ಇಸ್ರೇಲ್ ಚುನಾವಣೆ: ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಭವಿಷ್ಯ ಡೋಲಾಯಮಾನ | Vartha Bharati- ವಾರ್ತಾ ಭಾರತಿ

---

ಇಸ್ರೇಲ್ ಚುನಾವಣೆ: ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಭವಿಷ್ಯ ಡೋಲಾಯಮಾನ

ಜೆರುಸಲೆಂ, ಸೆ.19: ಸುಮಾರು ಒಂದು ದಶಕಗಳ ಕಾಲ ಇಸ್ರೇಲ್ ನ ಪ್ರಬಲ ರಾಜಕಾರಣಿಯಾಗಿದ್ದ, ತಮ್ಮ ಎದುರಾಳಿಗಳನ್ನು ಹತ್ತಿಕ್ಕಿದ್ದ ಹಾಗೂ ನಾಟಕೀಯ ಚುನಾವಣಾ ವಿಜಯಗಳನ್ನು ದಾಖಲಿಸಿದ್ದ ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರ ರಾಜಕೀಯ ಭವಿಷ್ಯ ಒಮ್ಮೆಗೇ ಡೋಲಾಯಮಾನವಾಗಿ ಬಿಟ್ಟಿದೆ.

ಐದು ತಿಂಗಳ ಅವಧಿಯಲ್ಲಿ ಇಸ್ರೇಲ್ ನಲ್ಲಿ ನಡೆದ ಎರಡನೇ ಸಾರ್ವತ್ರಿಕ ಚುನಾವಣೆಯ ಶೇ. 90ರಷ್ಟು ಮತ ಎಣಿಕೆ ಬುಧವಾರ ತಡ ರಾತ್ರಿಯ ಹೊತ್ತಿಗೆ ಪೂರ್ಣಗೊಂಡಿದ್ದು, ನೆತನ್ಯಾಹು ಅವರ ಕನ್ಸರ್ವೇಟಿವ್ ಲಿಕುಡ್  ಪಕ್ಷ 32 ಸ್ಥಾನಗಳನ್ನು ಗೆದ್ದಿದ್ದರೆ, ಪ್ರಮುಖ ಎದುರಾಳಿ ಬೆನ್ನಿ ಗಾಂಟ್ಝ್ ಅವರ ಬ್ಲೂ ಆ್ಯಂಡ್ ವೈಟ್ ಪಕ್ಷ 120 ಮಂದಿ ಸದಸ್ಯ ಬಲದ ಸಂಸತ್ತಿನಲ್ಲಿ 33 ಸ್ಥಾನಗಳನ್ನು ಗಳಿಸಿತ್ತು.

ಎರಡೂ ಪಕ್ಷಗಳು ತಮ್ಮ ಸಣ್ಣ ಮಿತ್ರ ಪಕ್ಷಗಳ ಜತೆ ಸೇರಿದರೂ ಬಹುಮತದ ಸಮ್ಮಿಶ್ರ ಸರಕಾರ ರಚಿಸುವ ಸಾಧ್ಯತೆ ಕಡಿಮೆಯೆನ್ನಲಾಗಿದ್ದು, ಯಿಸ್ರೇಲ್ ಬೀಟೆನು ಪಕ್ಷದ ಅವಿಗ್ಡೋರ್ ಲೀಬಮ್ರ್ಯಾನ್ ಅವರು ಕಿಂಗ್ ಮೇಕರ್ ಆಗುವ ಸಾಧ್ಯತೆಯಿದೆ. ಅವರ ಪಕ್ಷ 9 ಸ್ಥಾನಗಳನ್ನು ಗಳಿಸಿದೆ. ಅರಬ್-ಇಸ್ರೇಲಿ ಪಕ್ಷಗಳ ಮೈತ್ರಿ ಜಾಯಿಂಟ್ ಲಿಸ್ಟ್  13 ಸ್ಥಾನಗಳನ್ನು ಗಳಿಸಿದೆ.

ಒಂದು ಕಾಲದಲ್ಲಿ ಅಜೇಯರೆಂದೇ ಪರಿಗಣಿತರಾಗಿದ್ದ ನೆತನ್ಯಾಹು ಅವರಿಗೆ ಮುಂದಿನ ತಿಂಗಳು 70 ವರ್ಷ ತುಂಲಿದ್ದು  ಅವರು  ಕೈಗೊಂಡ ಕೆಲವೊಂದು ಪ್ರಶ್ನಾರ್ಹ  ನಿರ್ಧಾರಗಳೇ ಅವರಿಗೆ ಮುಳುವಾಗಿದೆ ಎಂದು ಹೇಳಲಾಗಿದೆ.

 ಭ್ರಷ್ಟಾಚಾರ, ವಂಚನೆ ಹಾಗೂ  ವಿಶ್ವಾಸದ್ರೋಹ ಆರೋಪಗಳನ್ನು ಎದುರಿಸುತ್ತಿರುವ ಅವರ ವಿರುದ್ಧ ಪ್ರಕರಣ ದಾಖಲಿಸಲು ಇಸ್ರೇಲ್ ಅಟಾರ್ನಿ ಜನರಲ್ ಈಗಾಗಲೇ  ಶಿಫಾರಸು ಮಾಡಿದ್ದು ಅಕ್ಟೋಬರ್ ತಿಂಗಳಲ್ಲಿ ವಿಚಾರಣೆ ನಡೆಯಲಿದೆ.

ಹೇಗಾದರೂ ಮಿತ್ರ ಪಕ್ಷಗಳ ಜತೆ ಅಧಿಕಾರ ಪಡೆದು ಕಾನೂನಿನ ಕುಣಿಕೆಯಿಂದ ತಪ್ಪಿಸಿಕೊಳ್ಳಬಹುದು ಎಂಬ ಅವರ ನಿರೀಕ್ಷೆ ಬುಡಮೇಲಾಗಿದೆ. ಅವರು ಜನಾಂಗೀಯತೆಯನ್ನು ಉತ್ತೇಜಿಸಿದ್ದಾರೆ ಹಾಗೂ ಚುನಾವಣಾ ದಿನದಂದು ಅರಬ್ ಮತದಾರರು ಮನೆಯಲ್ಲಿಯೇ ಉಳಿಯುವಂತೆ ಬೆದರಿಸಿದ್ದಾರೆಂಬ ಆರೋಪಗಳನ್ನು ಅರಬ್ ನಾಯಕರು ಹೊರಿಸಿದ್ದಾರೆ.

ಎಪ್ರಿಲ್ ತಿಂಗಳಲ್ಲಿ ನೆತನ್ಯಾಹು ಅವರ ಪಕ್ಷ ಪಡೆದ ಮತಗಳಿಗೆ ಹೋಲಿಸಿದಾಗ ಈ ಬಾರಿ ಮತಗಳಿಕೆ ಇನ್ನೂ ಕಡಿಮೆಯಾಗಿದ್ದು, ಅವರ ಪಕ್ಷದ ಮತದಾರರು ಯಿಸ್ರೇಲ್ ಬೀಟೆನು  ಅವರ ಪಕ್ಷದತ್ತ ವಾಲಿರಬಹುದೆಂದು ಹೇಳಲಾಗುತ್ತಿದೆ.

ಮಾಜಿ ಮಿಲಿಟರಿ ಮುಖ್ಯಸ್ಥರಾಗಿರುವ ಗಾಂಟ್ಝ್ ಅವರ ಬ್ಲೂ ಆ್ಯಂಡ್ ವೈಟ್ ಪಾರ್ಟಿ ನೆತನ್ಯಾಹು ಜತೆ ಮೈತ್ರಿ ಸಾಧ್ಯತೆ ಅಲ್ಲಗಳೆದಿದೆ. ಒಂದು ವೇಳೆ ಅವರು ಅಧಿಕಾರದಲ್ಲಿ ಉಳಿಯಲು ಸಫಲವಾದರೂ ಅವರ ವಿರುದ್ಧದ ಆರೋಪಗಳಿಂದ ತಪ್ಪಿಸುವ ಹಾಗಿಲ್ಲ ಹಾಗೂ ಮುಂದೆ ಅಧಿಕಾರದಿಂದ ಕೆಳಗಿಳಿಯಲೇ ಬೇಕಾದ ಅನಿವಾರ್ಯತೆ ಎದುರಾಗಬಹುದು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top