ಕಾರ್ಗಿಲ್ ಯುದ್ಧದ 20ನೇ ವರ್ಷಾಚರಣೆ: ವಿಜಯದ ಸನ್ನಿವೇಶಗಳನ್ನು ಮರುಸೃಷ್ಟಿಸಲಿರುವ ಸೇನೆ | Vartha Bharati- ವಾರ್ತಾ ಭಾರತಿ

---

ಕಾರ್ಗಿಲ್ ಯುದ್ಧದ 20ನೇ ವರ್ಷಾಚರಣೆ: ವಿಜಯದ ಸನ್ನಿವೇಶಗಳನ್ನು ಮರುಸೃಷ್ಟಿಸಲಿರುವ ಸೇನೆ

ಗರ್ಖೋನ್(ಜ-ಕಾ),ಜು.6: ಕಾರ್ಗಿಲ್‌ನಲ್ಲಿ ಪಾಕಿಸ್ತಾನಿ ನುಸುಳುಕೋರರಿಂದ ಹಲವಾರು ಪರ್ವತ ಶಿಖರಗಳನ್ನು ಮರುವಶಪಡಿಸಿಕೊಂಡ 20 ವರ್ಷಗಳ ಬಳಿಕ ಇದೀಗ ಭಾರತೀಯ ಸೇನೆಯ ವೀರಯೋಧರು ಮತ್ತೊಮ್ಮೆ ಈ ಎತ್ತರದ ಪ್ರದೇಶಗಳಿಗೆ ಸಾಗಿ ವಿಜಯದ ಸನ್ನಿವೇಶಗಳನ್ನು ಮರುಸೃಷ್ಟಿಸಲಿದ್ದಾರೆ. ಕಾರ್ಗಿಲ್ ಯುದ್ಧದ 20 ನೇ ವಿಜಯೋತ್ಸವದ ಅಂಗವಾಗಿ ಸೇನೆಯು ಈ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದೆ.

  ಪಾಕಿಸ್ತಾನಿ ಸೈನಿಕರು ನಿಯಂತ್ರಣ ರೇಖೆಯ ಬಟಾಲಿಕ್ ಸೆಕ್ಟರ್‌ನಲ್ಲಿ ಕಾರ್ಗಿಲ್ ಪ್ರದೇಶವನ್ನು ಅತಿಕ್ರಮಿಸಿದ್ದನ್ನು ಅಲ್ಲಿಯ ಕೆಲವು ನಿವಾಸಿಗಳು 1999,ಮೇ 3ರಂದು ಮೊದಲ ಬಾರಿಗೆ ಪತ್ತೆ ಹಚ್ಚಿ ಸೇನೆಗೆ ಮಾಹಿತಿ ನೀಡಿದ್ದರು. ಕಾರ್ಗಿಲ್ ಸಂಘರ್ಷದ ಕೆಲವು ಭೀಷಣ ಕಾಳಗಗಳ ಬಳಿಕ ಭಾರತೀಯ ಯೋಧರು ಆ ಪ್ರದೇಶದಲ್ಲಿ ರಾಷ್ಟ್ರಧ್ವಜವನ್ನು ಅರಳಿಸಿದ್ದ ಆ ವಿಜಯದ ಕ್ಷಣವು ಮತ್ತೊಮ್ಮೆ ಮರುಕಳಿಸುವುದನ್ನು ತಾವು ಎದುರು ನೋಡುತ್ತಿದ್ದೇವೆ ಎಂದು ನಿಯಂತ್ರಣ ರೇಖೆಯಲ್ಲಿ ವಾಸವಿರುವ ಗ್ರಾಮಸ್ಥರು ಹೇಳಿದರು.

'ಆಪರೇಷನ್ ವಿಜಯ್'ನ 20ನೇ ವರ್ಷವನ್ನು ಈ ಬಾರಿ 'ಸ್ಮರಿಸು,ಆನಂದಿಸು ಮತ್ತು ನವೀಕರಿಸು' ಎಂಬ ಧ್ಯೇಯದೊಂದಿಗೆ ಆಚರಿಸಲಾಗುತ್ತಿದೆ. ಆಕ್ರಮಣಕೋರರನ್ನು ಹೊರದಬ್ಬಲು ಅತ್ಯಂತ ದುರ್ಗಮ ಪ್ರದೇಶದಲ್ಲಿ ಹೋರಾಡಿದ್ದ ಮೂರು ಬಟಾಲಿಯನ್‌ಗಳಿಗೆ ಸೇರಿದ ಯೋಧರು ವಿಜಯದ ಸನ್ನಿವೇಶಗಳನ್ನು ಮರುಸೃಷ್ಟಿಸಲಿದ್ದಾರೆ.

ನಮ್ಮಲ್ಲಿ ಹೆಮ್ಮೆ ಮತ್ತು ಗೌರವವನ್ನುಂಟು ಮಾಡುವ ನಮ್ಮ ಹುತಾತ್ಮ ಯೋಧರ ಬಲಿದಾನಗಳಿಗೆ ಮತ್ತೆ ತೆರೆದುಕೊಳ್ಳುವ ಮೂಲಕ ನಾವು ಅವರನ್ನು 'ಸ್ಮರಿಸುತ್ತೇವೆ ', ಕಾರ್ಗಿಲ್ ವಿಜಯವನ್ನು ಆಚರಿಸುವ ಮೂಲಕ ನಾವು 'ಆನಂದಿಸುತ್ತೇವೆ ' ಮತ್ತು ತ್ರಿವರ್ಣ ಧ್ವಜದ ಗೌರವ ರಕ್ಷಣೆಯ ನಮ್ಮ ದೃಢ ಸಂಕಲ್ಪವನ್ನು ' ನವೀಕರಿಸುತ್ತೇವೆ 'ಎಂದು ಸೇನಾಧಿಕಾರಿ ಯೋರ್ವರು ಈ ವರ್ಷದ ಆಚರಣೆಯ ಧ್ಯೇಯವಾಕ್ಯದ ಕುರಿತು ವಿವರಿಸಿದರು.

2 ರಜಪುತಾನಾ ರೈಫಲ್ಸ್‌ನ ಯೋಧರು ಟೋಲೊಲಿಂಗ್ ಶಿಖರವನ್ನು,13 ಜಮ್ಮು-ಕಾಶ್ಮೀರ್ ರೈಫಲ್ಸ್‌ನ ಯೋಧರು ಈಗ ಬಾತ್ರಾ ಟಾಪ್ ಎಂದು ಕರೆಯಲಾಗುವ ಪಾಯಿಂಟ್ 4875ನ್ನು ಮತ್ತು 1/9 ಗುರ್ಖಾ ರೈಫಲ್ಸ್‌ನ ಯೋಧರು ಖಲುಬರ್ ಶೃಂಗವನ್ನು ಹತ್ತಲಿದ್ದಾರೆ ಎಂದರು.

ಪ್ರತಿಯೊಬ್ಬರೂ ಟೋಲೊಲಿಂಗ್ ಮತ್ತು ಟೈಗರ್ ಹಿಲ್‌ ಗಳ ಬಗ್ಗೆ ಮಾತನಾಡುತ್ತಾರೆ. ಆದರೆ ಖಲುಬರ್, ಜುಬರ್ ಮತ್ತು ಕುಕರ್ಥಾಂಗ್‌ಗಳಲ್ಲಿಯ ಕಾಳಗಗಳು ಬಹಳ ಕಠಿಣವಾಗಿದ್ದವು ಎಂದು ಬಟಾಲಿಕ್‌ನಲ್ಲಿ ಹೋರಾಡಿದ್ದ ಇನ್ನೋರ್ವ ಸೇನಾಧಿಕಾರಿ ತಿಳಿಸಿದರು.

 ಬಟಾಲಿಕ್ ಸೆಕ್ಟರ್‌ನಲ್ಲಿಯ ಅತ್ಯಂತ ದುರ್ಗಮ ಗಡಿಪ್ರದೇಶವಾದ ಖಲುಬರ್ 1/11 ಗುರ್ಖಾ ರೈಫಲ್ಸ್‌ನ ನಾಯಕತ್ವದಲ್ಲಿ ಪ್ರಮುಖ ಕಾಳಗಕ್ಕೆ ಸಾಕ್ಷಿಯಾಗಿತ್ತು. ಲೆ.ಮನೋಜ ಕುಮಾರ ಅವರು ಅಂತಿಮ ಪ್ರಹಾರದ ನೇತೃತ್ವ ವಹಿಸಿದ್ದರು ಮತ್ತು ದೇಶದ ಅತ್ಯುನ್ನತ ಶೌರ್ಯ ಪ್ರಶಸ್ತಿ ಪರಮವೀರ ಚಕ್ರಕ್ಕೆ ಭಾಜನರಾಗಿದ್ದರು.

ಈ ವರ್ಷ ಕಾರ್ಗಿಲ್ ವಿಜಯ್ ದಿವಸ್ ಅನ್ನು ಜು.25ರಿಂದ ಜು.27ರವರೆಗೆ ಮೂರು ದಿನ ಆಚರಿಸಲಾಗುತ್ತದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top