ದೇಶಭಕ್ತಿ ಚಿತ್ರಗಳ ಹೀರೋಗೆ ಸ್ವಾತಂತ್ರ್ಯೋತ್ಸವದಂದೇ ಬರ್ತ್ ಡೇ! | Vartha Bharati- ವಾರ್ತಾ ಭಾರತಿ

---

ದೇಶಭಕ್ತಿ ಚಿತ್ರಗಳ ಹೀರೋಗೆ ಸ್ವಾತಂತ್ರ್ಯೋತ್ಸವದಂದೇ ಬರ್ತ್ ಡೇ!

ಆಗಸ್ಟ್ 15ಕ್ಕೆ ಅರ್ಜುನ್ ಸರ್ಜಾ ಅವರಿಗೆ ವರ್ಷ 54 ತುಂಬುತ್ತದೆ! ಅರೇ ಮೊನ್ನೆ ಮೊನ್ನೆ ಲವ್ವರ್ ಬಾಯ್ ತರಹ ಪ್ರೇಮಗೀತೆ ಹಾಡಿದವರು ಇಷ್ಟು ಬೇಗ ಇಷ್ಟೆಲ್ಲ ವಯಸ್ಸು ದಾಟಿ ಬಿಟ್ಟರಾ ಎನ್ನುವ ಸಂದೇಹ ಸಹಜ. ಆದರೆ ಆ್ಯಕ್ಷನ್ ಕಿಂಗ್ ಎನ್ನುವ ಬಿರುದು ಇದ್ದರೂ, ಪ್ರೇಮಚಿತ್ರಗಳಲ್ಲಿ ಯಶಸ್ಸು ಪಡದಿದ್ದರೂ ಎಲ್ಲ ಭಾವಗಳಲ್ಲಿ ಹೇಗೆ ಪ್ರೇಕ್ಷಕರನ್ನು ಗೆಲ್ಲಬಲ್ಲನೆಂದು ತೋರಿಸಿಕೊಟ್ಟವರು ಅರ್ಜುನ್ ಸರ್ಜಾ. ಅದಕ್ಕೆ ಪ್ರಸ್ತುತ ಯಶಸ್ವೀ ಪ್ರದರ್ಶನ ಕಾಣುತ್ತಿರುವ ಕುರುಕ್ಷೇತ್ರ ಕೂಡ ಉದಾಹರಣೆ. ಈ ಎಲ್ಲ ವಿಚಾರಗಳ ಬಗ್ಗೆ ಸಣ್ಣದೊಂದು ಅವಲೋಕನ ಇದು.

ಕುರುಕ್ಷೇತ್ರ ತೆರೆಕಂಡ ಮೇಲೆ ಮತ್ತೆ ಅರ್ಜುನ್ ಸರ್ಜಾ ಸುದ್ದಿಯಲ್ಲಿದ್ದಾರೆ. ನೂರಾರು ಕಲಾವಿದರನ್ನು ಹೊಂದಿರುವ ಬೃಹತ್ ಚಿತ್ರದಲ್ಲಿ ಹಲವಾರು ಸ್ಟಾರ್ ಗಳ ನಡುವೆ ಇಂದು ಎಲ್ಲರಿಂದ ಗುರುತಿಸಲ್ಪಡುತ್ತಿರುವ ನಟನಿದ್ದರೆ ಅದು ಅರ್ಜುನ್ ಸರ್ಜ. ಅದಕ್ಕೆ ಕಾರಣವಾಗಿರುವುದು ಕುರುಕ್ಷೇತ್ರದಲ್ಲಿ ಅವರು ನಿರ್ವಹಿಸಿರುವ ಕರ್ಣನ ಪಾತ್ರ.

ಆ್ಯಕ್ಷನ್ ಕಿಂಗ್ ನಿಂದ ಸುಪರ್ಬ್ ಸೆಂಟಿಮೆಂಟ್ ಸನ್ನಿವೇಶ
ಅರ್ಜುನ್ ಸರ್ಜಾ ಚಿತ್ರರಂಗಕ್ಕೆ ಬಾಲನಟನಾಗಿ ಕಾಲಿಡುವಾಗಲೇ ಆ್ಯಕ್ಷನ್ ಹೀರೋ ಆಗಿ ಗುರುತಿಸಿಕೊಂಡವರು. ಸಿಂಹದ ಮರಿ ಸೈನ್ಯ ಚಿತ್ರದಲ್ಲಿ ಅವರ ಸಾಹಸ ದೃಶ್ಯಗಳೇ ಸಿನಿಮಾದ ಹೈಲೈಟ್ ಆಗಿದ್ದವು. ಆದರೆ ಪ್ರೇಮ ಯುದ್ಧ, ಸ್ನೇಹದ ಕಡಲಲ್ಲಿ, ಪ್ರೇಮಾಗ್ನಿ, ಸ್ನೇಹದ ಕಡಲಲ್ಲಿ, ಶಿವನಾಗ, ಪ್ರತಾಪ್ ಚಿತ್ರಗಳಲ್ಲಿ ಅವರು ಲವ್ವರ್ ಬಾಯ್ ಆಗಿ ಜತೆಗೆ ಅದಕ್ಕೆ ತಕ್ಕಂತೆ ಸೆಂಟಿಮೆಂಟ್ ದೃಶ್ಯಗಳಲ್ಲಿಯೂ ಕಾಣಿಸಿಕೊಂಡು ಗಮನಸೆಳೆದಿದ್ದರು. 

ಯಾವಾಗ ತಮಿಳಲ್ಲಿ 'ಜಂಟಲ್ ಮ್ಯಾನ್' ಚಿತ್ರ ಸುಪರ್ ಹಿಟ್ ಆಯಿತೋ ಅಲ್ಲಿಂದ ಅವರು ಕನ್ನಡದತ್ತ ಬರುವುದನ್ನೇ ಕಡಿಮೆ ಮಾಡಿದರು. ಆದರೆ ತಮಿಳಲ್ಲಿ ಸುಪರ್ ಹಿಟ್ ಚಿತ್ರಗಳ ಸಂಖ್ಯೆ ಹೆಚ್ಚುತ್ತಲೇ ಹೋಯಿತು. ಆದರೆ ಎರಡನೇ ಬಾರಿ ನೀಡಿದ ಗ್ರ್ಯಾಂಡ್ ಎಂಟ್ರಿ ಇದೆಯಲ್ಲ? ಅದೇ ಶ್ರೀಮಂಜುನಾಥ. ಚಿತ್ರದಲ್ಲಿ ಕೂಡ ಅವರು ಮಂಜುನಾಥನ ಭಕ್ತನಾಗಿ ಭಾವನಾತ್ಮಕವಾಗಿ ವರ್ತಿಸುವ ಸನ್ನಿವೇಶಗಳೇ ಪ್ರೇಕ್ಷಕರು ಮೆಚ್ಚಿದ ದೃಶ್ಯಗಳಾಗಿದ್ದವು. ಇದೀಗ ಅವರ ಸೆಂಟಿಮೆಂಟ್ ಸಾಮರ್ಥ್ಯದ ಸಾಕಾರಕ್ಕೆ ಮತ್ತೊಂದು ಗರಿ ಎನ್ನುವಂತೆ ಕುರುಕ್ಷೇತ್ರದ ನಟನೆಯೂ ಕೂಡ ಸೇರಿಕೊಂಡಿದೆ.

ಕರ್ಣನಾಗಿ ಕಣ್ತುಂಬುವಂತೆ ಮಾಡುವ ಅರ್ಜುನ್
ಹೆಸರು ಅರ್ಜುನ್ ಎಂದು ಇದ್ದರೂ, ಕುರುಕ್ಷೇತ್ರದಲ್ಲಿ ಅರ್ಜುನ್ ಸರ್ಜಾ ನಿರ್ವಹಿಸಿರುವ ಪಾತ್ರ ಕರ್ಣನದ್ದು. ಹಾಗೆ ನೋಡಿದರೆ ಅರ್ಜುನ್ ಸರ್ಜಾ ಅವರ ಮೂಲ ಹೆಸರು ಶ್ರೀನಿವಾಸ ಎಂದು! ಕನ್ನಡದ ಖ್ಯಾತ ಖಳನಟ ಶಕ್ತಿ ಪ್ರಸಾದ್ ಅವರ ಪುತ್ರನಾಗಿರುವ ಇವರು ಹೆಸರು ಮಾಡಿದ್ದು ಮಾತ್ರ ನಾಯಕರಾಗಿ. ಕುರುಕ್ಷೇತ್ರ ಚಿತ್ರದಲ್ಲಿ ದುರ್ಯೋಧನನಿಗೆ ಸ್ನೇಹಿತನಾಗಿ, ಮಾತಿಗೆ ತಪ್ಪದ ನಂಬಿಕಸ್ಥನಾಗಿ ಮತ್ತು ತಾಯಿಗೆ ಕೂಡ ಋಣ ಸಂದಾಯ ಮಾಡುವ ಮಹಾಪುತ್ರ ಕರ್ಣನಾಗಿ ಮನಸೆಳೆಯುತ್ತಾರೆ ಅರ್ಜುನ್. ಅವರ ಮತ್ತು ಭಾರತೀ ವಿಷ್ಣುವರ್ಧನ್ ಅವರ ಕರ್ಣ ಕುಂತಿ ಸನ್ನಿವೇಶ ಪ್ರೇಕ್ಷಕರು ಕಣ್ತುಂಬಿಕೊಳ್ಳುವಂತೆ ಮಾಡುವಲ್ಲಿ ಯಶಸ್ವಿಯಾಗಿದೆ. 

ನಿರ್ದೇಶಕರಾಗಿಯೂ ಸೈ!
ಚೆಲುವು, ಕಂಠ, ಹೊಡೆದಾಟದ ರಂಗ, ನೃತ್ಯ ಹೀಗೆ ಯಾವ ವಿಭಾಗದಲ್ಲಿ ನೋಡಿದರೂ ಪರಿಪೂರ್ಣ ನಾಯಕನಾಗಿ ಗುರುತಿಸುವಂಥ ಅರ್ಜುನ್ ಅವರು ನಿರ್ದೇಶಕರಾಗಿಯೂ ಹೆಸರು ಮಾಡಿದ್ದಾರೆ. ಸಾಮಾನ್ಯವಾಗಿ ತಾರೆಯರು ನಿರ್ದೇಶನಕ್ಕೆ ಇಳಿದರೆ ಅದು ಯಾರದೋ ಬಸಿರಿಗೆ ತಾವು ಹೆಸರು ಮಾಡಿಕೊಂಡ ಹಾಗೆ ಇರುತ್ತದೆ. ಆದರೆ ಮೂರು ದಶಕಕ್ಕೂ ಹೆಚ್ಚಿನ ವರ್ಷಗಳ ಸಿನಿಮಾನುಭವವನ್ನು ನಿರ್ದೇಶನದ ಮೂಲಕ ಸಾಕ್ಷಾತ್ಕರಿಸಿಕೊಂಡ ಕೀರ್ತಿ ಅರ್ಜುನ್ ಸರ್ಜರದ್ದು. ಚಿತ್ರರಂಗ ಪ್ರವೇಶಿಸಿ ದಶಕದೊಳಗೆ ತಮಿಳು ಚಿತ್ರವನ್ನು ನಿರ್ದೇಶಿಸಲು ಆರಂಭಿಸಿದ ಅವರು, ಕನ್ನಡದಲ್ಲಿ ಮೊದಮೊದಲು ನಿರ್ಮಾಪಕರಾಗಿ ಗುರುತಿಸಿಕೊಂಡರು. ರಮೇಶ್ ಅರವಿಂದ್ ಅಭಿನಯದ ಸುಪರ್ ಹಿಟ್ ಚಿತ್ರ 'ತುತ್ತಾ ಮುತ್ತಾ' ಇವರದೇ ನಿರ್ಮಾಣದ ಸಿನಿಮಾ ಆಗಿತ್ತು. ನಿರ್ದೇಶನದ ವಿಚಾರಕ್ಕೆ ಬಂದರೆ ನಾಲ್ಕು ವರ್ಷಗಳ ಹಿಂದೆ ಅಭಿಮನ್ಯು ಎನ್ನುವ ಚಿತ್ರ ಮತ್ತು ಮಗಳನ್ನು ನಾಯಕಿಯಾಗಿ ತೆರೆಗೆ ತಂದಂಥ ಪ್ರೇಮ ಬರಹ ಕನ್ನಡದ ಉದಾಹರಣೆಗಳು.

ಅರ್ಜುನ್ ಸರ್ಜ ಇಂದು ಭಾರತೀಯ ಚಿತ್ರರಂಗದಲ್ಲಿ ದೊಡ್ಡ ಹೆಸರು ಮಾಡಿದ್ದರೂ, ಚೆನ್ನೈನಲ್ಲಿ ನೆಲೆಸಿದ್ದರೂ ಕನ್ನಡವನ್ನು ಮರೆತಿಲ್ಲ. ಅದಕ್ಕೊಂದು ಉತ್ತಮ ಉದಾಹರಣೆ ಅವರ ಮೊಬೈಲ್ ಕಾಲರ್ ಟೋನ್. ನಾವು ಕರೆ ಮಾಡುತ್ತಿದ್ದ ಹಾಗೆಯೇ ಆ ಕಡೆಯಿಂದ “ಪ್ರೇಮ ಬರಹ.. ಕೋಟಿ ತರಹ’’ ಎನ್ನುವ ಹಂಸಲೇಖರ ಸಂಗೀತ, ಸಾಹಿತ್ಯದ ಗೀತೆ ಕೇಳಿ ಬರುತ್ತದೆ. ಅವರಿಗೆ ಜನ್ಮದಿನದ ಶುಭಾಶಯಗಳು

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top