ನೂರುಲ್ ಹುದಾ ಡಿ.ಐ.ಪಿ ಇವಾನ್ಸ್ ಕ್ಲಸ್ಟರ್ ಅಸ್ಥಿತ್ವಕ್ಕೆ
ಅದ್ಯಕ್ಷರಾಗಿ ಯೂಸುಫ್ ಯನ್ಎಂ ಪೇರಂಬ್ರ ಕ್ಯಾಲಿಕಟ್, ಪ್ರಧಾನ ಕಾರ್ಯದರ್ಶಿಯಾಗಿ ಶಬೀರ್ ಅಹ್ಮದ್ ಪಡುಬಿದ್ರೆ
ದುಬೈ,ಡಿ.21 : ವಿಶ್ವ ಪ್ರಸಿದ್ದ ದಾರುಲ್ ಹುದಾ ಇಸ್ಲಾಮಿಕ್ ಯುನಿವರ್ಸಿಟಿ ಚೆಮ್ಮಾಡ್ ಇದರ ಕರ್ನಾಟಕದ ಅಂಗ ಸಂಸ್ಥೆಯಾದ ನೂರುಲ್ ಹುದಾ ಇಸ್ಲಾಮಿಕ್ ಅಕಾಡೆಮಿ ಮಾಡನ್ನೂರು ಇದರ ದುಬೈ ಸಮಿತಿ ಅಧೀನದಲ್ಲಿ ಮೌಲಿದ್ ಮಜ್ಲಿಸ್ ಮತ್ತು ಡಿ.ಐ.ಪಿ ಇವಾನ್ಸ್ ಕ್ಲಸ್ಟರ್ ರೂಪೀಕರಣ ಕಾರ್ಯಕ್ರಮವು ಡಿ 18 ಆದಿತ್ಯವಾರ ಇಶಾ ನಮಾಜಿನ ಬಳಿಕ ದುಬೈ ಡಿ.ಐ.ಪಿ ಇವಾನ್ಸ್ ನಿವಾಸದಲ್ಲಿ ನಡೆಯಿತು.
ಮೌಲಿದ್ ಮಜ್ಲಿಸ್ ನೊಂದಿಗೆ ಆರಂಭವಾದ ಸಭೆಯ ಅಧ್ಯಕ್ಷತೆಯನ್ನು ನೂರುಲ್ ಹುದಾ ದುಬೈ ಸಮಿತಿ ಕಾರ್ಯಾದ್ಯಕ್ಷರಾದ ಜನಾಬ್ ಅನ್ವರ್ ಮಣಿಲರವರು ವಹಿಸಿದ್ದರು, ನೂರುಲ್ ಹುದಾ ಯು.ಎ.ಇ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಅಬ್ದುಲ್ ಲತೀಫ್ ಕೌಡಿಚ್ಚಾರ್ ರವರ ನೆರೆದವರನ್ನು ಸಭೆಗೆ ಹಾರ್ಧಿಕವಾಗಿ ಸ್ವಾಗತಿಸಿದರು.
ನೂರುಲ್ ಹುದಾ ಯುಎಇ ರಾಷ್ಟ್ರೀಯ ಸಮಿತಿಯ ಲೆಕ್ಕ ಪರಿಶೋಧಕರಾದ ಬಹುಮಾನ್ಯ ಅಬ್ದುಲ್ಲಾ ನಯೀಮಿ ಉಸ್ತಾದರು ಸಭೆಯನ್ನು ಉದ್ಘಾಟಿಸಿ ಮಾತನಾಡಿ ನೂರುಲ್ ಹುದಾ ವಿದ್ಯಾ ಸಂಸ್ಥೆ, ಅಲ್ಲಿ ಕಲಿಸುವ ಪಾಠ್ಯ ಪದ್ದತಿಗಳ ಬಗ್ಗೆ ನೆರೆದವರಿಗೆ ವಿವರಿಸಿ ಪವಿತ್ರ ಕುರಾನ್ ಸೂಕ್ತ ದೊಂದಿಗೆ ಸಭೆಯನ್ನು ಉದ್ಘಾಟಿಸಿದರು
ನೂರುಲ್ ಹುದಾ ದುಬೈ ಸಮಿತಿ ಕಾರ್ಯಾದ್ಯಕ್ಷರಾದ ಅನ್ವರ್ ಮಣಿಲರವರು ಮಾತನಾಡಿ ಹೆಚ್ಚಿನವರಿಗೆ ತಿಳಿದಿರುವಂತೆ ದಾರುಲ್ ಹುದಾ ಇಸ್ಲಾಮಿಕ್ ಯುನಿವರ್ಸಿಟಿ ಚೆಮ್ಮಾಡ್ ಇದರ ಪಾಠ್ಯ ಪದ್ದತಿ ಮತ್ತು ಅಲ್ಲಿ ಕಲಿತ ವಿದ್ವಾಂಸರು ಇಂದು ಜಗತ್ತಿನ ನಾನಾ ಭಾಗಗಳಲ್ಲಿ ದೀನಿ ದೌವಾ ಕಾರ್ಯಕ್ರಮಗಳೊಂದಿಗೆ ಮುಂದೆ ಸಾಗುತ್ತಿರುವುದು ಪ್ರಶಂಸನೀಯ ಎಂದು ಹೇಳುತ್ತಾ ಆಯ್ಕೆಯಾಗುವ ಪದಾಧಿಕಾರಿಗಳ ಜವಾಬ್ದಾರಿಗಳನ್ನು ತಿಳಿಸಿ ನೂತನ ಸಮಿತಿಯ ಆಯ್ಕೆ ಪ್ರಕ್ರಿಯೆಗೆ ಚಾಲನೆ ನೀಡಿದರು.
ನೂರುಲ್ ಹುದಾ ಡಿ.ಐ.ಪಿ ಇವಾನ್ಸ್ ಕ್ಲಸ್ಟರ್ ಪದಾಧಿಕಾರಿಗಳ ವಿವರ :
ಗೌರವಾಧ್ಯಕ್ಷರು : ಹಂಝ ಹಾಜಿ ಕೆ.ಕೆ
ಅದ್ಯಕ್ಷರು : ಯೂಸುಫ್ ಎನ್ ಎಂ ಪೇರಂಬ್ರ ಕ್ಯಾಲಿಕಟ್
ಪ್ರಧಾನ ಕಾರ್ಯದರ್ಶಿ : ಸಬೀರ್ ಅಹ್ಮದ್ ಪಡುಬಿದ್ರೆ
ಕೋಶಾಧಿಕಾರಿ : ಶಾಜಹಾನ್ ಯಸ್
ಉಪಾಧ್ಯಕ್ಷರು : ನೌಶಾದ್ ಕೆ , ಅಬ್ದುಲ್ ಖಾದರ್
ಜೊತೆ ಕಾರ್ಯದರ್ಶಿಗಳು : ಹೈದರ್ ಕೆ.
ಸಂಘಟನಾ ಕಾರ್ಯದರ್ಶಿಗಳು : ನೌಶಾದ್ ಕೆ.ಕೆ ಮತ್ತು ಸಮೀರ್
ಸಲಹೆಗಾರರು : ಅಬ್ದುಲ್ ಲತೀಫ್ ಕೌಡಿಚ್ಚಾರ್,ಮುಹಮ್ಮದ್ ಕುಂಬೋಲ್, ಸಫ್ವಾನ್ ಮೂಡಿಗೆರೆ ಮತ್ತು ಇತರ ಕಾರ್ಯಕಾರಿ ಸದಸ್ಯರನ್ನು ಆರಿಸಲಾಯಿತು.
ತನ್ನ ಜವಾಬ್ದಾರಿಯನ್ನು ಅಚ್ಚುಕಟ್ಟಾಗಿ ನಿರ್ವಹಿಸಿದ ಅನ್ವರ್ ಮಣಿಲರವರು ನೂತನ ಸಮಿತಿಗೆ ಶುಭ ಹಾರೈಸಿದರು. ರಾಷ್ಟ್ರೀಯ ಸಮಿತಿ ಅಧ್ಯಕ್ಷರಾದ ಜನಾಬ್ ಶರೀಫ್ ಕಾವುರವರು ನೂತನ ಸಮಿತಿಗೆ ಶುಭ ಹಾರೈಸಿ ಮಾತನಾಡಿ ಸಮಿತಿಗೆ ಇನ್ನಷ್ಟು ಸದಸ್ಯರನ್ನು ಸೇರಿಸಿ ಎಲ್ಲರೂ ನೂರುಲ್ ಹುದಾ ಅಕಾಡೆಮಿಯ ಉನ್ನತಿಗಾಗಿ ಶ್ರಮಿಸಬೇಕೆಂದು ಕೇಳಿಕೊಂಡರು. ನೂರುಲ್ ಹುದಾ ದುಬೈ ಸಮಿತಿಯ ಲೆಕ್ಕ ಪರಿಶೋಧಕರಾದ ಅಶ್ರಫ್ ಪರ್ಲಡ್ಕ ರವರು ಸಂದರ್ಭೊಚಿತವಾಗಿ ಮಾತನಾಡಿ ನೂತನ ಸಮಿತಿಗೆ ಶುಭ ಹಾರೈಸಿದರು.
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
ಈ ಸುದ್ದಿ / ಲೇಖನದ ಬಗ್ಗೆ ನಿಮ್ಮ ಅಭಿಪ್ರಾಯ, ಅನಿಸಿಕೆಯೇನು ?
ಕೆಳಗೆ ಕಮೆಂಟ್ ವಿಭಾಗದಲ್ಲಿ ಬರೆಯಿರಿ.