ಫೆ.9- ಮೇ 9: ನಂದಿನಿ ಉತ್ಪನ್ನ ಖರೀದಿದಾರರಿಗೆ ಚಿನ್ನದ ನಾಣ್ಯ ಗೆಲ್ಲುವ ಅವಕಾಶ
ಮಂಗಳೂರು, ಫೆ.7: ದ.ಕ. ಹಾಲು ಒಕ್ಕೂಟವು ನಂದಿನಿ ಅಧಿಕೃತ ಡೀಲರುಗಳನ್ನು ಉತ್ತೇಜಿಸುವ ಸಲುವಾಗಿ ವಿಶೇಷ ಮಾರಾಟ ಯೋಜನೆ ರೂಪಿಸಿದೆ. ಇದರ ಜೊತೆಯಲ್ಲಿ ನಂದಿನಿ ಮೈಸೂರು ಪಾಕ್, ಪೇಡಾ, ಕ್ಯಾಶ್ಯೂ ಬರ್ಫಿ ಹಾಗೂ ಬೈಟ್ ಸಿಹಿ ಉತ್ಪನ್ನಗಳನ್ನು ಖರೀದಿಸುವ ಗ್ರಾಹಕರಿಗೆ ಚಿನ್ನದ ನಾಣ್ಯ ಗೆಲ್ಲುವ ಯೋಜನೆಯನ್ನು ಫೆ.10ರಿಂದ ಮೇ 9ರವರೆಗೆ ಹಮ್ಮಿಕೊಳ್ಳಲಾಗಿದೆ.
ಡೀಲರುಗಳಿಗೆ ಮಾರಾಟ ಮಾಡುವ ಉತ್ಪನ್ನಗಳಿಗೆ ಮಾರ್ಜಿನ್ ಹೆಚ್ಚಿಸಿ, ನಂದಿನಿ ಸಿಹಿ ಉತ್ಪನ್ನ ಖರೀದಿಸುವ ಗ್ರಾಹಕರಿಗೆ ಚಿನ್ನ ಗೆಲ್ಲುವ ಸುವರ್ಣಾವಕಾಶದ ಅದೃಷ್ಟದ ಲಕ್ಕಿ ಕೂಪನ್ ವಿತರಿಸಲಾಗುತ್ತಿದೆ. ಪ್ರತೀ ತಿಂಗಳ ಡ್ರಾಗೆ ಪ್ರಥಮ ಬಹುಮಾನವಾಗಿ 5 ಗ್ರಾಂ ಚಿನ್ನ; ದ್ವಿತೀಯ ಬಹುಮಾನವಾಗಿ 3 ಗ್ರಾಂ ಚಿನ್ನ, ತೃತೀಯ ಬಹುಮಾನವಾಗಿ 2 ಗ್ರಾಂ ಚಿನ್ನ ಹಾಗೂ 25 ಮಂದಿಗೆ 500 ರೂ. ಮೌಲ್ಯದ ನಂದಿನಿ ಸಿಹಿ ಉತ್ಪನ್ನಗಳ ಸಮಾಧಾನಕರ ಬಹುಮಾನಗಳು ಹಾಗೂ 3 ತಿಂಗಳ ನಂತರ ಅಂತಿಮವಾಗಿ ಬಂಪರ್ ಡ್ರಾದಲ್ಲಿ ಪ್ರಥಮ ಬಹುಮಾನವಾಗಿ 1 ಪವನ್ (8 ಗ್ರಾಂ) ಚಿನ್ನ, ದ್ವಿತೀಯ 5 ಗ್ರಾಂ ಚಿನ್ನ, ತೃತೀಯ 3 ಗ್ರಾಂ ಚಿನ್ನ ಹಾಗೂ 15 ಮಂದಿಗೆ 500 ರೂ. ಮೌಲ್ಯದ ನಂದಿನಿ ಸಿಹಿ ಉತ್ಪನ್ನಗಳನ್ನು ಸಮಾಧಾನಕರ ಬಹುಮಾನಗಳನ್ನು ಗೆಲ್ಲುವ ಅವಕಾಶ ಕಲ್ಪಿಸಲಾಗಿದೆ.
ನಂದಿನಿ ಗ್ರಾಹಕರು ಪ್ರತೀ ತಿಂಗಳು ಖರೀದಿಸುವ ಉತ್ಪನ್ನಗಳ ಲಕ್ಕಿ ಡ್ರಾ ಕೂಪನ್ಗಳನ್ನು ಆಯಾಯ ತಿಂಗಳ ಡ್ರಾದಲ್ಲಿ ಸೇರಿಸಿ ಅದೃಷ್ಟವಂತರನ್ನು ಆಯ್ಕೆ ಮಾಡಲಾಗುವುದು. ಒಂದು ತಿಂಗಳು ಡ್ರಾನಲ್ಲಿ ಸೇರಿಸಿದ ಕೂಪನ್ಗಳನ್ನು ಅಂತಿಮ ಡ್ರಾದಲ್ಲಿ ಸೇರಿಸಲಾಗುವುದು. ಗ್ರಾಹಕರು ಪ್ರತೀ ತಿಂಗಳು ಉತ್ಪನ್ನಗಳನ್ನು ಖರೀದಿಸಿ ಅದೃಷ್ಟದ ಅವಕಾಶ ಹೆಚ್ಚಿಸಿಕೊಳ್ಳಬಹುದು.
ಗ್ರಾಹಕರು ಬಂಪರ್ ಡ್ರಾದವರೆಗೆ ಕೂಪನ್ ಪ್ರತಿ ಕಾಯ್ದಿರಿಸಿಕೊಳ್ಳಬೇಕಾಗಿದೆ. ಪ್ರತಿ ತಿಂಗಳ ಡ್ರಾ ಫಲಿತಾಂಶವನ್ನು ಒಕ್ಕೂಟದ ವೆಬ್ಸೈಟ್ನಲ್ಲಿ ಮತ್ತು ಡೀಲರ್ ಕೇಂದ್ರಗಳ ಬಳಿ ಪಡೆಯಲು ವ್ಯವಸ್ಥೆ ಮಾಡಲಾಗಿದೆ ಎಂದು ಒಕ್ಕೂಟದ ಅಧ್ಯಕ್ಷ ರವಿರಾಜ ಹೆಗ್ಡೆ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.