‘ಥಗ್ಸ್...’ಗಾಗಿ ಸ್ಲಿಮ್ ಆದ ಆಮಿರ್
ದಂಗಲ್ ಪ್ರಚಂಡ ಗೆಲುವಿನ ಸಡಗರದಲ್ಲಿರುವ ಆಮೀರ್ಖಾನ್, ಸದ್ಯದಲ್ಲೇ ಭಾರೀ ಬಜೆಟ್ನ ಥಗ್ಸ್ ಆಫ್ ಹಿಂದೂಸ್ಥಾನ್ ಚಿತ್ರಕ್ಕೆ ಬಣ್ಣ ಹಚ್ಚಲಿದ್ದಾರೆ. ಬಾಲಿವುಡ್ನ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಎನಿಸಿರುವ ಆಮಿರ್ ‘ದಂಗಲ್’ ಚಿತ್ರದ ಮಹಾವೀರ್ ಪೋಗಟ್ನ ಪಾತ್ರಕ್ಕಾಗಿ ತನ್ನ ದೇಹತೂಕವನ್ನು 90 ಕೆ.ಜಿ.ವರೆಗೆ ಹೆಚ್ಚಿಸಿದ್ದುದು ಭಾರೀ ದೊಡ್ಡ ಸುದ್ದಿಯಾಗಿತ್ತು. ಇದೀಗ ಥಗ್ಸ್ ಆಫ್ ಹಿಂದೂಸ್ಥಾನ್ ಚಿತ್ರಕ್ಕಾಗಿ ಅವರು ಸುಮಾರು 25 ಕೆ.ಜಿ. ವೇಟ್ಲಾಸ್ ಮಾಡಿಕೊಂಡಿದ್ದಾರೆ. ಈಗ ಅವರ ದೇಹತೂಕ 70 ಕೆ.ಜಿ.ಗೆ ಇಳಿದಿದ್ದು, ಯಂಗ್ಲುಕ್ನಲ್ಲಿ ಕಂಗೊಳಿಸುತ್ತಿದ್ದಾರೆ. ಇದಕ್ಕೂ ಮೊದಲು ‘ಗಜನಿ’ ಚಿತ್ರಕ್ಕಾಗಿ ಜಿಮ್ನಲ್ಲಿ ಸಾಕಷ್ಟು ಬೆವರುಹರಿಸಿ ಸಿಕ್ಸ್ಪ್ಯಾಕ್ ದೇಹವನ್ನು ಬೆಳೆಸಿದ್ದ ಆಮಿರ್ ಬಾಲಿವುಡ್ನಲ್ಲಿ ಹೊಸ ಸಂಚಲನವನ್ನೇ ಸೃಷ್ಟಿಸಿದ್ದರು.
ಇದೀಗ ಆಮಿರ್ ‘ಥಗ್ಸ್...’ ಗಾಗಿ ದೇಹತೂಕ ಇಳಿಸಿರುವುದು ಅವರ ಅಭಿಮಾನಿಗಳು ಸಖತ್ ಥ್ರಿಲ್ ಆಗಿದ್ದಾರೆ. ಈಗಾಗಲೇ ಅವರ ಹೊಸ ಗೆಟಪ್ ಯೂಟ್ಯೂಬ್ ಸೇರಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
1850ರ ದಶಕದಲ್ಲಿ ಭಾರತದಲ್ಲಿ ಭೀತಿಯನ್ನು ಸೃಷ್ಟಿಸಿದ್ದ ಠಕ್ಕರೆಂಬ ದರೋಡೆಕೋರ ಪಂಗಡದ ಕುರಿತಾದ ಕಥಾವಸ್ತುವನ್ನು ಹೊಂದಿರುವ ಥಗ್ಸ್ ಆಫ್ ಹಿಂದೂಸ್ಥಾನ್ನಲ್ಲಿ ಬಾಲಿವುಡ್ನ ಬಿಗ್ ಬಿ ಕೂಡಾ ಮುಖ್ಯಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅಮೀರ್ ನೆಗೆಟಿವ್ ಪಾತ್ರದಲ್ಲಿ ಮಿಂಚಿದ್ದ ‘ಧೂಮ್3’ ಚಿತ್ರದ ನಿರ್ದೇಶಕ ವಿಜಯ್ ಕೃಷ್ಮ ಆಚಾರ್ಯ ಥಗ್ಸ್ ಆಫ್ ಹಿಂದೂಸ್ತಾನ್ಗೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಹಿರೋಯಿನ್ ಆಗಿ ‘ದಂಗಲ್’ ಖ್ಯಾತಿಯ ಫಾತಿಮಾ ಸಾನಾ ಶೇಖ್ ನಟಿಸಲಿದ್ದಾರೆ.