'ಮರುಶಿಕ್ಷಣ ಶಿಬಿರ'ಗಳನ್ನು ಸಮರ್ಥಿಸಿದ ಚೀನಾ
ಬೀಜಿಂಗ್, ಡಿ. 9: ಕ್ಸಿನ್ಜಿಯಾಂಗ್ ವಲಯದಲ್ಲಿನ 'ಮರುಶಿಕ್ಷಣ ಶಿಬಿರ'ಗಳ ಬೃಹತ್ ಜಾಲವನ್ನು ಚೀನಾ ಸೋಮವಾರ ಸಮರ್ಥಿಸಿಕೊಂಡಿದೆ ಹಾಗೂ ನಿವಾಸಿಗಳಿಗೆ 'ತರಬೇತಿ ನೀಡುವುದನ್ನು' ಮುಂದುವರಿಸುವುದಾಗಿ ಹೇಳಿದೆ.
ಈ ವಲಯದಲ್ಲಿರುವ ಉಯಿಘರ್ ಮುಸ್ಲಿಮರ ಮೇಲೆ ಸರಕಾರ ಇಟ್ಟಿರುವ ಕಣ್ಗಾವಲು ಮತ್ತು ಅವರ ಮೇಲಿನ ನಿಯಂತ್ರಣಗಳನ್ನು ವಿವರಿಸುವ ಸರಕಾರಿ ದಾಖಲೆಗಳ ಸೋರಿಕೆಯ ಹಿನ್ನೆಲೆಯಲ್ಲಿ ಅದು ಈ ಹೇಳಿಕೆ ನೀಡಿದೆ.
ಉಯಿಘರ್ ಮುಸ್ಲಿಮರ ಮೇಲಿನ ದಮನ ಕಾರ್ಯಾಚರಣೆಗೆ ಕಾರಣವಾಗಿರುವ ಚೀನಾದ ಅಧಿಕಾರಿಗಳ ವಿರುದ್ಧ ದಿಗ್ಬಂಧನ ವಿಧಿಸಬೇಕೆಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ರನ್ನು ಒತ್ತಾಯಿಸುವ ಮಸೂದೆಯೊಂದನ್ನು ಅಮೆರಿಕ ಕಾಂಗ್ರೆಸ್ ಇತ್ತೀಚೆಗೆ ಅನುಮೋದಿಸಿದೆ.
ಈ ಎಲ್ಲ ಹಿನ್ನೆಲೆಯಲ್ಲಿ, ಇತ್ತೀಚಿನ ದಿನಗಳಲ್ಲಿ ಚೀನಾ ಸರಕಾರ ಬೃಹತ್ ಪ್ರಚಾರ ಆಂದೋಲನದಲ್ಲಿ ತೊಡಗಿದೆ.
Next Story