ಭಾರತ-ಚೀನಾ ಮಧ್ಯೆ ರಾಜತಾಂತ್ರಿಕ, ಮಿಲಿಟರಿ ಮಾರ್ಗದ ಮೂಲಕ ಮಾತುಕತೆ ಮುಂದುವರಿಕೆ: ಸೇನೆಯ ಹೇಳಿಕೆ
ಹೊಸದಿಲ್ಲಿ, ಜೂ.6: ವಾಸ್ತವಿಕ ನಿಯಂತ್ರಣ ರೇಖೆಯಲ್ಲಿ ಪ್ರಸಕ್ತ ನೆಲೆಸಿರುವ ಪರಿಸ್ಥಿತಿಯ ಕುರಿತು ಭಾರತ ಮತ್ತು ಚೀನಾದ ಅಧಿಕಾರಿಗಳು ಸ್ಥಾಪಿತ ಮಿಲಿಟರಿ ಮತ್ತು ರಾಜತಾಂತ್ರಿಕ ಮಾರ್ಗಗಳ ಮೂಲಕ ಮಾತುಕತೆ ಮುಂದುವರಿಸಿದ್ದಾರೆ ಎಂದು ಭಾರತದ ಸೇನೆ ಶನಿವಾರ ಹೇಳಿದೆ.
ಆದ್ದರಿಂದ , ಮಾತುಕತೆಯ ಬಗ್ಗೆ ಈ ಹಂತದಲ್ಲಿ ಕಲ್ಪಿತ ಮತ್ತು ಆಧಾರರಹಿತ ವರದಿ ನೀಡುವುದು ಸರಿಯಲ್ಲ ಮತ್ತು ಮಾಧ್ಯಮಗಳು ಇಂತಹ ವರದಿಗಳನ್ನು ಗಮನಿಸಬಾರದು ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ. ಉಭಯ ಸೇನೆಗಳ ಸ್ಥಳೀಯ ಕಮಾಂಡರ್ಗಳ ಮಧ್ಯೆ ಈಗಾಗಲೇ 12 ಸುತ್ತುಗಳ ಮಾತುಕತೆ ನಡೆದಿದ್ದು ಮೇಜರ್ ಜನರಲ್ ಶ್ರೇಣಿಯ ಅಧಿಕಾರಿಗಳ ಹಂತದಲ್ಲಿ 3 ಸುತ್ತುಗಳ ಮಾತುಕತೆ ನಡೆದಿದೆ.
ಶುಕ್ರವಾರ ಎರಡೂ ದೇಶಗಳ ಮಧ್ಯೆ ನಡೆದ ರಾಜತಾಂತ್ರಿಕ ಮಟ್ಟದ ಸಭೆಯಲ್ಲಿ ಉಭಯ ದೇಶಗಳ ಭಾವನೆ ಮತ್ತು ಚಿಂತನೆಗಳನ್ನು ಗೌರವಿಸಿ ಶಾಂತಿಯುತವಾಗಿ ಚರ್ಚಿಸುವ ಮೂಲಕ ಭಿನ್ನಾಭಿಪ್ರಾಯವನ್ನು ಸರಿಪಡಿಸಲು ಉಭಯ ದೇಶಗಳೂ ಒಪ್ಪಿಕೊಂಡಿವೆ ಎಂದು ಸೇನೆಯ ಹೇಳಿಕೆ ತಿಳಿಸಿದೆ.
Next Story