ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

  ನಾನು ಬ್ರಾಹ್ಮಣನಾಗಿರುವ ಕಾರಣ ಚೌಕಿದಾರನಾಗಲು ಸಾಧ್ಯವಿಲ್ಲ - ಸುಬ್ರಮಣಿಯನ್ ಸ್ವಾಮಿ, ಬಿಜೆಪಿ ಮುಖಂಡ

   ಬ್ರಾಹ್ಮಣೇತರರಿಗೆ ಆರೆಸ್ಸೆಸ್‌ನ ಬಾಗಿಲು ಕಾಯುವ ಚೌಕಿದಾರರಾಗಲು ಶೇ. 100 ಮೀಸಲಾತಿ.

---------------------

ಕಾಂಗ್ರೆಸ್ ಭಾರತದಲ್ಲಿ ಚುನಾವಣೆಗೆ ಸ್ಪರ್ಧಿಸುವ ಬದಲು ಪಾಕಿಸ್ತಾನದಲ್ಲಿ ಸ್ಪರ್ಧಿಸಿದರೆ ಸುಲಭವಾಗಿ ಗೆಲ್ಲುತ್ತದೆ - ರಾಮ್ ಮಾಧವ್, ಬಿಜೆಪಿ ಕಾರ್ಯದರ್ಶಿ

  ನೀವು ಪಾಕಿಸ್ತಾನವನ್ನು ಭಾರತಕ್ಕೆ ಸೇರಿಸಿ ಅಖಂಡ ಮಾಡಿದಾಗ ಅಲ್ಲೂ ಸ್ಪರ್ಧಿಸುವ ಉದ್ದೇಶವಿದೆಯಂತೆ.

---------------------

  ದೇಶದೆಲ್ಲೆಡೆ ಮೋದಿ ಹವಾ ಇರುವುದರಿಂದ ಇನ್ನು ಎರಡು ಅವಧಿಗೆ ಮೋದಿಯೇ ಪ್ರಧಾನಿಯಾಗುತ್ತಾರೆ - ಜನಾರ್ದನ ಪೂಜಾರಿ, ಕಾಂಗ್ರೆಸ್ ಮುಖಂಡ

   ಚೌಕಿದಾರ್ ಜನಾರ್ದನ ಪೂಜಾರಿ ಎಂದು ಇನ್ನೂ ಹಾಕಿಸಿಕೊಂಡಿಲ್ಲವೇ?

---------------------

   ಗೆದ್ದರೆ ಕಾಂಗ್ರೆಸ್-ಜೆಡಿಎಸ್ ಎರಡೂ ಪಕ್ಷಗಳ ಆಸ್ತಿಯಾಗುತ್ತೇನೆ - ಪ್ರಮೋದ್ ಮಧ್ವರಾಜ್, ಉಡುಪಿ-ಚಿಕ್ಕಮಗಳೂರುಕ್ಷೇತ್ರದ ಮೈತ್ರಿ ಅಭ್ಯರ್ಥಿ

ಎರಡೂ ಪಕ್ಷಗಳ ಹೆಸರಲ್ಲಿ ಆಸ್ತಿ ಮಾಡಿಕೊಳ್ಳುತ್ತೇನೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆಯಂತೆ.

---------------------

ಕಾಂಗ್ರೆಸ್‌ನಲ್ಲಿ ಹೆಣ ಹೊರುವವನೂ ನಾನೇ, ಪಲ್ಲಕ್ಕಿ ಹೊರುವವನೂ ನಾನೇ - ಡಿ.ಕೆ. ಶಿವಕುಮಾರ್, ಸಚಿವ

ಸದ್ಯಕ್ಕೆ ಕಾಂಗ್ರೆಸ್‌ನ ಹೆಣ ಹೊರುವುದು ಒಂದು ಬಾಕಿ ಇದೆ.

---------------------

ಈ ಬಾರಿ ಮೋದಿ ಸೋಲಿಸದಿದ್ದರೆ ಅವರೇ ಆಜೀವ ಪ್ರಧಾನಿ - ಅರವಿಂದ ಕೇಜ್ರಿವಾಲ್, ದಿಲ್ಲಿ ಮುಖ್ಯಮಂತ್ರಿ

   ಅಂದರೆ ಮುಂದಿನ ಬಾರಿ ನೀವು ಮೋದಿ ಬಣ ಸೇರುತ್ತೀರಿ ಎಂದಾಯಿತು.

---------------------

ನಾನು, ಡಿಕೆಶಿ ನಿಜವಾದ ಜೋಡೆತ್ತುಗಳು - ಎಚ್.ಡಿ. ಕುಮಾರಸ್ವಾಮಿ, ಮುಖ್ಯಮಂತ್ರಿ

  ಎತ್ತುಗಳು ಎನ್ನುವ ಬಗ್ಗೆ ಎರಡು ಮಾತಿಲ್ಲ.

---------------------

ಕಾಂಗ್ರೆಸ್-ಜೆಡಿಎಸ್ ಹೊಂದಾಣಿಕೆಯ ಹಿಂದೆ ಅನೇಕ ಅಪಸ್ವರಗಳಿವೆ - ಜಯಮಾಲಾ, ಸಚಿವೆ

ಕಾಂಗ್ರೆಸ್‌ನೊಳಗೇ ಹೊಂದಾಣಿಕೆಯಿಲ್ಲ, ಇನ್ನು ಜೆಡಿಎಸ್ ಜೊತೆಗೆ ಇರಲು ಅಪಸ್ವರ ಇರದೇ ಇದ್ದೀತೇ?

---------------------

ದ.ಕ. ಲೋಕಸಭಾ ಕ್ಷೇತ್ರದ ಅಭ್ಯರ್ಥಿ ಮಿಥುನ್ ರೈ ಸೋತರೆ ಕುದ್ರೋಳಿ ಗೋಕರ್ಣನಾಥ ಕ್ಷೇತ್ರಕ್ಕೆ ನಾನು ಕಾಲಿಡುವುದಿಲ್ಲ - ಜನಾರ್ದನ ಪುಜಾರಿ, ಕಾಂಗ್ರೆಸ್ ಮುಖಂಡ

ನಿಮ್ಮ ಸ್ಥಾನವನ್ನು ವಹಿಸಿಕೊಳ್ಳಲು ಪ್ರಭಾಕರ ಭಟ್ಟರು ತುದಿಗಾಲಲ್ಲಿ ನಿಂತಿದ್ದಾರೆ.

---------------------

  ಈಗೀಗ ವಂಶಾಡಳಿತ ಎಲ್ಲಿಗೆ ತಲುಪಿದೆ ಎಂದರೆ ರಾಜಕಾರಣಿಗೆ ಮಗು ಹುಟ್ಟಿದ ಕೂಡಲೇ ಮುಂದಿನ ಪ್ರಧಾನಿ, ಮುಖ್ಯಮಂತ್ರಿ ಎಂದು ಪ್ರಚಾರ ಮಾಡಲಾಗುತ್ತಿದೆ - ಡಿ.ವಿ. ಸದಾನಂದ ಗೌಡ, ಕೇಂದ್ರ ಸಚಿವ ಬಿಜೆಪಿಯಲ್ಲಿ ಪ್ರಧಾನಿಯಾದ ಬಳಿಕ ಕತೆ ಕಟ್ಟಲಾಗುತ್ತದೆ. ----

-----------------

ಕಳ್ಳರಿಗೆ ಸರಿಯಾಗಿರುವವರೂ ಕಳ್ಳರಾಗಿಯೇ ಕಾಣುತ್ತಾರೆ - ಸಿ.ಟಿ. ರವಿ, ಶಾಸಕ

ಹಾಗೆಂದು ಯುವಕರ ಮೇಲೆ ಕಾರು ಓಡಿಸುವುದೇ?

---------------------

ಜಾತ್ಯತೀತ ಧರ್ಮ ಪಾಲಿಸುವ ಏಕೈಕ ದೇಶ ಭಾರತ - ಉಮಾ ಭಾರತಿ, ಕೇಂದ್ರ ಸಚಿವೆ

ಹೀಗೆ ಹೇಳಿಕೊಂಡೇ ಅಲ್ಪಸಂಖ್ಯಾತರ ಹತ್ಯಾಕಾಂಡ ಮಾಡುವ ಏಕೈಕ ದೇಶವೂ ಭಾರತವೇ ಇರಬೇಕು.

---------------------

ಪ್ರಧಾನಿ ಮೋದಿ ವಿರುದ್ಧ ಸ್ಪರ್ಧಿಸಬೇಕು ಎಂದು ಪಕ್ಷದ ಕಾರ್ಯಕರ್ತರು ಒತ್ತಡ ಹೇರುತ್ತಿದ್ದಾರೆ - ಪ್ರವೀಣ್ ತೊಗಾಡಿಯಾ, ವಿಹಿಂಪ ಮಾಜಿ ಅಧ್ಯಕ್ಷ

ಸ್ಪರ್ಧಿಸದಂತೆ ತಡೆಯುತ್ತಿರುವ ಒತ್ತಡ ಯಾವುದು?

---------------------

ನಾಯಕ (ಅನಂತಕುಮಾರ್) ಇದ್ದಾಗ ಎಲ್ಲರೂ ಇರುತ್ತಾರೆ. ಆತ ಸತ್ತಾಗ ಯಾರೂ ಇರುವುದಿಲ್ಲ - ವಿ. ಸೋಮಣ್ಣ, ಶಾಸಕ

ಅದಕ್ಕೇ ತಾನೆ ರಾಜಕೀಯ ಎನ್ನುವುದು.

---------------------

ಪ್ರಸ್ತುತ ಮತದಾರರು ರಾಜಕಾರಣಿಗಳು ಹಾಗೂ ಪತ್ರಕರ್ತರಿಗಿಂತ ಸಮರ್ಥರಾಗಿದ್ದಾರೆ - ಅರುಣ್ ಜೇಟ್ಲಿ, ಕೇಂದ್ರ ಸಚಿವ

ಇವಿಎಂ ಸಾಮರ್ಥ್ಯ ಕುರಿತಂತೆ ಸಣ್ಣ ಅನುಮಾನವಿದೆ.

---------------------

ಮಹಾಘಟ ಬಂಧನ್ ಸ್ಥಿತಿ ಕರ್ನಾಟಕದಲ್ಲಿ ಹರಿದ ಬಟ್ಟೆಯಂತಾಗಿದೆ - ಸುರೇಶ್ ಕುಮಾರ್, ಬಿಜೆಪಿ ವಕ್ತಾರ

   ಅದನ್ನು ನೀವು ಯಾಕೆ ಧರಿಸಲು ಹೊರಟಿದ್ದೀರಿ?

---------------------

ಎಚ್‌ಡಿಕೆ - ಡಿಕೆಶಿ ಎಂಬ ಗೂಳಿಗಳು ಚುನಾವಣೆ ಮುಗಿಯುತ್ತಿದ್ದಂತೆ ಪರಸ್ಪರ ಗುದ್ದಾಟದಲ್ಲಿ ತೊಡಗಿ ತಿವಿದುಕೊಳ್ಳಲಿವೆ - ಕೆ.ಎಸ್. ಈಶ್ವರಪ್ಪ, ಮಾಜಿ ಮುಖ್ಯಮಂತ್ರಿ

   ಆ ಗೂಳಿಗಳ ಗುದ್ದಾಟದ ಮಧ್ಯೆ ಈ ತೋಳಕ್ಕೇನು ಕೆಲಸ?

---------------------

ಸುಮಲತಾ ಮುಖದಲ್ಲಿ ಅಂಬರೀಷ್ ಸಾವಿನ ನೋವಿನ ಛಾಯೆಯೇ ಇಲ್ಲ - ಕುಮಾರಸ್ವಾಮಿ, ಮುಖ್ಯಮಂತ್ರಿ

 ಗ್ಲಿಸರಿನ್ ಹಾಕದೆ ನಿಮ್ಮಷ್ಟು ಸಲೀಸಾಗಿ ಅಳುವುದಕ್ಕೆ ಅವರಿಗೆ ಬಾರದು.

---------------------

 ಜೋಡೆತ್ತಿನ ಸರಕಾರ ಕುಂಬಳಕಾಯಿ ಕಳ್ಳ ಎಂದರೆ ಹೆಗಲು ಮುಟ್ಟಿಕೊಂಡು ಬೊಬ್ಬೆ ಹೊಡೆಯುತ್ತಿದೆ - ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

ಆದರೆ ಕಳ್ಳನೇ ಕುಂಬಳಕಾಯಿ ಬಗ್ಗೆ ಮಾತನಾಡುವುದು ಅಷ್ಟು ಸರಿಯೆನಿಸುವುದಿಲ್ಲ.

---------------------

ಸ್ವಂತ ಮನೆಯಿಲ್ಲದ ದೇಶದ ಏಕೈಕ ಸಂಸದ ನಾನು - ಪ್ರತಾಪ ಸಿಂಹ, ಸಂಸದ

ಪತ್ನಿಯ ಹೆಸರಲ್ಲಿ ಸೈಟು ಪಡೆದುಕೊಂಡದ್ದು ಇದಕ್ಕೇ ಇರಬೇಕು.

---------------------

ಇಂದಿನ ಮಕ್ಕಳಿಗೆ ಕನ್ನಡ ಸಂಸ್ಕೃತಿಯ ಇತಿಹಾಸವನ್ನು ಪರಿಚಯಿಸುವ ಅಗತ್ಯವಿದೆ - ಡಾ. ಚಿದಾನಂದ ಮೂರ್ತಿ, ಸಂಶೋಧಕ

ನೀವು ಆರೆಸ್ಸೆಸ್ ಸಂಸ್ಕೃತಿಯನ್ನು ಪರಿಚಯಿಸಿದ್ದೇ ಹೆಚ್ಚು.

---------------------

 ದ.ಕ. ಜಿಲ್ಲೆಯ ಏಳು ವಿಧಾನ ಸಭಾ ಕ್ಷೇತ್ರಗಳಲ್ಲಿ ಬಿಜೆಪಿ ಗೆದ್ದ ಬಳಿಕ ಒಂದು ವರ್ಷದಲ್ಲಿ ಒಂದೇ ಒಂದು ಕೋಮು ಗಲಭೆ ನಡೆದಿಲ್ಲ - ನಳಿನ್ ಕುಮಾರ್ ಕಟೀಲು, ಸಂಸದ ಬೆಂಕಿ ಹಚ್ಚಲು ವಿಫಲರಾದವರ ಹತಾಶೆಯ ಮಾತು.

---------------------

ನನ್ನದು ಸ್ವಾತಿ ನಕ್ಷತ್ರ, ನನಗೆ ಮಾಟ ಮಾಡಿದರೆ ಮಾಡಿದವರಿಗೇ ತಟ್ಟುತ್ತೆ - ಎಚ್.ಡಿ. ರೇವಣ್ಣ, ಸಚಿವ

ಸ್ವಾರ್ಥ ನಕ್ಷತ್ರ ಇರಬೇಕು, ಸರಿಯಾಗಿ ವಿಚಾರಿಸಿ.

---------------------

 ಆಗಾಗ ಸರ್ವಾಧಿಕಾರಿ ಪ್ರವೃತ್ತಿ ತಪ್ಪೇನಲ್ಲ - ಜಗದೀಶ್ ಶೆಟ್ಟರ್, ಮಾಜಿ ಮುಖ್ಯಮಂತ್ರಿ

   ಇಂದಿರಾ ಗಾಂಧಿಯ ತುರ್ತುಪರಿಸ್ಥಿತಿಯ ಸಮರ್ಥನೆಯೇ?

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top