ಓ ಮೆಣಸೇ...

ಭಾರತದಂತಹ ದೊಡ್ಡ ದೇಶದಲ್ಲಿ ಒಂದೆರಡು ಅತ್ಯಾಚಾರ ಪ್ರಕರಣಗಳು ಸಾಮಾನ್ಯ -ಸಂತೋಷ್ ಗಂಗ್ವಾರ್, ಕೇಂದ್ರ ಸಚಿವ

ಅತ್ಯಾಚಾರಗಳನ್ನು ಅವಮಾನ ಎಂದು ಸರಕಾರ ಅರಿತುಕೊಳ್ಳುವವರೆಗೆ ಘಟನೆಗಳು ನಡೆಯುತ್ತಲೇ ಇರುತ್ತವೆ.

--------------------

ಕ್ರೈಸ್ತ ಧರ್ಮ ಪ್ರಚಾರ ಮಾಡುವ ಮಿಷನರಿಗಳು ಈ ದೇಶದ ಏಕತೆ ಮತ್ತು ಸಾರ್ವಭೌಮತೆಗೆ ಅಪಾಯಕಾರಿ -ಭರತ್ ಸಿಂಗ್, ಸಂಸದ

ಅವರು ಮಾಡುವ ಸೇವೆಯನ್ನು ನೀವೇ ಯಾಕೆ ಮಾಡಬಾರದು?

---------------------

ಕಾಂಗ್ರೆಸ್ ಟಿಕೆಟ್‌ಗಾಗಿ ಪ್ರತಿಭಟನೆಗಳು ಹೆಚ್ಚಿವೆ ಎಂದರೆ ಅದರರ್ಥ ಕಾಂಗ್ರೆಸ್ ಮರಳಿ ಅಧಿಕಾರಕ್ಕೆ ಬರುತ್ತದೆ ಎಂದಲ್ಲವೇ? -ವೀರಪ್ಪ ಮೊಯ್ಲಿ, ಸಂಸದ

ಅದಕ್ಕಾಗಿ ಪ್ರತಿಭಟನೆಗಳನ್ನು ದಿಲ್ಲಿಯಲ್ಲಿ ಕುಳಿತು ಪ್ರಾಯೋಜಿಸಿದ್ದೀರಿ ಎಂದಾಯಿತು.

---------------------

ಬಿಜೆಪಿ ನಾಯಕರು ಅಸಂಬದ್ಧ ಮಾತುಗಳಿಂದ ಮೀಡಿಯಾಕ್ಕೆ ಮಸಾಲೆಯಾಗಬಾರದು - ನರೇಂದ್ರ ಮೋದಿ, ಪ್ರಧಾನಿ

ಕೋಳಿಯನ್ನು ಕೇಳಿ ಮಸಾಲೆ ಅರೆಯುವುದಿಲ್ಲ.

---------------------

ರಾಜ್ಯದಲ್ಲಿ ಸದ್ಯ ಕುರುಕ್ಷೇತ್ರ ಯುದ್ಧ ನಡೆಯುತ್ತಿದೆ. ಇದರಲ್ಲಿ ಪಾಂಡವರೇ ಗೆಲ್ಲಲಿದ್ದಾರೆ - ಶ್ರೀರಾಮುಲು, ಸಂಸದ

ಅದಕ್ಕೆ ಮೊದಲು ದ್ರೌಪದಿ ವಸ್ತ್ರಾಪಹರಣ, ವನವಾಸಗಳನ್ನೆಲ್ಲ ಪಾಂಡವರು ಅನುಭವಿಸುವುದಿದೆಯಲ್ಲ?

---------------------

ಜಾಣ ಕುರುಡು, ಜಾಣ ಕಿವುಡಿಗೆ ವಿಶ್ವದಲ್ಲಿ ಎಲ್ಲಿಯೂ ಔಷಧವಿಲ್ಲ - ಸಿಟಿ ರವಿ, ಶಾಸಕ

ಈಗಾಗಲೇ ಔಷಧಿಗಾಗಿ ಹುಡುಕಿ ನಿರಾಶನಾಗಿರುವ ರೋಗಿಯ ಅಳಲು.

---------------------
ಸದ್ಯದಲ್ಲೇ ನಕ್ಸಲ್ ಸಿದ್ಧಾಂತವನ್ನು ದೇಶದಿಂದ ನಿರ್ಮೂಲನ ಮಾಡಲಿದ್ದೇವೆ -ರಾಜನಾಥ್‌ಸಿಂಗ್, ಕೇಂದ್ರ ಸಚಿ

ಆಹಾರ, ಆರೋಗ್ಯ, ಶಿಕ್ಷಣ ಕೇಳಿದವರ ತಲೆಗೆ ನಕ್ಸಲೀಯರ ಹಣೆಪಟ್ಟಿ ಕಟ್ಟುವ ಹುನ್ನಾರವೇ?

---------------------

ಮುಖ್ಯಮಂತ್ರಿ ಆಯ್ಕೆಯಲ್ಲಿ ಹೈಕಮಾಂಡ್ ತೀರ್ಮಾನವೇ ಅಂತಿಮ - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ನಾಯಕ

ಕರ್ನಾಟಕದ ಹೈಕಮಾಂಡ್ ಸಿದ್ದರಾಮಯ್ಯ ಎನ್ನುವ ಆರೋಪಗಳಿವೆ.

---------------------

ಮುಂದೆ ನಾನು ಕೂಡ ಮುಖ್ಯಮಂತ್ರಿಯಾಗುತ್ತೇನೆ - ಡಿ.ಕೆ. ಶಿವಕುಮಾರ್, ಸಚಿವ

ಯಾವ ಪಕ್ಷದಿಂದ ಎನ್ನುವುದನ್ನು ಹೇಳಿದ್ದರೆ ಚೆನ್ನಾಗಿತ್ತು.

---------------------

ಯಡಿಯೂರಪ್ಪರಿಗೆ ಮಠ, ವೀರಶೈವ, ಲಿಂಗಾಯತ ಬಗ್ಗೆ ಏನೂ ಗೊತ್ತಿಲ್ಲ - ಸಿ.ಎಂ. ಇಬ್ರಾಹೀಂ, ಮಾಜಿ ಸಚಿವ

ಅವೆಲ್ಲ ಓಟಿನ ಖಜಾನೆಗಳು ಎನ್ನುವುದು ಅವರಿಗೆ ಚೆನ್ನಾಗಿ ಗೊತ್ತಿದೆ.

---------------------

ಭಾರತೀಯರು ಮತ್ತು ಚೀನಿಯರು ಪರಸ್ಪರ ಭಾಷೆ ಕಲಿಯುವುದು ಅಗತ್ಯ - ಸುಶ್ಮ್ಮಾ ಸ್ವರಾಜ್, ಕೇಂದ್ರ ಸಚಿವೆ

ಪರಸ್ಪರ ನಿಂದಿಸಿಕೊಳ್ಳುವುದಕ್ಕಾಗಿಯಾದರೂ.

---------------------

ನನಗೂ ಮುಖ್ಯಮಂತ್ರಿಯಾಗುವ ಆಸೆ ಇದೆ - ತನ್ವೀರ್ ಸೇಠ್, ಸಚಿವ

ಆಸೆ ದುಃಖಕ್ಕೆ ಮೂಲ ಎಂದಿದ್ದಾನೆ ಬುದ್ಧ.

---------------------

ಮುಖ್ಯಮಂತ್ರಿ ಸಿದ್ದರಾಮಯ್ಯ ಈಗ ಬಾಲ ಸುಟ್ಟ ಬೆಕ್ಕು - ಪ್ರಹ್ಲಾದ್ ಜೋಷಿ, ಸಂಸದ

ಈ ಬೆಕ್ಕು ಸುಟ್ಟಿರುವುದು ಯಾರ ಬಾಲವನ್ನು ಎನ್ನುವುದನ್ನಾದರೂ ಹೇಳಬಾರದೇ?

---------------------

ಕಾಂಗ್ರೆಸ್ ಸಮುದ್ರ ಇದ್ದಂತೆ. ಈಜಲು ಸಾಧ್ಯವಿಲ್ಲದವರು ಮಾತ್ರ ಇಲ್ಲಿಂದ ಹೊರಹೋಗುತ್ತಾರೆ - ಎಚ್.ಎಂ. ರೇವಣ್ಣ, ಸಚಿವ

ಹೊರಹೋಗುವುದಲ್ಲ, ಸಮುದ್ರದೊಳಗಿರುವ ಶಾರ್ಕ್‌ಗಳ ಹೊಟ್ಟೆಯ ಒಳ ಹೋಗುವುದು.

---------------------

ಮುಖ್ಯಮಂತ್ರಿ ಸಿದ್ದರಾಮಯ್ಯ ನನ್ನನ್ನು ಸಚಿವ ಸ್ಥಾನದಿಂದ ತೆಗೆದು ಹಾಕಿದಾಗಲೇ ನನ್ನ ಯೋಗ್ಯತೆ ಗೊತ್ತಾಯಿತು - ಅಂಬರೀಷ್, ಮಾಜಿ ಸಚಿವ

ಈಗಲಾದರೂ ಗೊತ್ತಾದದ್ದು ಜನರ ಭಾಗ್ಯ.

---------------------

ನಾನು ಅವಕಾಶವಾದಿ ರಾಜಕಾರಣಿ ಅಲ್ಲ - ದೇವೇಗೌಡ, ಮಾಜಿ ಪ್ರಧಾನಿ

ಬರೇ ಅವಕಾಶವಾದಿ ಅಪ್ಪ ಎಂದು ಕರೆಯೋಣವೇ?

---------------------

ನನಗೆ ಭ್ರಮೆಯೇ ಇಷ್ಟ - ಉಪೇಂದ್ರ, ನಟ
ಭ್ರಮೆ ಹರಿದ ಬಳಿಕದ ಹತಾಶೆಯ ಮಾತು.

---------------------

ಪಾಶ್ಚಾತ್ಯ ಪ್ರೇರಿತ ಆರ್ಥಿಕ ಚಿಂತನೆಗಳು ಭಾರತಕ್ಕೆ ಒಗ್ಗಲಾರದು - ಮೋಹನ್ ಭಾಗವತ್, ಆರೆಸ್ಸೆಸ್ ಮುಖ್ಯಸ್ಥ

ಮನು ಪ್ರೇರಿತ ಆರ್ಥಿಕ ಚಿಂತನೆಗಳ ಮರು ಅನುಷ್ಠಾನದ ಸಂಚು.

---------------------

ಮಹಿಳೆಯರ ಲೈಂಗಿಕ ದುರ್ಬಳಕೆಗೆ ಸಂಸತ್ ಕೂಡ ಹೊರತಾಗಿಲ್ಲ - ರೇಣುಕಾ ಚೌಧರಿ, ಮಾಜಿ ಕೇಂದ್ರ ಸಚಿವೆ

ರಾಜಕಾರಣವೆಂದರೆ ದುರ್ಬಳಕೆಯ ಇನ್ನೊಂದು ಹೆಸರು.

---------------------

ಟಿಕೆಟ್ ಕೈ ತಪ್ಪಿದಾಗ ಕಾರ್ಯಕರ್ತರು ಆಕ್ರೋಶಗೊಳ್ಳುವುದು ಸಹಜ - ನಳಿನ್ ಕುಮಾರ್ ಕಟೀಲು, ಸಂಸದ

ಜಿಲ್ಲೆಗೆ ಬೆಂಕಿ ಹಚ್ಚಿದಷ್ಟು ಸುಲಭವಲ್ಲ, ಆ ಆಕ್ರೋಶವನ್ನು ತಣಿಸುವುದು.

---------------------

ಝಮೀರ್ ಅಹ್ಮದ್ ಖಾನ್ ಒಬ್ಬ ಅನಾಗರಿಕ. ಆತನ ಮಾತುಗಳಿಗೆ ಉತ್ತರಿಸಿದರೆ ನಾನೂ ಅನಾಗರಿಕನಾಗುತ್ತೇನೆ - ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ

ಎಲ್ಲ ಒಂದು ಕಾಲದಲ್ಲಿ ತಮ್ಮ ಬಳಿಕ ಕಲಿತ ಮಾತುಗಳಂತೆ.

---------------------

ಭ್ರಷ್ಟಾಚಾರದಲ್ಲಿ ಯಡಿಯೂರಪ್ಪರಿಗೆ ಗೋಲ್ಡ್ ಮೆಡಲ್, ಸಿ.ಟಿ. ರವಿಗೆ ಸಿಲ್ವರ್ ಮೆಡಲ್ ಸಿಗಬೇಕು - ಜೈರಾಮ್ ರಮೇಶ್, ಕೇಂದ್ರದ ಮಾಜಿ ಸಚಿವ

ನನಗೊಂದು ಕಂಚಿನ ಮೆಡಲ್ ಇರಲಿ ಎಂದರಂತೆ ಈಶ್ವರಪ್ಪ.

---------------------

ಯಡಿಯೂರಪ್ಪರನ್ನು ಜೈಲಿಗೆ ಕಳುಹಿಸಿದ್ದೇ ಸಂಸದ ಪ್ರಹ್ಲಾದ್ ಜೋಷಿ ಮತ್ತವರ ತಂಡ - ವಿನಯ್ ಕುಲಕರ್ಣಿ, ಸಚಿವ

ಅದಕ್ಕಾಗಿ ಪ್ರಹ್ಲಾದ್ ಜೋಷಿ ತಂಡಕ್ಕೆ ಮತ ಹಾಕೋಣವೇ?

---------------------

ದಲಿತರ ಹಕ್ಕುಗಳನ್ನು ರಕ್ಷಿಸುವಲ್ಲಿ ಬಿಜೆಪಿ ಮತ್ತು ಕಾಂಗ್ರೆಸ್ ಎರಡೂ ಪಕ್ಷಗಳು ವಿಫಲವಾಗಿವೆ. -ಮಾಯಾವತಿ, ಬಿಎಸ್ಪಿ ನಾಯಕಿ

ದಲಿತರ ಹಕ್ಕುಗಳನ್ನು ಜೆಡಿಎಸ್ ಎಲ್ಲಿ, ಹೇಗೆ ರಕ್ಷಿಸಿದೆ ಎನ್ನುವುದನ್ನೂ ವಿವರಿಸಿ..
 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top