ಸಿಎಎ ಪರ-ವಿರೋಧಿ ಘರ್ಷಣೆ: ದಿಲ್ಲಿ ಪೊಲೀಸ್ ಸಿಬ್ಬಂದಿಗೆ ಗನ್ ತೋರಿಸಿ ಗುಂಡು ಹಾರಿಸಿದ ಕಿಡಿಗೇಡಿ!
ವಿಡಿಯೋ ವೈರಲ್
ಹೊಸದಿಲ್ಲಿ: ಸಿಎಎ ಪರ ಮತ್ತು ವಿರೋಧಿ ಹೋರಾಟಗಾರರ ನಡುವೆ ಇಂದು ದಿಲ್ಲಿಯ ಜಾಫ್ರಾಬಾದ್ ನಲ್ಲಿ ಹಿಂಸಾಚಾರ ನಡೆಯುತ್ತಿದ್ದಾಗ ಗನ್ ಹಿಡಿದಿದ್ದ ದುಷ್ಕರ್ಮಿಯೊಬ್ಬ ಪೊಲೀಸ್ ಸಿಬ್ಬಂದಿಗೆ ಅದನ್ನು ತೋರಿಸಿ ಬೆದರಿಸುತ್ತಿರುವ ವಿಡಿಯೋವೊಂದು ವೈರಲ್ ಆಗಿದೆ.
ಜಾಫ್ರಾಬಾದ್ ನಲ್ಲಿ ಹಿಂಸಾಚಾರಕ್ಕಿಳಿದ ಗುಂಪೊಂದು ರಸ್ತೆಯಲ್ಲಿ ದಾಂಧಲೆ ನಡೆಸುತ್ತಿತ್ತು. ಈ ಸಂದರ್ಭ ಏಕಾಂಗಿಯಾಗಿದ್ದ ಪೊಲೀಸ್ ಸಿಬ್ಬಂದಿಯೊಬ್ಬರು ಗುಂಪಿನೆಡೆಗೆ ಹೋಗಿದ್ದು, ಈ ಸಂದರ್ಭ ಮುಂದೆ ಬಂದ ದುಷ್ಕರ್ಮಿಯೊಬ್ಬ ಅವರನ್ನು ಬೆದರಿಸಿದ್ದಾನೆ. ಹಿಂದಕ್ಕೆ ಹೋಗುವಂತೆ ಪೊಲೀಸ್ ಸಿಬ್ಬಂದಿಗೆ ಹೇಳಿದ ಆತ ಗಾಳಿಯಲ್ಲಿ ಗುಂಡು ಹಾರಿಸಿದ್ದಾನೆ.
ಘಟನೆಯ ವಿಡಿಯೋ ವೈರಲ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಆಕ್ರೋಶ ವ್ಯಕ್ತವಾಗುತ್ತಿದೆ.
BJP leader Kapil Mishra says "Hum Police ki bhi nahi sune ge" others say mullon ki pitai. Next day Goons with safforn flags turn up with guns & opened fire at protesters/police in Chand Bagh. This is what happens whn violence is normalised. This is both unacceptable & outrageous! pic.twitter.com/2wmJk63G5s
— Salman Nizami (@SalmanNizami_) February 24, 2020