ಓ ಮೆಣಸೇ...

ಅನ್ಯ ಪಕ್ಷಗಳ ಶಾಸಕರು ಬಿಜೆಪಿಗೆ ಸೇರ್ಪಡೆಯಾಗುತ್ತೇವೆ ಎಂದರೆ ಬೇಡ ಎನ್ನಲು ಆಗುವುದಿಲ್ಲ - ಶ್ರೀರಾಮುಲು, ಶಾಸಕ

ನಿಮ್ಮ ಪಕ್ಷದ ಶಾಸಕರು ಬೇರೆ ಪಕ್ಷಗಳಿಗೆ ಸೇರ್ಪಡೆಯಾಗುತ್ತೇವೆ ಎಂದರೆ?
---------------------
ಕುಮಾರಸ್ವಾಮಿ ಸಿಎಂ ಆದ ಮೇಲೆ ಚೆನ್ನಾಗಿ ಮಳೆ ಬರುತ್ತಿದೆ - ಎಚ್.ಡಿ. ರೇವಣ್ಣ, ಸಚಿವ

ಒಂದು ವೇಳೆ ಮಳೆ ಬರದೇ ಇದ್ದಿದ್ದರೆ ಅದಕ್ಕೆ ಕುಮಾರಸ್ವಾಮಿ ಕಾರಣವಾಗಿರುತ್ತಿತ್ತೆ?
---------------------
ರಾಜ್ಯದಲ್ಲಿ ಕಾಂಗ್ರೆಸಿಗರಿಂದಲೇ ಕಾಂಗ್ರೆಸ್ ಮುಕ್ತ ಕರ್ನಾಟಕಕ್ಕೆ ಚಾಲನೆ ಸಿಗಲಿದೆ - ಕೆ.ಎಸ್.ಈಶ್ವರಪ್ಪ, ಶಾಸಕ

ನೀವು ನಾಲಿಗೆಗೆ ತುಸು ವಿಶ್ರಾಂತಿ ಕೊಡದೇ ಇದ್ದರೆ ಅದು ಸಾಧ್ಯವಿಲ್ಲದ ಕೆಲಸ.

---------------------
ವಿಧಾನ ಪರಿಷತ್‌ನಲ್ಲಿ ಹುಲಿ, ಕರಡಿಗಳಿಲ್ಲ - ಜಯಮಾಲಾ, ಸಚಿವೆ

ಬರೇ ನರಿಗಳಿದ್ದಾವೆ ಎಂದು ಹೇಳುತ್ತಿದ್ದೀರಾ?

---------------------
ಕಾಡು ಪ್ರಾಣಿ ಹಾವಳಿ ತಡೆಗೆ ಸೂಕ್ತ ಯೋಜನೆ ರೂಪಿಸಲಾಗುವುದು - ಆರ್.ಶಂಕರ್, ಸಚಿವ

ಅವೆಲ್ಲವೂ ಕರಾವಳಿಯಲ್ಲಿ ಗೋರಕ್ಷಕರ ವೇಷದಲ್ಲಿ ಹಾವಳಿ ಮಾಡುತ್ತಿವೆ.

---------------------
ನನಗೆ ಮುಖ್ಯಮಂತ್ರಿಯಾಗಲು ಇಷ್ಟವಿರಲಿಲ್ಲ, ಕಾಂಗ್ರೆಸ್ ಮುಖಂಡರೇ ಪಟ್ಟು ಹಿಡಿದು ನನ್ನನ್ನು ಮುಖ್ಯಮಂತ್ರಿ ಮಾಡಿದರು - ಎಚ್.ಡಿ. ಕುಮಾರಸ್ವಾಮಿ, ಮುಖ್ಯಮಂತ್ರಿ

ಹಿಂದೆ ಬಿಜೆಪಿಯವರು ಕೂಡ ಇದೇ ರೀತಿ ನಿಮಗೆ ಕಷ್ಟ ಕೊಟ್ಟರು.

---------------------

ದಿಲ್ಲಿಗೆ ಪೂರ್ಣಪ್ರಮಾಣದ ರಾಜ್ಯದ ಸ್ಥಾನಮಾನ ನೀಡಿದರೆ ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ಆಪ್ ಬಿಜೆಪಿ ಪರ ಪ್ರಚಾರ ಮಾಡಲಿದೆ - ಅರವಿಂದ ಕೇಜ್ರಿವಾಲ್, ದಿಲ್ಲಿ ಮುಖ್ಯಮಂತ್ರಿ

ಕೋರೆ ಹಲ್ಲು ಕೊಟ್ಟು ಕಚ್ಚಿಸಿಕೊಳ್ಳಲು ಬಿಜೆಪಿ ಸಿದ್ಧವಿಲ್ಲ.

---------------------

ಪ್ರತಿಪಕ್ಷಗಳು ಇಲ್ಲದಿದ್ದರೆ ಪ್ರಜಾಪ್ರಭುತ್ವಕ್ಕೆ ಬೆಲೆಯಿಲ್ಲ - ಅಮಿತ್ ಶಾ, ಬಿಜೆಪಿ ಅಧ್ಯಕ್ಷ

ಸದ್ಯ ಪ್ರಜಾಪ್ರಭುತ್ವ ಬೆಲೆ ಕಳೆದುಕೊಂಡಿದೆ ಎಂದು ಇದರ ಅರ್ಥವೇ?
---------------------

ಸದ್ಯದಲ್ಲೇ ಪ್ರತಿಪಕ್ಷಗಳು ಒಂದಾಗಲಿವೆ - ರಾಹುಲ್ ಗಾಂಧಿ , ಕಾಂಗ್ರೆಸ್ ಅಧ್ಯಕ್ಷ

ಒಂದಾಗುವ ಮೊದಲೇ ಬೇರೆ ಬೇರೆಯಾಗುವ ದಿನ ನಿಗದಿಯಾಗಿದೆಯಂತೆ.

---------------------

ನರೇಂದ್ರ ಮೋದಿ ಸರಕಾರ ಅಭಿವೃದ್ಧಿಯಲ್ಲಿ ಅಮೆರಿಕವನ್ನು ಮೀರಿಸುವ ಮಟ್ಟಕ್ಕೆ ಬೆಳೆದಿದೆ - ನಳಿನ್ ಕುಮಾರ್ ಕಟೀಲು, ಸಂಸದ

ನಿಮ್ಮನ್ನು ಸಂಸದರಾಗಿ ಮಾಡಿದ ತಪ್ಪಿಗೆ ಜನರು ಇದನ್ನೆಲ್ಲ ಕೇಳಲೇ ಬೇಕು.

---------------------

ನಾನು ಬಲಿಪಶು - ಎಂ.ಬಿ. ಪಾಟೀಲ್, ಮಾಜಿ ಸಚಿವ

ಶರಣರೆಂದ ಮೇಲೆ ತಲೆದಂಡ ಸಹಜ.

---------------------

ಕೈಕಟ್ಟಿ ಕೂರುವ ಸಭಾಪತಿ ಸ್ಥಾನ ನನಗೆ ಬೇಡ - ಬಸವರಾಜ ಹೊರಟ್ಟಿ, ವಿ.ಪ. ಸದಸ್ಯ

ಕೈ ಕಟ್ಟದೇ ಕುಳಿತುಕೊಳ್ಳಿ.

---------------------
ಮೋದಿ ಹತ್ಯೆಯ ಸಂಚು ಒಂದು ಹಾರರ್ ಸಿನೆಮಾದ ಕತೆಯಂತಿದೆ - ಶರದ್ ಪವಾರ್, ಎನ್‌ಸಿಪಿ ನಾಯಕ.

ಮೋದಿಯವರು ಪ್ರಧಾನಿಯಾದದ್ದೇ ಒಂದು ಹಾರರ್.

---------------------
ಪ್ರಧಾನಿ ಮೋದಿ ದೇಶವನ್ನು ಮಾರಾಟ ಮಾಡುತ್ತಿದ್ದಾರೆ - ಕೆ. ವಸಂತ ಬಂಗೇರ, ಶಾಸಕ

ದೊಡ್ಡ ಬೆಲೆಗೆ ಮಾರಾಟ ಮಾಡಿದ್ದಿದ್ದರೆ ಒಂದಿಷ್ಟಾದರೂ ಗೌರವವಿರುತ್ತಿತ್ತು.

---------------------
ಜಗತ್ತಿನಲ್ಲಿ ಎಲ್ಲ ಕಾಯಿಲೆಗಳಿಗೂ ಔಷಧಗಳಿವೆ, ಆದರೆ ಹೊಟ್ಟೆಕಿಚ್ಚಿಗೆ ಮದ್ದಿಲ್ಲ - ಜಯಮಾಲಾ, ಸಚಿವೆ

ಅಧಿಕಾರವಿರುವಲ್ಲಿ, ಹೊಟ್ಟೆಕಿಚ್ಚು ಸಹಜ.

---------------------
ಪಕ್ಷದ ಅನುಮತಿ ಇಲ್ಲದೆ ಪ್ರತ್ಯೇಕ ಸಭೆಗಳನ್ನು ನಡೆಸಲು ಯಾರಿಗೂ ಅಧಿಕಾರವಿಲ್ಲ - ಕೆ.ಸಿ. ವೇಣುಗೋಪಾಲ್, ಕಾಂಗ್ರೆಸ್ ರಾಜ್ಯ ಉಸ್ತುವಾರಿ

ಕೋಳಿಯನ್ನು ಕೇಳಿ ಯಾರಾದರೂ ಮಸಾಲೆ ಅರೆಯುತ್ತಾರೆತಯೇ?
---------------------
ಮುಸ್ಲಿಂ ಸಮುದಾಯ ಯಾರೊಬ್ಬರ ಕಿಸೆಯಲ್ಲೂ ಇಲ್ಲ - ಯು.ಟಿ. ಖಾದರ್, ಸಚಿವ

ಮುಸ್ಲಿಮ್ ಸಮುದಾಯ ಇರುವುದೇ ಚುನಾವಣೆಯೆಂಬ ಈದ್‌ಗೆ ಬಲಿ ಕೊಡುವುದಕ್ಕೆ.

---------------------

ರಾಜ್ಯದಲ್ಲಿ ನನ್ನ ಹೆಸರು ಜೋರಾಗಿಯೇ ಓಡುತ್ತಿದೆ - ಎಚ್.ಡಿ. ರೇವಣ್ಣ, ಸಚಿವ

ಪೆಟ್ರೋಲ್ ಮುಗಿದಾಕ್ಷಣ ನಿಲ್ಲಬಹುದು, ಚಿಂತೆ ಬೇಡ.

---------------------
ಸಿ.ಎಂ. ಕುಮಾರ ಸ್ವಾಮಿ ರೈತರಿಗೆ ಮಾತು ಕೊಟ್ಟಂತೆ ಸಾಲ ಮನ್ನಾ ಮಾಡದಿದ್ದರೆ ವಾನಪ್ರಸ್ಥಾಶ್ರಮವೇ ಗತಿ - ಸಿ.ಟಿ. ರವಿ, ಶಾಸಕ

ಯಡಿಯೂರಪ್ಪರ ಗೃಹಸ್ಥಾಶ್ರಮ ಮುಗಿಯಿತೇ?

---------------------
ಕಾಂಗ್ರೆಸ್ ಶಾಸಕರ ಅತೃಪ್ತಿ ಶಮನ ಆಗದೆ ಇರುವುದರಿಂದ ಸರಕಾರಕ್ಕೆ ಕೆಟ್ಟ ಹೆಸರು ಬರುತ್ತದೆ - ಕುಮಾರಸ್ವಾಮಿ, ಮುಖ್ಯಮಂತ್ರಿ

ಅವರ ಅತೃಪ್ತಿ ಶಮನವಾಗಬೇಕಾದರೆ, ತಾವು ಸಹಕರಿಸುವುದು ಅಗತ್ಯವಾಗುತ್ತದೆ.

---------------------
ನೈಋತ್ಯ ಶಿಕ್ಷಕರ ಚುನಾವಣೆಯಲ್ಲಿ ಈ ಬಾರಿ ಮತದಾರರು ನನ್ನನ್ನು ಚುನಾಯಿಸಲು ಮನಸ್ಸು ಮಾಡಲಿಲ್ಲ - ಗಣೇಶ್ ಕಾರ್ಣಿಕ್, ಬಿಜೆಪಿ ಪರಾಜಿತ ಅಭ್ಯರ್ಥಿ

ಸದಾ ಒಬ್ಬರನ್ನು ಮೋಸ ಮಾಡುವುದು ಕಷ್ಟ.
 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top