ಪ್ರವಾಹದಲ್ಲಿ ಸಿಲುಕಿದ್ದ ನಾಯಿಯನ್ನು ಜೀವದ ಹಂಗು ತೊರೆದು ರಕ್ಷಿಸಿದ ಹೋಂ ಗಾರ್ಡ್ ಮುಜೀಬುರ್ರಹ್ಮಾನ್
ವಿಡಿಯೋ ವೈರಲ್
ತೆಲಂಗಾಣ: ಪ್ರವಾಹದಲ್ಲಿ ಸಿಲುಕಿದ್ದ ನಾಯಿಯೊಂದನ್ನು ಹೋಂ ಗಾರ್ಡ್ ಒಬ್ಬರು ಜೀವದ ಹಂಗು ತೊರೆದು ರಕ್ಷಿಸಿದ ಘಟನೆಯ ವಿಡಿಯೋವೊಂದು ವೈರಲ್ ಆಗುತ್ತಿದೆ.
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಹೋಂ ಗಾರ್ಡ್ ಮುಜೀಬುರ್ರಹ್ಮಾನ್ ಪ್ರವಾಹದಲ್ಲಿ ಸಿಲುಕಿದ್ದ ನಾಯಿಯನ್ನು ರಕ್ಷಿಸಲು ಉಕ್ಕಿ ಹರಿಯುತ್ತಿರುವ ನೀರಿಗೆ ಇಳಿಯುತ್ತಿರುವುದು ಕಾಣಿಸುತ್ತದೆ.
ನೀರಿನಲ್ಲಿ ಸಿಲುಕಿ ಒದ್ದಾಡುತ್ತಿದ್ದ ನಾಯಿಯ ರಕ್ಷಣೆಗೆ ಧಾವಿಸುವ ಮುಜೀಬುರ್ರಹ್ಮಾನ್ ಜೆಸಿಬಿಯನ್ನು ಹಿಡಿದುಕೊಂಡು ನಾಯಿಯ ಬರಸೆಳೆಯುತ್ತಾರೆ. ಈ ಸಂದರ್ಭ ಸ್ಥಳದಲ್ಲಿದ್ದವರು ಚಪ್ಪಾಳೆ ತಟ್ಟಿ ಅವರನ್ನು ಪ್ರೋತ್ಸಾಹಿಸುತ್ತಾರೆ.
ಈ ಬಗ್ಗೆ ಟ್ವೀಟ್ ಮಾಡಿರುವ ತೆಲಂಗಾಣ ಡಿಜಿಪಿ “ಮಿ. ಮುಜೀಬ್ ನಾಯಿಯನ್ನು ರಕ್ಷಿಸಲು ತಮ್ಮ ಪ್ರಾಣದ ಹಂಗು ತೊರೆದು ಪ್ರಯತ್ನಿಸಿದ್ದಾರೆ” ಎಂದಿದ್ದಾರೆ.
Mr. Mujeeb #HomeGaurdOfficer #NagarkurnoolPoliceStation risked his life to save a dog from a stream - #TelanganaRains2020.
— DGP TELANGANA POLICE (@TelanganaDGP) September 16, 2020
A caring concern for every living creature of the ecosystem.
VC: @NewsMeter_In pic.twitter.com/tJmU9aA5lK