮ್ಮಿನೊಂದಿಗೆ ಶಿಳ್ಳೆ ಅಥವಾ ಬೊಗಳಿದಂತಹ ಶಬ್ದ

ಕೆಮ್ಮು ನಿರಂತರವಾಗಿದ್ದರೆ ಮತ್ತು ಅದರ ಜೊತೆಗೆ ಶಿಳ್ಳೆ ಅಥವಾ ಬೊಗಳಿದಂತಹ ಶಬ್ದ ಕೇಳಿಬರುತ್ತಿದ್ದರೆ ಅದು ಗಂಭೀರ ಉಸಿರಾಟ ಸಮಸ್ಯೆಯನ್ನು ಸೂಚಿಸಬಹುದು. ಇವೆರಡೂ ಶಬ್ದಗಳು ಅಲರ್ಜಿ,ಅಸ್ತಮಾ ಅಥವಾ ರಕ್ತನಾಳ ಕಟ್ಟಿಕೊಂಡು ಹೃದಯ ವೈಫಲ್ಯದ ಸಂಕೇತವಾಗಿರಬಹುದು. ಇಂತಹ ಸಮಸ್ಯೆಯು ಸಾಮಾನ್ಯವಾಗಿ ಶ್ವಾಸಕೋಶಗಳು ಅಥವಾ ಶ್ವಾಸನಾಳಗಳಲ್ಲಿ ಊತವಿದ್ದಾಗ ಕಾಣಿಸಿಕೊಳ್ಳುತ್ತದೆ. ಕೆಮ್ಮು ನಿರಂತರವಾಗಿದ್ದರೆ ಮತ್ತು ಉಸಿರಾಡಲು ತೊಂದರೆಯಾಗುತ್ತಿದ್ದರೆ ತಕ್ಷಣ ವೈದ್ಯರನ್ನು ಭೇಟಿಯಾಗಬೇಕಾಗುತ್ತದೆ.

* ಗಂಟೆ ಅಥವಾ ಶಿಳ್ಳೆ ಶಬ್ದ

 ಕೆಲವರಿಗೆ ತಮ್ಮ ಕಿವಿಗಳಲ್ಲಿ ಹಲವಾರು ಬಾರಿ ಗಂಟೆಗಳು ಅಥವಾ ಶಿಳ್ಳೆಗಳ ಶಬ್ದಗಳು ಕೇಳಿಬರುತ್ತಿರುತ್ತವೆ. ಇವು ’ಟಿನಿಟಸ್’ ಎಂಬ ನಿರ್ದಿಷ್ಟ ಸಮಸ್ಯೆಯ ಸಂಕೇತವಾಗಿರಬಹುದು. ಇದನ್ನು ಸರಳವಾಗಿ ಕಿವಿಮೊರೆತ ಎಂದು ಹೇಳಬಹುದು. ಸಾಮಾನ್ಯವಾಗಿ ನಾವು ಕೇಳುತ್ತಿರುವ ದೊಡ್ಡ ಶಬ್ದವೊಂದು ದಿಢೀರ್‌ನೆ ನಿಂತಾಗ ಒಂದು ವಿಧದ ಶಬ್ದವನ್ನು ನಾವು ಕೇಳುತ್ತಿರುತ್ತೇವೆ. ಆದರೆ ಆಗಾಗ್ಗೆ ಇಂತಹ ಶಬ್ದ ಕೇಳಿಬರುತ್ತಿದ್ದರೆ ಕಿವಿಯಲ್ಲಿ ಸೋಂಕುಂಟಾಗಿದೆ ಅಥವಾ ಕಿವಿಯಲ್ಲಿರುವ ಕೂದಲ ಕೋಶಗಳು ನಾಶಗೊಳ್ಳಲು ಆರಂಭವಾಗಿವೆ ಎನ್ನುವುದನ್ನು ಸೂಚಿಸುತ್ತದೆ. ಇಂತಹ ಶಬ್ದಗಳು ಕೇಳಿ ಬಂದಾಗ ಅಗತ್ಯವಾಗಿ ವೈದ್ಯರನ್ನು ಭೇಟಿಯಾಗಬೇಕು.

*ಕೀಲುಗಳಲ್ಲಿ ಕಟ ಕಟ ಶಬ್ದ

ನಾವು ನಡೆಯುತ್ತಿರುವಾಗ,ಏಳುತ್ತಿರುವಾಗ ಅಥವಾ ಕುಳಿತುಕೊಳ್ಳುವಾಗ ಹೆಚ್ಚಿನ ಸಲ ನಮ್ಮ ಕೀಲುಮೂಳೆಗಳು ಬಳಕೆಯಾಗುತ್ತವೆ. ಸಾಮಾನ್ಯವಾಗಿ ಕೀಲುಗಳ ನಡುವಿನ ದ್ರವದಲ್ಲಿ ಗಾಳಿಯ ಗುಳ್ಳೆಗಳು ಉಂಟಾದಾಗ ಕಟ ಕಟ ಎಂಬ ಶಬ್ದ ಕೇಳಿಬರುತ್ತದೆ. ಆದರೆ ಆಗಾಗ್ಗೆ ಇಂತಹ ಶಬ್ದ ಕೇಳಿ ಬರುತ್ತಿದ್ದರೆ ಅಥವಾ ನಡೆಯುವಾಗ, ಏಳುವಾಗ ಮತ್ತು ಕುಳಿತುಕೊಳ್ಳುವಾಗ ಮೂಳೆಗಳು ಪರಸ್ಪರ ಉಜ್ಜಿದ ಅನುಭವವಾಗುತ್ತಿದ್ದರೆ ಅದು ಕೀಲುಗಳಲ್ಲಿ ದ್ರವದ ಪ್ರಮಾಣ ಕಡಿಮೆಯಾಗಿದೆ ಎನ್ನುವುದನ್ನು ಸೂಚಿಸಬಹುದು. ಹೆಚ್ಚಾಗಿ ವಯಸ್ಸಾದವರಲ್ಲಿ ಈ ಸಮಸ್ಯೆಗಳು ಕಂಡುಬರುತ್ತವೆ. ಇಂತಹ ಸ್ಥಿತಿಯಲ್ಲಿ ವ್ಯಕ್ತಿಯು ತಕ್ಷಣ ವೈದ್ಯರನ್ನು ಭೇಟಿಯಾಗುವುದು ಅಗತ್ಯವಾಗುತ್ತದೆ,ಇಲ್ಲದಿದ್ದರೆ ಮೂಳೆಗಳು ಪರಸ್ಪರ ಉಜ್ಜಿಕೊಳ್ಳುವ ಮೂಲಕ ಗಂಭೀರ ಸಮಸ್ಯೆಗೆ ಕಾರಣವಾಗಬಹುದು.

*ಹೊಟ್ಟೆಯಲ್ಲಿ ಶಬ್ದ

 ಇದೊಂದು ಸಾಮಾನ್ಯ ಲಕ್ಷಣವಾಗಿದ್ದು,ಜೀರ್ಣಾಂಗದಲ್ಲಿ ಏನೋ ಸಮಸ್ಯೆಯಿದೆ ಎನ್ನುವುದನ್ನು ಸೂಚಿಸುತ್ತದೆ. ಜಠರದಲ್ಲಿ ದ್ರವಗಳ ಸೂಕ್ತ ಪಚನದ ಕೊರತೆಯಿಂದಾಗಿ ಇಂತಹ ಶಬ್ದಗಳು ಸಾಮಾನ್ಯವಾಗಿ ಕೇಳಿಬರುತ್ತವೆ. ಇಂತಹ ಶಬ್ದಗಳು ಕೇಳಿಬಂದ ಬಳಿಕ ಅತಿಸಾರ ಅಥವಾ ಬೇಧಿಯೂ ಉಂಟಾಗಬಹುದು. ಹೀಗಾದಾಗ ವೈದ್ಯರನ್ನು ಸಂಪರ್ಕಿಸಿ ಸೂಕ್ತ ಸಲಹೆಯನ್ನು ಪಡೆದುಕೊಳ್ಳಬೇಕು. 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top