ಮುಂಬೈಯಲ್ಲಿ ಭಾರೀ ಮಳೆಗೆ 3 ಬಲಿ
ಕುಸಿದ ಕಾಂಪೌಂಡ್ ಗೋಡೆ: ಅವಶೇಷಗಳಡಿ ಸಿಲುಕಿದ 15 ಕಾರುಗಳು
ಮುಂಬೈ, ಜೂ.25: ಭಾರೀ ಮಳೆಯ ಪರಿಣಾಮ ಕಟ್ಟಡವೊಂದರ ಕಾಂಪೌಂಡ್ ಗೋಡೆಯೊಂದು ಕುಸಿದು ಬಿದ್ದ ಘಟನೆ ಮುಂಬೈಯಲ್ಲಿ ನಡೆದಿದ್ದು, 15 ಕಾರುಗಳು ಜಖಂಗೊಂಡಿವೆ. ಕಾರುಗಳು ಅವಶೇಷಗಳಡಿ ಸಿಲುಕಿವೆ.
ವಡಾಲಾದಲ್ಲಿ ಈ ಘಟನೆ ನಡೆದಿದೆ ಎನ್ನಲಾಗಿದೆ. ಅದೃಷ್ಟವಶಾತ್ ಯಾರಿಗೂ ಗಾಯಗಳಾಗಿಲ್ಲ. ಇಂದು ಬೆಳಗ್ಗೆ 4 ಗಂಟೆಯಿಂದಲೇ ಮಹಾನಗರಿಯಲ್ಲಿ ಭಾರೀ ಮಳೆಯಾಗುತ್ತಿದೆ. ಓರ್ವ 13 ವರ್ಷದ ಬಾಲಕ ಸೇರಿದಂತೆ ಮೂವರು ಮುಂಬೈ ಹಾಗು ಥಾಣೆ ಜಿಲ್ಲೆಗಳಲ್ಲಿ ಮೃತಪಟ್ಟಿರುವುದಾಗಿ ವರದಿಯಾಗಿದೆ.
Next Story