ಓ ಮೆಣಸೇ..! | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ..!

ಫೋನ್ ಕದ್ದಾಲಿಸುವವರೂ ಒಂದು ರೀತಿಯ ಭಯೋತ್ಪಾದಕರು - ಎಚ್.ವಿಶ್ವನಾಥ್, ಅನರ್ಹ ಶಾಸಕ

► ಭಯ ಪಡುವಂತಹದೇನನ್ನು ಫೋನಲ್ಲಿ ಮಾತನಾಡಿದ್ದೀರಿ?

---------------------

ಮೋದಿ ಪ್ರಧಾನಿಯಾಗುತ್ತಿದ್ದಂತೆ ಓಲೈಕೆ ರಾಜಕಾರಣ ಕೊನೆಗೊಂಡಿದೆ - ಅಮಿತ್ ಶಾ, ಕೇಂದ್ರ ಸಚಿವ

► ತಮ್ಮದು ಮೋದಿಯ ಓಲೈಕೆಯೇ ಅಲ್ಲವೇ?

---------------------

ಜವಾಹರಲಾಲ್ ನೆಹರೂ ವಿವಿ (ಜೆಎನ್‌ಯು) ಹೆಸರನ್ನು ಬದಲಿಸಿ ಅದಕ್ಕೆ ಪ್ರಧಾನಿ ನರೇಂದ್ರ ಮೋದಿ ಹೆಸರಿಡಿ - ಹನ್ಸ್‌ರಾಜ್‌ಹನ್ಸ್, ಸಂಸದ

► ಸಂವಿಧಾನವನ್ನೇ ಬದಲಿಸ ಹೊರಟವರಿಗೆ ಇದೇನು ಮಹಾ?

---------------------

ಸ್ವಾತಂತ್ರ ದಿನಾಚರಣೆಯಂದು ಪ್ರಧಾನಿ ಮೋದಿ ಮಾಡಿದ ಭಾಷಣ ಅತ್ಯಂತ ಎದೆಗಾರಿಕೆಯಿಂದ ಕೂಡಿದೆ - ಶತ್ರುಘ್ನ ಸಿನ್ಹಾ, ಕಾಂಗ್ರೆಸ್ ನಾಯಕ

► ತಮ್ಮ ಎದೆಗಾರಿಕೆ ಕುಸಿದಿರುವ ಕಾರಣದಿಂದ ಹಾಗೆ ಕಂಡಿರಬೇಕು.

---------------------

ಅಧಿಕಾರ ಹೋದ ಮೇಲೆ ನಾಲಗೆಗೂ ಮೆದುಳಿಗೂ ಸಂಪರ್ಕ ಕಳೆದುಕೊಂ ಕಾಂಗ್ರೆಸ್‌ಗೆ ಮತಿಭ್ರಮಣೆಯಾಗಿದೆ - ಡಿ.ವಿ.ಸದಾನಂದಗೌಡ, ಕೇಂದ್ರ ಸಚಿವ

► ತಮ್ಮ ಪಕ್ಷ ಅಧಿಕಾರ ಗಳಿಸಿದ ಮೇಲೆ ದೇಶದ ಅರ್ಥವ್ಯವಸ್ಥೆ ಯಾಕೆ ಮತಿ ಭ್ರಮಣೆಯಾದಂತೆ ವರ್ತಿಸುತ್ತಿದೆ?

---------------------

ಹಿಂದಿನ ಜನ್ಮದಲ್ಲಿ ಮಾಡಿದ ಪಾಪ ಶಾಪವಾಗಿ, ಪುಣ್ಯವರವಾಗಿ ಈ ಜನ್ಮದಲ್ಲಿ ಮರುಕಳಿಸುತ್ತದೆ - ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ

► ಜಾತೀಯತೆಯ ಪಾಪ ಮುಂದಿನ ಜನ್ಮದಲ್ಲಿ ಏನಾಗಿ ಮರುಕಳಿಸುತ್ತದೆ?

---------------------

ಹಿಂದಿನ ಸರಕಾರದಲ್ಲಿ ಕಳ್ಳರು, ಸುಳ್ಳರು ಸೇರಿಕೊಂಡು ಫೋನ್ ಕದ್ದಾಲಿಸಿದ್ದಾರೆ - ಶ್ರೀರಾಮುಲು, ಶಾಸಕ

► ಕಳ್ಳರು, ಸುಳ್ಳರ ಫೋನನ್ನಷ್ಟೇ ಆಲಿಸಿದ್ದೇವೆ ಎನ್ನುವುದು ಅವರ ಸಮರ್ಥನೆ.

---------------------

ದಲಿತರು ಮುಖ್ಯಮಂತ್ರಿಯಾಗದಿರಲು ಒಗ್ಗಟ್ಟಿಲ್ಲದಿರುವುದೇ ಕಾರಣ - ಡಾ.ಎಲ್.ಹನುಮಂತಯ್ಯ, ಸಾಹಿತಿ

► ಸದ್ಯದ ಸ್ಥಿತಿಯಲ್ಲಿ ದಲಿತರು ಶಾಸಕರಾಗುವುದೇ ಕಷ್ಟ.

---------------------

ಫೋನ್ ಕದ್ದಾಲಿಕೆ ಪ್ರಕರಣವನ್ನು ಅಮೆರಿಕ ಅಧ್ಯಕ್ಷ ಟ್ರಂಪ್ ನೇತೃತ್ವದ ತನಿಖೆಗೂ ಸಿದ್ಧ - ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ

► ಟ್ರಂಪ್ ಫೋನ್‌ನ್ನೂ ಕದ್ದಾಲಿಸಿದ್ದೀರಾ?

---------------------

ನನಗೆ ಮೂರು ಬಾರಿ ಮುಖ್ಯಮಂತ್ರಿಯಾಗುವ ಅವಕಾಶವಿತ್ತು. ಆದರೆ ರಾಜಕೀಯ ಪ್ರಹಸನದಿಂದ ಕೈತಪ್ಪಿ ಹೋಯಿತು -ಡಾ.ಜಿ.ಪರಮೇಶ್ವರ್, ಮಾಜಿ ಡಿಸಿಎಂ

► ಬಿಜೆಪಿ ಸೇರಿ ಮತ್ತೊಮ್ಮೆ ಯಾಕೆ ಅದೃಷ್ಟ ಪರೀಕ್ಷೆ ಮಾಡಬಾರದು?

---------------------

ದೇಶದಲ್ಲಿ ಪ್ರಜಾಪ್ರಭುತ್ವ ವ್ಯವಸ್ಥೆಗೆ ಗಂಡಾಂತರ ಬಂದಿದೆ - ದೇವೇಗೌಡ, ಮಾಜಿ ಪ್ರಧಾನಿ

► ಅದಕ್ಕೆಲ್ಲಾ ಸಿದ್ದರಾಮಯ್ಯ ಅವರೇ ಕಾರಣ ಎಂಬುದು ನಿಮ್ಮ ಆರೋಪವೇ?

---------------------

ನಿರ್ಧಾರಗಳನ್ನು ಹೇಗೆ ತೆಗೆದುಕೊಳ್ಳಬೇಕು ಎಂಬುದನ್ನು 56 ಇಂಚು ಎದೆಯ ನಮ್ಮ ಪ್ರಧಾನಿ ತೋರಿಸಿಕೊಟ್ಟಿದ್ದಾರೆ - ರಾಜನಾಥ್‌ಸಿಂಗ್, ಕೇಂದ್ರ ಸಚಿವ

► ಆ ನಿರ್ಧಾರಗಳ ಪರಿಣಾಮಗಳನ್ನು ಈಗ ದೇಶ ಅನುಭವಿಸುತ್ತಿದೆ.

---------------------

ಬಿಜೆಪಿಯಲ್ಲಿ ಆಂತರಿಕ ಪ್ರಜಾಪ್ರಭುತ್ವವೇ ಇಲ್ಲ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ

► ದೇಶದಲ್ಲಿ ಇದೆ ಎನ್ನುವುದು ನಿಮ್ಮ ನಂಬಿಕೆಯೇ?

---------------------

ನಾನು ಯಾವುದೇ ಸಮಾಜದ್ರೋಹ, ದೇಶ ದ್ರೋಹದ ಕೆಲಸದಲ್ಲಿ ತೊಡಗಿಸಿಕೊಂಡಿಲ್ಲ - ಶೋಭಾ ಕರಂದ್ಲಾಜೆ, ಸಂಸದೆ

► ಯಾವುದಾದರೂ ತನಿಖಾ ಸಂಸ್ಥೆಯಿಂದ ತನಿಖೆ ಮಾಡಿಸೋಣವೇ?

---------------------

ಈ ವರ್ಷದ ದೀಪಾವಳಿಗೆ ಮೊದಲು ಅಯೋಧ್ಯೆಯಲ್ಲಿ ಶ್ರೀರಾಮಮಂದಿರ ನಿರ್ಮಿಸಲಾಗುವುದು - ನಳಿನ್‌ಕುಮಾರ್ ಕಟೀಲು, ಸಂಸದ

► ಅಂದ ಹಾಗೆ ಡಾಲರ್ ಮುಂದೆ ರೂಪಾಯಿ ಎಲ್ಲಿಗೆ ಬಂತು?

---------------------

ದೇವೇಗೌಡರ ಮಕ್ಕಳು ಯಾವುದೇ ತನಿಖೆಗೂ ಹೆದರುವವರಲ್ಲ - ಎಚ್.ಡಿ.ರೇವಣ್ಣ, ಮಾಜಿ ಸಚಿವ

► ಮೂರೂ ಬಿಟ್ಟವರು ಎಂಬರ್ಥದಲ್ಲಿಯೇ?

---------------------

ನಾನು ರಾಮನ ಬಂಟನಂತೆ ಯಡಿಯೂರಪ್ಪರ ಜೊತೆಗೇ ಇರುತ್ತೇನೆ - ರೇಣುಕಾಚಾರ್ಯ, ಶಾಸಕ

► ಲಿಂಬಾವಳಿ ನಿಮ್ಮನ್ನು ಸವತಿಯಂತೆ ನೋಡುತ್ತಿದ್ದಾರೆ.

---------------------

ನನ್ನ ನಡೆ ಮನೆಯ ಕಡೆ - ಉಮೇಶ್ ಕತ್ತಿ, ಶಾಸಕ

► ಬಗಲಲ್ಲಿರುವ ಕತ್ತಿಯನ್ನು ಇನ್ನಾದರೂ ಬದಿಗಿಡಬಾರದೇ?

---------------------

ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್‌ಕುಮಾರ್ ಕಟೀಲು ಮಂಗಳೂರು ಬಿಟ್ಟು ಬೇರೆ ಜಿಲ್ಲೆಗಳಲ್ಲಿ ಓಡಾಡಿರುವುದನ್ನು ನಾನು ನೋಡಿಯೇ ಇಲ್ಲ -ಬಸನಗೌಡ ಪಾಟೀಲ್, ಶಾಸಕ

► ಅವರು ಮಂಗಳೂರು ರಾಜ್ಯದ ಬಿಜೆಪಿ ಅಧ್ಯಕ್ಷರು.

---------------------

ಮೈಸೂರಿನ ಅತೃಪ್ತ ಪ್ರೇತಾತ್ಮ ( ಎಚ್.ವಿಶ್ವನಾಥ್)ಕ್ಕೆ ಸಚಿವ ಸ್ಥಾನ ನೀಡಲು ಅರ್ಹರನ್ನು ಕಡೆಗಣಿಸಲಾಗಿದೆ - ಸಾ.ರಾ.ಮಹೇಶ್, ಮಾಜಿ ಸಚಿವ

► ಬಿಜೆಪಿಯೊಳಗೂ ಅರ್ಹರಿದ್ದಾರೆ ಎಂದು ನೀವು ಒಪ್ಪಿಕೊಂಡಂತಾಯಿತು ಬಿಡಿ.

---------------------

ಇತರ ಪಕ್ಷಗಳಿಂದ ಬಂದವರನ್ನೆಲ್ಲ ಅವರ ಪೂರ್ವಾಪರ ಪರಿಶೀಲಿಸದೆ ಬಿಜೆಪಿಗೆ ಸೇರಿಸಿಕೊಳ್ಳಬೇಡಿ - ಅಮಿತ್ ಶಾ, ಬಿಜೆಪಿ ಅಧ್ಯಕ್ಷ

► ಅಂದರೆ ಬ್ಯಾಂಕ್ ಬ್ಯಾಲೆನ್ಸ್ ನೋಡಿಯೇ ಸೇರಿಸಿ ಎಂಬ ಸಂದೇಶ.

---------------------

ಆರ್ಥಿಕ ಹಿಂಜರಿತ ಎಲ್ಲಾ ದೇಶಗಳಲ್ಲೂ ಇದೆ - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ

► ಆದರೆ ಆ ದೇಶದಲ್ಲಿ ಪುಣ್ಯಕ್ಕೆ ಮೋದಿಯಂತಹ ಪ್ರಧಾನಿ ಇಲ್ಲ.

---------------------

ಮುಖ್ಯಮಂತ್ರಿಯಾಗಿ ನಂತರ ಸಚಿವನಾಗಿದ್ದಕ್ಕೆ ಬೇಸರವಿಲ್ಲ - ಜಗದೀಶ್‌ಶೆಟ್ಟರ್, ಸಚಿವ

► ಬೇಸರವಿರುವುದು ಯಡಿಯೂರಪ್ಪ ಮತ್ತೆ ಮುಖ್ಯಮಂತ್ರಿಯಾಗಿರುವುದಕ್ಕಾಗಿ ಇರಬಹುದು.

---------------------

ಸ್ವಾಭಿಮಾನ ಇಲ್ಲದ ವ್ಯಕ್ತಿ ಜೀವಂತ ಶವ ಇದ್ದಂತೆ - ಶ್ರೀನಿವಾಸಪ್ರಸಾದ್, ಸಂಸದ

► ಸ್ವಾಭಿಮಾನ ಬಿಟ್ಟು ಬಿಜೆಪಿ ಸೇರಿದವರ ಅನುಭವದ ಮಾತು.

---------------------

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top