ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

ಮೋದಿ ಸಂಪುಟದಲ್ಲಿ ಕೆಲಸ ಮಾಡುವುದೇ ಒಂದು ದೊಡ್ಡ ಸಾಧನೆ -ಸುರೇಶ್ ಅಂಗಡಿ, ಕೇಂದ್ರ ಸಚಿವ   
ಅಲ್ಲಿ ಕೆಲಸ ಮಾಡುವವರನ್ನು ಉಳಿಸಿಕೊಳ್ಳುವ ಪದ್ಧತಿಯಿಲ್ಲ. ಭೋಪರಾಕ್ ಹೇಳುತ್ತಾ ಒಟ್ಟಿಗಿದ್ದರೆ ಸಾಕು.

---------------------

ಸಿಂಹ ಹುಲಿಗಳಿಗಿಂತಲೂ ಗೋವಿನ ಸಂತತಿ ಕಡಿಮೆಯಾಗಿದೆ - ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಸಿಂಹ, ಹುಲಿಗಳ ಸಂತತಿ ಕಡಿಮೆಯಾಗಿರುವುದು ಮುಸ್ಲಿಮರು ಅದನ್ನು ಭಕ್ಷಿಸಿದ ಕಾರಣಕ್ಕೆ ಎಂದು ಇನ್ನೂ ಆರೋಪಿಸಿಲ್ಲವೇ?

---------------------
ರಾಜ್ಯದಲ್ಲಿ 35 ಲಕ್ಷಕ್ಕೂ ಅಧಿಕ ಬಿಲ್ಲವರಿದ್ದರೂ ಸೂಕ್ತ ಸ್ಥಾನಮಾನ ಸಿಗುತ್ತಿಲ್ಲ - ಕೋಟ ಶ್ರೀನಿವಾಸ ಪೂಜಾರಿ, ವಿ.ಪ.ಪ್ರತಿಪಕ್ಷನಾಯಕ
ಬಿಜೆಪಿಯೂ ಬೇಕು, ಸ್ಥಾನಮಾನವೂ ಬೇಕು ಎಂದರೆ ಆಗುತ್ತದೆಯೇ? ಮೋದಿ ಪ್ರಧಾನಿಯಾದರೆ ಸಾಕಾಗುವುದಿಲ್ಲವೇ?

---------------------

ನಾನು ಬೆಟ್ ಕಟ್ಟುತ್ತೇನೆ ರಾಜ್ಯದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬರಲಿದೆ - ರೇಣುಕಾಚಾರ್ಯ, ಶಾಸಕ
ಬೆಟ್ಟಿಂಗ್ ಮಾಫಿಯಾದ ರಾಜ ಎನ್ನುವುದನ್ನು ಅಧಿಕೃತವಾಗಿ ಘೋಷಿಸಿದಂತಾಗಿದೆ.

---------------------

ಒಳ್ಳೆಯ ನೆನಪುಗಳು ನಮ್ಮಲ್ಲಿರುವ ಉತ್ಸಾಹವನ್ನು ಮತ್ತಷ್ಟ್ಟು ಹೆಚ್ಚಿಸುವ ಟಾನಿಕ್ ಇದ್ದ ಹಾಗೆ - ಸಂಜಯ್‌ದತ್, ನಟ
ಕೆಲವು ಟಾನಿಕ್‌ಗಳು ಕೆಟ್ಟ ನೆನಪುಗಳನ್ನಷ್ಟೇ ಕೆದಕುತ್ತವೆ.

---------------------

ಮಹಾದಾಯಿ ಸಮಸ್ಯೆಗೆ ಒಗ್ಗಟ್ಟೇ ಮದ್ದು - ಪ್ರಹ್ಲಾದ್ ಜೋಷಿ, ಕೇಂದ್ರ ಸಚಿವ
ಈ ಕುರಿತಂತೆ ಮೊದಲು ಬಿಜೆಪಿ ಸಂಸದರು ಒಗ್ಗಟ್ಟಾಗಬೇಕಾಗಿದೆ.

---------------------

ಬಿಜೆಪಿ ರಾಜಕೀಯದೊಂದಿಗೆ ಧರ್ಮ ಬೆರೆಸುತ್ತಿದೆ - ಮಮತಾ ಬ್ಯಾನರ್ಜಿ, ಪ.ಬಂಗಾಳ ಮುಖ್ಯಮಂತ್ರಿ
ಎಡಪಂಥೀಯರು ಚಿಯರ್ಸ್‌ ಎಂದು ಅದನ್ನು ಕುಡಿಯ ಹೊರಟಿದ್ದಾರೆ.

---------------------

ಸಂಸದನಾಗಿ ಜಿಲ್ಲೆಯ ಜನರಿಗೆ ಗೌರವ ತರುವ ನಿಟ್ಟಿನಲ್ಲಿ ಕೆಲಸ ಮಾಡುತ್ತೇನೆ - ನಳಿನ್‌ಕುಮಾರ್ ಕಟೀಲು, ಸಂಸದ
ಈವರೆಗೆ ಅಗೌರವ ತರುವ ನಿಟ್ಟಿನಲ್ಲಿ ಕೆಲಸ ಮಾಡಿರುವುದನ್ನು ಒಪ್ಪಿಕೊಂಡಂತಾಯಿತು.

---------------------

ದಿ ಹೇರಿಕೆಗೆ ಅಡ್ಡಿ ಮಾಡುವವರು ಮೊದಲು ರಾಜ್ಯದಲ್ಲಿ ಕನ್ನಡ ಕಡ್ಡಾಯ ಮಾಡಲಿ - ಶೋಭಾ ಕರಂದ್ಲಾಜೆ, ಸಂಸದೆ
 ಕನ್ನಡ ಕಡ್ಡಾಯ ಕಲಿಯುವುದಕ್ಕೆ ಹಿಂದಿ ಹೇರಿಕೆ ಅಡ್ಡಿಯಾಗಿದೆ ತಾಯಿ.

---------------------

ನಾನೆಂದೂ ಹಿಂಬಾಗಿಲಿನ ರಾಜಕಾರಣ ಮಾಡಿಲ್ಲ - ಬಸವರಾಜ ಹೊರಟ್ಟಿ, ವಿ.ಪ.ಸದಸ್ಯ

ಬಹುಶಃ ಗೋಡೆಗೆ ಕನ್ನ ಕೊರೆದಿರಬೇಕು.

---------------------
ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯರಲ್ಲಿ ಇವಿಎಂ ಬಗ್ಗೆ ಅನುಮಾನ ಪಡುವಷ್ಟು ದಡ್ಡತನ ಇದೆ ಎಂದು ನನಗೆ ಈ ತನಕ ಗೊತ್ತಿರಲಿಲ್ಲ - ಸಿ.ಟಿ.ರವಿ, ಶಾಸಕ
ಅಂದರೆ ಅನುಮಾನದ ಅಗತ್ಯವಿಲ್ಲ, ನೇರವಾಗಿ ಆರೋಪ ಮಾಡಬೇಕಿತ್ತು ಎನ್ನುವ ಸಲಹೆಯೇ?

---------------------

ನಾನು ಕಾಂಗ್ರೆಸ್‌ನ ನಿಷ್ಠಾವಂತ ಸಿಪಾಯಿ - ರೋಷನ್‌ ಬೇಗ್, ಮಾಜಿ ಸಚಿವ
ಆದರೆ ಶತ್ರುಗಳಿಗೆಂದು ಬಿಟ್ಟ ಬಾಣ ಇರಿದದ್ದು ಕಾಂಗ್ರೆಸನ್ನು.

---------------------

ಪುರಾವೆ ಇಲ್ಲದೆ ಇವಿಎಂ ದೂಷಿಸುವುದು ಸರಿಯಲ್ಲ - ಶಶಿತರೂರು, ಸಂಸದ
  ಪುರಾವೆಗಳ ನಾಶವನ್ನಾದರೂ ಪ್ರಶ್ನಿಸಬೇಕಲ್ಲ?

---------------------

ಸಿನೆಮಾದಲ್ಲಿ ಡ್ಯೂಪ್‌ಗಿಂತ ರಿಯಲ್ ಸ್ಟಂಟ್ ಮಾಡುವುದು ನನಗೆ ಇಷ್ಟ - ಅಕ್ಷಯ್‌ಕುಮಾರ್, ನಟ
ಮೋದಿ ಸಂದರ್ಶನದಲ್ಲಿ ಡ್ಯೂಪ್ ಬಳಸದೆ ನಟಿಸಿರುವುದು ಅದ್ಭುತವಾಗಿತ್ತು.

---------------------

ಯಡಿಯೂರಪ್ಪ ಕಾಂಗ್ರೆಸ್‌ಗೆ ಬಂದರೆ ಮುಖ್ಯಮಂತ್ರಿಯಾಗಲು ಸಹಾಯ ಮಾಡುತ್ತೇನೆ - ಎಂ.ಬಿ.ಪಾಟೀಲ್, ಸಚಿವ
ಈಗಾಗಲೇ ಇರುವ ಮುಖ್ಯಮಂತ್ರಿ ಅಭ್ಯರ್ಥಿಗಳೇ ಬಿಜೆಪಿಯ ಬಾಗಿಲು ತಟ್ಟುತ್ತಿದ್ದಾರೆ.

---------------------

ನರೇಂದ್ರ ಮೋದಿ ಜೀವಂತ ಇರುವವರೆಗೆ ಪ್ರಧಾನಿಯಾಗಿರುತ್ತಾರೆ - ಕೆ.ಎಸ್.ಈಶ್ವರಪ್ಪ, ಶಾಸಕ
ಅಲ್ಲಿಯವರೆಗೆ ಬಿಜೆಪಿ ಜೀವಂತವಿರುವುದು ಮಾತ್ರ ಅನುಮಾನ.

---------------------

ಪರಿಸರ ಮಾಲಿನ್ಯಕ್ಕೆ ದುರಾಸೆ ಮತ್ತು ಸಂವೇದನಾರಹಿತ ಮನೋಭಾವವೇ ಮೂಲ ಕಾರಣ - ರವಿಶಂಕರ್ ಗುರೂಜಿ, ಆರ್ಟ್ಸ್ ಆಫ್ ಲಿವಿಂಗ್ ಸಂಸ್ಥಾಪಕ
ಯಮುನಾ ನದಿ ದಂಡೆಯಲ್ಲಿ ತಾವು ಮಾಡಿದ ಪರಿಸರ ಮಾಲಿನ್ಯಕ್ಕೆ ಪಶ್ಚಾತ್ತಾಪವೇ?

---------------------

ಮಹಾಘಟಬಂಧನ್ ಒಂದು ಪ್ರಯೋಗವಾಗಿತ್ತು - ಅಖಿಲೇಶ್‌ಯಾದವ್, ಎಸ್ಪಿ ನಾಯಕ
ಅಪರೇಷನ್ ಯಶಸ್ವಿಯಾಗಿದೆ. ರೋಗಿ ಸತ್ತಿದ್ದಾನೆ.

---------------------

ಕಾಂಗ್ರೆಸ್‌ಗೆ ತಾಕತ್ತಿದ್ದರೆ ದಲಿತರನ್ನು ಮುಖ್ಯಮಂತ್ರಿ ಮಾಡಿ - ಯಡಿಯೂರಪ್ಪ, ಬಿಜೆಪಿ ಅಧ್ಯಕ್ಷ
ನೀವೇಕೆ ದಲಿತ ಮುಖ್ಯಮಂತ್ರಿ ಅಭ್ಯರ್ಥಿಯನ್ನು ಘೋಷಿಸಬಾರದು?

---------------------

ಮೈತ್ರಿ ಇರದಿದ್ದರೆ ಕಾಂಗ್ರೆಸ್ 10 ಸೀಟು ಗೆಲ್ಲುತ್ತಿತ್ತು - ಸುಮಲತಾ ಅಂಬರೀಷ್, ಸಂಸದೆ
ಆದರೆ ಇವಿಎಂ ಮೈತ್ರಿ ಅದಕ್ಕೆ ಅವಕಾಶ ಮಾಡಿಕೊಡುತ್ತಿರಲಿಲ್ಲ ಎಂಬ ಆರೋಪಗಳಿವೆ.

---------------------

ಅಮೆರಿಕದಲ್ಲಿ ಶುದ್ಧ ನೀರು, ಗಾಳಿ ಸಿಗುತ್ತದೆ, ಭಾರತದಲ್ಲಿ ಸಿಗುವುದಿಲ್ಲ - ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ
ಹೌದು, ನಿಮ್ಮ ಹಿತಾಸಕ್ತಿಗಾಗಿ ಅವುಗಳೆಲ್ಲ ನಾಶವಾಗುತ್ತಿವೆ.

---------------------

ಬಡವರು, ದಲಿತರ ಪರ ಧ್ವನಿ ಎತ್ತಿದ್ದಕ್ಕಾಗಿ ನನ್ನನ್ನೂ ಟಾರ್ಗೆಟ್ ಮಾಡಲಾಗುತ್ತಿದೆ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಇತಿಹಾಸದುದ್ದಕ್ಕೂ ಹಲವು ನಾಯಕರು ಅದಕ್ಕಾಗಿ ಟಾರ್ಗೆಟ್ ಆಗಿದ್ದಾರೆ 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top