ಮೆದುಳಿನ ಶಸ್ತ್ರಚಿಕಿತ್ಸೆ ನಡೆಯುತ್ತಿದ್ದಂತೆ ಕುರ್ ಆನ್ ಸೂಕ್ತಗಳನ್ನು ಪಠಿಸಿದ ರೋಗಿ
ಹೊಸದಿಲ್ಲಿ, ಫೆ.14: ಬ್ರೈನ್ ಟ್ಯೂಮರ್ ಶಸ್ತ್ರಚಿಕಿತ್ಸೆ ಸಂದರ್ಭ ರೋಗಿಯೊಬ್ಬರು ಕುರ್ ಆನ್ ಸೂಕ್ತಗಳನ್ನು ಪಠಿಸಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ರಾಜಸ್ಥಾನದ ಅಜ್ಮೀರ್ ನ ಆಸ್ಪತ್ರೆಯೊಂದರಲ್ಲಿ ಇವರಿಗೆ ಶಸ್ತ್ರಚಿಕಿತ್ಸೆ ಮಾಡಲಾಗುತ್ತಿತ್ತು ಎನ್ನಲಾಗಿದ್ದು, ರೋಗಿಯ ಹೆಸರು ಅಬ್ದುಲ್ ಎಂದು ತಿಳಿದುಬಂದಿದೆ. ವೈದ್ಯರು ಶಸ್ತ್ರಚಿಕಿತ್ಸೆ ನಡೆಸುತ್ತಿರುವಂತೆಯೇ ಅಬ್ದುಲ್ ಪುಸ್ತಕವೊಂದರಲ್ಲಿರುವ ಕುರ್ ಆನ್ ನ ಕೆಲವು ಸೂಕ್ತಗಳನ್ನು ಓದುವುದು ಕೇಳಿಸುತ್ತದೆ.
ರೋಗಿಯು ಓದುತ್ತಿದ್ದರೆ ಆತನ ಮೆದುಳಿನ ಭಾಗಗಳು ಚಟುವಟಿಕೆಯಿಂದಿರುತ್ತದೆ. ಇದು ಶಸ್ತ್ರಚಿಕಿತ್ಸೆಗೂ ನೆರವಾಗುತ್ತದೆ ಎಂದು ಆಸ್ಪತ್ರೆಯ ವೈದ್ಯರು ತಿಳಿಸಿದ್ದಾರೆ. ಮೆದುಳಿನಲ್ಲಿದ್ದ ಗೆಡ್ಡೆಯನ್ನು ತೆಗೆಯಲಾಗಿದ್ದು, ಅಬ್ದುಲ್ ಆರೋಗ್ಯದಿಂದಿದ್ದಾರೆ ಎಂದು ವೈದ್ಯರು ಸ್ಪಷ್ಟಪಡಿಸಿದ್ದಾರೆ.
Next Story