ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

ಆಯಾ ಭಾಗದ ಸಂಪನ್ಮೂಲಗಳು ಆಯಾ ಭಾಗದಲ್ಲೇ ಸದ್ಬಳಕೆಯಾಗಬೇಕು
- ರಾಘವೇಶ್ವರ ಸ್ವಾಮೀಜಿ, ರಾಮಚಂದ್ರಾಪುರ ಮಠ
ಗ್ರಹಸ್ಥಾಶ್ರಮದಲ್ಲಿ ಬಳಕೆಯಾಗಬೇಕಾದ ಸಂಪನ್ಮೂಲಗಳು, ಸನ್ಯಾಸಾಶ್ರಮದಲ್ಲಿ ಬಳಕೆಯಾದರೆ ನ್ಯಾಯಾಲಯದ ಮೆಟ್ಟಿಲೇರಬೇಕಾಗುತ್ತದೆ.

---------------------

ಎಚ್.ಡಿ. ದೇವೇಗೌಡರಿಗೆ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಸಿದ್ದರಾಮಯ್ಯರಿಗೆ ದೇವೇಗೌಡರೇ ದುಶ್ಮನ್
- ಶ್ರೀನಿವಾಸ ಪ್ರಸಾದ್, ಸಂಸದ

ಆದರೆ ಅವರಿಬ್ಬರ ಮೇಲಿನ ದ್ವೇಷಕ್ಕೆ ಸಕಲ ದಲಿತರ ದುಶ್ಮನ್ ಕಟ್ಟಿಕೊಂಡದ್ದು ನಿಮ್ಮ ಅತಿ ದೊಡ್ಡ ತಪ್ಪು.

---------------------

ಎಲ್ಲದಕ್ಕೂ ಹಣೆಯಲ್ಲಿ ಬರೆದಿರಬೇಕು - ಡಿ.ಕೆ.ಶಿವಕುಮಾರ್, ಸಚಿವ
ಕೆಲವೊಮ್ಮೆ ಡೈರಿಯಲ್ಲಿ ಬರೆದು ಸಿಕ್ಕಿ ಹಾಕಿಕೊಳ್ಳುತ್ತಾರೆ.

---------------------

ಚಿಕನ್ ಮತ್ತು ಮೊಟ್ಟೆಯನ್ನು ಸಸ್ಯಾಹಾರ ಎಂದು ಘೋಷಿಸಬೇಕು - ಸಂಜಯ್‌ರಾವತ್, ಶಿವಸೇನೆ ಸಂಸದ
ನೀರುಳ್ಳಿ, ಬೆಳ್ಳುಳ್ಳಿಯನ್ನು ಮಾಂಸಾಹಾರವೆಂದು ಘೋಷಿಸಲು ಇಸ್ಕಾನ್ ಚಳವಳಿ ನಡೆಸುತ್ತಿದೆ.

---------------------

ದೇಶದ ಮೂಲೆ ಮೂಲೆಯಲ್ಲಿ ನೆಲೆಸಿರುವ ಅಕ್ರಮ ವಲಸಿಗರನ್ನು ಪತ್ತೆ ಹಚ್ಚಿ ಗಡಿಪಾರು ಮಾಡಿಯೇ ತೀರುತ್ತೇವೆ - ಅಮಿತ್ ಶಾ, ಕೇಂದ್ರ ಸಚಿವ
ಅಕ್ರಮವಾಗಿ ನೆಲೆಸಿರುವ ಆರ್ಯರನ್ನು ಮೊದಲು ಮಧ್ಯ ಏಶ್ಯಾಕ್ಕೆ ರವಾನಿಸಿ.

---------------------

ಒಳ್ಳೆಯ ರಸ್ತೆ ಬೇಕಿದ್ದರೆ ಟೋಲ್ ಹಣ ಕಟ್ಟಲೇ ಬೇಕು - ನಿತಿನ್ ಗಡ್ಕರಿ, ಕೇಂದ್ರ ಸಚಿವ
ಆದರೆ ಸಮಸ್ಯೆ , ಕೆಟ್ಟ ರಸ್ತೆಗೆ ಟೋಲ್ ಕಟ್ಟಬೇಕಾಗಿರುವುದು.

---------------------

ಮಹಾತ್ಮಾ ಗಾಂಧಿ ರಾಷ್ಟ್ರೀಯ ಉದ್ಯೋಗ ಖಾತ್ರಿ ಯೋಜನೆ ಶಾಶ್ವತವಲ್ಲ - ನರೇಂದ್ರ ಸಿಂಗ್ ತೋಮರ್, ಕೇಂದ್ರ ಸಚಿವ
ಮಹಾತ್ಮಾಗಾಂಧಿಗೆ ಒದಗಿದ ಗತಿಯೇ ಅದಕ್ಕೂ ಒದಗುತ್ತದೆ ಎಂದಾಯಿತು.

---------------------
ಮಾಜಿ ಮುಖ್ಯಮಂತ್ರಿ ಎಸ್. ಎಂ. ಕೃಷ್ಣ ಕಾಂಗ್ರೆಸ್ ಬಿಡಬಾರದಿತ್ತು - ಶ್ರೀನಿವಾಸ ಪ್ರಸಾದ್, ಸಂಸದ
ನೀವು ಅಂಬೇಡ್ಕರ್‌ರನ್ನು ಬಿಡಬಾರದಿತ್ತು.

---------------------

ಬಿಜೆಪಿಯವರು ಮಂಗನ ಟೋಪಿ ಹಾಕುವುದರಲ್ಲಿ ನಿಸ್ಸೀಮರು - ಡಿ.ಕೆ. ಶಿವಕುಮಾರ್, ಸಚಿವ

ಮುಖ್ಯಮಂತ್ರಿ ಹುದ್ದೆಯನ್ನು ಕುಟುಂಬಕ್ಕೆ ಕೊಡುವುದಾದರೆ ನಾವೇ ಹಾಕಿಸಿಕೊಳ್ಳುವುದಕ್ಕೆ ಸಿದ್ಧ ಎಂದರಂತೆ ದೇವೇಗೌಡ.

---------------------

ನಾನು ಯಾವತ್ತೂ ಪಂಚತಾರಾ ಹೊಟೇಲ್‌ನಲ್ಲಿ ಮಲಗಿಲ್ಲ - ಎಚ್.ಡಿ.ರೇವಣ್ಣ , ಸಚಿವ
ನೀವು ಯಾವ ಹೊಟೇಲಲ್ಲಿ, ಯಾರ ಜೊತೆ ಮಲಗಿದ್ದೀರಿ ಎನ್ನುವುದನ್ನು ಹೇಳುವ ಅವಶ್ಯಕತೆ ಪ್ರಜಾಸತ್ತೆಗೆ ಇಲ್ಲ.

---------------------

ಸರಕಾರಿ ಹುದ್ದೆಯ ಆಸೆಗೆ ಬಿದ್ದರೆ ಭವಿಷ್ಯವೇ ಹಾಳಾಗಲಿದೆ - ಪಿ. ವಿಶ್ವನಾಥ ಶೆಟ್ಟಿ, ಲೋಕಾಯುಕ್ತ
ಸರಕಾರವೇ ಹಾಳು ಬಿದ್ದಿರುವಾಗ ಸರಕಾರಿ ಹುದ್ದೆಯನ್ನು ನಂಬುವುದಾದರೂ ಹೇಗೆ?

---------------------

ನಾನು ರಾಜಕೀಯದಲ್ಲಿ ಇರಬೇಕು ಎಂದು ನೆಲ್ಸನ್ ಮಂಡೇಲಾ ಹೇಳಿದ್ದರು - ಪ್ರಿಯಾಂಕಾ ಗಾಂಧಿ ವಾದ್ರಾ, ಕಾಂಗ್ರೆಸ್ ಪ್ರ.ಕಾರ್ಯದರ್ಶಿ
ಆಫ್ರಿಕಾಕ್ಕೆ ತೆರಳಿ ರಾಜಕೀಯ ಮಾಡುವ ಉದ್ದೇಶ ಇದೆಯೇ?

---------------------

ಜನಧನ್ ಯೋಜನೆ ಜಾರಿಗೆ ಬಂದ ನಂತರ ಬಡವರು ಬ್ಯಾಂಕ್ ಸೇವೆ ಪಡೆಯುವಂತಾಯಿತು - ನರೇಂದ್ರ ಮೋದಿ, ಪ್ರಧಾನಿ

 ಅಕೌಂಟ್ ಇದ್ದರೆ ಆಯಿತೆ, ತುಂಬಲು ಹಣ ಬೇಡವೇ?

---------------------

ಭಾರತವು ವಿಶ್ವದಲ್ಲಿಯೇ ಅತ್ಯಂತ ಅಗ್ಗದ ಮೊಬೈಲ್ ಮತ್ತು ಡೇಟಾ ದರಗಳನ್ನು ಹೊಂದಿದೆ - ರವಿ ಶಂಕರ್ ಪ್ರಸಾದ್, ಕೇಂದ್ರ ಸಚಿವ
ಆದರೆ ತಿನ್ನುವ ವಸ್ತುಗಳು ಮಾತ್ರ ದುಬಾರಿಯಾಗಿವೆ.

---------------------

ನಾನು ಕುರ್ಚಿಗೆ ಅಂಟಿಕೊಂಡು ಕುಳಿತು ಕೊಳ್ಳುವವನಲ್ಲ - ಕುಮಾರಸ್ವಾಮಿ, ಮುಖ್ಯಮಂತ್ರಿ
ಸದ್ಯಕ್ಕೆ ಮಂಚಕ್ಕೆ ಅಂಟಿ ಮಲಗುವುದೇ ಗತಿ.

---------------------
ವ್ಯಾಸರಾಯರ ವೃಂದಾವನವನ್ನು ಧ್ವಂಸ ಮಾಡಿರುವುದು ಹಿಂದೂ ಸಮಾಜಕ್ಕೆ ಮಾಡಿದ ಅವಮಾನ - ವಿಶ್ವೇಶ ತೀರ್ಥ ಸ್ವಾಮೀಜಿ, ಪೇಜಾವರ ಮಠ
ದಲಿತರ ಮನೆಗಳನ್ನು ಧ್ವಂಸ ಮಾಡಿದಾಗಲೂ ಇದೇ ಧ್ವನಿಯಲ್ಲಿ ಯಾಕೆ ಪ್ರತಿಭಟಿಸುವುದಿಲ್ಲ?

---------------------

ವಿಐಪಿ ಸಂಸ್ಕೃತಿ ಮತ್ತು ಪ್ರಜಾಪ್ರಭುತ್ವ ಒಟ್ಟಿಗೆ ಇರಲು ಸಾಧ್ಯವಿಲ್ಲ - ಜಯಪ್ರಕಾಶ್ ನಾರಾಯಣ, ಲೋಕ ಸತ್ತಾ ಪಕ್ಷದ ಸಂಸ್ಥಾಪಕ
ಅಂದರೆ ನಿಮಗೆ ವಿಐಪಿ ಸಂಸ್ಕೃತಿ ಮಾತ್ರ ಸಾಕೆಂದು ಅರ್ಥವೇ?

---------------------

ನನಗೆ ಯಾವುದು ಸರಿ ಅನಿಸುತ್ತದೆಯೋ ಅದನ್ನು ನಾನು ಮಾಡಿಯೇ ಮಾಡುತ್ತೇನೆ - ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ
ಅಮೆರಿಕಕ್ಕೆ ಸರಿ ಎನಿಸದಿದ್ದರೂ ಪರವಾಗಿಲ್ಲ.

---------------------

ಬಿಜೆಪಿ ಸದಸ್ಯರೊಂದಿಗೆ ರಾಜಕೀಯಕ್ಕೆ ಮೀರಿದ ಸ್ನೇಹವಿದೆ - ಡಾ.ಜಿ.ಪರಮೇಶ್ವರ್, ಉಪಮುಖ್ಯಮಂತ್ರಿ
ಆದರೆ ಬಿಜೆಪಿಯ ಲಿಂಬಾವಳಿಯಂಥವರಿಂದ ತುಸು ದೂರವಿರಿ.

---------------------
ನನ್ನ ಸಾಲಕ್ಕಾಗಿ ನನ್ನನ್ನು ನಾನು ಅಡಮಾನ ಇಟ್ಟು ಕೊಳ್ಳುವವನಲ್ಲ - ಎಚ್. ವಿಶ್ವನಾಥ್, ಶಾಸಕ
ಅದಕ್ಕಾಗಿ ಸರಕಾರವನ್ನೇ ಅಡಮಾನ ಇಟ್ಟು ಬಿಟ್ಟಿರಿ.

---------------------

ಮೂರೂ ಪಕ್ಷಗಳು(ಕಾಂಗ್ರೆಸ್,ಬಿಜೆಪಿ,ಜೆಡಿಎಸ್) ಸೇರಿ ವಿಪಕ್ಷವಿಲ್ಲದೆ ರಾಜ್ಯದಲ್ಲಿ ಸರಕಾರ ರಚಿಸುವುದು ಉತ್ತಮ - ವಿಶ್ವೇಶ ತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಮೂರು ಬಿಟ್ಟವರು ಎಂಬ ಮಾತು ಆಗ ಅರ್ಥಪೂರ್ಣವಾಗುತ್ತದೆ.

---------------------
ಜನಪ್ರತಿನಿಧಿಗಳಾದ ನಾವು ಅಧಿಕಾರದಲ್ಲಿದ್ದರೂ ಕೆಲಸ ಮಾಡಬೇಕು, ಇಲ್ಲದಿದ್ದರೂ ಕೆಲಸ ಮಾಡಬೇಕು - ಯು.ಟಿ. ಖಾದರ್, ಸಚಿವ
ಆದರೆ ಯಾರ ಕೆಲಸ ಎನ್ನುವುದು ಮಾತ್ರ ಇನ್ನೂ ಸ್ಪಷ್ಟವಿಲ್ಲ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top