---

ಓ ಮೆಣಸೇ…!

ರಾಜಕಾರಣಿಗಳಿಗೂ ವೈಯಕ್ತಿಕ ಬದುಕು ಇರುತ್ತದೆ

- ಆರ್.ವಿ ದೇಶಪಾಂಡೆ, ಸಚಿವ

ಸಾರ್ವಜನಿಕವಾಗಿ ಕಾಂಗ್ರೆಸ್, ವೈಯಕ್ತಿಕವಾಗಿ ಆರೆಸ್ಸೆಸ್ ಬದುಕು.

---------------------

ವಿಶ್ವಹಿಂದೂ ಪರಿಷತ್ ‘ಲವ್ ಜಿಹಾದ್’ ಅನ್ನು ವಿರೋಧಿಸುತ್ತದೆಯೇ ವಿನಾ ಅಂತರ್ಧರ್ಮೀಯ ವಿವಾಹವನ್ನಲ್ಲ.

- ಬನ್ಸಲ್, ವಿಎಚ್‌ಪಿ ರಾಷ್ಟ್ರೀಯ ವಕ್ತಾರ

ಪುತ್ತೂರಿನ ಸಾಮೂಹಿಕ ಅತ್ಯಾಚಾರದ ವಿಷಯದಲ್ಲೂ ತಮ್ಮ ನಿಲುವುಗಳನ್ನು ಹೇಳಿ ಬಿಡಿ.

---------------------

ಸಚಿವ ಝಮೀರ್ ಅಹ್ಮದ್ ಖಾನ್‌ರನ್ನು ಪೊಲೀಸರು ಬಂಧಿಸಿ ಲಾಕಪ್‌ನಲ್ಲಿಟ್ಟು ಒದ್ದರೆ ಐಎಂಎ ಲೂಟಿ ಬಯಲಾಗುತ್ತದೆ

- ಕೆ.ಎಸ್. ಈಶ್ವರಪ್ಪ, ಶಾಸಕ

ತಾವು ಮಾಡಿರುವ ಲೂಟಿ ಬಯಲಾಗಬೇಕಾದರೆ ಏನು ಮಾಡಬೇಕು?

---------------------

ಮುಂದಿನ ಐದು ವರ್ಷದ ಅವಧಿಯಲ್ಲಿ ಜಿಲ್ಲೆಗೆ ನೆನಪಿಡುವಂತಹ ಯೋಜನೆ ತರಲಾಗುವುದು.

- ನಳಿನ್ ಕುಮಾರ್ ಕಟೀಲು, ಸಂಸದ

ಪಂಪ್‌ವೆಲ್ ಬ್ರಿಡ್ಜ್ ಪೂರ್ತಿಯಾದರೆ ಅಷ್ಟೇ ಸಾಕು.

---------------------

  

ಕುದ್ರೋಳಿ ಕ್ಷೇತ್ರಕ್ಕೆ ಕಾಲಿಡುವುದಿಲ್ಲ ಎನ್ನುವ ನನ್ನ ಹೇಳಿಕೆ ನನ್ನ ಜೀವನದಲ್ಲಿ ಮಾಡಿರುವ ಅತಿದೊಡ್ಡ ತಪ್ಪು

- ಜನಾರ್ದನ ಪೂಜಾರಿ, ಕಾಂಗ್ರೆಸ್ ನಾಯಕ

ಕಾಂಗ್ರೆಸ್ ಕಚೇರಿಗೆ ಕಾಲಿಡುವುದಿಲ್ಲ ಎಂದಿದ್ದರೆ ಕಾಂಗ್ರೆಸ್‌ಗಾದರೂ ಪ್ರಯೋಜನವಾಗುತ್ತಿತ್ತು.

---------------------

ವೀರಶೈವ ಹಾಗೂ ಲಿಂಗಾಯತರು ಕೂಡಿ ಬೆಳೆದಾಗಲೇ ಸಮಾಜದ ಅಭಿವೃದ್ಧಿ ಸಾಧ್ಯ

- ಜಗದೀಶ್ ಶೆಟ್ಟರ್, ಮಾಜಿ ಮುಖ್ಯಮಂತ್ರಿ

ಬ್ರಾಹ್ಮಣ ಸಮಾಜದ ಅಭಿವೃದ್ಧಿ ಎಂದು ಸ್ಪಷ್ಟವಾಗಿ ಹೇಳಿ.

---------------------

ನಾನು ಈಗ ಮುಖ್ಯಮಂತ್ರಿ ಅಲ್ಲ. ಹಾಗಾಗಿ ಹೆಚ್ಚು ಮಾತನಾಡುವುದಿಲ್ಲ

- ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ

ಭಿನ್ನಮತೀಯರ ಜೊತೆಗೆ ಈಗಾಗಲೇ ಆಡುವುದನ್ನೆಲ್ಲ ಆಡಿ ಮುಗಿಸಿದ್ದೀರಿ ಎಂದು ಕಾಣುತ್ತದೆ.

---------------------

ಹತ್ತು ವರ್ಷದೊಳಗೆ ಸಂಸ್ಕೃತಿ, ಸಂಪ್ರದಾಯಗಳಿಗೆ ಭಾರತ ವಿಶ್ವ ಗುರುವಾಗಲಿದೆ.

- ಬನ್ವರಿ ಲಾಲ್ ಪುರೋಹಿತ್, ತಮಿಳುನಾಡು ರಾಜ್ಯಪಾಲ

ಗುಂಪುಹತ್ಯೆ ಸಂಸ್ಕೃತಿಗಾಗಿ ಇರಬೇಕು.

---------------------

ನಾನು ಇನ್ನು ಮುಂದೆ ಯಾವುದೇ ಚುನಾವಣೆಯಲ್ಲಿ ಸ್ಪರ್ಧಿಸುವುದಿಲ್ಲ.

- ದೇವೇಗೌಡ, ಮಾಜಿ ಪ್ರಧಾನಿ

ಜನರು ಗೆಲ್ಲಿಸುವುದಿಲ್ಲ ಎಂದು ಮನವರಿಕೆಯಾದ ಬಳಿಕದ ನಿರ್ಧಾರ ಇರಬೇಕು.

---------------------

ರಾಜಕೀಯ ಸನ್ಯಾಸದ ಚಿಂತನೆಯಲ್ಲಿದ್ದ ನಾನು ಕಾಲಭೈರವನ ಪವಾಡದಿಂದ ಮತ್ತೊಮ್ಮೆ ಮುಖ್ಯಮಂತ್ರಿಯಾದೆ.

- ಕುಮಾರಸ್ವಾಮಿ, ಮುಖ್ಯಮಂತ್ರಿ

ಡಿಕೆಶಿಯವರಿಗೆ ಹೀಗೊಂದು ಹೆಸರಿದೆಯೆ?

---------------------

 ಬಿಜೆಪಿ ವಿಕೆಟ್ ಬೀಳಿಸುವ ಸಾಮರ್ಥ್ಯ ನಮಗೂ ಇದೆ

- ದಿನೇಶ್ ಗುಂಡೂರಾವ್, ಕೆಪಿಸಿಸಿ ಅಧ್ಯಕ್ಷ

ಒಟ್ಟಿನಲ್ಲಿ ವಿಧಾನಸೌಧವನ್ನು ಚಿನ್ನಸ್ವಾಮಿ ಸ್ಟೇಡಿಯಂ ಮಾಡಿ ಬಿಟ್ಟಿರಿ.

---------------------

ಪತ್ರಿಕೆಗಳು ಟೆನ್ಶನ್ ಸೃಪ್ಟಿಸದಿರಲಿ

- ಯು.ಟಿ ಖಾದರ್, ಸಚಿವ

ಪತ್ರಿಕೆ ಓದುವುದನ್ನು ನಿಲ್ಲಿಸಿದರೆ ಆಯಿತು.

---------------------

ಕುಟುಂಬ ಬೇರೆ, ರಾಜಕಾರಣ ಬೇರೆ.

- ಎಂ.ಬಿ. ಪಾಟೀಲ್, ಸಚಿವ

ಆದರೆ ಸದ್ಯಕ್ಕೆ ಎಲ್ಲರೂ ನಡೆಸುತ್ತಿರುವುದು ಕುಟುಂಬಕ್ಕಾಗಿ ರಾಜಕಾರಣ.

---------------------

 ದೋಸ್ತಿ ಜಗಳದಿಂದ ಸರಕಾರ ಬಿದ್ದರೆ ಸುಮ್ಮನೆ ಕೂರಲೂ ನಾವೇನೂ ಸನ್ಯಾಸಿಗಳಲ್ಲ.

- ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

ತಾವು ಸನ್ಯಾಸಿಯಲ್ಲ ಎನ್ನುವುದನ್ನು ಸಾಬೀತು ಮಾಡುವುದಕ್ಕಾಗಿ ಸರಕಾರ ಬೀಳಿಸುವ ಅಗತ್ಯವಿದೆಯೇ?

---------------------

 ನನ್ನನ್ನು ಖರೀದಿಸಲು ಯಾರಿಂದಲೂ ಸಾಧ್ಯವಿಲ್ಲ

- ತನ್ವೀರ್‌ಸೇಠ್, ಶಾಸಕ

ತಮ್ಮ ಬೆಲೆ ದುಬಾರಿಯಿರಬೇಕು.

---------------------

ಯಾರೇ ಆಗಲಿ, ಯಾರ ಮಗನೇ ಆಗಲಿ ದುರಹಂಕಾರ ಸಹಿಸಲ್ಲ.

- ನರೇಂದ್ರ ಮೋದಿ, ಪ್ರಧಾನಿ

ತಮ್ಮಿಂದಲೇ ಕಲಿತ ದುರಹಂಕಾರ ಅದು.

---------------------

 ಸಾರ್ವಜನಿಕ ಜೀವನದಲ್ಲಿರುವವರಿಗೆ ಈಗ ಮೂರುಕಾಸಿನ ಬೆಲೆಯೂ ಇಲ್ಲ.

- ರಮೇಶ್‌ಕುಮಾರ್, ಸ್ಪೀಕರ್

ನಾಲ್ಕು ಕಾಸು ಮಾಡಲು ಬಂದವರಿಗೆ ಮೂರು ಕಾಸಿನ ಬೆಲೆ ಬೇಕಾಗಿಲ್ಲ.

---------------------

 ನಾನು ಎಚ್.ಡಿ. ದೇವೇಗೌಡರ ಹಾದಿಯಲ್ಲೇ ಹೆಜ್ಜೆ ಹಾಕುತ್ತೇನೆ

- ನಿಖಿಲ್‌ಕುಮಾರಸ್ವಾಮಿ, ಜೆಡಿಎಸ್ ಯುವ ಘಟಕದ ನೂತನ ಅಧ್ಯಕ್ಷ

ಆದರೆ ಅವರಷ್ಟು ಚೆನ್ನಾಗಿ ನಟಿಸುವುದು ನಿಮಗೆ ಕಷ್ಟವಾಗಬಹುದು.

---------------------

 ಇನ್ನೊಮ್ಮೆ ಮೋದಿ ಹೆಸರು ಹೇಳಿ ಯಾರಾದರೂ ಮತ ಕೇಳಿದ್ರೆ ಅವರ ಬಾಯಿಗೆ ಬೂಟು ಹಾಕ್ತೇವೆ.

- ಪ್ರಮೋದ್ ಮುತಾಲಿಕ್, ಶ್ರೀರಾಮಸೇನೆ ಅಧ್ಯಕ್ಷ

ಯಾವ ಕಂಪೆನಿಯ ಬೂಟು ಎಂದು ಕೇಳುತ್ತಿದ್ದಾರೆ.

---------------------

 ರಾಜಕಾರಣದಲ್ಲಿ ಗುಮಾನಿ, ಗುಟ್ಟು ಇರಬಾರದು.

- ರಮೇಶ್‌ಕುಮಾರ್, ಸ್ಪೀಕರ್

ಗುಮಾನಿ, ಗುಟ್ಟು ಇದ್ದರೇನೇ ಅದನ್ನು ರಾಜಕೀಯ ಎಂದು ಕರೆಯುವುದು.

---------------------

ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೊದಲು ಕಾಂಗ್ರೆಸ್ ತಟ್ಟೆಯಲ್ಲಿರುವ ಹೆಗ್ಗಣ ಎಣಿಸಲಿ

- ರವಿಕುಮಾರ್, ಬಿಜೆಪಿ ಪ್ರ.ಕಾರ್ಯದರ್ಶಿ

ಅಂದರೆ ತಮ್ಮ ತಟ್ಟೆಯಲ್ಲಿರುವುದು ಕತ್ತೆ ಎಂದು ಒಪ್ಪಿಕೊಂಡಂತಾಯಿತು.

---------------------

ಲಿಂಗಾಯತ ಪ್ರತ್ಯೇಕ ಧರ್ಮದ ಹಿಂದೆ ಮೀಸಲಾತಿಯ ಗುರಿ ಮಾತ್ರ ಇದೆ.

- ವಿಶ್ವೇಶತೀರ್ಥಸ್ವಾಮೀಜಿ, ಪೇಜಾವರಮಠ

ತಾವು ಬ್ರಾಹ್ಮಣ ಪ್ರತ್ಯೇಕ ಧರ್ಮ ಆಂದೋಲನ ಶುರು ಹಚ್ಚಿದರೆ ಆಯಿತು. ನಿಮಗೂ ಮೀಸಲಾತಿ ನೀಡೋಣವಂತೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top