---

ಕುದುರೆ ವ್ಯಾಪಾರಕ್ಕೆ ಜಿಎಸ್‌ಟಿ ತೆರಿಗೆ....!

 ದೇಶಾದ್ಯಂತ ‘ಕುದುರೆ ವ್ಯಾಪಾರ’ದ ವಿರುದ್ಧ ತೀವ್ರ ಟೀಕೆ ವ್ಯಕ್ತವಾಗುತ್ತಿದ್ದಂತೆಯೇ ಪತ್ರಕರ್ತ ಕಾಸಿ ಚುರುಕಾದ. ಭ್ರಷ್ಟಾಚಾರದ ವಿರುದ್ಧ ಸಮರ ಸಾರಿರುವ ನರೇಂದ್ರ ಮೋದಿಯವರು ಈ ಬಗ್ಗೆ ಏನು ಹೇಳಬಹುದು ಎಂಬ ಕುತೂಹಲದಿಂದ ನರೇಂದ್ರಮೋದಿಯವರ ನಿವಾಸದೆಡೆಗೆ ದೌಡಾಯಿಸಿದ. ಆದರೆ ನಿವಾಸದ ಗೇಟಿನ ಮುಂದಿರುವ ಚೌಕಿದಾರ್ ಕಾಸಿಯನ್ನು ತಡೆದ. ‘‘ಸಾಹೇಬರು ಯಾವ ಪ್ರಶ್ನೆಗೂ ಉತ್ತರಿಸುವುದಿಲ್ಲ. ಅವರಲ್ಲಿ ಏನು ಕೇಳಬೇಕಾಗಿದೆಯೋ ನನ್ನ ಬಳಿಯೇ ಕೇಳಿ....ಪತ್ರಿಕೆಯಲ್ಲಿ ಹಾಕಿ....’’ ಎಂದು ಬಿಟ್ಟ.
‘‘ಆದರೆ ಪ್ರಧಾನಮಂತ್ರಿಯವರು....’’ ಕಾಸಿ ಏನೋ ಹೇಳಲು ಬಾಯಿ ತೆರೆಯುತ್ತಿದ್ದಂತೆಯೇ ಚೌಕಿದಾರ್ ಬಾಯಿ ಮುಚ್ಚಿಸಿದ ‘‘ಮೋದೀಜಿಯವರು ವಿದೇಶದಲ್ಲಿದ್ದಾರೆ. ಯಾರೇ ಬಂದರೂ ನಾನೇ ನಿಭಾಯಿಸುತ್ತಾ ಇದ್ದೇನೆ. ಈಗಷ್ಟೇ ಆರ್ನಬ್ ಗೋಸ್ವಾಮಿ ನನ್ನನ್ನು ಇಂಟರ್ಯೂ ಮಾಡಿ ಹೋದರು.....’’
ಆರ್ನಬ್ ಗೋಸ್ವಾಮಿಯೇ ಇಂಟರ್ಯೂ ಮಾಡಿದ ಬಳಿಕ ನನ್ನದೇನು ಎನ್ನುತ್ತಾ ಕಾಸಿ ಪ್ರಶ್ನೆ ಕೇಳ ತೊಡಗಿದ ‘‘ಸಾರ್...ಕರ್ನಾಟಕ, ಗೋವಾ ಸೇರಿದಂತೆ ದೇಶದೆಲ್ಲೆಡೆ ಕುದುರೆ ವ್ಯಾಪಾರ ಜಾಸ್ತಿಯಾಗಿದೆ...ಇದರ ವಿರುದ್ಧ ಏನು ಕ್ರಮ ತೆಗೆದುಕೊಳ್ಳುತ್ತೀರಿ...?’’
ಚೌಕಿದಾರ್ ಎದ್ದು ನಿಂತು ತನ್ನ ಪ್ಯಾಂಟಿನ ಧೂಳು ಕೊಡವಿ, ದೊಣ್ಣೆಯನ್ನು ಕಂಕುಳಲ್ಲಿ ಸಿಕ್ಕಿಸಿ ಮಾತಿಗೆ ತೊಡಗಿದ ‘‘ಕುದುರೆ ವ್ಯಾಪಾರ ಇರಲಿ, ಕತ್ತೆ ವ್ಯಾಪಾರ ಇರಲಿ ದೇಶದಲ್ಲಿ ವ್ಯಾಪಾರ ಜಾಸ್ತಿಯಾಗಿದೆ ಎನ್ನುವುದನ್ನು ನೀವೇ ಒಪ್ಪಿಕೊಂಡಿರುವುದು ನಮ್ಮ ಸರಕಾರಕ್ಕೆ ಸಿಕ್ಕಿರುವ ಬೆಂಬಲವಾಗಿದೆ. ನಮ್ಮ ಸರಕಾರ ಕುದುರೆ, ಕತ್ತೆ ಸೇರಿದಂತೆ ಕೋತಿ, ನಾಯಿ ಮೊದಲಾದ ವ್ಯಾಪಾರಗಳಿಗೂ ಆದ್ಯತೆ ನೀಡಲಿದೆ....’’
‘‘ಅದಲ್ಲ ಸಾರ್...ಕುದುರೆ ವ್ಯಾಪಾರದಿಂದ ರೆಸಾರ್ಟ್ ರಾಜಕೀಯ ಜಾಸ್ತಿಯಾಗಿದೆ....’’ ಕಾಸಿ ಸ್ಪಷ್ಟ ಪಡಿಸಿದ.
‘‘ನೋಡ್ರೀ....ದೇಶ ಅಭಿವೃದ್ಧಿಯತ್ತ ದಾಪುಗಾಲು ಇಡುತ್ತಿದೆ. ದೇಶದಲ್ಲಿ ಹೆಚ್ಚು ಹೆಚ್ಚು ರೆಸಾರ್ಟ್‌ಗಳನ್ನು ಸರಕಾರ ನಿರ್ಮಿಸಲು ಹೊರಟಿದೆ. ಈ ಮೂಲಕ ಕುದುರೆ ವ್ಯಾಪಾರಕ್ಕೆ ಇನ್ನಷ್ಟು ಪ್ರೋತ್ಸಾಹ ನೀಡಲಿದ್ದೇವೆ....ಇದರಿಂದ ವ್ಯಾಪಾರ, ಉದ್ಯಮ ಇನ್ನಷ್ಟು ಲಾಭದಾಯಕವಾಗುತ್ತದೆ....’’
‘‘ಸಾರ್...ಇದು ನಿಜವಾದ ಕುದುರೆಗಳ ವ್ಯಾಪಾರ ಅಲ್ಲ ಸಾರ್...ಚುನಾವಣೆಯಲ್ಲಿ ಗೆದ್ದ ಶಾಸಕರ ಮಾರಾಟ ನಡೆಯುತ್ತಿದೆ....’’ ಕಾಸಿ ತಿದ್ದಿದ.
‘‘ನೋಡೀ....ಮೋದಿಯವರು ವ್ಯಾಪಾರ, ಉದ್ಯಮಗಳ ಏಳಿಗೆಗಾಗಿ ವಿದೇಶಗಳಲ್ಲಿ ಅಲೆದಾಡುತ್ತಿದ್ದಾರೆ. ಇಂದು ಯಾವ ವ್ಯಾಪಾರವೇ ಆಗಿರಲಿ....ಅದು ಅಭಿವೃದ್ಧಿ ಹೊಂದಬೇಕು...ಶಾಸಕರಾದರೆ ಶಾಸಕರು, ಸಂಸದರಾದರೆ ಸಂಸದರು....ಒಟ್ಟಿನಲ್ಲಿ ವ್ಯಾಪಾರ ಚೆನ್ನಾಗಿ ನಡೆಯುತ್ತಾ ಇದ್ದರೆ ಸಾಕು...’’ ಚೌಕಿದಾರ್ ವಿಶ್ಲೇಷಿಸಿದ.
‘‘ಆದರೆ ಇದರಿಂದ ಪ್ರಜಾಸತ್ತೆಗೆ ಹಾನಿಯಲ್ಲವೇ?’’ ಕಾಸಿ ಆತಂಕದಿಂದ ಕೇಳಿದ.
‘‘ವ್ಯಾಪಾರ ಹೆಚ್ಚಿದರೆ ದೇಶಕ್ಕೆ ಲಾಭ. ಲಾಭವಾದರೆ ದೇಶ ಉಳಿಯುತ್ತದೆ. ದೇಶ ಉಳಿದರೆ ಪ್ರಜಾಸತ್ತೆ ಉಳಿಯುತ್ತದೆ. ಆದುದರಿಂದ ಯಾವುದೇ ಲಾಭದಾಯಕ ವ್ಯಾಪಾರಗಳನ್ನು ಪ್ರೋತ್ಸಾಹಿಸುವುದು ಸರಕಾರದ ಗುರಿ. ಶಾಸಕರ ವ್ಯಾಪಾರದಿಂದ ಅಪಾರ ಹಣ ಬರುತ್ತದೆ ಎಂದಾದರೆ ಅದು ಒಳ್ಳೆಯದೆ’’
‘‘ಅದರಿಂದ ಸರಕಾರಕ್ಕೆ ಲಾಭ ಹೇಗೆ ಸಾರ್?’’ ಚೌಕಿದಾರನ ಅರ್ಥಶಾಸ್ತ್ರ ಅರ್ಥವಾಗದೆ ಕಾಸಿ ಕೇಳಿದ.
‘‘ನೋಡಿ, ಮಾರುಕಟ್ಟೆಯಲ್ಲಿ ಶಾಸಕರಿಗೆ ಒಳ್ಳೆಯ ಬೇಡಿಕೆ ಇದೆ ಎಂದಾದರೆ ಪ್ರತಿ ಶಾಸಕರ ಮೇಲೆ ಶೇ. 40ರಷ್ಟು ಜಿಎಸ್‌ಟಿ ತೆರಿಗೆ ಹಾಕಿದರೆ ಆಯಿತು...ಸರಕಾರಕ್ಕೂ ಲಾಭವಾಗುತ್ತದೆ....ಇದರಿಂದ ಬೇಕಾಬಿಟ್ಟಿ ಶಾಸಕರನ್ನು ಕೊಳ್ಳುವವರ ಸಂಖ್ಯೆ ಕಡಿಮೆಯಾಗುತ್ತದೆ...’’
‘‘ಅಂದರೆ ಕುದುರೆ ವ್ಯಾಪಾರಕ್ಕೂ ಜಿಎಸ್‌ಟಿ ಹಾಕ್ತೀರಾ?’’
 ‘‘ಹೌದು. ಮುಂದಿನ ಬಜೆಟ್‌ನಲ್ಲಿ ಈ ವ್ಯಾಪಾರಕ್ಕೆ ಉತ್ತೇಜನ ನೀಡಲು ಹೆಚ್ಚು ಹೆಚ್ಚು ರೆಸಾರ್ಟ್‌ಗಳನ್ನು ಸರಕಾರದ ವತಿಯಿಂದಲೇ ತೆರೆಯಲಾಗುತ್ತದೆ. ಇದರಿಂದ ಕುದುರೆ ವ್ಯಾಪಾರಕ್ಕೂ, ಪ್ರವಾಸೋದ್ಯಮಕ್ಕೂ ಉತ್ತೇಜನ ನೀಡಿದಂತಾಗುತ್ತದೆ....’’ ಚೌಕಿದಾರ್ ವಿವರಿಸಿದ.
‘‘ಅಂದರೆ ಶಾಸಕರ ಕುದುರೆ ವ್ಯಾಪಾರವನ್ನು ಅಧಿಕೃತ ವ್ಯಾಪಾರವಾಗಿ ಘೋಷಣೆ ಮಾಡುತ್ತಿದ್ದೀರಾ ಸಾರ್...?’’ ಕಾಸಿ ರೋಮಾಂಚನಗೊಂಡು ಕೇಳಿದ.
  ‘‘ದೇಶದಲ್ಲಿ ಬೇರೆ ಉದ್ದಿಮೆಗಳೆಲ್ಲ ಕುಸಿಯುತ್ತಿರುವಾಗ ಈ ಕುದುರೆ ವ್ಯಾಪಾರ ಲಾಭದಾಯಕವಾಗಿ ನಡೆಯುತ್ತಿರುವುದು ಆರ್ಥಿಕತೆಗೆ ಒಂದು ಆಶಾದಾಯಕ ಸಂಗತಿಯಾಗಿದೆ. ಆದುದರಿಂದ ಈ ಕುದುರೆ ವ್ಯಾಪಾರವನ್ನು ಪ್ರೋತ್ಸಾಹಿಸಲು ಇನ್ನಷ್ಟು ಯೋಜನೆಗಳನ್ನು ತರಲಿದ್ದೇವೆ. ಮುಖ್ಯವಾಗಿ ಯಾವ ಯಾವ ಕುದುರೆಗಳ ದರ ಎಷ್ಟು ಎನ್ನುವುದನ್ನು ತಿಳಿಸುವ ಆ್ಯಪ್ ಒಂದನ್ನು ತರಲಿದ್ದೇವೆ. ಕಾಲ ಕಾಲಕ್ಕೆ ಅವರ ದರ ಏರಿಕೆ-ಇಳಿಕೆಯಾಗುವುದರ ವಿವರ ಗೊತ್ತಾಗಲಿದೆ. ಹಾಗೆಯೇ ರೆಸಾರ್ಟ್‌ಗಳಲ್ಲಿ ಕುದುರೆಗಳಿಗೆ ಬಿಗಿ ಭದ್ರತೆಯ ಏರ್ಪಾಡನ್ನು ಮಾಡಲು ವಿಶೇಷ ಕಾನೂನನ್ನು ಜಾರಿಗೆ ತರಲಿದ್ದೇವೆ. ಹಾಗೆಯೇ ಸರಕಾರ ರಚನೆಯಾದ ಪ್ರತಿ ಆರು ತಿಂಗಳಿಗೊಮ್ಮೆ ಬಹಿರಂಗವಾಗಿ ಈ ಕುದುರೆಗಳ ಹರಾಜು ಸಂತೆಯನ್ನೂ ಏರ್ಪಡಿಸಲಿದ್ದೇವೆ. ಈ ಹರಾಜಿನಲ್ಲಿ ಯಾವ ಶಾಸಕರೂ ಬಹಿರಂಗವಾಗಿ ಭಾಗವಹಿಸಬಹುದು. ಇಂತಹ ಬಹಿರಂಗ ಹರಾಜಿಗೆ ತೆರಿಗೆ ವಿನಾಯಿತಿಯನ್ನು ಸರ ಾರ ನೀಡಲಿದೆ....’’ ಚೌಕಿದಾರ್ ಘೋಷಿಸಿದ.
‘‘ಸಾರ್...ಈ ಯೋಜನೆಯನ್ನು ಮತದಾರರು ಬೆಂಬಲಿಸಬಹುದೇ?’’ ಕಾಸಿ ಅನುಮಾನ ಮುಂದಿಟ್ಟ.
‘‘ಖಂಡಿತ ಬೆಂಬಲಿಸುತ್ತಾರೆ....ಚುನಾವಣೆಯ ವೇಳೆ ಮತದಾರರ ಹರಾಜಿಗೂ ನಾವು ವ್ಯವಸ್ಥೆ ಮಾಡುತ್ತೇವೆ. ಮತದಾರರ ಮಾರಾಟಕ್ಕೆ ಸರಕಾರ ಸುಂಕ ವಿನಾಯಿತಿ ನೀಡುವುದರಿಂದ ಜನಸಾಮಾನ್ಯರಿಗೆ ತುಂಬಾ ಲಾಭವಾಗುತ್ತದೆ....ಶಾಸಕರದ್ದು ಕುದುರೆ ವ್ಯಾಪಾರವಾದರೆ, ಮತದಾರರದ್ದು ಕತ್ತೆ ವ್ಯಾಪಾರ. ಪ್ರತಿ ಐದು ವರ್ಷಕ್ಕೊಮ್ಮೆ ಈ ಕತ್ತೆಗಳ ಹರಾಜಿಗೆ ಸರಕಾರ ಭಾರೀ ವ್ಯವಸ್ಥೆಯನ್ನು ಮಾಡಲಿದೆ....’’ ಚೌಕಿದಾರ್ ತನ್ನ ದೂರಗಾಮಿ ಯೋಜನೆಗಳನ್ನು ಮುಂದಿಟ್ಟದ್ದೇ ಪತ್ರಕರ್ತ ಕಾಸಿ ಕತ್ತೆಯಂತೆ ಕೆನೆಯುತ್ತಾ ಬೆಂಗಳೂರಿನ ಪತ್ರಿಕಾಕಚೇರಿ ಕಡೆ ಓಡತೊಡಗಿದ.

 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top