ವಿದ್ಯಾಗಮ: ಕೊರೋನದ ಬಗ್ಗೆಯೂ ಕಾಳಜಿ ಇರಲಿ

ಮಾನ್ಯರೇ,

ವಾರಕ್ಕೆ ಒಮ್ಮೆ 2-3 ಗಂಟೆಗಳ ಶೈಕ್ಷಣಿಕ ಚಟುವಟಿಕೆ ಬಸ್ ನಿಲ್ದಾಣ, ಪಂಚಾಯತ್ ಕಟ್ಟೆ, ಧಾರ್ಮಿಕ ಕೇಂದ್ರಗಳಂತಹ ನಿಗದಿತ ತಾಣಗಳಲ್ಲಿ, ಸನಿಹದ ಸುಮಾರು 50 ಮಕ್ಕಳನ್ನು ಸೇರಿಸಿ ತರಗತಿ ನಡೆಸುವ ಚಿಂತನೆ ಶಾಲೆಗಳಿಂದ ನಡೆದಿದೆ. ಐವತ್ತು ವಿದ್ಯಾರ್ಥಿಗಳಿಗೆ ಒಬ್ಬ ಶಿಕ್ಷಕರೂ ಇಲ್ಲದಿರುವ ಇಂದಿನ (ಅ)ವ್ಯವಸ್ಥೆಯಲ್ಲಿ ‘ವಿದ್ಯಾಗಮ’ ಯಥಾವತ್ ಅನುಷ್ಠಾನ ಅನುಮಾನ. ಕೊರೋನ ಸಮುದಾಯದಲ್ಲಿ ಸಂಕ್ರಮಣಗೊಳ್ಳುತ್ತಿರುವ ಆತಂಕದ ಈ ದಿನಗಳಲ್ಲಿ ಎಷ್ಟು ಮುಂಜಾಗ್ರತೆ ಇದ್ದರೂ ಸಾಲದು. ಜವಾಬ್ದಾರಿಯುತ ಸಚಿವರು, ಹಿಂಬಾಲಕ ಅಧಿಕಾರಿಗಳೇ ಮಾಸ್ಕ್ ಧಾರಣೆ, ಸುರಕ್ಷಿತ ಅಂತರಗಳು ಮೊದಲಾದ ಸರಕಾರಿ ಕೊರೋನ ಮಾನದಂಡಗಳನ್ನು ಸಾರ್ವಜನಿಕವಾಗಿ ಗಾಳಿಗೆ ತೂರುತ್ತಿರುವಾಗ ಜನ ಸಾಮಾನ್ಯರಿಂದ ಪಾಲನೆ ಮರೀಚಿಕೆಯೇ. ಶಾಲೆಗಳಲ್ಲಿ ಕಾಡುವ ಕೊರೋನ ಆತಂಕ ಬಸ್ ತಂಗುದಾಣ, ಧಾರ್ಮಿಕ ಕೇಂದ್ರ, ಪಂಚಾಯತ್ ಕಟ್ಟೆಗಳಂತಹ ಸಾರ್ವಜನಿಕ ಸ್ಥಳಗಳಲ್ಲಿ ಇಲ್ಲದಿರುವುದು ಹಾಸ್ಯಾಸ್ಪದ. ಹಳ್ಳಿಯ ಪ್ರತಿ ಮನೆಯಲ್ಲೂ ಮಕ್ಕಳ ಜೊತೆ ವಯೋವೃದ್ಧರು ಹೆಚ್ಚಾಗಿ ಬೆರೆಯುತ್ತಿರುವುದು ಹಿರಿಯರ ಜೀವಕ್ಕೆ ಮುಳುವಾಗುವಂತಹ ಸಾಧ್ಯತೆಯೂ ಇದೆ. ಈ ರೀತಿಯ ಪ್ರಯತ್ನ ಅಪಾಯಕಾರಿ.

ಆದ್ದರಿಂದ ಸರಕಾರ ಸದ್ಯ ನಡೆಸುತ್ತಿರುವ ದೂರದರ್ಶನ ಆಧಾರಿತ ವಿದ್ಯಾಗಮ ಸಂವೇದ ಕಲಿಕಾ ಕಾರ್ಯಕ್ರಮದೊಂದಿಗೆ ಆಯಾ ಶಾಲೆಗಳ ಅಧ್ಯಾಪಕರ ವಾಟ್ಸ್ ಆ್ಯಪ್/ಯೂಟ್ಯೂಬ್ ಚಾನೆಲ್‌ಗಳ ಮೂಲಕ ಪರಸ್ಪರ ಸಂವಹನ ನಡೆಸಿ ಮಕ್ಕಳ ಕಲಿಕಾ ಪ್ರಕ್ರಿಯೆ ಸಾಂಗವಾಗಿಸಬಹುದು. ನಗರ ಕೇಂದ್ರಿತ ಧನದಾಹಿ ಖಾಸಗಿ ಶಾಲೆಗಳ ‘ಗುಣಮಟ್ಟ’ಕ್ಕೆ ಏರುವ ತುಡಿತ ಇರುವ ಸರಕಾರಿ ಶಿಕ್ಷಕರ ಕೀಳರಿಮೆಯೂ ದೂರವಾದೀತು. ಮೊದಲೇ ಗುರುತಿಸಿದ ತಂತ್ರಜ್ಞಾನ ರಹಿತ ವಿದ್ಯಾರ್ಥಿಗಳಿಗೆ ‘ಮಾತ್ರ’ ಅವರ ಮನೆಯ ಸಮೀಪದ ಅಂಗನವಾಡಿಯ ಪೂರಕ ಸಂಪನ್ಮೂಲಗಳ ಸಮಯೋಚಿತ ಸದ್ಬಳಕೆ ಮಾಡುವುದರ ಮೂಲಕ ಮಾರ್ಪಾಡಿತ ವಿದ್ಯಾಗಮ ಯೋಜನೆಯ ಅನುಷ್ಠಾನ ಸಾಮಾಜಿಕ ಆರೋಗ್ಯಕ್ಕೆ ಸಹಕಾರಿ. ಈ ರೀತಿಯ ಕಲಿಕಾ ಜಾಗೃತಿ ನಮ್ಮ ದೇಶ ಮಾತ್ರವಲ್ಲದೆ ಕೋವಿಡ್ ಬಾಧಿತ ಜಗತ್ತಿಗೂ ಮಾದರಿಯಾದೀತು. ಶಿಕ್ಷಕರು ಕೆಲಸ ಮಾಡದೇ ಸರಕಾರಿ ಸಂಬಳ ಪಡೆಯುತ್ತಿದ್ದಾರೆ ಎಂಬ ಕಲ್ಪನೆಯ ನಿವಾರಣೆಯನ್ನು ಆರೋಗ್ಯ - ಕಂದಾಯ ಇಲಾಖೆಯೊಂದಿಗೆ ಸಮನ್ವಯ ಸಾಧಿಸಿ ಕೋವಿಡ್ ಕಾರ್ಯಪಡೆಯಲ್ಲಿ ಶಿಕ್ಷಣ ಇಲಾಖೆಯ ಮಾನವ ಸಂಪನ್ಮೂಲದ ಸದ್ಬಳಕೆ ಮಾಡಬಹುದು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top