ಏಕಲವ್ಯ ಪ್ರಶಸ್ತಿ ಪ್ರಕಟ

ಉಡುಪಿ, ಅ.6: ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ನೀಡುವ ರಾಜ್ಯದ ಪ್ರತಿಷ್ಠಿತ ಕ್ರೀಡಾ ಪ್ರಶಸ್ತಿಗಳ 2015ನೇ ಸಾಲಿನ ವಿಜೇತರನ್ನು ರಾಜ್ಯದ ಮೀನುಗಾರಿಕಾ, ಯುವ ಸಬಲೀಕರಣ ಹಾಗೂ ಕ್ರೀಡಾ ಸಚಿವರಾದ ಪ್ರಮೋದ್ ಮಧ್ವರಾಜ್ ಅವರು ಇಂದಿಲ್ಲಿ ಪ್ರಕಟಿಸಿದ್ದು, ಒಟ್ಟು 16 ಮಂದಿ ಏಕಲವ್ಯ, ಇಬ್ಬರು ಕೋಚ್‌ಗಳನ್ನು ಜೀವಮಾನ ಸಾಧನೆ ಹಾಗೂ 10 ಮಂದಿ ಗ್ರಾಮೀಣ ಕ್ರೀಡೆಯ ಸಾಧಕರನ್ನು ಪ್ರಶಸ್ತಿಗಾಗಿ ಆಯ್ಕೆ ಮಾಡಲಾಗಿದೆ.

ಅಜ್ಜರಕಾಡಿನಲ್ಲಿರುವ ವಾರ್ತಾಭವನದಲ್ಲಿ ಕರೆದ ಪತ್ರಿಕಾಗೋಷ್ಠಿಯಲ್ಲಿ ಪ್ರಶಸ್ತಿ ವಿಜೇತರ ಪಟ್ಟಿಯನ್ನು ಬಿಡುಗಡೆಗೊಳಿಸಿ ಮಾತನಾಡಿದ ಪ್ರಮೋದ್, ಮೊದಲ ಬಾರಿ ಪ್ರಶಸ್ತಿಯನ್ನು ಬೆಂಗಳೂರಿನಿಂದ ಹೊರಗೆ ಉಡುಪಿಯಲ್ಲಿ ಪ್ರಕಟಿಸ ಲಾಗುತ್ತಿದೆಎಂದರು. ಏಕಲವ್ಯ ಪ್ರಶಸ್ತಿಯನ್ನು 1992ರಿಂದ ಹಾಗೂ ಕರ್ನಾಟಕ ಕ್ರೀಡಾರತ್ನ ಪ್ರಶಸ್ತಿಗಳನ್ನು 2014-15ನೇ ಸಾಲಿನಿಂದ ನೀಡಲಾಗುತ್ತಿದೆ ಎಂದವರು ನುಡಿದರು.

ಅಂತಾರಾಷ್ಟ್ರೀಯ ವಾಲಿಬಾಲ್ ಟೂರ್ನಿಗಳಲ್ಲಿ ದೇಶವನ್ನು ಪ್ರತಿನಿಧಿಸಿದ್ದ ಕುಂದಾಪುರದ ಅನುಪ್ ಡಿಕೋಸ್ಟ, ರಾಷ್ಟ್ರೀಯ ಬಾಸ್ಕೆಟ್‌ಬಾಲ್ ತಂಡದ ಖಾಯಂ ಸದಸ್ಯರಾಗಿರುವ ಅರವಿಂದ ಎ., ಈಜು ಪಟು ದಾಮಿನಿ ಗೌಡ, ಹಾಕಿ ಆಟಗಾರ ನಿತಿನ್ ತಿಮ್ಮಯ್ಯ, ಅಥ್ಲೀಟ್ ಅರ್ಪಿತಾ ಎಂ ಅವರು ಏಕಲವ್ಯ ಪ್ರಶಸ್ತಿ ಪಡೆದವರಲ್ಲಿ ಪ್ರಮುಖರು.

ಕ್ರೀಡಾ ತರಬೇತುದಾರರಿಗೆ ಇರುವ ಜೀವಮಾನ ಸಾಧನೆ ಪ್ರಶಸ್ತಿಗೆ ಬೆಂಗಳೂರಿನ ಈಜು ತರಬೇತುದಾರ ಜಾನ್ ಕ್ರಿಸ್ಟೋಫರ್ ನಿರ್ಮಲ್ ಕುಮಾರ್ ಹಾಗೂ ದಾವಣಗೆರೆಯ ಕುಸ್ತಿ ತರಬೇತುದಾರ ಶಿವಾನಂದ ಆರ್. ಅವರನ್ನು ಆಯ್ಕೆ ಮಾಡಲಾಗಿದೆ.

ಕರ್ನಾಟಕ ರಾಜ್ಯದ ಗ್ರಾಮೀಣ ಕ್ರೀಡೆಗಳಿಗೆ ಹಾಗೂ ಗ್ರಾಮೀಣ ಪ್ರದೇಶಗಳ ಕ್ರೀಡಾಪಟುಗಳನ್ನು ಗುರುತಿಸಿ ಉತ್ತೇಜಿಸಲು ಕಳೆದ ವರ್ಷದಿಂದ ಆರಂಭಿಸಲಾದ ಕ್ರೀಡಾರತ್ನ ಪ್ರಶಸ್ತಿಗೆ ಕರಾವಳಿಯ ಕಂಬಳವಲ್ಲದೇ, ಆಟ್ಯಾ-ಪಾಟ್ಯಾ, ಮಟ್ಟಿ-ಜಂಗಿ ಕುಸ್ತಿ, ಗುಂಡು ಎತ್ತುವುದು, ಕಬಡ್ಡಿ, ಖೋ-ಖೋ, ಥ್ರೋಬಾಲ್, ಬಾಲ್‌ಬ್ಯಾಡ್ಮಿಂಟನ್‌ನಲ್ಲಿ ಸಾಧಕ ಆಟಗಾರರನ್ನು ಗುರುತಿಸಲಾಗಿದೆ ಎಂದರು.

ಕಂಬಳದ ಕುರಿತು ವಿಶೇಷಜ್ಞರಾಗಿರುವ ಹಾಗೂ 30 ವರ್ಷಗಳಿಂದ ಪ್ರತಿಷ್ಠಿತ ಬಾರಾಡಿ ಸೂರ್ಯಚಂದ್ರ ಜೋಡುಕೆರೆ ಕಂಬಳ ಸಂಘಟಕ ಡಾ.ಜೀವಂಧರ್ ಬಲ್ಲಾಳ್ ಹಾಗೂ ಪ್ರಸಿದ್ಧ ಕಂಬಳಓಟಗಾರರಾಗಿರುವ ಆನಂದ್ ಇರ್ವತ್ತೂರು ಅವರನ್ನು ಈ ಬಾರಿ ಕಂಬಳ ಕ್ಷೇತ್ರದಲ್ಲಿ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.
 ಮೂಡಬಿದರೆಯ ಆಳ್ವಾಸ್ ಶಿಕ್ಷಣ ಸಂಸ್ಥೆಗಳ ಮೂವರು ಕ್ರೀಡಾರತ್ನ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಪುತ್ತೂರಿನ ಥ್ರೋಬಾಲ್ ಆಟಗಾರ್ತಿ ಪೂರ್ಣಿಮಾ ಪಿ., ಹಾಸನ ಅರಸಿಕೆರೆಯ ಬಾಲ್‌ಬ್ಯಾಡ್ಮಿಂಟನ್ ಆಟಗಾರ್ತಿ ರಂಜಿತ ಕೆ.ಸಿ. ಹಾಗೂ ಶಿವಮೊಗ್ಗ ತೀರ್ಥಹಳ್ಳಿಯ ಖೋ-ಖೋ ಆಟಗಾರ ಪ್ರದೀಪ್ ಕೆ.ಸಿ. ಅವರೇ ಈ ಕ್ರೀಡಾಪಟುಗಳು.

ನಾಳೆ ಸಂಜೆ 4:30ಕ್ಕೆ ಮೈಸೂರು ವೈದ್ಯಕೀಯ ಕಾಲೇಜಿನ ಜೆ.ಕೆ.ಮೈದಾನದಲ್ಲಿ ನಡೆಯುವ ಸಮಾರಂಭದಲ್ಲಿ ರಾಜ್ಯದ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರು ವಿಜೇತರಿಗೆ ಪ್ರಶಸ್ತಿ ಪ್ರದಾನ ಮಾಡಲಿರುವರು. ಚಾಮರಾಜ ನಗರ ಶಾಸಕ ಪಿ.ವಾಸು ಅಧ್ಯಕ್ಷತೆ ವಹಿಸಲಿದ್ದು, ಲೋಕೋಪಯೋಗಿ ಇಲಾಖೆ ಸಚಿವ ಹಾಗೂ ಮೈಸೂರು ಜಿಲ್ಲಾ ಉಸ್ತುವಾರಿ ಸಚಿವ ಡಾ.ಎಚ್.ಸಿ.ಮಹಾದೇವಪ್ಪ ಸಾಧನಾ ಸಂಚಿಕೆ ಬಿಡುಗಡೆ ಮಾಡುವರು ಎಂದರು.

ಏಕಲವ್ಯ ಪ್ರಶಸ್ತಿ ವಿಜೇತರು ತಲಾ ಎರಡು ಲಕ್ಷ ರೂ.ನಗದು, ಏಕಲವ್ಯನ ಕಂಚಿನ ಪ್ರತಿಮೆ ಹಾಗೂ ಪ್ರಶಸ್ತಿ ಪತ್ರ ಪಡೆದರೆ, ಜೀವಮಾನ ಸಾಧನೆ ಪ್ರಶಸ್ತಿ ಪಡೆಯುವ ಇಬ್ಬರು ಕೋಚ್‌ಗಳಿಗೆ ತಲಾ 1.50 ಲಕ್ಷ ರೂ.ನಗದು, ಪ್ರಶಸ್ತಿ ಫಲಕ ಹಾಗೂ ಪ್ರಶಸ್ತಿ ಪತ್ರ ಮತ್ತು ಗ್ರಾಮೀಣ ಕ್ರೀಡೆಗಳ ಸಾಧನೆಗಾಗಿ ಕರ್ನಾಟಕ ಕ್ರೀಡಾ ರತ್ನ ಪ್ರಶಸ್ತಿ ಪಡೆಯುವ 10 ಮಂದಿ ತಲಾ ಒಂದು ಲಕ್ಷರೂ. ನಗದು, ಪ್ರಶಸ್ತಿ ಫಲಕ ಹಾಗೂ ಪ್ರಶಸ್ತಿ ಪತ್ರ ಪಡೆಯುವರು.

ಪ್ರಶಸ್ತಿ ವಿಜೇತರ ವಿವರ.

ಏಕಲವ್ಯ ಪ್ರಶಸ್ತಿ

ದಾಮಿನಿ ಗೌಡ, ಬೆಂಗಳೂರು (ಈಜು), ವಿದ್ಯಾ ಪಿಳ್ಳೆ, ಬೆಂಳೂರು (ಬಿಲಿಯರ್ಡ್ಸ್), ಪವನ್ ಶೆಟ್ಟಿ, ಬೆಂಗಳೂರು (ದೇಹಧಾರ್ಡ್ಯ), ನಿತಿನ್ ತಿಮ್ಮಯ್ಯ, ಬೆಂಗಳೂರು (ಹಾಕಿ), ರಾಜಗುರು ಎಸ್, ಬೆಂಗಳೂರು (ಕಬಡ್ಡಿ), ಕೃಷ್ಣ ಎ.ನಾಯ್ಕೋಡಿ, ವಿಜಯಪುರ (ಸೈಕ್ಲಿಂಗ್), ಅರವಿಂದ ಎ., ಬೆಂಗಳೂರು (ಬಾಸ್ಕೆಟ್‌ಬಾಲ್), ಅರ್ಪಿತಾ ಎಂ., ಶಿವಮೊಗ್ಗ (ಅಥ್ಲೆಟಿಕ್ಸ್), ಮೊಹಮ್ಮದ್ ರಫೀಕ್ ಹೋಳಿ, ಧಾರವಾಡ (ಕುಸ್ತಿ), ಮೇಘನ ಎಂ.ಸಜ್ಜನರ್,ಬೆಂಗಳೂರು (ರೈಫಲ್ ಶೂಟಿಂಗ್), ಧೃತಿ ತಾತಾಚರ್ ವೇಣುಗೋಪಾಲ್, ಮೈಸೂರು (ಟೆನಿಸ್), ಅನುಪ್ ಡಿ ಕೋಸ್ಟ, ಕುಂದಾಪುರ (ವಾಲಿಬಾಲ್), ಜಿ.ಎಂ.ನಿಶ್ಚಿತಾ, ಬೆಂಗಳೂರು (ಶಟ್ಲ್ ಬ್ಯಾಡ್ಮಿಂಟನ್), ಶಾವದ್ ಜೆ.ಎಂ., ಬೆಂಗಳೂರು (ಪ್ಯಾರಾ ಅಥ್ಲೆಟಿಕ್ಸ್), ಉಮೇಶ್ ಆರ್.ಖಾಡೆ, ಧಾರವಾಡ (ಪ್ಯಾರಾ ಈಜು), ಕಂಚನ್ ಮುನ್ನೋಳ್‌ಕರ್, ಬೆಳಗಾವಿ (ವೆಯ್ಟಲಿಫ್ಟಿಂಗ್).

ಜೀವನ ಪರ್ಯಂತ ಸಾಧನೆ:

ಜಾನ್ ಕ್ರಿಸ್ಟೋಫರ್ ನಿರ್ಮಲ್ ಕುಮಾರ್, ಬೆಂಗಳೂರು (ಈಜು), ಶಿವಾನಂದ್ ಆರ್., ದಾವಣಗೆರೆ (ಕುಸ್ತಿ).

ಕರ್ನಾಟಕ ಕ್ರೀಡಾರತ್ನ:

ಡಿ.ಎನ್.ರುದ್ರಸ್ವಾಮಿ, ಬೆಂಗಳೂರು (ಯೋಗ), ಪೂರ್ಣಿಮಾ ಪಿ.,ಪುತ್ತೂರು (ಥ್ರೋಬಾಲ್), ಅಮೋಘ್ ಯು.ಚಚಡಿ, ಸವದತ್ತಿ ಬೆಳಗಾವಿ (ಆಟ್ಯಾ-ಪಾಟ್ಯಾ), ರಂಜಿತ ಎಂ.ಪಿ., ಹಾಸನ (ಬಾಲ್ ಬ್ಯಾಡ್ಮಿಂಟನ್), ಪ್ರದೀಪ್ ಕೆ.ಸಿ, ಶಿವಮೊಗ್ಗ (ಖೋ-ಖೋ), ಸುಮಿತ ಯು.ಎಂ., ಮಡಿಕೇರಿ (ಕಬಡ್ಡಿ), ಡಾ.ಜೀವಂಧರ್ ಬಲ್ಲಾಳ್, ಕಾಂತಾವರ ಕಾರ್ಕಳ (ಕಂಬಳ), ಆನಂದ್ ಇರ್ವತ್ತೂರು, ಕಾರ್ಕಳ (ಕಂಬಳ), ಆನಂದ್ ಎಲ್, ದಾವಣಗೆರೆ (ಕುಸ್ತಿ), ಮೋಶಪ್ಪ ವಿಠಪ್ಪ ಗುಳಬಾಳ, ಬಾಗಲಕೋಟೆ (ಗುಂಡು ಎತ್ತುವುದು)

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top