ಪ್ರಧಾನಿಯ ವಿದ್ಯಾರ್ಹತೆ: ಸತ್ಯವೇನು?

ನರೇಂದ್ರ ಮೋದಿಯವರ ವಿದ್ಯಾರ್ಹತೆಯ ಚರ್ಚೆ ಅವರು ಪ್ರಧಾನಿ ಕುರ್ಚಿಯಲ್ಲಿ ಕೂತಂದಿನಿಂದ ಪ್ರಾರಂಭವಾಗಿದೆ. ಪ್ರಧಾನಿಯವರ ಕಾರ್ಯಾಲಯ ಅಥವಾ ಸ್ವತಃ ಪ್ರಧಾನಿಯವರೇ ಅವರ ನಿಜವಾದ ವಿದ್ಯಾರ್ಹತೆಯ ದಾಖಲೆಯನ್ನು ನೀಡುವವರೆಗೆ ಈ ಚರ್ಚೆ ಆಗಾಗ ಏಳುತ್ತಲೇ ಇರುತ್ತದೆ. ಮೊನ್ನೆ ಟ್ವಿಟರಿಗರೊಬ್ಬರು ನೇರವಾಗಿ ಪ್ರಧಾನಿಯವರಲ್ಲಿ ಟ್ವಿಟರ್ ಮೂಲಕ ಈ ಪ್ರಶ್ನೆ ಎತ್ತಿದ್ದರಿಂದ ಮತ್ತೆ ಅದು ಚಾಲನೆಗೆ ಬಂದಿದೆ.

ಈ ದೇಶದಲ್ಲಿ ಅದೆಷ್ಟು ಪ್ರಧಾನಿಗಳು ಆಗಿ ಹೋಗಿಲ್ಲ. ಅವರ್ಯಾರ ವಿದ್ಯಾರ್ಹತೆ ಈ ವರೆಗೆ ಚರ್ಚೆಗೆ ಬರಲಿಲ್ಲ. ಮೋದಿಯವರ ವಿದ್ಯಾರ್ಹತೆಯೇ ಚರ್ಚಾ ವಸ್ತುವಾಗಿದ್ದರ ಹಿಂದೆ ಕಾರಣಗಳಿಲ್ಲದಿಲ್ಲ. ಅದಕ್ಕೆ ಬಹುಮುಖ್ಯ ಕಾರಣ ಅವರು ಕಲಿತ ಕೋರ್ಸೆಂದು ಹೇಳಲಾಗುವ M.A. (Entire political science) ಎಂಬ ಸ್ನಾತಕೋತ್ತರ ಪದವಿಯನ್ನು ಈವರೆಗೆ ಭಾರತದ ಯಾವ ವಿಶ್ವವಿದ್ಯಾನಿಲಯವೂ ನೀಡಿದ ಬಗ್ಗೆ ದಾಖಲೆಯಿಲ್ಲ. ಇಂತಹ ಅಸ್ತಿತ್ವದಲ್ಲೇ ಇರದ ಒಂದು ಪದವಿ ಪಡೆದಿದ್ದಾರೆಂದರೆ ಅದನ್ನು ಸುಳ್ಳೆಂದು ಸಾಬೀತುಪಡಿಸಲು ಬೇರೇನು ಬೇಕು...

ಸರಿ, ಅವರು ಇಂತಹ ಒಂದು ಪದವಿ ಪಡೆದಿದ್ದರೆ ಆ ಪದವಿ ಪಡೆದ ಮೋದಿಯೇತರ ವ್ಯಕ್ತಿ ಯಾರಾದರೂ ಇದ್ದಿದ್ದರೆ ಪ್ರಧಾನಿಯವರೇ ತೋರಿಸಲಿ. ಎಲ್ಲರಿಗೂ ಸಹಪಾಠಿಗಳಿರುತ್ತಾರೆ, ಹಾಗೆ ತಾನು ಪ್ರಧಾನಿಯ ಸಹಪಾಠಿ ಎಂದು ಹೆಮ್ಮೆಯಿಂದ ಹೇಳಿದ ಒಬ್ಬನೇ ಒಬ್ಬ ವ್ಯಕ್ತಿ ಯಾಕೆ ಇಷ್ಟು ದೊಡ್ಡ ದೇಶದಲ್ಲಿಲ್ಲ.

ಒಂದು ವೇಳೆ ಅವರು ಅಂತಹ ಪದವಿಗೆ ಕಲಿಯುವಾಗ ಅವರಿಗೆ ಕಲಿಸಿದ ಗುರು ಯಾರಾದರೂ ಇದ್ದಿದ್ದರೆ ಅವರಾದರೂ ಹೆಮ್ಮೆಯಿಂದ "ಮೋದಿ ನನ್ನ ಶಿಷ್ಯ" ಎನ್ನುತ್ತಿರಲಿಲ್ಲವೇ...?

ಮೋದಿಯವರು ನಿಜಕ್ಕೂ ಅಂತಹ ಪದವಿ ಪಡೆದಿದ್ದರೆ ಆ ಕುರಿತು ಹಾಕಲಾದ ಆರ್ ಟಿಐ ಅರ್ಜಿಗಳನ್ನೆಲ್ಲಾ ಯಾಕೆ ವಿಶ್ವವಿದ್ಯಾನಿಲಯ ಪರಿಗಣಿಸದೇ ಕಸದ ಬುಟ್ಟಿಗೆ ಎಸೆಯುತ್ತದೆ?, ಅವರು ಕಲಿತಿದ್ದಾರೆನ್ನುವ ವಿಶ್ವವಿದ್ಯಾನಿಲಯವಾದರೂ ಮೋದಿ ನಮ್ಮ ವಿದ್ಯಾರ್ಥಿ ಎಂದು ಅಭಿಮಾನಪೂರ್ವಕವಾಗಿ ಯಾಕೆ ಹೇಳುತ್ತಿಲ್ಲ..?

ಎಲ್ಲಾ ಬಿಡಿ. ತನ್ನ ವಿದ್ಯಾರ್ಹತೆಯ ಕುರಿತಂತೆ ಇಷ್ಟೆಲ್ಲಾ ಚರ್ಚೆ ನಡೆಯುತ್ತಿರುವಾಗಲೂ ಮೋದಿಯವರೇ ಅವರು ಕಲಿತ ವಿಶ್ವ ವಿದ್ಯಾನಿಲಯಕ್ಕೆ ತನ್ನ ವಿದ್ಯಾರ್ಹತೆಯ ಕುರಿತ ದಾಖಲೆ, ವ್ಯಾಸಂಗ ಮಾಡಿದ್ದ ಸಂದರ್ಭದ ದಾಖಲೆ ಇತ್ಯಾದಿಗಳನ್ನು ಬಹಿರಂಗಪಡಿಸಲು ಆದೇಶಿಸಬಾರದೇಕೆ?

ಮೋದಿಯವರು ಒಂದು ವೇಳೆ ನಿಜಕ್ಕೂ ಸತ್ಯವನ್ನೇ ಹೇಳುತ್ತಿದ್ದಾರೆಂದರೆ ಅವರಿಗ್ಯಾಕೆ ತನ್ನ ವಿದ್ಯಾರ್ಹತೆಯ ಬಗ್ಗೆ ಬಹಿರಂಗವಾಗಿ ದಾಖಲೆ ನೀಡಲು ಭಯ?, ಎಲ್ಲದಕ್ಕೂ ಸುಳ್ಳೋ ಪಳ್ಳೋ ಉತ್ತರ ನೀಡಿ ಟೀಕಾಕಾರರ ಬಾಯಿ ಮುಚ್ಚಿಸುವ ಮೋದಿ ಈ ವಿಚಾರದಲ್ಲಿ ಯಾಕೆ ಮೌನ ಮುರಿಯುವುದಿಲ್ಲ?, ಇವೆಲ್ಲವೂ ಮೋದಿಯವರಿಗೆ ಹೇಳತಕ್ಕಂತಹ ಯಾವುದೇ ವಿದ್ಯಾರ್ಹತೆ ಇಲ್ಲ ಎಂಬುವುದಕ್ಕೆ ಬಲವಾದ ಸಾಕ್ಷ್ಯವೊದಗಿಸುತ್ತದೆ.

ಮೋದಿಯವರು ಉನ್ನತ ಶಿಕ್ಷಣ ಪಡೆದಿಲ್ಲ ಎಂಬುವುದು ನಿಜಕ್ಕೂ ಸಮಸ್ಯೆಯಲ್ಲ. ಅವರ ಸುಳ್ಳೇ ನಿಜವಾದ ಸಮಸ್ಯೆ. ಈ ರೀತಿ ಕಟ್ಟಿದ ಸುಳ್ಳಿನ ಗೋಪುರ ಬಹಳ ಕಾಲ ಬಾಳುವುದಿಲ್ಲ. ಈಗಾಗಲೇ ಆ ಸುಳ್ಳಿನ ಗೋಪುರ ಅಲುಗಾಡುತ್ತಿದೆ.

ಒಂದು ವೇಳೆ ಮೋದಿ ಹತ್ತನೇ ಕ್ಲಾಸೂ ಪಾಸಾಗಿಲ್ಲ ಎಂದಿದ್ದರೆ ಅದು ಖಂಡಿತಾ ತಪ್ಪೇ ಅಲ್ಲ. ಹಾಗೆ ನೋಡಹೋದರೆ ನಮ್ಮ ಸಂವಿಧಾನದಲ್ಲಿ ಪ್ರಧಾನಿ ಹುದ್ದೆಗೆ ಇಂತಹದ್ದೇ ವಿದ್ಯಾರ್ಹತೆ ಕಡ್ಡಾಯವೆಂದಿಲ್ಲ. ಈ ಹಿಂದೆಯೂ ಅನೇಕ ಮಂದಿ ವಿದ್ಯಾರ್ಹತೆ ಇಲ್ಲದವರೂ ಈ ದೇಶದ ಉನ್ನತ ಸ್ಥಾನಮಾನಗಳನ್ನು ಅಲಂಕರಿಸಿದ್ದಾರೆ. ಉದಾಹರಣೆಗೆ ಎ.ಐ‌.ಸಿ.ಸಿ. ಅಧ್ಯಕ್ಷರಾಗಿದ್ದ ಕಾಮರಾಜ್ ನಾಡಾರ್ ಅವರಿಗೆ ಅಂತಹ ಯಾವುದೇ ದೊಡ್ಡ ವಿದ್ಯಾರ್ಹತೆ ಇರಲಿಲ್ಲ. ವಿದ್ಯಾರ್ಹತೆಯೇ ಖಂಡಿತಾ ಎಲ್ಲವೂ ಅಲ್ಲ. ವಿದ್ಯಾರ್ಹತೆ ಇಲ್ಲದವರೂ ದೊಡ್ಡ ದೊಡ್ಡ ಅಧಿಕಾರದ ಹುದ್ದೆಗಳನ್ನು ನಿಭಾಯಿಸಿ ಸೈ ಎನಿಸಿಕೊಂಡದ್ದಿದೆ.

ಒಂದು ವೇಳೆ ಮೋದಿಯವರು ತನ್ನ ವಿದ್ಯಾರ್ಹತೆಯ ಬಗ್ಗೆ ಸತ್ಯವನ್ನೇ ನುಡಿದಿದ್ದರೆ ಅವರ ಬಗ್ಗೆ ವಿರೋಧಿಗಳಲ್ಲೂ ಗೌರವ ಹುಟ್ಟುತ್ತಿತ್ತು.‌ ಅದು ನಮ್ಮ ಪ್ರಜಾತಂತ್ರ ನಿಜವಾದ ಚೈತನ್ಯ ಎನಿಸುತ್ತಿತ್ತು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top