ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

 ಜನಪರ ಹೋರಾಟ ಮಾಡಿರುವುದಕ್ಕೆ ನನ್ನ ಮೇಲೆ ಕೇಸು ದಾಖಲು - ನಳಿನ್‌ಕುಮಾರ್ ಕಟೀಲು, ದ.ಕ. ಲೋಕಸಭಾ ಬಿಜೆಪಿ ಅಭ್ಯರ್ಥಿ
  ಮಂಗಳೂರಿಗೆ ಬೆಂಕಿ ಹಚ್ಚುವುದು ಜನಪರ ಹೋರಾಟದ ಭಾಗವೇ ಇರಬೇಕು. 

---------------------
  ನನ್ನ ಗೆಲ್ಲಿಸಿ, ನಿಮ್ಮನೆಗೆ ಬಾಡೂಟಕ್ಕೆ ಬರುವೆ -ಸುಮಲತಾ ಅಂಬರೀಷ್, ಮಂಡ್ಯ ಲೋಕಸಭಾ ಅಭ್ಯರ್ಥಿ
  ಗೆಲ್ಲಿಸಿದ ಬಳಿಕ ಬಾಡೂಟವೂ ಕೊಡಬೇಕೇ?

---------------------
ಕಾಂಗ್ರೆಸ್ ಪ್ರಣಾಳಿಕೆ ದೇಶಕ್ಕೆ ಅಪಾಯಕಾರಿ - ಶೋಭಾ ಕರಂದ್ಲಾಜೆ, ಉಡುಪಿ - ಚಿಕ್ಕಮಗಳೂರು ಲೋಕಸಭಾ ಬಿಜೆಪಿ ಅಭ್ಯರ್ಥಿ
ಸದ್ಯಕ್ಕೆ ನಿಮ್ಮ ನಾಲಿಗೆ ಯಡಿಯೂರಪ್ಪರ ಪಾಲಿಗೆ ಮುಳುವಾಗಿದೆ.

---------------------

ಮೋದಿ ಹೃದಯಹೀನ ಪ್ರಧಾನಿ - ಕುಮಾರಸ್ವಾಮಿ, ಮುಖ್ಯಮಂತ್ರಿ
ಪ್ರಧಾನಿಯಾಗಲು ಅದುವೇ ಅರ್ಹತೆಯಂತೆ.

---------------------

ಸಮ್ಮಿಶ್ರ ಸರಕಾರದ್ದು ಬಲವಂತದ ಮದುವೆ - ಜಗದೀಶ್ ಶೆಟ್ಟರ್, ಮಾಜಿ ಮುಖ್ಯಮಂತ್ರಿ
ವಧುವನ್ನು ನಿಮ್ಮಿಂದ ಅಪಹರಿಸಿದ ದುಃಖ ಇನ್ನೂ ಮುಗಿದಂತಿಲ್ಲ.

---------------------
ಕೇಂದ್ರದಲ್ಲಿ ಬಿಜೆಪಿ ಗೆದ್ದರೆ ಬಜರಂಗದಳ ವಿಸ್ತರಣೆಗೆ ಬದ್ಧ - ಸುನೀಲ್‌ಕುಮಾರ್, ಶಾಸಕ
ಬಜರಂಗದಳ ಅಂದರೆ ಅರ್ಧದಲ್ಲಿ ನಿಂತ ಪಂಪ್‌ವೆಲ್‌ನ ಫ್ಲೈ ಓವರ್‌ಬ್ರಿಡ್ಜ್‌ನ ಇನ್ನೊಂದು ಹೆಸರೇ?

---------------------

ಸಿಎಂ ಕುಮಾರಸ್ವಾಮಿ ಎರಡು ತಲೆ ಹಾವು - ಶೋಭಾ ಕರಂದ್ಲಾಜೆ, ಉಡುಪಿ - ಚಿಕ್ಕಮಗಳೂರು ಲೋಕಸಭಾ ಬಿಜೆಪಿ ಅಭ್ಯರ್ಥಿ
ಎರಡು ನಾಲಗೆಗಿಂತ ವಾಸಿ.

---------------------
ಬಿಜೆಪಿ ಸಿದ್ಧ್ದಾಂತ ಒಪ್ಪದವರು ದೇಶ ದ್ರೋಹಿಗಳಲ್ಲ - ಎಲ್.ಕೆ.ಅಡ್ವಾಣಿ, ಬಿಜೆಪಿ ಹಿರಿಯ ಮುಖಂಡ
ತಾವು ದೇಶದ್ರೋಹಿಯಲ್ಲ ಎನ್ನುವುದನ್ನು ಈ ಮೂಲಕ ಹೇಳಿಕೊಂಡಿದ್ದೀರಿ.

---------------------
ಮಂಡ್ಯ ಜನರ ಕೈಯಲ್ಲಿ ನನ್ನ ಹಣೆಬರಹ - ಸುಮಲತಾ ಅಂಬರೀಷ್, ಮಂಡ್ಯ ಲೋಕಸಭಾ ಅಭ್ಯರ್ಥಿ
ಮಂಡ್ಯದ ಜನರ ಹಣೆಬರಹ ಯಾರ ಕೈಯಲ್ಲಿದೆಯೋ?

---------------------

ಜೆಡಿಎಸ್ ಮುಗಿಸಲು ಸಿದ್ದರಾಮಯ್ಯ ತೋಡಿದ್ದಾರೆ ಖೆಡ್ಡಾ - ಆರ್.ಅಶೋಕ್, ಮಾಜಿ ಉಪಮುಖ್ಯಮಂತ್ರಿ
ಆದರೆ ಅದರಲ್ಲಿ ಹೋಗಿ ಬಿಜೆಪಿಯೇಕೆ ಬಿದ್ದದ್ದು?

---------------------

ಪದವಿ ಇಲ್ಲದಿದ್ದರೂ ಪಕ್ಷಕ್ಕೆ ದುಡಿಯುತ್ತೇನೆ - ಬಿ.ಎಸ್.ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ
ಪದವಿ ತ್ಯಜಿಸುವುದೇ ನೀವು ಪಕ್ಷಕ್ಕೆ ಮಾಡುವ ಅತಿ ದೊಡ್ಡ ಉಪಕಾರವಂತೆ.

---------------------

ವಂಶ ರಾಜಕಾರಣ ಚರ್ಚೆಯಾಗಲಿ - ಎಚ್.ಡಿ.ದೇವೇಗೌಡ, ಮಾಜಿ ಪ್ರಧಾನಿ

ಕೊನೆಯಾಗಲಿ ಎಂದಿದ್ದರೆ ಅರ್ಥಪೂರ್ಣವಾಗುತ್ತಿತ್ತು.

---------------------

ದಕ್ಷಿಣ ಭಾರತದಲ್ಲಿ ಕರ್ನಾಟಕದ ಕರಾವಳಿ ಬಿಜೆಪಿಯ ಗರ್ಭಗುಡಿ - ತಾರಾ, ವಿಧಾನ ಪರಿಷತ್ ಸದಸ್ಯೆ
ಮುಟ್ಟಾದವರು ಪ್ರವೇಶಿಸಬಾರದಂತೆ.

---------------------

ರಾಜಕೀಯ ಬದಲಾವಣೆಗೆ ಪ್ರಯತ್ನ ಅಗತ್ಯ - ಉಪೇಂದ್ರ, ನಟ
ಒಂದು ಹೊಸ ಸಿನೆಮಾ ಮಾಡಿ ಅದರೊಳಗೆ ರಾಜಕೀಯವನ್ನು ಬದಲಾಯಿಸಿ. 

---------------------
ಸಂಸತ್ತಿನಲ್ಲಿ ಮಾತನಾಡದವರು ಬಿಜೆಪಿ ಅಭ್ಯರ್ಥಿ - ಇಲ್ಯಾಸ್ ತುಂಬೆ, ದ.ಕ. ಲೋಕಸಭಾ ಎಸ್‌ಡಿಪಿಐ ಅಭ್ಯರ್ಥಿ
ಸದ್ಯಕ್ಕೆ ಬೀದಿಯಲ್ಲಿ ಮಾತನಾಡುವವನೇ ಮಹಾ ಶೂರ.

---------------------

ಸೇನೆ ಮೋದಿಯದ್ದು ಎಂಬಾತ ದೇಶದ್ರೋಹಿ - ವಿ.ಕೆ.ಸಿಂಗ್, ಕೇಂದ್ರ ಸಚಿವ
ಆ ದೇಶದ್ರೋಹಿಗಳ ಜೊತೆಗೆ ನಿಮಗೇನು ಕೆಲಸ?

---------------------

ಕಾಂಗ್ರೆಸ್ ಪ್ರಣಾಳಿಕೆ ಪಾಕ್‌ಗೆ ಪೂರಕ - ಪ್ರಹ್ಲಾದ್ ಜೋಶಿ, ಸಂಸದ
ಬಿಜೆಪಿ ಪ್ರಣಾಳಿಕೆಯನ್ನು ಇಮ್ರಾನ್ ಖಾನ್ ಸಿದ್ಧಪಡಿಸಿರುವ ಕುರಿತಂತೆ ವದಂತಿಗಳಿವೆ.

---------------------

ನಾನು, ಡಿಕೆಶಿ ಇರುವವರೆಗೆ ಸರಕಾರಕ್ಕಿಲ್ಲ ಆಪತ್ತು - ಕುಮಾರಸ್ವಾಮಿ, ಮುಖ್ಯಮಂತ್ರಿ
ಆಪತ್ತುಗಳೆಲ್ಲ ಜನರಿಗೆ.

---------------------

ಬಿಜೆಪಿ ಗೆದ್ದರೆ ಭಾರತದ ಜತೆ ಮಾತುಕತೆ ಸಾಧ್ಯ - ಇಮ್ರಾನ್‌ಖಾನ್, ಪಾಕಿಸ್ತಾನ ಪ್ರಧಾನಿ
ತಮ್ಮ ಹೆಸರಿನ ಹಿಂದೆ ಚೌಕಿದಾರ್ ಎಂದು ಬರೆದುಕೊಳ್ಳಬಹುದಲ್ಲ?
---------------------

ರಾಮ ಮಂದಿರ ನಿರ್ಮಾಣಕ್ಕೆ ಮುಸ್ಲಿಮರ ವಿರೋಧವಿಲ್ಲ - ಝಮೀರ್ ಅಹ್ಮದ್ ಖಾನ್, ಸಚಿವ
ಮುಸ್ಲಿಮರ ವಿರೋಧ ಏನಿದ್ದರೂ ನಿಮ್ಮ ವಿರುದ್ಧ ಮಾತ್ರ.

---------------------

ಹಿಂದೂಗಳು, ಬೌದ್ಧರನ್ನು ಹೊರತುಪಡಿಸಿ ಎಲ್ಲ ನುಸುಳುಕೋರರನ್ನು ಹೊರದಬ್ಬುತ್ತೇವೆ - ಅಮಿತ್ ಶಾ, ಬಿಜೆಪಿ ರಾಷ್ಟ್ರಾಧ್ಯಕ್ಷ
ಆರ್ಯರನ್ನು ಹೊರದಬ್ಬುವುದಕ್ಕೆ ಆರೆಸ್ಸೆಸ್ ಅನುಮತಿ ಕೊಟ್ಟೀತೆ?

---------------------

ಮೋದಿ ಪ್ರಧಾನಿಯಾದರೆ ನಾನು ರಾಜಕೀಯ ನಿವೃತ್ತಿ - ಎಚ್.ಡಿ.ರೇವಣ್ಣ , ಸಚಿವ
ನೀವು ನಿವೃತ್ತಿಯಾಗುವುದಾದರೆ ನಾವು ಮೋದಿಯನ್ನು ಪ್ರಧಾನಿ ಮಾಡಲು ಸಿದ್ಧ ಎಂದರಂತೆ ಜನತೆ.

---------------------

ಮೋದಿ ಹೆಸರಲ್ಲಿ ಮತ ಕೇಳಲು ಸಂಕೋಚ ಇಲ್ಲ - ಮಾಳವಿಕಾ, ಬಿಜೆಪಿ ಸದಸ್ಯೆ
ಬಿಜೆಪಿಗೆ ಸೇರಿದ ಮೇಲೆ ಸಂಕೋಚಕ್ಕೆಲ್ಲಿ ಜಾಗ?

---------------------

ಕಲ್ಲೆಸೆದು ನನ್ನ ಮೇಲೆ ಗೂಬೆ ಕೂರಿಸುತ್ತಾರೆ - ಕುಮಾರಸ್ವಾಮಿ, ಮುಖ್ಯಮಂತ್ರಿ
ಕೂರಿಸಿದ ಗೂಬೆಯನ್ನು ಓಡಿಸುವುದಕ್ಕಾಗಿ ಕಲ್ಲೆಸೆದಿರಬೇಕು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top