ಲಿಂಗತಾರತಮ್ಯ ಜೀವಂತವಾಗಿರುವುದು ವಿಷಾದನೀಯ: ಬಸವಪ್ರಭು ಸ್ವಾಮೀಜಿ

ದಾವಣಗೆರೆ,ಜು.29: ನಮ್ಮ ಸಂವಿಧಾನ ನಮಗೆ ಸಾಕಷ್ಟು ಅವಕಾಶ, ಸಮಾನತೆ, ಸ್ವತಂತ್ರವನ್ನು ಕಲ್ಪಿಸಿಕೊಟ್ಟರೂ ಸಹ ಲಿಂಗತಾರತಮ್ಯ ಸೇರಿದಂತೆ ಸಾಮಾಜಿಕ ಪಿಡುಗುಗಳು ಇನ್ನೂ ಜೀವಂತವಾಗಿರುವುದು ವಿಷಾಧನೀಯ ಎಂದು ವಿರಕ್ತಮಠದ ಬಸವಪ್ರಭುಸ್ವಾಮೀಜಿ ಬೇಸರ ವ್ಯಕ್ತಪಡಿಸಿದರು.  

ನಗರದ ಕುವೆಂಪು ಕನ್ನಡಭವನದಲ್ಲಿ ದೇವಾಂಗ ಸಂಘದ ವತಿಯಿಂದ ಸಂಘದ ಉದ್ಘಾಟನೆ ಹಾಗೂ ಜಿಲ್ಲೆಯ ದೇವಾಂಗ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಸಮಾರಂಭದಲ್ಲಿ ಸಾನಿಧ್ಯ ವಹಿಸಿ ಮಾತನಾಡಿದರು. ಗಂಡು ಶ್ರೇಷ್ಟ, ಹೆಣ್ಣು ಕನಿಷ್ಟ ಎಂಬ ಲಿಂಗತಾರತಮ್ಯ ಹಾಗೂ ಹೆಣ್ಣುಭ್ರೂಣಹತ್ಯೆ ಇಂದಿಗೂ ಸಮಾಜದಲ್ಲಿ ನೆಲೆಯೂರಿದೆ. ವಿದ್ಯಾವಂತರಾದರೂ ಸಹ ಹೆಣ್ಣು ಕೀಳೆಂಬ ಮನೋಭಾವವಿದೆ ಎಂದು ಬೇಸರ ವ್ಯಕ್ತಪಡಿಸಿದರು. 

ಬಸವತತ್ವದಲ್ಲಿ ಲಿಂಗಸಮಾನತೆಗೆ ಪೂರಕವಾದಂತ ವಚನವನ್ನು ದೇವರದಾಸಿಮಯ್ಯ ನೀಡಿದ್ದಾರೆ. 12ನೇ ಶತಮಾನದಲ್ಲಿ ಆದರ್ಶನೀಯ ದಾಂಪತ್ಯ ಜೀವನ ನಡೆಸಿದವರ ಉದಾಹರಣೆ ನೀಡಬೇಕಿದ್ದರೆ ಅದು ದೇವರದಾಸಿಮಯ್ಯನವರ ದಾಂಪತ್ಯ ಜೀವನ ಸಾಕ್ಷಿಯಾಗಿದೆ ಎಂದು ಹೇಳಿದರು. 

ಸಮಾಜದ ಮೂಲ ಗುರು, ಸಾಂಸ್ಕೃತಿಕ ನಾಯಕ ದೇವರದಾಸಿಮಯ್ಯನವರ ಹಾದಿಯಲ್ಲಿ ನಡೆದು ಬಂದ ಸಮಾಜವೆಂದರೆ ಅದು ದೇವಾಂಗ ಸಮಾಜವಾಗಿದೆ. ಬಸವತತ್ವಗಳನ್ನು ವಚನಗಳ ಮೂಲಕ ಸಂದೇಶ ಸಾರಿದ ಕೀರ್ತಿ ದೇವರದಾಸಿಮಯ್ಯನವರಿಗೆ ಸಲ್ಲುತ್ತದೆ. ಬಸವತತ್ವ ಕಾಯಕತತ್ವದ ಸಂದೇಶ ದೇವರದಾಸಿಮಯ್ಯನವರ ವಚನಗಳಲ್ಲಿದೆ. 12ನೇ ಶತಮಾನದಲ್ಲಿ ಬಸವಣ್ಣನವರು ಸ್ಥಾಪಿಸಿದ ಅನುಭವ ಮಂಟಪದಲ್ಲಿ ಹಿರಿಯ ವಚನಕಾರರಾಗಿ ದೇವರದಾಸಿಮಯ್ಯನವರು ಇದ್ದಾರೆ ಎಂದು ಸ್ಮರಿಸಿದರು. 

ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಸಂಘದ ಗೌರವಾಧ್ಯಕ್ಷ ಕೆ.ವೆಂಕಟೇಶ್, ಸಂಘವನ್ನು ಕೇವಲ ಉದ್ಘಾಟನೆಗೆ ಹಾಗೂ ವೇದಿಕೆ ಕಾರ್ಯಕ್ರಮಕ್ಕೆ ಮಾತ್ರ ಸೀಮಿತಗೊಳಿಸದೆ 365 ದಿನವು ಸಂಘವನ್ನು ಚಟುವಟಿಕೆಯಿಂದ ಸಮಾಜಮುಖಿ ಹಾಗೂ ಸಮಾಜದ ಏಳಿಗೆಗಾಗಿ ಶ್ರಮಿಸುವಂತ ಕೆಲಸ ಮಾಡಬೇಕು. ಸಮಾಜ ಬಾಂಧವರಿಗೆ ಸಹಾಯವನ್ನು ಮಾಡುವುದರ ಜೊತೆಗೆ ತೊಂದರೆ ಇದ್ದಾಗ ಸಂಘಟಿತರಾಗಿ ಹೋರಾಡಿ ಅನುಕೂಲ ಮಾಡಿಕೊಡುವತ್ತ ಪ್ರಯತ್ನಿಸಬೇಕು ಎಂದು ಸಲಹೆ ನೀಡಿದರು. 

ನಗರ ಮತ್ತು ಹಳ್ಳಿಗಳಲ್ಲಿ ದೇವಾಂಗ ಸಮಾಜದ ವಿದ್ಯಾರ್ಥಿ ನಿಲಯಗಳ ಬಗ್ಗೆ ಸಮಾಜ ಬಾಂಧವರಿಗೆ ತಿಳಿದಿಲ್ಲ. ಆದ್ದರಿಂದ ಸಂಘಕ್ಕೆ ಸದಸ್ಯತ್ವವವನ್ನು ಹೆಚ್ಚಿಸಲು ನೋಂದಣಿಗೆ ಚಿಂತಿಸಿದ್ದು, ಸಮಾಜ ಬಾಂಧವರು ಸಂಘದ ಸದಸ್ಯತ್ವವನ್ನು ಪಡೆಯಲು ಮುಂದಾಗಬೇಕು. ಈಗಿರುವ ಹಳೇಯ ಕಟ್ಟಡ ಶಿಥಿಲಾವಸ್ಥೆಯಲ್ಲಿದ್ದು ಅದನ್ನು ಹೊಸದಾಗಿ ನಿರ್ಮಿಸಿ ಕಾಂಪ್ಲೆಕ್ಸ್ ಗಳನ್ನು ಮಾಡಿ ಬಾಡಿಗೆಯನ್ನು ಪಡೆದು ವಿದ್ಯಾರ್ಥಿಗಳಿಗೆ ಊಟ ವ್ಯವಸ್ಥೆಯ ಜೊತೆಗೆ ಆಶ್ರಯವನ್ನು ನೀಡಲಾಗುವುದು ಅಲ್ಲದೆ ಇನ್ನು ಅನೇಕ ಸಮಾಜದ ಪರ ಕಾರ್ಯಕ್ರಮಗಳನ್ನು ಮಾಡುವ ಉದ್ದೇಶವಿದ್ದು, ಇದಕ್ಕೆ ಪ್ರೋತ್ಸಾಹ ನೀಡುವಂತೆ ಮನವಿ ಮಾಡಿದರು.

ಸಂಘದ ಅಧ್ಯಕ್ಷ ಜಿ.ಆರ್.ಕುಮಾರ್ ಅಧ್ಯಕ್ಷತೆ ವಹಿಸಿದ್ದರು. ಈಸೂರು ಬಸವರಾಜ್, ಬಟ್ಟೆ ಅಂಗಡಿ ಕೆಂಚಪ್ಪ, ಟಿ.ಅಜ್ಜೇಶಿ,ಎಸ್.ಡಿ.ರಂಗನಾಥ್ ಸೇರಿದಂತೆ ಇತರರು ಇದ್ದರು. 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top