ಓ ಮೆಣಸೇ...

ಪ್ರಧಾನಿ ಮೋದಿ ಇನ್ನಾದರೂ ‘ಅಚ್ಛೇ ದಿನ್’ ಜಾರಿಗೆ ಮುಂದಾಗಲಿ - ವಿಶ್ವೇಶ್ವರ ತೀರ್ಥ ಸ್ವಾಮೀಜಿ, ಪೇಜಾವರ ಮಠ

ಟಿವಿ, ಪತ್ರಿಕೆಗಳು ಅದನ್ನು ಜಾರಿಗೊಳಿಸಲು ಸಾಕಷ್ಟು ಪ್ರಯತ್ನ ನಡೆಸುತ್ತಿವೆ.

---------------------

ಎಲ್ಲ ಕಡೆ ದೊಡ್ಡ ಮೀನು ಸಣ್ಣ ಮೀನನ್ನು ನುಂಗಿದರೆ ಕರ್ನಾಟಕದಲ್ಲಿ ಸಣ್ಣ ಮೀನು ದೊಡ್ಡ ಮೀನನ್ನು ನುಂಗುತ್ತಿದೆ - ಪ್ರಹ್ಲಾದ್ ಜೋಶಿ, ಸಂಸದ

ಗಂಟಲಲ್ಲಿ ಸಿಕ್ಕಿಕೊಂಡರೆ ಕಷ್ಟ.

---------------------
ಕಾಂಗ್ರೆಸ್-ಜೆಡಿಎಸ್ ಮೈತ್ರಿ ಅನೈತಿಕ - ನಳಿನ್ ಕುಮಾರ್ ಕಟೀಲು, ಸಂಸದ

ಅನೈತಿಕ ಮೈತ್ರಿ ಬಿಜೆಪಿಯ ಹಕ್ಕಿರಬೇಕು.

---------------------
ತಾಕತ್ತಿದ್ದರೆ ವಿಧಾನಸಭೆ ವಿಸರ್ಜಿಸಿ ಚುನಾವಣೆಗೆ ಬನ್ನಿ - ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

ಮೋದಿಯವರ ಶೌಚಾಲಯಗಳು ಪೂರ್ತಿಯಾದ ಬಳಿಕ ವಿಸರ್ಜನೆಯಾದರೆ ಒಳ್ಳೆಯದಲ್ಲವೇ?
---------------------

2019ರ ಚುನಾವಣೆಯಲ್ಲಿ ಮಂದಿರ, ಹಿಂದುತ್ವದಂತಹ ಅಜೆಂಡಾಗಳು ಇರುವುದಿಲ್ಲ - ಮುಖ್ತಾರ್ ಅಬ್ಬಾಸ್ ನಖ್ವಿ, ಕೇಂದ್ರ ಸಚಿವ

ಮೋದಿಯ ಕೊಲೆ ಸಂಚು ಎನ್ನುವ ಏಕೈಕ ಅಜೆಂಡಾದೊಂದಿಗೆ ಚುನಾವಣೆ ಎದುರಿಸುವ ಉದ್ದೇಶ.

---------------------
ಒಂದು ರೀತಿಯಲ್ಲಿ ಇದೊಂದು (ಮೈತ್ರಿ ಸರಕಾರ) ಬಲವಂತದ ಮದುವೆ -ಡಾ. ಜಿ. ಪರಮೇಶ್ವರ್, ಉಪಮುಖ್ಯಮಂತ್ರಿ

ಕಾಂಗ್ರೆಸ್ ನೀಡಿದ ವರದಕ್ಷಿಣೆ ಮಾತ್ರ ಭಾರೀ ದುಬಾರಿ.

---------------------

ಹಸಿದ ಜೆಡಿಎಸ್ ಮತ್ತು ಹಳಸಿದ ಕಾಂಗ್ರೆಸ್ ಮೈತ್ರಿ ಸರಕಾರ ಶೀಘ್ರ ಪತನವಾಗಲಿದೆ -ಸಿ.ಟಿ. ರವಿ, ಶಾಸಕ

ಹಳಸಿದ ಅನ್ನಕ್ಕಾಗಿ ಹಸಿದು ಕೂತವರ ಮಾತು.

---------------------
ಯೋಗ ಜಾತ್ಯತೀತ ಮತ್ತು ಧರ್ಮಾತೀತ - ಡಾ. ಡಿ. ವೀರೇಂದ್ರ ಹೆಗ್ಗಡೆ, ಧರ್ಮಾಧಿಕಾರಿ ಧರ್ಮಸ್ಥಳ

ಆದರೆ ಸಮಸ್ಯೆಯಿರುವುದು ಅದನ್ನು ಜಾರಿಗೊಳಿಸುವವರ ಕುರಿತಂತೆ.

---------------------

ಜೆಡಿಎಸ್ ಪಕ್ಷದೊಳಗೆ ನಾನೀಗ ಅಸ್ಪಶ್ಯನಿದ್ದಂತೆ - ವೈ.ಎಸ್.ವಿ. ದತ್ತಾ, ಮಾಜಿ ಶಾಸಕ

ಅಸ್ಪಶ್ಯ ವಿರೋಧಿ ಕಾನೂನನ್ನು ಬಳಸಿ ಪೊಲೀಸರಿಗೆ ದೂರು ಕೊಡಿ.

---------------------
ನಾನು ಅದೃಷ್ಟದ ರಾಜಕಾರಣಿ - ಎಚ್.ಡಿ. ಕುಮಾರಸ್ವಾಮಿ, ಮುಖ್ಯಮಂತ್ರಿ
ಮತದಾರರ ದುರದೃಷ್ಟ.

---------------------

ಪೇಜಾವರ ವಿಶ್ವೇಶ್ವರ ತೀರ್ಥ ಸ್ವಾಮೀಜಿಯವರಿಗೆ ಗಂಗಾದರ್ಶನ ಮಾಡಿಸುವೆ - ಕೆ.ಎಸ್. ಈಶ್ವರಪ್ಪ, ಶಾಸಕ

ಅದೇನೂ ಬೇಡ, ಸಾರ್ವಜನಿಕವಾಗಿ ಒಂದು ಲೋಟ ಗಂಗಾನದಿ ನೀರನ್ನು ಕುಡಿದರೆ ಸಾಕು, ಎನ್ನುವುದು ಯಡಿಯೂರಪ್ಪ ಸವಾಲು.

---------------------
ಕಾಂಗ್ರೆಸ್-ಜೆಡಿಎಸ್ ಸರಕಾರಕ್ಕೆ ನಿಪಾಹ್ ಸೋಂಕು -ಡಿ.ವಿ. ಸದಾನಂದ ಗೌಡ, ಕೇಂದ್ರ ಸಚಿವ

ಬಿಜೆಪಿಯೆಂಬ ಬಾವಲಿಯಿಂದ ಈ ಸೋಂಕು ಬಂದಿದೆ ಎಂಬುದು ಸಿದ್ದರಾಮಯ್ಯ ಆರೋಪ.

---------------------

ವಿಧಾನಸೌಧದಲ್ಲಿರುವುದಕ್ಕಿಂತ ಹೆಚ್ಚು ರಾಜಕೀಯ ಮಠಾಧೀಶರಲ್ಲಿದೆ -ಬಸವರಾಜ ಹೊರಟ್ಟಿ, ವಿ.ಪ. ಸದಸ್ಯ

 ಹಣವೂ ಕೂಡ.

---------------------
ಕಲ್ಲು ಅಥವಾ ಬಂದೂಕು ಸಂಸ್ಕೃತಿಯಿಂದ ಹೊರಬರುವ ದಾರಿಯನ್ನು ನಾವು ಯುವಕರಿಗೆ ತೋರಿಸಬೇಕಿದೆ -ಮೆಹಬೂಬ ಮುಫ್ತಿ, ಜಮ್ಮು ಕಾಶ್ಮೀರ ಮುಖ್ಯಮಂತ್ರಿ

ಮೊದಲು ಕಾಶ್ಮೀರದೊಳಗಿರುವ ಸೇನೆಯ ಕೈಯಲ್ಲಿರುವ ಬಂದೂಕನ್ನು ಕಿತ್ತುಕೊಳ್ಳಿ.

---------------------
ರಾಜಭವನಗಳು ಅಧಿಕಾರದ ಪರ್ಯಾಯ ಕೇಂದ್ರಗಳಲ್ಲ - ವೆಂಕಯ್ಯ ನಾಯ್ಡು, ಉಪರಾಷ್ಟ್ರಪತಿ

ನಾಗಪುರವೇ ನಿಜವಾದ ಕೇಂದ್ರ.

---------------------
ನನ್ನನ್ನು ನಾನೇ ಕ್ಷಮಿಸಲು ನನಗೆ ಸಂಪೂರ್ಣ ಅಧಿಕಾರವಿದೆ - ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ

ಆದರೆ ಜಗತ್ತು ಕ್ಷಮಿಸುವುದು ಕಷ್ಟ.

---------------------
ದೇವೇಗೌಡರು ನನಗೆ ರಾಜಕೀಯ ಪುನರ್ಜನ್ಮ ನೀಡಿದ್ದಾರೆ -ಎಚ್. ವಿಶ್ವನಾಥ್, ಶಾಸಕ

ಅಹಿಂದ ಹೋರಾಟವನ್ನು ಮತ್ತೆ ಶುರು ಮಾಡಿ ಆ ಋಣವನ್ನು ತೀರಿಸುವ ಆಲೋಚನೆಯಿದೆಯೇ?
---------------------
ಉಡದಾರ, ಜನಿವಾರ, ಪುಟಗೋಸಿ, ತುಂಡು ಬಟ್ಟೆಗಳಿಗೆ ತಮ್ಮದೇ ಆದ ಮಹತ್ವವಿದೆ - ಮುಖ್ಯಮಂತ್ರಿ ಚಂದ್ರು, ವಿ.ಪ. ಮಾಜಿ ಸದಸ್ಯ

ಅವುಗಳೇ ಅಲ್ಲವೇ ದೇಶವನ್ನು ಆಳುತ್ತಿರುವುದು.

---------------------
ಸ್ಮಾರ್ಟ್‌ಆ್ಯಪ್‌ಗಳು ದೇಶದ ಪ್ರಗತಿಯ ಇಂಜಿನ್‌ಗಳು - ನರೇಂದ್ರ ಮೋದಿ, ಪ್ರಧಾನಿ

ಅಂದರೆ ಈ ಆ್ಯಪ್‌ಗಳನ್ನು ಬಳಸಿಕೊಂಡು ವಾಹನ ಓಡಿಸಲು ಕರೆ ನೀಡುತ್ತಿದ್ದೀರಾ?
---------------------
ಸರಕಾರಿ ಅಧಿಕಾರಿಗಳಿಗಿಂತ ವೇಶ್ಯೆಯರು ಉತ್ತಮ - ಸುರೇಂದ್ರಸಿಂಗ್, ಉ.ಪ್ರ.ಶಾಸಕ

ವೇಶ್ಯೆಯರು ಅವಮಾನಗೊಂಡು ಪ್ರತಿಭಟನೆಗಿಳಿಯುವ ಅಪಾಯವಿದೆ.

---------------------
ಅಸಹಿಷ್ಣುತೆಯಿಂದ ದೇಶದ ಅಸ್ತಿತ್ವವೇ ದುರ್ಬಲ - ಪ್ರಣಬ್ ಮುಖರ್ಜಿ, ಮಾಜಿ ರಾಷ್ಟ್ರಪತಿ

ಆರೆಸ್ಸೆಸ್ ಕುರಿತ ನಿಮ್ಮ ಸಹಿಷ್ಣುತೆಗೆ ಕಾರಣ ಗೊತ್ತಾಯಿತು.

---------------------
ಸಾಲಮನ್ನಾ ವಿಚಾರದಲ್ಲಿ ಮುಖ್ಯಮಂತ್ರಿ ರೈತರ ಕಿವಿಗೆ ಹೂ ಇಡುತ್ತಿದ್ದಾರೆ - ಶ್ರೀರಾಮುಲು, ಶಾಸಕ

ಕಮಲ ಹೂವಿರಬೇಕು, ಸರಿಯಾಗಿ ನೋಡಿ.

---------------------
ಆರೆಸ್ಸೆಸ್ ಕೇವಲ ಹಿಂದೂಗಳಿಗೆ ಮಾತ್ರ ಸೀಮಿತವಲ್ಲ - ಮೋಹನ್ ಭಾಗವತ್, ಆರೆಸ್ಸೆಸ್ ಮುಖ್ಯಸ್ಥ

ದಲಿತರಿಗೂ ಪ್ರವೇಶ ಇದೆಯೇ?
 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top