ಬೆಂಗಳೂರಿನಲ್ಲಿ ಅಭಿವ್ಯಕ್ತಿ ಸ್ವಾತಂತ್ರ್ಯ ಸಮಾವೇಶ

ತನ್ನ ಆಪ್ತರೇ ದಾಳಿ ನಡೆಸಿದ್ದರಿಂದ ಪ್ರಧಾನಿ ಮೋದಿ ಮೌನವಾಗಿದ್ದಾರೆಯೇ?: ಸ್ವಾಮಿ ಅಗ್ನಿವೇಶ್ ಪ್ರಶ್ನೆ

ಬೆಂಗಳೂರು, ಸೆ.5: ರಾಷ್ಟ್ರ ನಾಯಕ ಜಯಪ್ರಕಾಶ್ ನಾರಾಯಣ್‌ರವರು ಒಂದು ಮಾತು ಹೇಳಿದ್ದರು; ‘ಸತ್ಯ ಹೇಳುವುದು ಒಂದು ವೇಳೆ ಬಂಡಾಯವಾಗುವುದಾದರೆ ನಾವು ಬಂಡಾಯಗಾರರೇ ಸರಿ’. ಇಂದು ನಾವೆಲ್ಲರೂ ಸತ್ಯಕ್ಕಾಗಿ ಬಂಡಾಯಗಾರರಾಗೋಣ ಎಂದು ಸಾಮಾಜಿಕ ಹೋರಾಟಗಾರ ಸ್ವಾಮಿ ಅಗ್ನಿವೇಶ್ ಕರೆ ನೀಡಿದರು.

ಬುಧವಾರ ನಗರದ ಸೆಂಟ್ರಲ್ ಕಾಲೇಜಿನ ಜ್ಞಾನಜ್ಯೋತಿ ಸಭಾಂಗಣದಲ್ಲಿ ಗೌರಿ ಲಂಕೇಶ್ ಬಳಗ ಮತ್ತು ಗೌರಿ ಸ್ಮಾರಕ ಟ್ರಸ್ಟ್ ವತಿಯಿಂದ ಆಯೋಜಿಸಲಾಗಿದ್ದ ಅಭಿವ್ಯಕ್ತಿ ಸ್ವಾತಂತ್ರ ಸಮಾವೇಶದ ‘ಕಗ್ಗತ್ತಲ ಕಾಲದ ಕೋಲ್ಮಿಂಚುಗಳು’ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ನಾವು ಗೌರಿಯನ್ನು ಜೀವಂತವಾಗಿಡುವ ಅಗತ್ಯವಿದೆ. ಏಕೆಂದರೆ ಆಕೆ ಶೋಷಿತ ಜನರ ದನಿಯಾಗಿದ್ದರು. ಇಂದು ಅಂತಹ ಜನರನ್ನು ದಾಳಿಗೊಳಪಡಿಸಲಾಗುತ್ತಿದೆ. ದಲಿತರಿಗಾಗಿ, ಆದಿವಾಸಿಗಳಿಗಾಗಿ, ಶೋಷಿತರಿಗಾಗಿ ದನಿಯೆತ್ತುವ ಎಲ್ಲರನ್ನೂ ಇಂದು ‘ಅರ್ಬನ್ ನಕ್ಸಲ್’(ನಗರ ನಕ್ಸಲ್) ಎಂಬ ಹಣೆಪಟ್ಟಿ ಕಟ್ಟಿ ಬಂಧಿಸಲಾಗುತ್ತಿದೆ ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದರು.

ನಮ್ಮನ್ನೆಲ್ಲ ಬಾಯಿಮುಚ್ಚಿಸಲು ಸರಕಾರ ಇನ್ನೂ ಅದೆಷ್ಟು ಕಾನೂನುಗಳನ್ನು ತರಬಹುದು? ಸುಪ್ರೀಂಕೋರ್ಟ್‌ನ ನಿವೃತ್ತ ನ್ಯಾಯಾಧೀಶರು ಮತ್ತು ವಕೀಲರು ಇತ್ತೀಚೆಗೆ ಮಾನವ ಹಕ್ಕು ಕಾರ್ಯಕರ್ತರು ಹಾಗೂ ವಕೀಲರುಗಳ ಬಂಧನವನ್ನು ಖಂಡಿಸುತ್ತಾ, ‘ವಿಮರ್ಶೆ ಎಂಬುದು ಪ್ರಜಾತಂತ್ರದ ಸುರಕ್ಷತೆಯ ಕಿಂಡಿ’ ಎಂದು ಹೇಳಿದ್ದನ್ನು ಅಗ್ನಿವೇಶ್ ಸ್ಮರಿಸಿದರು.

ಆದರೆ, ಸುಪ್ರೀಂಕೋರ್ಟ್‌ನ ನಿವೃತ್ತ ನ್ಯಾಯಾಧೀಶರ ಅಭಿಪ್ರಾಯಕ್ಕೆ ಪ್ರತಿಕ್ರಿಯಿಸಿದ ಕೇಂದ್ರ ಗೃಹ ಸಚಿವ ರಾಜನಾಥ್ ಸಿಂಗ್ ‘ಸುರಕ್ಷತೆಯ ಕಿಂಡಿ ಸರಿ, ಆದರೆ ಆ ಕಾರಣಕ್ಕೆ ನೀವು ಸರಕಾರವನ್ನು ಟೀಕಿಸಲಾರಂಭಿಸಿದರೆ ನಾವು ಸುಮ್ಮನಿರುವುದಿಲ್ಲ’ ಎಂದು ಎಚ್ಚರಿಕೆ ನೀಡಿದ್ದಾರೆ. ಈ ಗೃಹ ಸಚಿವರು ಸಂವಿಧಾನವನ್ನು ಹೇಗೆ ಅರ್ಥೈಸಿಕೊಂಡಿದ್ದಾರೆ? ಸರಕಾರ ಎಂಬುದು ದೇಶವಲ್ಲ, ಸರಕಾರವನ್ನು ಟೀಕಿಸಿದರೆ ದೇಶವನ್ನು ವಿರೋಧಿಸಿದಂತಲ್ಲ; ಸರಕಾರ ಇದೇ ಇರಲಿ ಬದಲಾಗಲಿ, ದೇಶ ಮಾತ್ರ ಮುಂದೆಯೂ ಇದ್ದೇ ಇರುತ್ತದೆ, ಆದ್ದರಿಂದ ನಮ್ಮ ನಿಷ್ಠೆ ಈ ದೇಶಕ್ಕೇ ಹೊರತು ಕ್ಷಣಿಕವಾದ ಸರಕಾರಗಳಿಗಲ್ಲ ಎಂದು ಅವರು ತಿರುಗೇಟು ನೀಡಿದರು.

ಗೌರಿ ಇಂದು ಇಂತಹ ಒಂದು ವಿಮರ್ಶೆಗೆ ಒಂದು ಪ್ರತೀಕವಾಗಿದ್ದಾರೆ. ಇದು ಒಂದು ವೈಚಾರಿಕ ಚಳವಳಿಯ ಸ್ವರೂಪ ತಳೆದಿದೆ, ಇದು ಇಷ್ಟಕ್ಕೇ ನಿಲ್ಲಬಾರದು ರಾಜಕೀಯ ಆಂದೋಲನವೂ ಆಗಬೇಕು. ಗೌರಿಯ ಆಶಯಗಳನ್ನು ಮುಂದಕ್ಕೊಯ್ಯಲು ‘ನ್ಯಾಯಪಥ’ ಎಂಬ ಪತ್ರಿಕೆಯನ್ನು ಆರಂಭಿಸಿದ್ದೀರಿ. ಇಂತಹ ಪತ್ರಿಕೆಗಳು ಬೀದಿಬೀದಿಯಲ್ಲಿ ಗಲ್ಲಿಗಲ್ಲಿಗಳಲ್ಲಿ ಆರಂಭವಾಗಬೇಕು ಎಂದು ಅವರು ಹೇಳಿದರು.

1921ರಿಂದ ಹಿಡಿದು ಇಲ್ಲಿಯವರೆಗೆ ಅದೆಷ್ಟೋ ಎಳೆಯ ಮನಸ್ಸುಗಳಿಗೆ ಸಂಘಪರಿವಾರ ವಿಷ ತುಂಬಿಸಿರಬಹುದು. ಈಗಲೂ ಇದು ನಡೆಯುತ್ತಲೇ ಇದೆ. ಇಂತಹ ವಿಷತುಂಬಿದ ಮನಸ್ಸುಗಳಿಗೆ ಸತ್ಯವನ್ನು ತಿಳಿಸಲು ನಾವು ಮನೆ ಮನಗಳನ್ನು ತಲುಪಬೇಕು. ಇದರಿಂದೆಲ್ಲ ನಮ್ಮನ್ನು ವಿಮುಖಗೊಳಿಸಲು ಹಿಂದೂ ಮುಸ್ಲಿಂ ದ್ವೇಷದ ಅಜೆಂಡಾ ಮುಂದೆ ತರಲಾಗಿದೆ. ಇದರಿಂದೆಲ್ಲ ನಾವು ಕಂಗೆಡಬಾರದು, ಏಕೆಂದರೆ ನಮ್ಮದು ಬಡವರ ಪರವಾದ ಸತ್ಯದ ಪರವಾದ ಹೋರಾಟ ಎಂದು ಅವರು ಹೇಳಿದರು.

ಕೆಲವರು ದೇಹದ ಮೇಲೆ ಚಿನ್ನದೆಳೆಗಳನ್ನು ಹೇರಿಕೊಂಡಿದ್ದರೆ, ಇನ್ನೊಂದಷ್ಟು ಜನರ ಮೈಮೇಲೆ ನೂಲಿನೆಳೆಯೂ ಇಲ್ಲ; ನಾವು ಏಕೆ ಬಂಡಾಯ ಎದ್ದಿದ್ದೇವೆಂದರೆ, ಈ ಅನ್ಯಾಯ ನಮಗೆ ಒಪ್ಪಿಗೆಯಿಲ್ಲ. ನನ್ನ ಮೇಲೆ ದಾಳಿ ಮಾಡಿದ್ದ ಬಗ್ಗೆ ಪ್ರಶ್ನಿಸಿದಾಗ ದಾಳಿ ಮಾಡಿದವರು ಹೇಳುವುದಿಷ್ಟೇ ಆತ ನಮ್ಮ ಧರ್ಮದ ನಂಬಿಕೆಗಳನ್ನು ಪ್ರಶ್ನಿಸುತ್ತಾನೆ. ಹೌದು ನಾನು ಪ್ರಶ್ನಿಸುತ್ತೇನೆ. ಏಕೆಂದರೆ ಸಂವಿಧಾನದ ಕಲಂ 15 ಹೇಳುತ್ತದೆ, ‘ವೈಜ್ಞಾನಿಕ ಮನೋಭಾವವನ್ನು ಬೆಳೆಸಿಕೊಳ್ಳಿ’ ಎಂದು ಅವರು ಹೇಳಿದರು.

ವೇದಗಳು ಹೇಳುತ್ತವೆ ‘ತರ್ಕದಿಂದ ಯಾವುದು ಸಾಬೀತಾಗಿಲ್ಲವೋ ಅಂಥದ್ದನ್ನು ಒಪ್ಪಬೇಡ’ ಎಂದು. ಅದರಿಂದ ನಾನು ಪ್ರಶ್ನಿಸುತ್ತೇನೆ. ಆ ಕಾಲದಲ್ಲೇ ಪ್ಲಾಸ್ಟಿಕ್ ಸರ್ಜರಿ ಇತ್ತು, ಪ್ರನಾಳ ಶಿಶು ತಂತ್ರಜ್ಞಾನ ಎಂಬುದೆಲ್ಲ ಇತ್ತು ಎಂಬಂತಹ ಅಸಂಬದ್ಧಗಳನ್ನು ನಾವು ನಂಬಬೇಕೆ? ಪ್ರಶ್ನಿಸುವುದು ಬೇಡವೇ? ಆ ಕಾಲದಲ್ಲೇ ಪ್ಲಾಸ್ಟಿಕ್ ಸರ್ಜರಿ ಇದ್ದಿದ್ದೇ ಆಗಿದ್ದರೆ ಗಣೇಶನಿಗೆ ಆನೆಯ ಮುಖ ಜೋಡಿಸುವ ಬದಲು ಕಡಿದುರುಳಿಸಲಾಗಿದ್ದ ಮಗುವಿನ ಮುಖ ಯಾಕೆ ಜೋಡಿಸಲಿಲ್ಲ? ಎಂದು ಅವರು ಪ್ರಶ್ನಿಸಿದರು.

ನನ್ನ ಮೇಲೆ ಜಾರ್ಖಂಡ್‌ನಲ್ಲಿ ದಾಳಿಯಾಗಿ ಒಂದೂವರೆ ತಿಂಗಳಾಗಿದೆ. ಇಂದಿಗೂ ಪ್ರಧಾನ ಮಂತ್ರಿಗಳು ಬಾಯಿ ಬಿಚ್ಚಿ ಒಂದೂ ಮಾತು ಆಡಿಲ್ಲ. ಏಕೆ? ಈ ದಾಳಿಗಳನ್ನು ಮಾಡಿದವರು ಪ್ರಧಾನಿಗಳಿಗೆ ಬಹಳ ಆಪ್ತರೇ ಆಗಿರಬೇಕಲ್ಲವೇ? ಈಗ ಜಾರ್ಖಂಡ್ ದಾಳಿಯ ಭಾಗಿಗಳೆಲ್ಲ ಅಲ್ಲಿನ ಬಿಜೆಪಿ ಮುಖಂಡರೇ ಎಂಬುದು ಹೊರಬೀಳುತ್ತಿದೆ. ಆದರೆ ಈ ದಾಳಿಗಳಿಗೆ ನಾವು ಬೆದರುವುದಿಲ್ಲ ಎಂದು ಸ್ವಾಮಿ ಅಗ್ನಿವೇಶ್ ಹೇಳಿದರು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top