ಗ್ಲೋಬಲ್ ಕನೆಕ್ಟ್ ವರ್ಚುವಲ್ ಹಬ್ ಆರಂಭ
ಬೆಂಗಳೂರು, ಡಿ.8: ಆರ್ಯ ವೈಶ್ಯ ಬಿಸಿನೆಸ್ ನೆಟ್ವರ್ಕಿಂಗ್ಗ್ರೂಪ್(ಬಿಶಿಪ್) ತಮ್ಮ ಸಮುದಾಯದ ವ್ಯಾಪಾರ-ವಹಿವಾಟು ಅಭಿವೃದ್ಧಿ ಮತ್ತು ನೂತನ ಕೌಶಲ್ಯಗಳ ಅಳವಡಿಕೆಗಾಗಿ ‘ಗ್ಲೋಬಲ್ ಕನೆಕ್ಟ್ ವರ್ಚುವಲ್ ಹಬ್’ ಆರಂಭಿಸಿದೆ.
ನಗರದ ಖಾಸಗಿ ಹೋಟೆಲ್ನಲ್ಲಿ ನಡೆದ ಸಮಾರಂಭದಲ್ಲಿ ಹಬ್ ಅನ್ನು ಬಿಡುಗಡೆ ಮಾಡಲಾಯಿತು. ತಂತ್ರಜ್ಞಾನದ ಅತ್ಯುತ್ತಮ ಬಳಕೆ ಮಾಡಿಕೊಳ್ಳುವುದು ಈ ವರ್ಚುವಲ್ ಹಬ್ನ ಪ್ರಮುಖ ಉದ್ದೇಶವಾಗಿದೆ. ಆ ಮೂಲಕ ವಿಶ್ವದ ಪ್ರತಿ ಮೂಲೆ ಮೂಲೆಗು ತಲುಪುವುದು ಇದರ ಗುರಿಯಾಗಿದೆ. ಈ ಕುರಿತು ಮಾತನಾಡಿದ ಸಹ ಸಂಸ್ಥಾಪಕ ಮತ್ತು ಅಧ್ಯಕ್ಷ ಎಸ್.ಆರ್.ಶ್ರೀಧರ್, ಈ ಹಿಂದೆ ವ್ಯಾಪಾರ ಎಂಬ ಪದ ಅನ್ವರ್ಥಕ ನಾಮವಾಗಿ ನಮ್ಮ ಆರ್ಯ ವೈಶ್ಯ ಸಮುದಾಯ ಇತ್ತು. ಆದರೆ, ಇಂದು ಬೇರೆ ಸಮುದಾಯ ಬೆಳವಣಿಯಿಂದ ನಮ್ಮ ಸಮುದಾಯ ಕುಂಠಿತವಾಗಿದೆ. ಅಲ್ಲದೆ, ವ್ಯಾಪರಸ್ಥರು ದೂರವಾಗಿದ್ದಾರೆ. ಇವರನ್ನು ಒಗ್ಗೂಡಿಸಿ ಮತ್ತೆ ವ್ಯಾಪಾರ ವಹಿವಾಟು ಕ್ಷೇತ್ರದಲ್ಲಿ ಮಂಚೂಣಿಗೆ ಬರುವುದು, ಆ ಮೂಲಕ ದೇಶದ ಆರ್ಥಿಕ ಅಭಿವೃದ್ಧಿಗೆ ಕೊಡುಗೆ ನೀಡುವುದು ನಮ್ಮ ಉದ್ದೇಶವಾಗಿದೆ. ಈ ಹಿನ್ನೆಲೆಯಲ್ಲಿ ನಾವು ಈ ಸಮಾವೇಶ ಆಯೋಜಿಸಿದ್ದೇವೆ. ಎಲ್ಲರೂ ಒಂದೇ ವೇದಿಕೆಯಲ್ಲಿ ಸಿಗಲಿದ್ದಾರೆ. ಆನಂತರ ತಮ್ಮ ವ್ಯಾಪಾರ ವಹಿವಾಟುಗಳ ಬಗ್ಗೆ ಮುಕ್ತವಾಗಿ ಚರ್ಚಿಸಿ ಬೇರೆ ಅವರ ಉದ್ಯಮಕ್ಕೂ ಸಹಕಾರಿಯಾಗಲಿದ್ದಾರೆ ಎಂದರು.
ಗೂಗಲ್ ಪ್ಲೇ ಸ್ಟೋರ್ನಲ್ಲಿ ಈ ಮೊಬೈಲ್ ಆಪ್ ದೊರೆಯಲಿದ್ದು, ನಮ್ಮ ಸಮುದಾಯದವರು ಡೌನ್ಲೋಡ್ ಮಾಡಿಕೊಂಡು ಪರಸ್ಪರ ಬಿಸಿನೆಸ್ಗೆ ಅನುಕೂಲ ಮಾಡಿಕೊಡಬಹುದು ಎಂದರು.
ಸಮಾರಂಭದಲ್ಲಿ ಬಿಶಿಪ್ ಉಪಾಧ್ಯಕ್ಷ ಬಿ.ಎ.ನಾಗರಾಜ್, ವರ್ಚುವಲ್ ಹಬ್ ಅಧ್ಯಕ್ಷ ಮತ್ತು ಸಹ ಸಂಸ್ಥಾಪಕ ಆರ್.ಎಸ್.ರಾಜೇಶ್, ಸಹ ಸಂಸ್ಥಾಪಕ ಮತ್ತು ಕಾರ್ಯದರ್ಶಿ ಸಂದೀಪ್ ಸೇರಿದಂತೆ ಹಲವರಿದ್ದರು.