ಒಂದು ಕೋ.ರೂ.ಗಳ ಹಳೆಯ ನೋಟು ನೀಡಿರಿ,ಒಂಭತ್ತು ಲ.ರೂ.ಗಳ ಹೊಸನೋಟು ಪಡೆಯಿರಿ...! | Vartha Bharati- ವಾರ್ತಾ ಭಾರತಿ

---

ಒಂದು ಕೋ.ರೂ.ಗಳ ಹಳೆಯ ನೋಟು ನೀಡಿರಿ,ಒಂಭತ್ತು ಲ.ರೂ.ಗಳ ಹೊಸನೋಟು ಪಡೆಯಿರಿ...!

ಮುಂಬೈ,ಜೂ.14: ಹಳೆಯ 500 ಮತ್ತು 1,000 ರೂ.ನೋಟುಗಳ ಕಾಲ ಮುಗಿದಿ ದ್ದರೂ ಈಗಲೂ ಅಲ್ಲಲ್ಲಿ ಕೋಟ್ಯಂತರ ರೂ.ವೌಲ್ಯದ ಹಳೆಯ ನೋಟುಗಳು ಪತ್ತೆಯಾಗುತ್ತಲೇ ಇವೆ. ಜನರು ಈಗ ಈ ನೋಟುಗಳನ್ನು ತೆಗೆದುಕೊಂಡು ಏನು ಮಾಡುತ್ತಾರೆ ಎಂಬ ಕುತೂಹಲ ಹೆಚ್ಚಿನವರಲ್ಲಿದೆ. ನೋಟುಗಳ ವಿನಿಮಯಕ್ಕೆ ಆರ್‌ಬಿಐ ನಿಗದಿಗೊಳಿಸಿದ್ದ 2016,ಡಿ.30ರ ಗಡುವು ಕಳೆದಿದೆಯಾದರೂ ಈ ನೋಟುಗಳು ಇನ್ನೂ ಇವೆ. ಭಾರೀ ಕಮಿಷನ್ ನೀಡಲು ಸಿದ್ಧರಿದ್ದರೆ ಈಗಲೂ ಈ ಹಳೆಯ ನೋಟುಗಳ ಬದಲಿಗೆ ಗರಿಗರಿಯಾದ ಹೊಸ ನೋಟುಗಳನ್ನು ಪಡೆಯಬಹುದು.

ಈ ವರ್ಷದ ಜೂನ್ 30ರವರೆಗೆ ಹಳೆಯ ನೋಟುಗಳನ್ನು ಹೊಸನೋಟುಗಳಿಗೆ ವಿನಿಮಯಿಸಿಕೊಳ್ಳಲು ಅವಕಾಶ ಹೊಂದಿರುವ ಅನಿವಾಸಿ ಭಾರತೀಯರು ಬೇರೆಯವರ ಹಳೆಯ ನೋಟುಗಳನ್ನು ವಿನಿಮಯ ಮಾಡಿಕೊಟ್ಟರೆ ಅವರಿಗೆ ಆಕರ್ಷಕ ಕಮಿಷನ್ ನೀಡುವ ಜಾಲಗಳು ವ್ಯವಸ್ಥಿತವಾಗಿ ಕಾರ್ಯ ನಿರ್ವಹಿಸುತ್ತಿವೆ.

ಹಳೆಯ ನೋಟುಗಳಿಗೆ ಈಗಿನ ವಿನಿಮಯ ದರ 100 ರೂ.ಗಳಿಗೆ 9 ರೂ. ಆಗಿದೆ. ಅಂದರೆ ಒಂದು ಕೋಟಿ ರೂ.ಗಳ ಹಳೆಯ ನೋಟುಗಳ ಬದಲಾಗಿ ಒಂಭತ್ತು ಲಕ್ಷ ರೂ.ಗಳ ಹೊಸ ನೋಟುಗಳನ್ನು ನೀಡಲಾಗುತ್ತದೆ ಎಂದು ಈ ಜಾಲದಲ್ಲಿ ಭಾಗಿಯಾಗಿರುವ ಪ್ರವೀಣ್(ಹೆಸರು ಬದಲಿಸಿದೆ) ಈ ಬಗ್ಗೆ ತನಿಖೆಗಿಳಿದಿದ್ದ ಸುದ್ದಿಗಾರರಿಗೆ ತಿಳಿಸಿದ.

  ಯಾರೇ ಆಗಲಿ, ಒಂದು ಕೋ.ರೂ.ಗಳನ್ನು ಕೊಟ್ಟು ಒಂಭತ್ತು ಲ.ರೂ.ಗಳನ್ನು ಪಡೆಯಲು ಒಪ್ಪಿಕೊಳ್ಳುತ್ತಾರಾ ಎಂಬ ಪ್ರಶ್ನೆಗೆ ಉತ್ತರಿಸಿದ ಆತ, ಈ ಜನರೆಲ್ಲ ತಮ್ಮ ಆದಾಯ ಮೂಲಗಳನ್ನು ಸರಕಾರಕ್ಕೆ ತೋರಿಸಲು ಬಯಸದ ವ್ಯಕ್ತಿಗಳಾಗಿದ್ದಾರೆ. ಈಗ ನೋಟು ವಿನಿಮಯದಿಂದ ಅವರು ಅನುಭವಿಸುವ ಹಾನಿ ಮುಖ್ಯವಲ್ಲ, ತಮ್ಮ ಭವಿಷ್ಯದ ಆದಾಯ ಮೂಲಗಳು ತೆರಿಗೆ ಅಧಿಕಾರಿಗಳಿಗೆ ಬಹಿರಂಗಗೊಳ್ಳಬಹುದೆಂದು ತಮ ಕಪ್ಪುಹಣವನ್ನು ಈ ಜನರು ಘೋಷಿಸಿಲ್ಲ. ಹೀಗಾಗಿ ಈಗಿನ ನಷ್ಟ ಅವರ ಪಾಲಿಗೆ ದೊಡ್ಡದಲ್ಲ ಎಂದು ತಿಳಿಸಿದ.

   ನಾವು ಶೇ.1ರಷ್ಟು ಕಮಿಷನ್ ಪಡೆದುಕೊಂಡು ಹಳೆಯ ನೋಟುಗಳನ್ನು ಎನ್ನಾರೈಗಳಿಗೆ ದಾಟಿಸುತ್ತೇವೆ ಎಂದ ಪ್ರವೀಣ್, ಎನ್ನಾರೈಗಳು ನಮ್ಮ ಸಂಪರ್ಕದಲ್ಲಿದ್ದಾರೆ. ಒಂದು ಕೋಟಿ ರೂ.ಗಳ ಹಳೆಯ ನೋಟುಗಳಿಗೆ ಬದಲಾಗಿ 10 ಲ.ರೂ.ಗಳ ಹೊಸ ನೋಟುಗಳನ್ನು ನಮಗೆ ನೀಡುವಂತೆ ನಾವು ಅವರಿಗೆ ಸೂಚಿಸುತ್ತವೆ. ಹೀಗೆ ಈ ವ್ಯವಹಾರ ನಡೆಯುತ್ತದೆ. ಒಂದು ಕೋ.ರೂ.ಗೆ ನಮಗೆ 50,000 ರೂ.ನಿಂದ ಒಂದು ಲ.ರೂ.ವರೆಗೆ ಕಮಿಷನ್ ದೊರೆಯುತ್ತದೆ ಎಂದು ತಿಳಿಸಿದ.

ಆರ್‌ಬಿಐ ಗಡುವು ಜೂ.30ರವರೆಗೆ ಇದೆಯಾದರೂ ನಾವು ಜೂ.25ಕ್ಕೇ ಈ ದಂಧೆ ನಿಲ್ಲಿಸುತ್ತೇವೆ. ಆನಂತರ ನೋಟುಗಳನ್ನು ಸಾಗಿಸುವುದು ಕಷ್ಟವಾಗುತ್ತದೆ ಎಂದೂ ಆತ ಹೇಳಿದ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top