ಓ ಮೆಣಸೇ…! | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…!

ಸಂಸಾರವೆಂಬುದು ಬೀಸುವ ಕಲ್ಲಿನಂತೆ - ವಿಶ್ವೇಶ ತೀರ್ಥ ಸ್ವಾಮೀಜಿ, ಪೇಜಾವರ ಮಠ

- ಸನ್ಯಾಸಿಗಳು ಸಂಸಾರದೊಳಗೆ ಕೈ ಹಾಕಿದರೆ ಜನರು ಕಲ್ಲು ಬೀಸುವುದುಂಟು. 

---------------------

ಕಳೆದ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿಯ ಗೆಲುವು ನಿಗೂಢ - ಮಮತಾ ಬ್ಯಾನರ್ಜಿ, ಪ.ಬ.ಮುಖ್ಯಮಂತ್ರಿ

- ಪ.ಬಂಗಾಳದ ಕಮ್ಯುನಿಸ್ಟರು ಮುಸಿಮುಸಿ ನಕ್ಕರಂತೆ. 

---------------------

ಕತ್ತಲೆ ಕವಿದ ಮನಸ್ಸನ್ನು ಬೆಳಕಿನೆಡೆಗೆ ಕೊಂಡೊಯ್ಯುವ ಮಹತ್ತರ ಜವಾಬ್ದಾರಿ ಗುರುವಿಗಿದೆ - ಕಲ್ಲಡ್ಕ ಪ್ರಭಾಕರ ಭಟ್, ಆರೆಸ್ಸೆಸ್ ಮುಖಂಡ

-ಕತ್ತಲೆ ಕಳೆಯಬೇಕಾದರೆ ಕೆಲವು ಜವಾಬ್ದಾರಿಗಳನ್ನು ಪೊಲೀಸ್ ಇಲಾಖೆಗಳು ನಿರ್ವಹಿಸುವ ಅಗತ್ಯವೂ ಇದೆ. 

---------------------

ದೇಶದಲ್ಲಿ ಭಾರೀ ಶ್ರೀಮಂತರ ಸಂಖ್ಯೆ ಬಹಳವೇನೂ ಇಲ್ಲ - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ

-ಭಾರೀ ಬಡವರ ಸಂಖ್ಯೆ ಹೆಚ್ಚಿದೆ ಎನ್ನುವುದೇ ನಮ್ಮ ಹೆಮ್ಮೆ. 

---------------------

ಕಾಶ್ಮೀರಕ್ಕೆ ಸಂಬಂಧಿಸಿ ಭಾರತ-ಪಾಕ್ ನಡುವೆ ಮಧ್ಯಸ್ಥಿಕೆಗೆ ಸಿದ್ಧ - ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ

-ಮೊದಲು ಪಾಕ್ ಮತ್ತು ತಾಲಿಬಾನ್ ನಡುವಿನ ನಿಮ್ಮ ಮಧ್ಯಸ್ಥಿಕೆ ಯಶಸ್ವಿಯಾಗಿ ಮುಗಿಯಲಿ.

---------------------

ಚಂದ್ರಯಾನ- 2ರಿಂದಾಗಿ ಚಂದ್ರನ ಮೇಲ್ಮೈನಲ್ಲಿರುವ ಹೊಸ ವಿಷಯಗಳು ಹೊರಬರಲಿವೆ ಎಂಬ ವಿಶ್ವಾಸವಿದೆ - ರಾಮನಾಥ್ ಕೋವಿಂದ್, ರಾಷ್ಟ್ರಪತಿ

-ಭೂಮಿಯ ಮೇಲ್ಮೈನಲ್ಲಿರುವ ಹಳೆ ಸಮಸ್ಯೆಗಳ ಪರಿಹಾರ ಯಾವಾಗ?

---------------------

ನನ್ನ ತಂದೆಯ ಇಚ್ಛೆಗೆ ವಿರುದ್ಧವಾಗಿ ಹೋಗಿ ಕೆಲವು ತಪ್ಪುಗಳನ್ನು ಮಾಡಿದ್ದರೂ ಒಂದಷ್ಟು ಒಳ್ಳೆಯ ಕೆಲಸ ಮಾಡಿದ ತೃಪ್ತಿ ಇದೆ

- ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ

-ಇಂತಹ ತಪ್ಪುಗಳನ್ನು ಇನ್ನಷ್ಟು ಮಾಡಲಿ ಎಂದು ದೇವೇಗೌಡರು ಒಳಗೊಳಗೆ ಹಂಬಲಿಸುತ್ತಿದ್ದಾರಂತೆ.

---------------------

ಸಹೋದ್ಯೋಗಿಗಳೇ ನನ್ನ ಬೆನ್ನಿಗೆ ಚೂರಿ ಹಾಕಿದ್ದಾರೆ - ಡಿ.ಕೆ. ಶಿವಕುಮಾರ್, ಮಾಜಿ ಸಚಿವ

-ಹಿಂದೆ ಸಿದ್ದರಾಮಯ್ಯ ಅವರಿಗೆ ಹಾಕಿದ್ದ ಚೂರಿಯನ್ನೇ ತೆಗೆದು ನಿಮಗೆ ಹಾಕಿರುವ ಸಾಧ್ಯತೆ ಇದೆ. 

---------------------

ದೇಶದಲ್ಲಿ ವಿಧ್ವಂಸಕ ಕೃತ್ಯಗಳ ಸಂಖ್ಯೆ ಗಣನೀಯವಾಗಿ ಇಳಿಮುಖವಾಗಿದೆ - ಕಿಶನ್‌ರೆಡ್ಡಿ, ಕೇಂದ್ರ ಸಚಿವ

-ಯಾವ ದೇಶದಲ್ಲಿ?

---------------------

ಸರಕಾರದ ಪತನಕ್ಕಿಂತ ಕುದುರೆ ವ್ಯಾಪಾರ ನೋವು ತಂದಿದೆ - ದೇವೇಗೌಡ, ಮಾಜಿ ಪ್ರಧಾನಿ

-ನೋವು ಬೇಡ, ನಡೆದಿರುವುದು ಕತ್ತೆ ವ್ಯಾಪಾರ. 

---------------------

ದೋಸ್ತಿ ಸರಕಾರದ ಸೋಲು ಪ್ರಜಾತಂತ್ರದ ಗೆಲುವು - ಯಡಿಯೂರಪ್ಪ, ಮುಖ್ಯಮಂತ್ರಿ

-ಒಟ್ಟಿನಲ್ಲಿ ತಂತ್ರದ ಗೆಲುವು ಅಷ್ಟೇ. 

---------------------

ರಾಕ್ಷಸ ರಾಜಕಾರಣದ ವಿರುದ್ಧ ಸಾತ್ವಿಕ ರಾಜಕಾರಣ ಮಾಡುವ ನಮ್ಮ ಪ್ರಯತ್ನಕ್ಕೆ ಗೆಲುವಾಗಿದೆ - ಎಚ್. ವಿಶ್ವನಾಥ್, ಶಾಸಕ

-ಸಾತ್ವಿಕ ರಾಜಕಾರಣದ ಗೆಲುವು ಎನ್ನುವುದು ಲಿಂಬಾವಳಿಯವರ ಅಂಬೋಣ.

---------------------

ಯಡಿಯೂರಪ್ಪರನ್ನು ಹೇಗೆ ಕಂಟ್ರೋಲ್ ಮಾಡಬೇಕೆಂದು ನನಗೆ ಗೊತ್ತು - ಎಚ್.ಡಿ. ರೇವಣ್ಣ, ಶಾಸಕ

-ಕುಮಾರಸ್ವಾಮಿಯವರನ್ನು ಕಂಟ್ರೋಲ್ ಮಾಡುವುದಕ್ಕಿಂತ ಸುಲಭ ಎಂದು ಭಾವಿಸಿ ಸರಕಾರ ಉರುಳಿಸಿರಬೇಕು. 

---------------------

ಜಗತ್ತೇ ಪ್ರಳಯವಾದರೂ ಪಕ್ಷದ್ರೋಹ ಮಾಡಿದ ಶಾಸಕರನ್ನು ಪಕ್ಷಕ್ಕೆ ಮತ್ತೆ ವಾಪಸ್‌ತೆಗೆದುಕೊಳ್ಳುವುದಿಲ್ಲ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ

-ನೀವೇ ವಾಪಸ್ ಹೋಗುವ ಸಾಧ್ಯತೆಗಳಿವೆ.

---------------------

ನನ್ನ ಇಷ್ಟು ವರ್ಷದ ರಾಜಕೀಯ ಜೀವನದಲ್ಲಿ ಇದೇ ಪ್ರಥಮ ಬಾರಿಗೆ ಸದನದಲ್ಲಿ ಬಾಯಿ ಮುಚ್ಚಿ ಕುಳಿತಿದ್ದೆ - ಕೆ.ಎಸ್ ಈಶ್ವರಪ್ಪ, ಶಾಸಕ

-ಯಡಿಯೂರಪ್ಪ ಅಧಿಕಾರಾವಧಿಯಲ್ಲಿ ಬಾಯಿ ಬಿಚ್ಚುವುದು ಹೇಗೂ ಇದೆಯಲ್ಲ.

---------------------

ಪಾಕಿಸ್ತಾನದಲ್ಲಿ ಈಗಲೂ 40 ಸಾವಿರ ಉಗ್ರರಿದ್ದಾರೆ - ಇಮ್ರಾನ್ ಖಾನ್, ಪಾಕ್ ಪ್ರಧಾನಿ

-ಶೀಘ್ರದಲ್ಲೇ ನಾವು ಅವರನ್ನು ಮೀರಿಸಲಿದ್ದೇವೆ-ಮೋದಿ ಪ್ರತ್ಯುತ್ತರ

---------------------

ನಮ್ಮ ಶಾಸಕರು ಖರೀದಿಗಿಲ್ಲ - ಕಮಲನಾಥ್, ಮಧ್ಯಪ್ರದೇಶ ಮುಖ್ಯಮಂತ್ರಿ

-ಬೇರೆ ಶಾಸಕರನ್ನು ಖರೀದಿಸಿದವರು ಒಂದಲ್ಲ ಒಂದು ದಿನ ತಮ್ಮ ಶಾಸಕರ ಖರೀದಿಯನ್ನು ಅಸಹಾಯಕರಾಗಿ ನೋಡಬೇಕಾಗುತ್ತದೆ.

---------------------

ಮೈತ್ರಿ ಸರಕಾರ ಪತನ ಗೊಂಡಿದ್ದಕ್ಕೆ ಯಾರೂ ಮತ್ತೆ ಮತ್ತೆ ಶೋಕ ಗೀತೆ ಹಾಡಬಾರದು - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ

-ನಿಮ್ಮ ಅಭಿಮಾನಿಗಳು ವಿಜಯಗೀತೆ ಹಾಡುವ ವದಂತಿಗಳಿವೆ.

---------------------

ನಾನು ಬಿಎಸ್ಪಿ ಬಿಡುವ ಪ್ರಶ್ನೆಯೇ ಇಲ್ಲ - ಎನ್. ಮಹೇಶ್, ಶಾಸಕ

-ಮೂರು ಬಿಟ್ಟಮೇಲೆ, ಬಿಎಸ್ಪಿ ಬಿಟ್ಟರೆಷ್ಟು ಉಳಿಸಿಕೊಂಡರೆಷ್ಟು.

---------------------

ಈ ಬಾರಿ ಎಚ್.ಡಿ. ರೇವಣ್ಣ ಅವರ ನಿಂಬೆ ಹಣ್ಣು ಕೆಲಸ ಮಾಡಲಿಲ್ಲ - ಎ.ಮಂಜು, ಮಾಜಿ ಸಚಿವ

-ಸದ್ಯಕ್ಕೆ ಲಿಂಬಾವಳಿಯವರ ಲಿಂಬೆಯದೇ ಸುದ್ದಿ.

---------------------

ಕರ್ನಾಟಕದಲ್ಲಿ ಸಮ್ಮಿಶ್ರ ಸರಕಾರದ ಪತನ ಪ್ರಜಾಪ್ರಭುತ್ವದ ಕರಾಳ ಅಧ್ಯಾಯ - ಮಾಯಾವತಿ, ಬಿಎಸ್ಪಿ ಅಧ್ಯಕ್ಷೆ

-ಆ ಅಧ್ಯಾಯದ ಮೊದಲ ಪುಟದಲ್ಲೇ ನಿಮ್ಮ ಶಾಸಕರೊಬ್ಬರ ಹೆಸರಿದೆ.

---------------------

ವ್ಯಕ್ತಿಯೊಬ್ಬನನ್ನು ಭಯೋತ್ಪಾದಕನೆಂದು ಘೋಷಿಸುವ ಕಾನೂನು ಅಗತ್ಯವಿದೆ - ಅಮಿತ್ ಶಾ, ಕೇಂದ್ರ ಸಚಿವ

-ಅಂತಹ ಘೋಷಣೆಯೊಂದಕ್ಕೆ ಅರ್ಹರಾದ ವ್ಯಕ್ತಿ ಈಗಾಗಲೇ ಸಂಸದನೆಂಬ ಹೆಸರಲ್ಲಿ ಸಂಸದ್ ಪ್ರವೇಶಿಸಿರುವ ಕುರಿತಂತೆ ವದಂತಿಗಳಿವೆ.

---------------------

ಆಮ್ಲಜನಕ ಸೇವಿಸಿ ಆಮ್ಲಜನಕವನ್ನೇ ಹೊರಬಿಡುವ ಏಕೈಕ ಪ್ರಾಣಿ ಹಸು - ತ್ರಿವೇಂದ್ರ ಸಿಂಗ್, ಉತ್ತರಾಖಂಡ ಮುಖ್ಯಮಂತ್ರಿ

-ಆಮ್ಲಜನಕವನ್ನೇ ಹೊರಗೆ ಬಿಡುವುದಾದರೆ, ಅದು ಆಮ್ಲಜನಕವನ್ನು ಸೇವಿಸುವುದಾದರೂ ಯಾಕೆ?

---------------------

ಅಮೆರಿಕ ಪ್ರವಾಸ ಮುಗಿಸಿ ಹಿಂದಿರುಗಿದಾಗ ಕ್ರಿಕೆಟ್‌ನ ವಿಶ್ವಕಪ್ ಗೆದ್ದು ಬಂದಷ್ಟೇ ಖುಷಿಯಾಯಿತು - ಇಮ್ರಾನ್ ಖಾನ್, ಪಾಕ್ ಪ್ರಧಾನಿ

-ನೀವು ಘೋಷಿಸಿದ ಉಗ್ರರ ಸಂಖ್ಯೆ ವಿಶ್ವಕಪ್‌ನಲ್ಲಿ ಸಂಗ್ರಹಿಸಿದ ರನ್‌ಗಳ ಸಂಖ್ಯೆ ಇರಬಹುದೇ?

---------------------

ನಾವು ಅತೃಪ್ತರಲ್ಲ, ಅಸಹಾಯಕರು - ಶಿವರಾಮ ಹೆಬ್ಬಾರ್, ಶಾಸಕ

-ಹಣದ ಪೆಟ್ಟಿಗೆಯ ಮುಂದೆ ಅಸಹಾಯಕರಾಗಿರಬೇಕು, ಪಾಪ!

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top