ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

ನನ್ನನ್ನು ಬಿಟ್ಟು ಎಲ್ಲರಿಗೂ ಸಿಎಂ ಆಗುವ ಅರ್ಹತೆ ಇದೆ - ಯು.ಟಿ. ಖಾದರ್, ಸಚಿವ

ಅನರ್ಹತೆಯೇ ಸಿಎಂ ಆಗಲು ಇರುವ ಅರ್ಹತೆ ಎನ್ನುವ ಗುಟ್ಟು ಗೊತ್ತಾಗಿರಬೇಕು.

---------------------

ಮಮತಾ, ಮಾಯಾವತಿ ಮತ್ತು ಚಂದ್ರಬಾಬು ನಾಯ್ಡು ಪ್ರಧಾನಿ ಹುದ್ದೆಗೆ ಉತ್ತಮ ಆಯ್ಕೆ - ಶರದ್ ಪವಾರ್, ಎನ್‌ಸಿಪಿ ಅಧ್ಯಕ್ಷ
  ನೀವೊಬ್ಬರೇ ಆಯ್ಕೆ ಮಾಡಿದರೆ ಸಾಕಾಗುವುದಿಲ್ಲವಲ್ಲ?
---------------------

ನಮ್ಮದು ಹಿಟ್ಲರ್ ಆಡಳಿತವಲ್ಲ - ದಿನೇಶ್ ಗುಂಡೂರಾವ್, ಕೆಪಿಸಿಸಿ ಅಧ್ಯಕ್ಷ
ತಮ್ಮ ತಂದೆ ಗುಂಡೂರಾವ್ ಕಾಲದ ಆಡಳಿತ ಎನ್ನುತ್ತಿದ್ದೀರಾ?
---------------------
 

ಮೋದಿ ಯಾವತ್ತೂ ಜಾತಿ ರಾಜಕಾರಣ ಮಾಡಿಲ್ಲ - ಅರುಣ್ ಜೇಟ್ಲಿ, ಕೇಂದ್ರ ಸಚಿವ
ಅವರದೇನಿದ್ದರೂ ಅಂಬಾನಿ ರಾಜಕಾರಣ.

---------------------
  
ರಾಷ್ಟ್ರೀಯತೆಯನ್ನು ಮಾಧ್ಯಮಗಳ ಮೂಲಕ ಬಿಜೆಪಿ ಮಾರಾಟ ಮಾಡುತ್ತಿದೆ - ಪಿ. ಚಿದಂಬರಂ, ಕಾಂಗ್ರೆಸ್ ನಾಯಕ
ಮಾರಾಟಕ್ಕಿರುವ ಮಾಧ್ಯಮಗಳ ಮೂಲಕ ಮಾರಾಟ.

---------------------

ಭಾರತದಲ್ಲಿ ಚುನಾವಣೆ ಬಳಿಕ ಉಭಯ ರಾಷ್ಟ್ರಗಳ ಸಂಬಂಧದಲ್ಲಿ ಸುಧಾರಣೆ ಕಂಡು ಬರಲಿದೆ - ಇಮ್ರಾನ್ ಖಾನ್, ಪಾಕ್ ಪ್ರಧಾನಿ

ಅಂದರೆ ಚುನಾವಣೆ ಮುಗಿಯುವವರೆಗೆ ಸಂಬಂಧ ಸುಧಾರಣೆ ಬೇಡ ಎಂದು ಉಭಯ ದೇಶಗಳ ನಡುವೆ ಒಪ್ಪಂದವಾಗಿದೆಯೇ?

---------------------

ವಿಭಜಕ ಶಕ್ತಿಗೆ ಬೆಂಬಲ ನೀಡುವುದು ದೇಶದ್ರೋಹ - ಅಮಿತ್ ಶಾ, ಬಿಜೆಪಿ ಅಧ್ಯಕ್ಷ

ನಿಮ್ಮನ್ನು ಅಧಿಕಾರಕ್ಕೇರಿಸಿದಾಗಲೇ ಜನರಿಗೆ ಅದು ಅರ್ಥವಾಗಿದೆ.

---------------------
ನಾನು ಇನ್ನು ಮುಂದೆ ಪತ್ರಕರ್ತರೊಂದಿಗೆ ಮಾತನಾಡುವುದಿಲ್ಲ - ಕುಮಾರಸ್ವಾಮಿ, ಮುಖ್ಯಮಂತ್ರಿ
ವೌನಕ್ಕೂ ಸಾವಿರ ಅರ್ಥಗಳನ್ನು ಹುಡುಕಿ ಬರೆಯುತ್ತಾರೆ ಪತ್ರಕರ್ತರು.

---------------------

ನನಗೆ ಸಮೀಕ್ಷೆಗಳಲ್ಲಿ ನಂಬಿಕೆ ಇಲ್ಲ - ಸುಮಲತಾ ಅಂಬರೀಷ್, ಮಂಡ್ಯ ಲೋಕಸಭೆ ಕ್ಷೇತ್ರದ ಪ. ಅಭ್ಯರ್ಥಿ

ರಾಜಕೀಯದಲ್ಲಿ ಯಾವುದನ್ನೂ ನಂಬಬಾರದು. ನಿರಾಸೆ ಖಚಿತ.

---------------------

ಮೀಸಲಾತಿ ತೆಗೆದು ಹಾಕುವ ಶಕ್ತಿ ಈ ಭೂಮಿಯ ಮೇಲೆ ಯಾರಿಗೂ ಇಲ್ಲ - ನಿತೀಶ್ ಕುಮಾರ್, ಬಿಹಾರ ಸಿಎಂ
ಅದಕ್ಕಾಗಿಯೇ ಮೋದಿಯವರು ತಮ್ಮನ್ನು ಬಳಸಿಕೊಳ್ಳುತ್ತಿರುವುದು.

---------------------

ಸಂವಿಧಾನದಲ್ಲಿ ಪರಂಪರೆ ಇಲ್ಲ - ಎಸ್.ಎಲ್. ಭೈರಪ್ಪ, ಸಾಹಿತಿ
ಆದುದರಿಂದಲೇ ಅದು ಸರ್ವರಿಗೂ ನ್ಯಾಯ ಕೊಟ್ಟಿರುವುದು.

---------------------
 ದೇಶದ ಸಂವಿಧಾನವನ್ನು ಗೌರವಿಸಿ - ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಭೈರಪ್ಪರಿಗೆ ಕರೆಯೇ?
---------------------

ಕಳ್ಳ ವೋಟು ಹಾಕಿಸಿಕೊಂಡು ನಾನು ಶಾಸಕನಾಗಿಲ್ಲ - ಪ್ರೀತಂ ಗೌಡ, ಶಾಸಕ
ಹಾಗಾದರೆ ಕಳ್ಳ ನೋಟು ಕೆಲಸ ಮಾಡಿರಬೇಕು.

---------------------

ಸಚಿವ ಸತೀಶ್ ಜಾರಕಿಹೊಳಿ ಸಾಹುಕಾರ, ನಾನು ಪ್ರಜೆ - ಡಿ.ಕೆ. ಶಿವಕುಮಾರ್, ಸಚಿವ

ಚುನಾವಣೆಯ ಹೊತ್ತಿನಲ್ಲಿ ಈ ಪ್ರಜೆಯೇ ಸಾಹುಕಾರ ಎಂಬ ನಂಬಿಕೆಯ ಮೇಲೆ ಹೇಳಿಕೆ.

--------------------
 ಬಿಜೆಪಿಗೆ ವೋಟು ಹಾಕಿದ್ದರಿಂದ ಎಸೆಸೆಲ್ಸಿಯಲ್ಲಿ ಕರಾವಳಿಗೆ ಹಿನ್ನೆಡೆಯಾಗಿದೆ - ಎಚ್.ಡಿ. ರೇವಣ್ಣ, ಸಚಿವ

ಫಲಿತಾಂಶಕ್ಕೆ ಮೊದಲೇ ನಿಮಗೆ ಗೊತ್ತಾದದ್ದು ಹೇಗೆ?

 ---------------------

ಕಾಂಗ್ರೆಸಿಗರು ನನ್ನನ್ನು ಕೊಲ್ಲುವ ಕನಸು ಕಾಣುತ್ತಿದ್ದಾರೆ - ನರೇಂದ್ರ ಮೋದಿ, ಪ್ರಧಾನಿ
ಅದಾನಿ, ಆಂಬಾನಿಯಿಂದ ತಮ್ಮನ್ನು ಕೊಳ್ಳುವ ಕೆಲಸ ಯಾವತ್ತೋ ಆಗಿದೆ.

---------------------

ಕಾಂಗ್ರೆಸ್ ಹಾಗೂ ಜೆಡಿಎಸ್ ಕಾರ್ಯಕರ್ತರೂ ನನಗೇ ಮತ ಹಾಕಿದ್ದಾರೆ - ಪ್ರತಾಪ ಸಿಂಹ, ಸಂಸದ

ಆದರೆ ಬಿಜೆಪಿ ಕಾರ್ಯಕರ್ತರು ಹಾಕಿರುವುದರ ಕುರಿತಂತೆ ಅನುಮಾನ ಇದೆ.

---------------------

  ಮೋದಿ ಇದ್ದರೆ ಎಲ್ಲವೂ ಸಾಧ್ಯ - ಅರುಣ್ ಜೇಟ್ಲಿ, ಕೇಂದ್ರ ಸಚಿವ

ಅಂದರೆ ಮೋಸ, ವಂಚನೆ ಎಲ್ಲವೂ.

---------------------

ದಾರಿ ತಪ್ಪಿದ ಮಕ್ಕಳನ್ನು ತಿದ್ದಬಹುದು. ಆದರೆ ದಾರಿತಪ್ಪಿಸಲೆಂದೇ ಹುಟ್ಟಿದ ಮಕ್ಕಳನ್ನು ತಿದ್ದಲಾಗದು - ಜಗ್ಗೇಶ್, ನಟ
 ತಮ್ಮನ್ನು ಬಿಜೆಪಿ ತಿದ್ದುವಲ್ಲಿ ವಿಫಲವಾದ ಕಾರಣ ತಿಳಿಯಿತು.

---------------------
ಕತ್ತಲಲ್ಲಿ ಕುಳಿತು ಕಲ್ಲು ಎಸೆಯುವ ವ್ಯಕ್ತಿ ನಾನಲ್ಲ - ರಮೇಶ್ ಜಾರಕಿಹೊಳಿ, ಶಾಸಕ
  ಅಂದರೆ ಹಗಲಲ್ಲೇ ಕಲ್ಲೆಸೆಯುವೆ ಎಂಬ ಬೆದರಿಕೆಯೇ?
---------------------

ಮುಸ್ಲಿಮರು ನನಗೆ ಮತ ನೀಡದಿದ್ದರೂ ಅವರ ಕೆಲಸ ಮಾಡಿಕೊಡುತ್ತಿದ್ದೇನೆ - ವರುಣ್‌ಗಾಂಧಿ, ಸಂಸದ
  ಮಗನಿಂದ ಕೆಲವೊಮ್ಮೆ ತಾಯಂದಿರು ಕಲಿಯಲಿಕ್ಕಿದೆ ಎನ್ನುವುದನ್ನು ಮೇನಕಾ ಗಾಂಧಿ ಅರ್ಥ ಮಾಡಿಕೊಂಡಾರೇ.
---------------------
ಕೇರಳಕ್ಕೆ ಧರ್ಮ ರಾಜಕಾರಣದ ಅಗತ್ಯವಿದೆ - ನಳಿನ್‌ಕುಮಾರ್ ಕಟೀಲು, ಸಂಸದ
  ಮಂಗಳೂರಿಗೆ ತುರ್ತಾಗಿ ಪಂಪ್‌ವೆಲ್ ಬ್ರಿಡ್ಜ್‌ನ ಅಗತ್ಯವಿದೆ.
---------------------

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top