26 ವರ್ಷಗಳ ನಂತರ ಮತ್ತೆ ಜೊತೆಯಾಗಿ ತೆರೆಯ ಮೇಲೆ ಕಾಣಿಸಿಕೊಳ್ಳಲಿರುವ ಬಿಗ್ ಬಿ ಮತ್ತು ರಿಷಿ ಕಪೂರ್
ಮುಂಬೈ,ಮೇ 19: ಇಬ್ಬರು ಹಿರಿಯ ನಟರು ತೆರೆಯಲ್ಲಿ ಜೊತೆಯಾಗಿ ಕಾಣಿಸಿ ಕೊಂಡಾಗ ನೆನಪುಗಳ ಮೆರವಣಿಗೆ ಹಿಂದಕ್ಕೆ ಸಾಗುತ್ತದೆ ಮತ್ತು ಅವರು ಯುವಕರಾ ಗಿದ್ದಾಗಿನ ಆ ಮಧುರ ದಿನಗಳ ನೆನಪಿನೊಂದಿಗೆ ಅವರ ಆಗಿನ ಪಾತ್ರಗಳು ಇನ್ನೂ ನಮ್ಮ ಕಣ್ಣುಗಳ ಮುಂದೆ ಸುಳಿದಾಡುತ್ತವೆ. ಅಮರ್ ಅಕ್ಬರ್ ಅಂಥೋನಿ,ಕಭೀ ಕಭೀ,ನಸೀಬ್ ಮತ್ತು ಕೂಲಿ ಚಿತ್ರಗಳಲ್ಲಿ ಅಮಿತಾಬ್ ಬಚ್ಚನ್ ಮತ್ತು ರಿಷಿ ಕಪೂರ್ ಜೋಡಿ ನಮ್ಮ ಮನರಂಜಿಸಿದ್ದು ನೆನಪಿದೆಯೇ? ಆ ಕ್ಲಾಸಿಕ್ ಚಿತ್ರಗಳನ್ನು ಈಗಲೂ ಮತ್ತೊಮ್ಮೆ ನೋಡ ಬೇಕು ಅನ್ನಿಸುವುದು ಸುಳ್ಳಲ್ಲ.
ಇಲ್ಲೊಂದು ಒಳ್ಳೆಯ ಸುದ್ದಿಯಿದೆ. ಇತರ ಸಮಕಾಲೀನ ನಟರು ರಿಟೈರ್ ಆಗಿದ್ದರೂ ಬಿಗ್ ಬಿ ಮತ್ತು ರಿಷಿ ಈಗಲೂ ಚಿತ್ರಗಳಲ್ಲಿ ನಟಿಸುವುದನ್ನು ಮುಂದುವರಿಸಿದ್ದಾರೆ, ಆದರೆ ಕಳೆದ 26 ವರ್ಷಗಳಿಂದ ಇವರಿಬ್ಬರೂ ಜೊತೆಯಾಗಿ ನಟಿಸಿಲ್ಲ. ಮುಂಬರಲಿರುವ ‘102 ನಾಟ್ಔಟ್’ ಚಿತ್ರ ಈ ಮಹಾನ್ ನಟರನ್ನು ಜೊತೆಯಾಗಿ ಅಭಿಮಾನಿಗಳ ಮುಂದೆ ಸಾದರ ಪಡಿಸಲಿದೆ.
ಈ ಚಿತ್ರದಲ್ಲಿ ಅಮಿತಾಬ್ 102ರ ಹರೆಯದ ತಂದೆಯಾಗಿ ಮತ್ತು ರಿಷಿ 75ರ ಹರೆಯದ ಪುತ್ರನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರವು ಲೇಖಕ-ನಿರ್ದೇಶಕ ಸೌಮ್ಯ ಜೋಶಿಯವರ ಇದೇ ಹೆಸರಿನ ಗುಜರಾತಿ ಚಿತ್ರವನ್ನು ಆಧರಿಸಿದೆ.
Wonderful to work again with the Legendary Amitabh Bachchan. Thank you Amitji, it never felt the 26 years old hiatus.We connected instantly! pic.twitter.com/t259iyW2zr
— Rishi Kapoor (@chintskap) May 18, 2017
Always a pleasure and an honour to work with him. Started reading the script with the team. For further details ,stay tuned!!! pic.twitter.com/ulxQCNUTIU
— Rishi Kapoor (@chintskap) May 5, 2017