ಪ್ರಪಂಚಕ್ಕೆ ಭಾರತವನ್ನು ಪರಿಚಯಿಸಿದ ಮಹಾನ್ ವ್ಯಕ್ತಿ ವಾಜಪೇಯಿ: ಜನಸಂಘದ ಹಿರಿಯ ಮುಖಂಡ ಮಂಜಪ್ಪ | Vartha Bharati- ವಾರ್ತಾ ಭಾರತಿ

---

ಪ್ರಪಂಚಕ್ಕೆ ಭಾರತವನ್ನು ಪರಿಚಯಿಸಿದ ಮಹಾನ್ ವ್ಯಕ್ತಿ ವಾಜಪೇಯಿ: ಜನಸಂಘದ ಹಿರಿಯ ಮುಖಂಡ ಮಂಜಪ್ಪ

ಸೊರಬ,ಆ.17: ವಸ್ತುನಿಷ್ಠ ಆಡಳಿತ ನಡೆಸಿ ಪ್ರಪಂಚಕ್ಕೆ ಭಾರತವನ್ನು ಪರಿಚಯಿಸಿದ ಮಹಾನ್ ವ್ಯಕ್ತಿಯಾಗಿದ್ದಾರೆ ವಾಜಪೇಯಿ. ದೇಶ ಕಂಡ ಅಪ್ರತಿಮ ರಾಜಕಾರಣಿಯಾಗಿದ್ದು, ಭಾರತ ದೇಶವನ್ನು ಉತ್ತುಂಗಕ್ಕೆ ಹೊಯ್ದ ಮಹನೀಯರಾಗಿದ್ದಾರೆ ಎಂದು ಜನಸಂಘದ ಹಿರಿಯ ಮುಖಂಡ ಹೆಚ್.ಎಸ್. ಮಂಜಪ್ಪ ತಿಳಿಸಿದರು.

ಪಟ್ಟಣದ ರಂಗಮಂದಿರದಲ್ಲಿ ಶುಕ್ರವಾರ ಶಾಂತಿಧೂತ, ಪತ್ರಕರ್ತ, ಕವಿಹೃದಯ, ಅಜಾತಶತೃ ಭಾರತರತ್ನ ಎ.ಬಿ ವಾಜಪೇಯಿ ಅವರಿಗೆ ಹಮ್ಮಿಕೊಂಡಿದ್ದ ನಿಮಗಿದೋ ನಮ್ಮ ಅಂತಿಮ ನಮನ ಶ್ರದ್ಧಾಂಜಲಿ ಸಭೆಯಲ್ಲಿ ಅವರು ಮಾತನಾಡಿದರು. ವಾಜಪೇಯಿ ಅವರ ನಿಧನದಿಂದಾಗಿ ದೇಶ ಕತ್ತಲಲ್ಲಿ ಮುಳುಗಿದಂತಾಗಿದೆ. ಅವರು 1962 ರಲ್ಲಿ ಮೊದಲ ಬಾರಿಗೆ ಭೇಟಿ ನೀಡಿದ್ದ ಅವರು ಶಿವಮೊಗ್ಗ ಜಿಲ್ಲೆಗೆ 7 ಬಾರಿ ಭೇಟಿ ನೀಡಿದ್ದರು. 1964 ರಲ್ಲಿ ಕಲ್ಲಿಕೋಟೆಯಲ್ಲಿ ನಡೆದ ಸಮ್ಮೇಳನದಲ್ಲಿ ಅಡ್ವಣಿ ಮತ್ತು ಆಟಲ್ ಬಿಹಾರಿ ವಾಜಪೇಯಿಯವರು ಸ್ವತಃ ಸಮ್ಮೇಳನದಲ್ಲಿ ಭಾಗವಹಿಸಿದವರಿಗೆ ಊಟ ಬಡಿಸಿದ್ದರು. ಅಷ್ಟೊಂದು ಸರಳ ಹೃದಯವಂತರಾಗಿದ್ದ ಅವರು ವಿದೇಶಾಂಗ ಸಚಿವರಾಗಿದ್ದಾಗಲೂ ಕಾರ್ಯಕರ್ತರ ಮನೆಯಲ್ಲಿ ಉಳಿಯುತ್ತಿದ್ದರು. ಅವರ ಸಂಘಟನಾ ಶಕ್ತಿಯಿಂದ ಯುವಜನತೆಗೆ ರಾಷ್ಟ್ರಭಕ್ತಿ ಮೂಡಿದಂತೆ ಮಾಡಿದವರು ಅವರಾಗಿದ್ದರು. ತಮಗಾಗಿ ಏನನ್ನೂ ಬಯಸದ ವಾಜಪೇಯಿ ದೇಶದ ಅಭಿವೃದ್ಧಿಗಾಗಿ ಹಗಲಿರುಳು ದುಡಿದ ಮಹಾನ್ ಚೇತನ. ಅವರು ಅಜರಾಮರರಾಗಲಿ ಎಂದರು.

ಹಿರಿಯ ಚಿಂತಕ ತಿಮ್ಮಣ್ಣಾಚಾರ್ ಮಾತನಾಡಿ, ದೇಶಕಂಡ ಅಪ್ರತಿಮ ರಾಜಕಾರಣಿ ವಾಜಪೇಯಿಯವರ ವೈಯುಕ್ತಿಕ ನಡವಳಿಕೆ ಪ್ರತಿಯೊಬ್ಬರಿಗೂ ಮಾರ್ಗದರ್ಶನವಾಗಿದೆ. ಸ್ವಸಾಮರ್ಥ್ಯದಿಂದ ಮುಂದಾಳತ್ವ ವಹಿಸಿದ ದೇಶಕಂಡ ಅತ್ಯುತ್ತಮ ಪ್ರಧಾನಿಯಾಗಿದ್ದರು. ತರುಣರಲ್ಲಿ ಅಳಿಸಲಾಗದ ಪ್ರಭಾವ ಮೂಡಿಸುವ ವಾಕ್ಚಾತುರ್ಯ ಹೊಂದಿದ ಸ್ಥಿತಪ್ರಜ್ಞ ರಾಷ್ಟ್ರಾಭಿಮಾನವನ್ನು ಪ್ರತಿಯೊಬ್ಬರಲ್ಲೂ ತುಂಬಿ ಭಾರತದ ನವನಿರ್ಮಾಣದ ಅಡಿಪಾಯಕ್ಕೆ ಕಾರಣಕರ್ತರಾದವರು ಎಂದರು. 

ಶಾಸಕ ಕುಮಾರ್ ಬಂಗಾರಪ್ಪ ಶ್ರದ್ಧಾಂಜಲಿ ಸಲ್ಲಿಸಿ, ದೇಶದ ಚೇತನರಾಗಿದ್ದ ಅವರು ಬಿಜೆಪಿ ಪಕ್ಷದ ಮೊದಲ ಅಧ್ಯಕ್ಷರಾಗಿದ್ದರು. ರಾಜಧರ್ಮ ಸೇವಾ ಮನೋಭಾವನೆಯನ್ನು ಇಟ್ಟುಕೊಂಡಂತಹ ಆದರ್ಶ ರಾಜಕಾರಣಿ ಅವರಾಗಿದ್ದರು. ಎಸ್.ಎಂ. ಕೃಷ್ಣ ಅವರು ಮುಖ್ಯಮಂತ್ರಿಯಾಗಿದ್ದಾಗ ತಾವು ಸಣ್ಣ ನೀರಾವರಿ ಸಚಿವರಾಗಿದ್ದು, ನೀರಾವರಿಗಾಗಿ ಸಾವಿರ ಕೋಟಿ ರೂ. ಅನುದಾನ ಕೇಳಿಕೊಂಡಾಗ ತಕ್ಷಣವೇ ಕೊಟ್ಟಂತಹ ಪಕ್ಷಪಾತ ತೋರದಂತಹ ಪ್ರಧಾನಿ ಅವರಾಗಿದ್ದರು ಎಂದರು. ಪ್ರಭಾಕರ ರಾಯ್ಕರ್, ಈಶ್ವರ ಚನ್ನಪಟ್ಟಣ, ಎಂ.ಆರ್. ಪಾಟೀಲ್, ಗಜಾನನರಾವ್ ಉಳವಿ, ಗೀತಾ ಮಲ್ಲಿಕಾರ್ಜುನ, ಎ.ಎಲ್. ಅರವಿಂದ, ಮಧುಕೇಶ್ವರ ಸೇರಿದಂತೆ ಹಲವರು ಮಾತನಾಡಿದರು.

ಬಿಜೆಪಿ ಅಧ್ಯಕ್ಷ ಎ.ಎಲ್. ಅರವಿಂದ್, ದಿವಾಕರ ಭಾವೆ, ಎಂ.ಆರ್ ಪಾಟೀಲ್, ಶ್ರೀಪಾದ ಹೆಗಡೆ, ಗುರುಪ್ರಸನ್ನಗೌಡ, , ಶಿವಯೋಗಿ ಸೇರಿದಂತೆ ಪಕ್ಷದ ಕಾರ್ಯಕರ್ತರು, ಮುಖಂಡರು ಉಪಸ್ಥಿತರಿದ್ದರು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top