‘‘ಅವರಿಗೆ ಉಪವಾಸವಿದ್ದರೂ ನಮಗೆ ಅತ್ಯುತ್ತಮ ಆಹಾರ ಪೂರೈಸಿದರು’’ | Vartha Bharati- ವಾರ್ತಾ ಭಾರತಿ

ಭಟ್ಕಳದ ‘ತಂಝೀಮ್’ನ ಕ್ವಾರಂಟೈನ್ ಕೇಂದ್ರದಲ್ಲಿದ್ದ ಜಗದೀಶ್ ನಾಯ್ಕ್ ಸಹಿತ ನಾಲ್ವರ ಮೆಚ್ಚುಗೆಯ ಮಾತುಗಳು

‘‘ಅವರಿಗೆ ಉಪವಾಸವಿದ್ದರೂ ನಮಗೆ ಅತ್ಯುತ್ತಮ ಆಹಾರ ಪೂರೈಸಿದರು’’

ಮಂಗಳೂರು, ಮೇ 21: ‘‘ರಮಝಾನ್ ಉಪವಾಸದ ಸಂದರ್ಭವಾಗಿರುವುದರಿಂದ ನಮಗೆ ಆ ಕ್ವಾರಂಟೈನ್ ಕೇಂದ್ರದಲ್ಲಿ ಸಮಯಕ್ಕೆ ಸರಿಯಾಗಿ ಆಹಾರ ಸಿಗುವ ಬಗ್ಗೆ, ನಮ್ಮ ಆರೈಕೆ ವ್ಯವಸ್ಥೆ ಹೇಗಿರಬಹುದು ಎಂಬ ಆತಂಕವಿತ್ತು. ಹಾಗಾಗಿ ಆ ಕ್ವಾರಂಟೈನ್ ಕೇಂದ್ರಕ್ಕೆ ಹೋಗಲು ಒಂಥರಾ ಹಿಂಜರಿಕೆಯೂ ಇತ್ತು. ಆದರೆ ಅಲ್ಲಿಗೆ ಹೋದ ದಿನವೇ ನಮ್ಮೆಲ್ಲ ಆತಂಕ ದೂರವಾಯಿತು. ನಮ್ಮ ನಿರೀಕ್ಷೆಗೂ ಮೀರಿ ಅವರು ನಮ್ಮನ್ನು ಚೆನ್ನಾಗಿ ಆರೈಕೆ ಮಾಡಿದರು. ಅಲ್ಲಿ 14 ದಿನಗಳು ಹೇಗೆ ಕಳೆಯಿತು ಅಂತ ಗೊತ್ತೇ ಆಗಲಿಲ್ಲ...’’

ಇದು ಭಟ್ಕಳದ ಸಾಮಾಜಿಕ ಸಂಘಟನೆ ‘ಮಜ್ಲಿಸ್ ಇಸ್ಲಾಹ ವ ತಂಝೀಮ್’ ಉಸ್ತುವಾರಿ ವಹಿಸಿಕೊಂಡಿದ್ದ ಕ್ವಾರಂಟೈನ್ ಕೇಂದ್ರದಲ್ಲಿ ನಿಗಾ ಅವಧಿಯನ್ನು ಪೂರೈಸಿದ ಭಟ್ಕಳದ ಮನ್‌ಕುಲಿ ನಿವಾಸಿ ಜಗದೀಶ್ ನಾಯ್ಕ್ ‌ರ ಮೆಚ್ಚುಗೆಯ ಮಾತುಗಳು. ಜಗದೀಶ್ ಜೊತೆ ಭಟ್ಕಳ ಪರಿಸರದ ಜಯಂತ್, ದಯಾನಂದ, ಪ್ರವೀಣ್ ಎಂಬವರೂ ಕೂಡಾ ಇದೇ ಕೇಂದ್ರದಲ್ಲಿ ಕ್ವಾರಂಟೈನ್ ಆಗಿದ್ದು, ಅವರು ಕೂಡ ಜಗದೀಶ್ರ ಮಾತಿಗೆ ಸಹಮತ ವ್ಯಕ್ತಪಡಿಸಿದ್ದಾರೆ.

ಬ್ಯಾಂಕ್ ಉದ್ಯೋಗಿಯಾಗಿದ್ದ ಜಗದೀಶ್ ನಾಯ್ಕ್ ಕೊರೋನ-ಲಾಕ್‌ಡೌನ್‌ನಿಂದಾಗಿ ಬೆಂಗಳೂರಿನಲ್ಲಿ ಸಿಲುಕಿಕೊಂಡಿದ್ದರು. ಬಳಿಕ ಮೇ 6ರಂದು ಬಸ್ಸಿನಲ್ಲಿ ಭಟ್ಕಳಕ್ಕೆ ಆಗಮಿಸಿದ ಅವರು ‘ಮಜ್ಲಿಸ್ ಇಸ್ಲಾಹ ವ ತಂಝೀಮ್’ ಉಸ್ತುವಾರಿ ವಹಿಸಿದ್ದ ಮುರ್ಡೇಶ್ವರದ ತನ್ವೀರುಲ್ ಇಸ್ಲಾಮ್ ಮದ್ರಸದಲ್ಲಿ ಕ್ವಾರಂಟೈನ್‌ಗೊಳಗಾಗಿದ್ದರು. ನಿಗಾ ಅವಧಿ ಮುಗಿಸಿ ಮೇ 20ರಂದು ಬಿಡುಗಡೆಗೊಂಡ ಜಗದೀಶ್ ಅವರು, ‘ತಂಝೀಮ್’ ಕಾರ್ಯವೈಖರಿಗೆ ‘ವಾರ್ತಾಭಾರತಿ’ಯೊಂದಿಗೆ ಮಾತನಾಡಿದ್ದಾರೆ.

‘‘ನಾವಿದ್ದ ಕ್ವಾರಂಟೈನ್ ಕೇಂದ್ರದ ಉಸ್ತುವಾರಿಯನ್ನು ಭಟ್ಕಳದ ಶತಮಾನದ ಇತಿಹಾಸವಿರುವ ಸಾಮಾಜಿಕ ಸಂಘಟನೆ ‘ಮಜ್ಲಿಸ್ ಇಸ್ಲಾಹ ವ ತಂಝೀಮ್’ ನವರು ವಹಿಸಿಕೊಂಡಿದ್ದರು. ಆರಂಭದಲ್ಲಿ ನಮಗಿದು ಗೊತ್ತಿರಲಿಲ್ಲ. ಯಾವ ಕೇಂದ್ರವಾದರೂ ಸರಿ, ಕಾಲ ಕಾಲಕ್ಕೆ ಉತ್ತಮ ಆಹಾರ, ವಸತಿ ವ್ಯವಸ್ಥೆ ಸಿಕ್ಕರೆ ಸಾಕು ಎಂದು ನಮಗೆ ಅನಿಸುತ್ತಿತ್ತು. ಅಂತೂ ನಾವು ಕ್ವಾರಂಟೈನ್ ಕೇಂದ್ರವಾಗಿದ್ದ ಆ ಮದ್ರಸಕ್ಕೆ ತೆರಳಿದಾಗ ‘ತಂಝೀಮ್’ ಸಂಘಟನೆಯವರು ನಮ್ಮ ಜವಾಬ್ದಾರಿ ವಹಿಸಿದ್ದಾರೆ ಎಂದು ತಿಳಿಯಿತು. ಆದರೆ ರಮಝಾನ್‌ನ ಉಪವಾಸದ ಸಂದರ್ಭ ಇವರೆಲ್ಲಾ ನಮ್ಮನ್ನು ಹೇಗೆ ಉಪಚರಿಸಬಹುದು ಎಂಬ ಆತಂಕವಿತ್ತು. ಆ ಆತಂಕ ಒಂದೇ ದಿನದಲ್ಲಿ ದೂರವಾಯಿತು. ಅವರಿಗೆ ಉಪವಾಸವಿದ್ದರೂ ನಮ್ಮನ್ನು ಉಪವಾಸದಲ್ಲಿ ಇರಿಸಲಿಲ್ಲ. ನಮಗೆ ಸಕಾಲಕ್ಕೆ ಒಳ್ಳೊಳ್ಳೆಯ ಆಹಾರ ಒದಗಿಸಿದರು. ಶುದ್ಧ ನೀರು ಪೂರೈಸಿದರು. ನಮಗೆ ಆವಶ್ಯವಿರುವ ಅಗತ್ಯ ಸಾಮಗ್ರಿಗಳನ್ನು ಒದಗಿಸಿದರು. ಸವಿ ಮಾತುಗಳಿಂದಲೇ ನಮ್ಮ ಹೃದಯ ಗೆದ್ದರು’’

‘‘ನಾನೇನು ಮುಸ್ಲಿಮರಿಂದ ಪ್ರತ್ಯೇಕವಾಗಿದ್ದವನಲ್ಲ. ನನ್ನ ಮನೆಯ ಸುತ್ತಮುತ್ತ ಮುಸ್ಲಿಮರು ವಾಸವಾಗಿದ್ದರು. ನಾನು ಅವರ ಮಧ್ಯೆಯೇ ಬೆಳೆದವ. ಕ್ವಾರಂಟೈನ್ ಕೇಂದ್ರದಲ್ಲಿ ಮಜ್ಲಿಸ್ ಇಸ್ಲಾಹ್ ವ ತಂಝೀಮ್‌ನ ಪ್ರತಿಯೊಬ್ಬರು ತೋರಿದ ಪ್ರೀತಿ, ಕಾಳಜಿಯನ್ನು ನನ್ನ ಜೀವಮಾನದಲ್ಲಿ ಮರೆಯಲು ಸಾಧ್ಯವಿಲ್ಲ. ಬೆಂಗಳೂರಿನಿಂದ ನಮ್ಮ ಜೊತೆ ಬಂದಿದ್ದ ಇತರ ಕೆಲವರು ಬೇರೆ ಕ್ವಾರಂಟೈನ್ ಕೇಂದ್ರದಲ್ಲಿದ್ದರು. ಅವರ ಜೊತೆ ಮೊಬೈಲ್ ಫೋನ್ ಸಂಪರ್ಕದಲ್ಲಿದ್ದಾಗ ಅಲ್ಲಿನ ಸಮಸ್ಯೆಗಳನ್ನೆಲ್ಲಾ ಹೇಳುತ್ತಿದ್ದರು. ನಮಗೆ ನಮ್ಮ ಕೇಂದ್ರದ ವ್ಯವಸ್ಥೆಯನ್ನು ಗಮನಿಸುವಾಗ ನಾನು ಧನ್ಯ ಎಂದು ನನಗೆ ನಾನೇ ಹೇಳಿಕೊಳ್ಳುತ್ತಿದ್ದೆ. ಈ ಸಂದರ್ಭ ಮೌಲಾನಾ ಅಬೂ ಮುಹಮ್ಮದ್, ಸಂಸ್ಥೆಯ ಕಾರ್ಯಕಾರಿ ಸಮಿತಿಯ ಸದಸ್ಯ ಸಾದಿಕ್ ಮಟ್ಟ ಅವರನ್ನು ವಿಶೇಷವಾಗಿ ನೆನಪಿಸಲೇಬೇಕಿದೆ’’ ಎಂದು ಜಗದೀಶ್ ನಾಯ್ಕ್ ಮನದುಂಬಿ ನುಡಿಯುತ್ತಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top