ಬಾಗ್ದಾದ್ ಯುಎಸ್ ರಾಯಭಾರ ಕಚೇರಿ ಬಳಿ ರಾಕೆಟ್ ದಾಳಿ
ಬಾಗ್ದಾದ್, ಜ.21: ಇರಾಕ್ ರಾಜಧಾನಿಯ ಹೈ-ಸೆಕ್ಯುರಿಟಿ ಹಸಿರು ವಲಯದ ಯುಎಸ್ ರಾಯಭಾರ ಕಚೇರಿಯ ಬಳಿ ಮೂರು ರಾಕೆಟ್ಗಳು ಅಪ್ಪಳಿಸಿವೆ ಎಂದು ಭದ್ರತಾ ಮೂಲಗಳು ತಿಳಿಸಿವೆ.
ರಾಕೆಟ್ಗಳು ಅಪ್ಪಳಿಸಿ ತಕ್ಷಣ ವಲಯದಾದ್ಯಂತ ಸೈರನ್ಗಳು ಮೊಳಗಿದೆ.
ಇತ್ತೀಚಿನ ತಿಂಗಳುಗಳಲ್ಲಿ ಹಸಿರು ವಲಯದ ಮೇಲೆ ಇದೇ ರೀತಿಯ ದಾಳಿಗಳಿಗೆ ಇರಾನ್ ಬೆಂಬಲಿತ ಅರೆಸೈನಿಕ ಗುಂಪುಗಳನ್ನು ಯುಎಸ್ ದೂಷಿಸಿದೆ, ಆದರೆ ಯಾರೂ ದಾಳಿಯ ಹೊಣೆ ಹೊತ್ತುಕೊಂಡಿಲ್ಲ
ಹಸಿರು ವಲಯವು ಕೇಂದ್ರ ಬಾಗ್ದಾದ್ನಲ್ಲಿದೆ, ಅಲ್ಲಿ ಸರ್ಕಾರಿ ಕಟ್ಟಡಗಳು ಮತ್ತು ರಾಜತಾಂತ್ರಿಕ ಕಚೇರಿಗಳಿವೆ.
ಈ ತಿಂಗಳ ಆರಂಭದಲ್ಲಿ ಇರಾಕ್ನಲ್ಲಿ ಇರಾನಿನ ಜನರಲ್ ಖಾಸೆಮ್ ಸುಲೈಮಾನಿಯನ್ನು ಅಮೆರಿಕ ಹತ್ಯೆ ಮಾಡಿದ ನಂತರ ಈ ಪ್ರದೇಶದಲ್ಲಿ ಉದ್ವಿಗ್ನತೆ ಹೆಚ್ಚಾದ ಹಿನ್ನೆಲೆಯಲ್ಲಿ ಈ ಬೆಳವಣಿಗೆ ಕಂಡುಬಂದಿದೆ.
ಜನವರಿ 3 ರಂದು ಬಾಗ್ದಾದ್ ಅಂತರ್ ರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆದೇಶಿಸಿದ ಅಮೆರಿಕದ ಡ್ರೋನ್ ದಾಳಿಯಲ್ಲಿ ಇರಾನ್ನ ಕ್ರಾಂತಿಕಾರಿ ಕಾವಲುಗಾರರ ಗಣ್ಯ ಕುಡ್ಸ್ ಫೋರ್ಸ್ನ ಮುಖ್ಯಸ್ಥ ಖಾಸೆಮ್ ಸುಲೈಮಾನಿ ಸಾವನ್ನಪ್ಪಿದ್ದರು.
ಕೆಲವು ದಿನಗಳ ನಂತರ, ಐಹನ್ ಅಲ್-ಅಸಾದ್ ವಾಯುನೆಲೆ ಸೇರಿದಂತೆ ಇರಾಕ್ನ ಎರಡು ಯುಎಸ್ ಮಿಲಿಟರಿ ನೆಲೆಗಳಿಗೆ ಕ್ಷಿಪಣಿಗಳ ಗುಂಡು ಹಾರಿಸುವ ಮೂಲಕ ಟೆಹ್ರಾನ್ ಪ್ರತೀಕಾರ ತೀರಿಸಿಕೊಂಡಿತು. ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎಂದು ಡೊನಾಲ್ಡ್ ಟ್ರಂಪ್ ಹೇಳಿದರೆ , ನಂತರ ಯುಎಸ್ ಮಿಲಿಟರಿ ವರದಿಗಳು ಜನವರಿ 8 ರಂದು ಇರಾಕ್ ನಲ್ಲಿ ಇರಾನ್ ಕ್ಷಿಪಣಿ ದಾಳಿಯಲ್ಲಿ ಕನಿಷ್ಠ 11 ಸೈನಿಕರು ಗಾಯಗೊಂಡಿದ್ದಾರೆ ಎಂದು ಬಹಿರಂಗಪಡಿಸಿತು.
ಸುಲೈಮಾನಿ ಸಾವು ಯುಎಸ್ ಮತ್ತು ಇರಾನ್ ನಡುವಿನ ಉದ್ವಿಗ್ನತೆಯನ್ನು ನಾಟಕೀಯವಾಗಿ ಹೆಚ್ಚಿಸಿದೆ.