ಮಂಗಳೂರು: ವಿಮಾನಗಳ ಹಾರಾಟದಲ್ಲಿ ಭಾರೀ ವ್ಯತ್ಯಯ
ಹವಾಮಾನ ವೈಪರೀತ್ಯ ಕಾರಣ
ಮಂಗಳೂರು, ಡಿ.31: ಹವಾಮಾನ ವೈಪರಿತ್ಯದಿಂದಾಗಿ ಮಂಗಳೂರು ವಿಮಾನ ನಿಲ್ದಾಣದಿಂದ ಹೊರಡಬೇಕಾಗಿದ್ದ ಮೂರ್ನಾಲ್ಕು ವಿಮಾನಗಳು ಶುಕ್ರವಾರ ಸಂಜೆಯಿಂದ ತಡವಾಗಿ ಯಾನ ನಡೆಸುತ್ತಿವೆ.
ಶುಕ್ರವಾರ ಸಂಜೆಯಿಂದ ಕನಿಷ್ಠ 2-3 ಗಂಟೆಗಳ ಕಾಲದ ವ್ಯತ್ಯಯದಲ್ಲಿ ವಿಮಾನ ಹಾರಾಟ ನಡೆಸುತ್ತಿವೆ. ದಟ್ಟ ಮಂಜಿನಿಂದಾಗಿ ಏರ್ಇಂಡಿಯಾ, ಜೆಟ್ ಏರ್ವೇಸ್ನ ವಿಮಾನಗಳ ಯಾನಕ್ಕೆ ತೊಂದರೆಯಾಗಿದೆ. ಶನಿವಾರ ಬೆಳಗ್ಗೆ 8:30ಕ್ಕೆ ಹೊರಡಬೇಕಾಗಿದ್ದ ಜೆಟ್ ಏರ್ವೇಸ್ನ ವಿಮಾನ ಮಧ್ಯಾಹ್ನ 1 ಗಂಟೆಯವರೆಗೂ ಹಾರಾಟ ನಡೆಸಿಲ್ಲ ಎಂದು ಮೂಲಗಳು ತಿಳಿಸಿವೆ.
ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಮಂಗಳೂರು ವಿಮಾನ ನಿಲ್ದಾಣ ಪ್ರಾಧಿಕಾರದ ನಿರ್ದೇಶಕ ರಾಧಾಕೃಷ್ಣ, ‘ಹವಾಮಾನದ ಸಮಸ್ಯೆಯಿಂದ ಓಡಾಟದಲ್ಲಿ ವಿಳಂಬವಾಗಿದೆ. ಇದರಿಂದ ಹಲವು ಪ್ರಯಾಣಿಕರಿಗೆ ನಿಗದಿತ ಸಮಯಕ್ಕೆ ಉದ್ದೇಶಿಸಿತ ಸ್ಥಳಕ್ಕೆ ತಲುಪಲು ಸಾಧ್ಯವಾಗಿಲ್ಲ, ನಿಜ. ಆದರೆ, ವಿಮಾನ ಓಡಾಟವನ್ನು ನಿಲ್ಲಿಸಿಲ್ಲ’ ಎಂದು ತಿಳಿಸಿದ್ದಾರೆ.
Next Story