ಜಪಾನ್ ನ ಮೊಮೊಟಾಗೆ ಸಿಂಗಲ್ಸ್ ಗರಿ | Vartha Bharati- ವಾರ್ತಾ ಭಾರತಿ

---

ಸಿಂಗಾಪುರ ಓಪನ್ ಬ್ಯಾಡ್ಮಿಂಟನ್

ಜಪಾನ್ ನ ಮೊಮೊಟಾಗೆ ಸಿಂಗಲ್ಸ್ ಗರಿ

ಸಿಂಗಾಪುರ, ಎ.14: ಇಂಡೋನೇಶ್ಯದ ಅಂಥೋನಿ ಸಿನಿಸುಕಾ ಗಿಂಟಿಕ್ ಅವರ ಆಕ್ರಮಣಕಾರಿ ಹೊಡೆತಗಳನ್ನು ಮೀರಿನಿಂತ ಜಪಾನ್ ಆಟಗಾರ ಕೆಂಟೊ ಮೊಮೊಟಾ ರವಿವಾರ ನಡೆದ ಸಿಂಗಾಪುರ ಓಪನ್ ಫೈನಲ್ ಹಣಾಹಣಿಯಲ್ಲಿ ಗೆಲುವಿನ ನಗೆ ಬೀರಿದ್ದಾರೆ. 10-21, 21-19, 21-13 ಗೇಮ್‌ಗಳಿಂದ ಎದುರಾಳಿಯನ್ನು ಬಗ್ಗುಬಡಿದ ಮೊಮೊಟಾ ಪುರುಷರ ಸಿಂಗಲ್ಸ್ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡರು.

 ಗೇಮ್‌ನ ಪ್ರಥಮಾರ್ಧದಲ್ಲಿ ಕೋರ್ಟ್‌ನ ಎರಡೂ ಮೂಲೆಗಳಿಗೂ ಮೊಮೊಟಾರನ್ನು ಓಡಾಡಿಸಿದರು ಇಂಡೋನೇಶ್ಯದ ಅಂಥೋನಿ. ಮೊದಲು ಗೇಮನ್ನು ಕಳೆದುಕೊಂಡ ಮೊಮೊಟಾ ಎರಡನೇ ಗೇಮ್‌ನಲ್ಲಿ ಆರಂಭದಲ್ಲಿ 11-16ರ ಹಿನ್ನಡೆಯಲ್ಲಿದ್ದರು. ಆದರೆ ತಿರುಗೇಟು ನೀಡಿ ಗೇಮನ್ನು 21-19ರಿಂದ ಗೆದ್ದುಕೊಂಡು ನಿರ್ಣಾಯಕ ಹಾಗೂ ಮೂರನೇ ಗೇಮ್‌ಗೆ ಪಂದ್ಯವನ್ನು ಕೊಂಡೊಯ್ದರು. ಮೂರನೇ ಗೇಮ್‌ನಲ್ಲೂ ಇದೇ ರೀತಿಯ ಆಟ ಪುನರಾವರ್ತನೆಯಾಯಿತು. ಆರಂಭದಲ್ಲಿ ಹಿನ್ನಡೆ ಕಂಡ ಮೊಮೊಟಾ ಬಳಿಕ ಚೇತರಿಸಿಕೊಂಡು ಮುನ್ನುಗ್ಗಿದರು.

ಸುಧಾರಿತ ಹಾಗೂ ತಾಂತ್ರಿಕ ಕೌಶಲಗಳಿಂದ ಗಮನ ಸೆಳೆದ ಎಡಗೈ ಆಟಗಾರ ಮೊಮೊಟಾ 14 ಅಂಕಗಳ ಪೈಕಿ 13 ಅಂಕಗಳನ್ನು ಗಳಿಸಿ ಅಂಥೋನಿಗೆ ಆಘಾತ ನೀಡಿದರು. ಪುರುಷ ಡಬಲ್ಸ್‌ನಲ್ಲಿ ಜಪಾನ್‌ನ ತಾಕೆಶಿ ಕಮುರಾ- ಕಿಯ್‌ಗೊ ಸೊನೊಡಾ ಜೋಡಿಯು ಇಂಡೋನೇಶ್ಯದ ಮುಹಮ್ಮದ್ ಅಹ್ಸಾನ್- ಹೆಂಡ್ರಾ ಸೆತಿಯವಾನ್ ಜೋಡಿಯನ್ನು 21-13, 19-21, 21-7 ಗೇಮ್‌ಗಳಿಂದ ಸೋಲಿಸಿ ಪ್ರಶಸ್ತಿ ಪಡೆಯಿತು.

ಯಿಂಗ್‌ಗೆ ಒಲಿದ ಮಹಿಳಾ ಸಿಂಗಲ್ಸ್ ಪ್ರಶಸ್ತಿ

ಟೂರ್ನಿಯ ಮಹಿಳಾ ಸಿಂಗಲ್ಸ್ ಫೈನಲ್ ಪಂದ್ಯದಲ್ಲಿ ಜಪಾನ್‌ನ ನೊರೊಮಿ ಒಕುಹರಾ ಅವರನ್ನು 21-19, 21-15ರಿಂದ ತೈವಾನ್‌ನ ತೈ ಝು ಯಿಂಗ್ ಮಣಿಸಿದರು. 40 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ಮಲೇಶ್ಯ ಓಪನ್ ವಿಜೇತ ಯಿಂಗ್, ವೇಗ, ಕೌಶಲ ಹಾಗೂ ಸೊಗಸಾದ ಆಟದ ಮೂಲಕ ಗಮನಸೆಳೆದರು.

ಈ ಫಲಿತಾಂಶದೊಂದಿಗೆ ಯಿಂಗ್ ಅವರು ಒಕುಹರಾ ಅವರೊಂದಿಗಿನ ಹೆಡ್-ಟು-ಹೆಡ್ ದಾಖಲೆಯನ್ನು 5-4ಕ್ಕೆ ಹೆಚ್ಚಿಸಿಕೊಂಡರು.

 ಮಿಶ್ರ ಡಬಲ್ಸ್‌ನಲ್ಲಿ ಥಾಯ್ಲೆಂಡ್‌ನ ಡೆಚ್‌ಪೊಲ್ ಪುವಾರ್‌ನೊಕ್ರೊ -ಸ್ಯಾಪ್ಸರೀ ಜೋಡಿಯು ಮಲೇಶ್ಯದ ತಾನ್ ಕಿಯಾನ್ ಮೆಂಗ್ ಹಾಗೂ ಲೈ ಪೇ ಜಿಂಗ್ ಜೋಡಿಯನ್ನು 21-14, 21-16 ನೇರ ಗೇಮ್‌ಗಳಿಂದ ಸೋಲಿಸಿತು.

ಮಹಿಳಾ ಡಬಲ್ಸ್‌ನಲ್ಲಿ ಜಪಾನ್‌ನ ಮಾಯು ಮಟ್ಸುಮೊಟೊ-ವಕಾನಾ ನಗಹರಾ ಜೋಡಿಯು ದಕ್ಷಿಣ ಕೊರಿಯದ ಕಿಮ್ ಹೇ-ಜಿಯೊಂಗ್-ಕಾಂಗ್ ಹೀ ಯೊಂಗ್ ಜೋಡಿಯನ್ನು 21-17 22-20 ಗೇಮ್‌ಗಳಿಂದ ಸೋಲಿಸಿ ಪ್ರಶಸ್ತಿಗೆ ಮುತ್ತಿಕ್ಕಿತು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top