ಭಾಂಬ್ರಿ ಸಿಂಗಲ್ಸ್ ನಲ್ಲಿ 2ನೆ ಸುತ್ತಿಗೆ ಡಬಲ್ಸ್ ನಲ್ಲಿ ಕ್ವಾರ್ಟರ್ ಫೈನಲ್ ಗೆ
ತಾಷ್ಕೆಂಟ್ ಓಪನ್
ತಾಷ್ಕೆಂಟ್, ಅ.10: ಭಾರತದ ಟೆನಿಸ್ ತಾರೆ ಯೂಕಿ ಭಾಂಬ್ರಿ ಎಟಿಪಿ ತಾಷ್ಕೆಂಟ್ ಓಪನ್ ಟೆನಿಸ್ ಟೂರ್ನಮೆಂಟ್ನ ಸಿಂಗಲ್ ್ಸ ನಲ್ಲಿ ಎರಡನೆ ಸುತ್ತಿಗೆ ಮತ್ತು ಡಬಲ್ಸ್ ನಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ.
ಒಲಿಂಪಿಕ್ಸ್ ಟೆನಿಸ್ ಸ್ಕೋಲ್ನಲ್ಲಿ ನಡೆದ ಮೊದಲ ಸುತ್ತಿನ ಸಿಂಗಲ್ಸ್ನಲ್ಲಿ ಆಸ್ಟ್ರೇಲಿಯದ ಪೋಲ್ಮಾನ್ಸ್ ವಿರುದ್ಧ ಭಾಂಬ್ರಿ ಅವರು 6-4, 7-6(8) ಅಂತರದಲ್ಲಿ ಜಯ ಗಳಿಸಿದರು. ಮುಂದಿನ ಪಂದ್ಯದಲ್ಲಿ ಕಮಿಲ್ ಮಜ್ಚ್ರಝಕ್ ಅವರನ್ನು ಎದುರಿಸಲಿದ್ದಾರೆ. ಡಬಲ್ಸ್ನಲ್ಲಿ ಭಾಂಬ್ರಿ ಅವರು ಎಡಗೈ ಆಟಗಾರ ಡಿವಿಜ್ ಶರಣ್ ಜೊತೆ ಅರ್ಜೆಂಟೀನದ ಗಿಲ್ಲೆರ್ಮೊ ಡುರಾನ್ ಮತ್ತು ಆ್ಯಂಡ್ರೆಸ್ ಮೊಲ್ಟೇನಿ ವಿರುದ್ಧ ಮೊದಲ ಸುತ್ತಿನಲ್ಲಿ 6-4, 6-2 ಸೆಟ್ಗಳ ಅಂತರದಲ್ಲಿ ಜಯ ಗಳಿಸಿದರು.
ಕ್ವಾರ್ಟರ್ ಫೈನಲ್ನಲ್ಲಿ ಭಾಂಬ್ರಿ ಮತ್ತು ಡಿವಿಜ್ ಅವರು ಉಕ್ರೇನ್ನ ಡೆನ್ನಿಸ್ ಮೊಚ್ಚಾನೊವ್ ಮತ್ತು ಮೊನಾಕೊದ ರೊಮೈನ್ ಅರ್ನೆಡೊ ಅವರನ್ನು ಎದುರಿಸಲಿದ್ದಾರೆ. ನಾಲ್ಕನೆ ಶ್ರೇಯಾಂಕದ ಭಾರತದ ಜೋಡಿ ಜೀವನ್ ನೆಡುನ್ಚೆಝಿಯನ್ ಮತ್ತು ವಿಷ್ಣುವರ್ಧನ್ ಅವರು ಇಟಲಿಯ ಥಾಮಸ್ ಫ್ಯಾಬಿಯಾನೊ ಮತ್ತು ಸ್ವಿಟ್ಝರ್ಲೆಂಡ್ನ ಲುಕಾ ಮಾರ್ಗೊಲಿ ವಿರುದ್ಧ 6-7(6)-6-7(6) ಅಂತರದಲ್ಲಿ ಸೋಲು ಅನುಭವಿಸಿದರು. ಶಾಂಘೈ ಮಾಸ್ಟರ್ಸ್ ಚಾಂಪಿಯನ್ ರೋಹನ್ ಬೋಪಣ್ಣ ಮತ್ತು ಪಾಬ್ಲೊ ಕ್ಯುವಾಸ್ ಅವರು ಮೊದಲ ಸುತ್ತಿನಲ್ಲಿ ನೀಕ್ ಕಿರ್ಗಿಯೊಸ್ ಮತ್ತು ಲುಕಾಸ್ ಪೊವಿಲ್ಲೆ ವಿರುದ್ಧ 6-3, 3-6,5-10 ಅಂತರದಲ್ಲಿ ಸೋತು ನಿರ್ಗಮಿಸಿದರು.