ಅಯೋಧ್ಯೆ ಕಾರ್ಯಕ್ರಮಕ್ಕೆವೀಡಿಯೊ ಕಾನ್ಫರೆನ್ಸ್ ಮೂಲಕ ಹಾಜರಾಗಲಿರುವ ಅಡ್ವಾಣಿ, ಎಂಎಂ ಜೋಶಿ
ಹೊಸದಿಲ್ಲಿ, ಆ.2: ಬಿಜೆಪಿ ಹಿರಿಯ ನಾಯಕರಾದ ಎಲ್.ಕೆ. ಅಡ್ವಾಣಿ ಹಾಗೂ ಮುರಳಿ ಮನೋಹರ ಜೋಶಿ ರಾಮಮಂದಿರ ನಿರ್ಮಾಣದ ಶಿಲಾನ್ಯಾಸ ಕಾರ್ಯಕ್ರಮಕ್ಕೆಹಾಜರಾಗಲು ಅಯೋಧ್ಯೆಗೆ ಭೇಟಿ ನೀಡುವುದಿಲ್ಲ. ಅದರ ಬದಲಿಗೆ ಈ ಇಬ್ಬರು ನಾಯಕರು ಆಗಸ್ಟ್ 5ರಂದು ನಡೆಯಲಿರುವ ಕಾರ್ಯಕ್ರಮಕ್ಕೆ ವೀಡಿಯೊ ಕಾನ್ಫರೆನ್ಸ್ ಮೂಲಕ ಹಾಜರಾಗಲಿದ್ದಾರೆ ಎಂದು ಮೂಲಗಳನ್ನು ಉಲ್ಲೇಖಿಸಿ ndtv.com ವರದಿ ಮಾಡಿದೆ.
ರಾಮಮಂದಿರ ನಿರ್ಮಾಣ ಭೂಮಿಪೂಜೆಗೆ ಆಹ್ವಾನಿಸುವಂತೆ ಈ ಇಬ್ಬರು ನಾಯಕರಿಗೆ ಶನಿವಾರ ಸಂಜೆ ಫೋನ್ ಕರೆ ಮೂಲಕ ಮಂದಿರದ ನಿರ್ಮಾಣದ ಮೇಲ್ಚಿಚಾರಣೆ ಹೊಣೆ ಹೊತ್ತಿರುವ ಟ್ರಸ್ಟ್ ಆಹ್ವಾನ ನೀಡಿತ್ತು.
ಕಳೆದ ವರ್ಷದ ನವಂಬರ್ನಲ್ಲಿ ಐತಿಹಾಸಿಕ ತೀರ್ಪು ನೀಡಿದ್ದ ಸುಪ್ರೀಂಕೋರ್ಟ್ನಿಂದ ರಚಿಸಲ್ಪಟ್ಟಿರುವ ರಾಮ ಜನ್ಮಭೂಮಿ ತೀರ್ಥ ಟ್ರಸ್ಟ್ ನ ಪ್ರಧಾನ ಕಾರ್ಯದರ್ಶಿ ಇಬ್ಬರು ಹಿರಿಯ ನಾಯಕರಿಗೆ ಆಹ್ವಾನ ಕಳುಹಿಸಿಕೊಟ್ಟಿದ್ದಾರೆ.
Next Story