ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ...

ಸುಳ್ಳುಗಳಿಗೆ ಕೈಕಾಲುಗಳಿರುವುದಿಲ್ಲ - ಎಂ.ಜೆ.ಅಕ್ಬರ್, ಕೇಂದ್ರ ಸಚಿವ
►ನಾಚಿಕೆಯಂತೂ ಇರುವುದೇ ಇಲ್ಲ.

---------------------

ವಿದೇಶಗಳ ವಿಶ್ವವಿದ್ಯಾನಿಲಯಗಳಿಗೆ ಸಾವಿರ ರೂ. ಕೊಟ್ಟರೆ ಯಾರಿಗೆ ಬೇಕಾದರೂ ಡಾಕ್ಟರೇಟ್ ಸಿಗುತ್ತದೆ -ಪ್ರೊ.ಎಸ್.ಜಿ.ಸಿದ್ದರಾಮಯ್ಯ, ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ

►ದೇಶದೊಳಗೆ ಅದು 500ಕ್ಕೆ ಬಿಕರಿಯಾಗುತ್ತಿದೆ.

---------------------

ಶ್ವೇತಭವನ ಒಂದು ಅತ್ಯಂತ ವಂಚನಾ ಹಾಗೂ ದುಷ್ಟ ಜಗತ್ತಾಗಿದೆ - ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ
►ನೀವು ಅದರೊಳಗೆ ಪ್ರವೇಶಿಸಿದಾಗಲೇ ಜಗತ್ತಿಗೆ ಗೊತ್ತಾಗಿ ಬಿಟ್ಟಿದೆ.

---------------------
ಡಿಕೆಶಿ ಹುಲಿ ಇದ್ದಂತೆ, ಶ್ರೀರಾಮುಲು ಅಂತಹ ಹುಲಿಯ ಬಾಯಿಗೆ ಕೈ ಹಾಕಲು ಹೋಗಬಾರದು -ಆಂಜನೇಯ, ಕಾಂಗ್ರೆಸ್ ನಾಯಕ
►ಅಂತಹ ಅಪಾಯಕಾರಿ ಪ್ರಾಣಿಗಳನ್ನು ಪಕ್ಷದೊಳಗೆ ಯಾಕಿಟ್ಟುಕೊಂಡಿದ್ದೀರಿ?

---------------------

ಸೂಟು-ಬೂಟು ಧರಿಸದವರು ಮೋದಿಗೆ ಭಾಯಿ ಅಲ್ಲ - ರಾಹುಲ್ ಗಾಂಧಿ, ಕಾಂಗ್ರೆಸ್‌ ಅಧ್ಯಕ್ಷ

►ಸದ್ಯಕ್ಕೆ ಬಾಯಿಯೇ ಮೋದಿಯ ಆಸ್ತಿ.

---------------------
ಶ್ರೀರಾಮುಲು ನನ್ನ ಆತ್ಮೀಯ ಗೆಳೆಯ , ನನ್ನ ಮೇಲೆ ಪ್ರೀತಿ ಜಾಸ್ತಿಯಾಗಿ ನನ್ನನ್ನು ಜೈಲಿಗೆ ಕಳುಹಿಸುತ್ತೇನೆ ಎಂದಿದ್ದಾರೆ ಅಷ್ಟೆ -ಡಿ.ಕೆ.ಶಿವಕುಮಾರ್, ಸಚಿವ

►ಜೊತೆ ಜೊತೆಯಲಿ ಬಾಳುವ ಕನಸೇ?

---------------------

ನಾವು ಆಪರೇಶನ್ ಮಾಡಬೇಕು ಎಂದಿದ್ದರೆ ಯಾವಾಗಲೋ ಮಾಡಿ ಮುಗಿಸುತ್ತಿದ್ದೆವು - ಎಚ್.ಡಿ.ಕುಮಾರಸ್ವಾಮಿ, ಮುಖ್ಯಮಂತ್ರಿ
►ರೋಗಿಯ ಸ್ಥಿತಿ ಊಹಿಸಿದರೆ ಭಯವಾಗುತ್ತೆ.

---------------------

ಒಳ್ಳೆಯ ಹಿಂದೂ ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣವಾಗಬೇಕು ಎಂದು ಹೇಳಲ್ಲ - ಶಶಿ ತರೂರ್, ಸಂಸದ
►ಗಾಂಧೀಜಿ ಒಳ್ಳೆಯ ಹಿಂದೂ ಆಗಿದ್ದರು.

---------------------

ದೇಶ ಆಳುವವರು ದೇಶ ಅಂದರೆ ಆದೇಶವಲ್ಲ ಎನ್ನುವುದನ್ನು ತಿಳಿದುಕೊಳ್ಳಬೇಕು - ಚಂದ್ರಶೇಖರ ಪಾಟೀಲ, ಸಾಹಿತಿ
►ಮತ್ತೆ ಯಾವ ದೇಶ ಎಂದು ತಿಳಿದುಕೊಳ್ಳಬೇಕು?

---------------------

ಟಿಪ್ಪು ಜಯಂತಿ ಆಚರಣೆ ಮೂಲಕ ಸರಕಾರ ಕೊಲೆ ದಂಗೆಗೆ ಪ್ರಚೋದನೆ ನೀಡುತ್ತಿದೆ - ಕೆ.ಎಸ್.ಈಶ್ವರಪ್ಪ, ಬಿಜೆಪಿ ಮುಖಂಡ
►ಅಂತೂ ಕೊಲೆ ದಂಗೆ ಮಾಡಲು ನಿಮಗೆ ಪ್ರಚೋದನೆ ಸಿಕ್ಕಿದೆ ಎಂದಾಯಿತು.

---------------------

ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಲ್ಲಿಲ್ಲದ ಹಾವು - ಶೋಭಾ ಕರಂದ್ಲಾಜೆ, ಸಂಸದೆ
►ನಿಮ್ಮನ್ನು ಕಚ್ಚಿದ್ದು ಯಾವಾಗ ಎಂದು ಹೇಳಿದರೆ, ಮೀಟೂ ಚಳವಳಿಗೆ ಹೊಸ ಸೇರ್ಪಡೆಯಾದೀತು.

---------------------

ಬಿಜೆಪಿಯ ಯಾವ ಬಾಂಬೂ ಸಿಡಿಯುವುದಿಲ್ಲ - ಈಶ್ವರ್‌ಖಂಡ್ರೆ, ಕೆಪಿಸಿಸಿ ಕಾರ್ಯಾಧ್ಯಕ್ಷ
►ಸಿಡಿಯುವ ಬಾಂಬ್‌ಗಾಗಿ ಅವರದೇ ಸನಾತನಸಂಸ್ಥೆ ಎನ್ನುವ ಸ್ವತಂತ್ರ ಘಟಕ ಇದೆ.

---------------------
ಉಪ ಚುನಾವಣೆ ರಾಜಕೀಯದ ದಿಕ್ಕು ಬದಲಿಸಲಿದೆ - ಆಸ್ಕರ್ ಫೆರ್ನಾಂಡಿಸ್, ರಾಜ್ಯ ಸಭಾ ಸದಸ್ಯ,

►ವೃದ್ಧಾಶ್ರಮದೆಡೆಗೆ ಇರಬಹುದೇ?

---------------------

ಅಧಿಕಾರ ಇರಲಿ ಇಲ್ಲದಿರಲಿ, ಉಸಿರು ಇರುವವರೆಗೆ ಜನಸೇವೆ ಮಾಡಲು ನಾನು ಬದ್ಧ - ಪ್ರಮೋದ್ ಮಧ್ವರಾಜ್, ಮಾಜಿ ಸಚಿವ
►ಅಧಿಕಾರ ನಿಂತಾಗ ಕೆಲವರ ಉಸಿರೂ ನಿಂತು ಬಿಡುತ್ತದೆ.

---------------------

ತ್ರಿವಳಿ ತಲಾಖ್ ಪದ್ಧತಿಯನ್ನು ಸುಪ್ರೀಂ ನಿಷೇಧಿಸಿದಾಗ ಸ್ವಾಗತಿಸಿದವರು ಈಗ ಶಬರಿಮಲೆ ಕುರಿತ ತೀರ್ಪನ್ನು ವಿರೋಧಿಸುವುದು ಸರಿಯಲ್ಲ - ಸುಬ್ರಮಣಿಯನ್ ಸ್ವಾಮಿ, ಬಿಜೆಪಿ ಮುಖಂಡ
►ಆರೆಸ್ಸೆಸ್ ಎಂದ ಮೇಲೆ ಹಾಗೆಯೇ ಇರಬೇಕಾಗುತ್ತದೆ.

---------------------

ಭಾರತದ ಪ್ರಗತಿಗೆ ಪ್ರಬಲ ನಾಯಕತ್ವದ ಅಗತ್ಯವಿದೆ - ಅರುಣ್‌ಜೇಟ್ಲಿ, ಕೇಂದ್ರ ಸಚಿವ

►ಅಂದರೆ ಮೋದಿ ಪ್ರಬಲ ನಾಯಕರಲ್ಲ ಎನ್ನುತ್ತೀರಾ?

---------------------

ಬಿಜೆಪಿ ಸರಕಾರ ರಚಿಸಲು ಅನುಕೂಲ ಆಗಬೇಕು ಎಂಬ ಉದ್ದೇಶದಿಂದ ಕಳೆದ ವಿಧಾನಾ ಸಭಾ ಚುನಾವಣೆಯಲ್ಲಿ ಎರಡು ಕ್ಷೇತ್ರಗಳಲ್ಲಿ ಸ್ಪರ್ಧಿಸಿದ್ದೆ
- ಶ್ರೀರಾಮುಲು, ಶಾಸಕ

►ಎರಡು ಕ್ಷೇತ್ರಗಳಲ್ಲಿ ಸ್ಪರ್ಧಿಸಿದರೂ ಒಂದೇ ಕ್ಷೇತ್ರದಲ್ಲಿ ಶಾಸಕನಾಗಲು ಸಾಧ್ಯ ಎನ್ನುವುದನ್ನು ಯಾರೂ ತಿಳಿಸಿರಲಿಲ್ಲವೇ?

---------------------

ಮುಖ್ಯಮಂತ್ರಿ ಕುಮಾರಸ್ವಾಮಿಗಿಂತ ನಮಗೆ ನಮ್ಮ ಪಕ್ಷ ಮುಖ್ಯ -ಚೆಲುವರಾಯಸ್ವಾಮಿ, ಮಾಜಿ ಸಚಿವ
►ನಿಮ್ಮ ಪಕ್ಷ ಯಾವುದು ಎನ್ನುವುದನ್ನಾದರೂ ಸ್ಪಷ್ಟಪಡಿಸಿ.

---------------------

ಉಪ ಚುನಾವಣೆ ನಂತರ ಸರಕಾರ ಇನ್ನಷ್ಟು ಗಟ್ಟಿಯಾಗಲಿದೆ- ಡಾ.ಜಿ.ಪರಮೇಶ್ವರ್, ಉಪ ಮುಖ್ಯಮಂತ್ರಿ
►ಮೋದಿ ಸರಕಾರವೇ?

---------------------

ಯಾವ ಯಾವ ಜಯಂತಿಗಳಿವೆಯೋ ಅವೆಲ್ಲವನ್ನೂ ಮಾಡುತ್ತೇವೆ - ಎಚ್.ಡಿ.ರೇವಣ್ಣ, ಸಚಿವ

►ನಟಿ ಜಯಂತಿಯವರ ಜಯಂತಿಯೂ ಇದರಲ್ಲಿ ಸೇರ್ಪಡೆಯಾಗುತ್ತದೆಯೇ?

---------------------

ರಾಮ ನಡೆದ ಹಾದಿ ಇನ್ನೂ ನಮಗೆ ಮಾರ್ಗದರ್ಶಕ - ಮೋಹನ್ ಭಾಗವತ್, ಆರೆಸ್ಸೆಸ್ ಮುಖಂಡ
►ವನವಾಸಕ್ಕೆ ನಡೆದ ಹಾದಿಯೇ?

---------------------

ಇನ್ನು ಮುಂದೆ ನಾನು ಜಾತಿ-ಧರ್ಮದ ವಿಚಾರದಲ್ಲಿ ತಲೆ ಹಾಕುವುದಿಲ್ಲ- ಡಿ.ಕೆ.ಶಿವಕುಮಾರ್, ಸಚಿವ
►ತಲೆ ಹಾಕುವ ವಿಚಾರಗಳ ಪಟ್ಟಿಯನ್ನಾದರೂ ಕೊಡಿ.

---------------------

ಮೋದಿ ಪ್ರಧಾನಿಯಾಗಿದ್ದು ಪರಿಶ್ರಮದಿಂದ - ಶಾಸಕ ಸಿ.ಟಿ. ರವಿ.
►ಗುಜರಾತ್ ಗಲಭೆಗಾಗಿ ಅವರು ಪಟ್ಟ ಪರಿಶ್ರಮ ಜಗತ್ತಿಗೇ ಗೊತ್ತು.
 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top