ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

ಜನ ಸಾಮಾನ್ಯರಿಗೆ ಉತ್ತಮ ಸೇವೆ ನೀಡಲು ತಾಲೂಕು ಕಚೇರಿಯನ್ನೇ ಹಳ್ಳಿಗೆ ತೆಗೆದುಕೊಂಡು ಹೋಗಲು ನಿರ್ಧರಿಸಲಾಗಿದೆ - ಆರ್. ಅಶೋಕ್, ಸಚಿವ
ತಾಲೂಕು ಕಚೇರಿ ಸಿಬ್ಬಂದಿಯೇ ಹಳ್ಳಿಗಳಿಗೆ ಬಂದು ಲಂಚ ವಸೂಲಿ ಮಾಡಿ ಹೋಗುತ್ತಾರೆ ಅಂದಾಯಿತು.
---------------------
ಪ್ರಧಾನಿ ಮೋದಿ ಹಾಗೂ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಒಂದೇ ತಾಯಿಯ ಮಕ್ಕಳು - ರಮಾನಾಥ ರೈ, ಮಾಜಿ ಸಚಿವ
ಇಬ್ಬರೂ ತಮ್ಮ ತಮ್ಮ ದೇಶವನ್ನು ನಾಶ ಮಾಡಲು ಪೈಪೋಟಿ ನಡೆಸುತ್ತಿದ್ದಾರೆ.
---------------------
ಡಿಕೆಶಿ ಬಂಧನದ ಹಿಂದೆ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯರ ಕೈವಾಡವಿದೆ - ನಳಿನ್‌ಕುಮಾರ್ ಕಟೀಲು, ಸಂಸದ
ಅಂದರೆ ಕೇಂದ್ರದ ತನಿಖಾ ಸಂಸ್ಥೆಗಳನ್ನು ನಿಯಂತ್ರಿಸುವಷ್ಟು ಶಕ್ತಿ ಸಿದ್ದರಾಮಯ್ಯರಿಗಿದೆ ಎಂದಾಯಿತು.
---------------------
ನವ ಭಾರತದ ಅಗತ್ಯಗಳನ್ನು ಈಡೇರಿಸಲು ಸರಕಾರಿ ಸ್ವಾಮ್ಯದ 12 ಬ್ಯಾಂಕ್‌ಗಳು ಸಾಕು - ರಾಜೀವ್‌ಕುಮಾರ್, ಹಣಕಾಸು ಕಾರ್ಯದರ್ಶಿ
ಬಹುಶಃ ನವಭಾರತ ಅಂಬಾನಿ, ಅದಾನಿ ಕುಟುಂಬವನ್ನಷ್ಟೇ ಒಳಗೊಂಡಿರಬೇಕು.
---------------------
ಸಂಸ್ಕೃತಿ ಮತ್ತು ವ್ಯಕ್ತಿತ್ವ ಎದ್ದು ಕಾಣುವುದೇ ಆತಿಥ್ಯದಿಂದ - ಡಾ.ಸಿ. ಅಶ್ವತ್ಥ್ ನಾರಾಯಣ, ಉಪ ಮುಖ್ಯಮಂತ್ರಿ
ಹೌದು, ತಮ್ಮ ರೆಸಾರ್ಟ್ ಆತಿಥ್ಯವನ್ನು ಈಗಲೂ ಅನರ್ಹ ಶಾಸಕರು ಸ್ಮರಿಸುತ್ತಿದ್ದಾರೆ.
---------------------
ಕೆಲವರ ಪ್ರಶ್ನೆಗಳಿಗೆ ಉತ್ತರಿಸದಿರಲು ನಿರ್ಧರಿಸಿದ್ದೇನೆ - ಯಡಿಯೂರಪ್ಪ, ಮುಖ್ಯಮಂತ್ರಿ
ತಮ್ಮ ನಿವೃತ್ತಿಯ ಕುರಿತಂತೆ ವರಿಷ್ಠರು ಕೇಳುತ್ತಿರುವ ಪ್ರಶ್ನೆಗಳಿರಬೇಕು.
---------------------
ರಾಜ್ಯದಲ್ಲಿ ಮತ್ತೆರಡು ಉಪಮುಖ್ಯಮಂತ್ರಿ ಹುದ್ದೆಗಳನ್ನು ಸೃಷ್ಟಿಸುವ ಕುರಿತು ನನಗೇನೂ ಗೊತ್ತಿಲ್ಲ - ಲಕ್ಷ್ಮಣ ಸವದಿ, ಉಪ ಮುಖ್ಯಮಂತ್ರಿ
ಈ ಹುದ್ದೆಗಳಿಂದ ರಾಜ್ಯಕ್ಕಾಗುವ ಪ್ರಯೋಜನದ ಕುರಿತಂತೆ ಏನಾದರೂ ಗೊತ್ತಿದೆಯೆ?
---------------------
ಮಾಜಿ ಪ್ರಧಾನಿ ಮೊರಾರ್ಜಿ ದೇಸಾಯಿ ಗೋಮೂತ್ರ ಕುಡಿಯುತ್ತಿದ್ದರು- ಅಶ್ವಿನಿ ಕುಮಾರ್ ಚೌಬೆ, ಕೇಂದ್ರ ಸಚಿವ
ಜನಸಾಮಾನ್ಯರ ರಕ್ತ ಕುಡಿಯುವ ಪ್ರಧಾನಿಗಳೇ ಇದ್ದಾರೆ.
---------------------
ಮೃದು ಹಿಂದುತ್ವ ಎನ್ನುವುದು ಕೋಕ್ ಲೈಟ್, ಪೆಪ್ಸಿಲೈಟ್ ಇದ್ದಂತೆ - ಶಶಿ ತರೂರು, ಕಾಂಗ್ರೆಸ್ ಮುಖಂಡ
ಅದನ್ನು ಕುಡಿದ ಪರಿಣಾಮವಾಗಿಯೇ ಕಾಂಗ್ರೆಸ್‌ಗೆ ಈ ದುಸ್ಥಿತಿ.

---------------------
ಮುಖ್ಯಮಂತ್ರಿ ಯಡಿಯೂರಪ್ಪ ರಾಜಾಹುಲಿ ಅಲ್ಲ, ಹೆಣ್ಣು ಹುಲಿ - ನಾಗನಗೌಡ ಕಂದಕೂರ, ಶಾಸಕ
ಹುಲಿ ಹೆಣ್ಣಾದರೆ ಅದಕ್ಕೆ ವ್ಯಕ್ತಿತ್ವ ಇಲ್ಲ ಎಂದು ಅರ್ಥವೆ?
---------------------
ದೇಶದಲ್ಲಿ ಒಬ್ಬನೇ ಒಬ್ಬ ಅಕ್ರಮ ವಲಸಿಗನಿಗೆ ಉಳಿದು ಕೊಳ್ಳಲು ಅವಕಾಶ ನೀಡುವುದಿಲ್ಲ - ಅಮಿತ್ ಶಾ, ಕೇಂದ್ರ ಸಚಿವ
ಈಗಾಗಲೇ ಆರ್ಯನ್ನರು ವಲಸಿಗರು ಎನ್ನುವುದು ಸಾಬೀತಾಗಿದೆ.
---------------------
ತಾಲಿಬಾನ್ ನಂಬಿಗಸ್ಥ ಪಾಲುದಾರರಲ್ಲ ವೆಂಬುದು ನನಗೆ ಮನದಟ್ಟಾಗಿದೆ.- ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ
ಅಂತೂ ಅದು ಒಂದು ಕಾಲದಲ್ಲಿ ನಿಮ್ಮ ವ್ಯಾಪಾರದ ಪಾಲುದಾರ ಆಗಿತ್ತು ಎಂದಾಯಿತು.
---------------------
 ಇವಿಎಂ ವಿರುದ್ಧ ವಿಪಕ್ಷಗಳು ಒಂದಾಗಬೇಕು - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
 ಇವಿಎಂನ್ನು ತಿರುಚುವ ಬಗೆ ಹೇಗೆ ಎನ್ನುವುದನ್ನಾದರೂ ತಿಳಿಸಿಕೊಡಿ ಎಂದು ಕೆಲವು ವಿಪಕ್ಷಗಳು ಮೋದಿಯ ಹಿಂದೆ ಬಿದ್ದಿದೆಯಂತೆ.
---------------------
 ಫಲಾನುಭವಿಗಳು ಬಯಸುವವರೆಗೂ ಮೀಸಲಾತಿ ಇರಬೇಕು - ದತ್ತಾತ್ರೇಯ ಹೊಸಬಾಳೆ, ಆರೆಸ್ಸೆಸ್ ಜಂಟಿ ಪ್ರ. ಕಾರ್ಯದರ್ಶಿ
 ಮನು ಮೀಸಲಾತಿಯ ಕುರಿತಂತೆ ಇರಬೇಕು.
---------------------
 ಪರಿಷ್ಕೃತ ಸಾರಿಗೆ ನಿಯಮದ ಅನ್ವಯ ಸಂಚಾರ ನಿಯಮ ಉಲ್ಲಂಘಿಸಿದ್ದಕ್ಕಾಗಿ ನಾನೂ ಭಾರೀ ಮೊತ್ತದ ದಂಡ ಪಾವತಿಸಿದ್ದೇನೆ - ನಿತಿನ್ ಗಡ್ಕರಿ, ಕೇಂದ್ರ ಸಚಿವ
 ಬಹುಶಃ ಅದನ್ನು ಕಟ್ಟಿದ್ದು ಮಾತ್ರ ಸರಕಾರದ ಖಜಾನೆಯಿಂದ ಇರಬೇಕು.
---------------------
 ಶೀಘ್ರದಲ್ಲೇ ಎಚ್.ಡಿ. ಕುಮಾರಸ್ವಾಮಿ ಮತ್ತೆ ಮುಖ್ಯಮಂತ್ರಿಯಾಗಲಿದ್ದಾರೆ - ಎಚ್.ಡಿ. ರೇವಣ್ಣ, ಮಾಜಿ ಸಚಿವ
 ಯಾವ ರಾಜ್ಯಕ್ಕೆ?
---------------------
 ಕೇಂದ್ರ ಸರಕಾರದ ನಿಲುವುಗಳನ್ನು ವಿರೋಧಿಸಿ ರಾಜೀನಾಮೆ ನೀಡುತ್ತಿರುವ ಅಧಿಕಾರಿಗಳಿಗೆ ಮುಂದೆ ಆತ್ಮಹತ್ಯೆ ಮಾಡಿಕೊಳ್ಳುವ ಪರಿಸ್ಥಿತಿ ಬರಬಹುದು - ಸುನಿಲ್‌ಕುಮಾರ್, ಶಾಸಕ
ರಾಜ್ಯದಲ್ಲಿ ಆತ್ಮಹತ್ಯೆ ಮಾಡಿಕೊಂಡ ಅಧಿಕಾರಿಗಳ ತನಿಖೆಗೆ ಹೊಸ ತಿರುವು ಸಿಕ್ಕಿದಂತಾಯಿತು.
---------------------
ಕಾರು ಮಾರಾಟ ಇಳಿಕೆಗೆ ಓಲಾ, ಉಬೇರ್ ಕೂಡಾ ಕಾರಣ - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ
ಕೊಳ್ಳುವವರೇ ಇಲ್ಲ ಎನ್ನುವ ಕಾರಣಕ್ಕಾಗಿ ದೇಶ ಇನ್ನೂ ಮಾರಾಟ ಆಗದೆ ಉಳಿದಿದೆ.
---------------------
ಹಿಂದೂ ಧರ್ಮ ಉಳಿದರೆ ಮಾತ್ರ ಭಾರತ ಅಖಂಡವಾಗಿ ಉಳಿಯುವುದಕ್ಕೆ ಸಾಧ್ಯ - ವಿಶ್ವೇಶ ತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಬ್ರಾಹ್ಮಣ ಧರ್ಮ ಸ್ವತಂತ್ರವಾದರೆ ಮಾತ್ರ ಹಿಂದೂ ಧರ್ಮ ಉಳಿಯುವುದಕ್ಕೆ ಸಾಧ್ಯವಂತೆ.
-
--------------------
ನನ್ನನ್ನು ಯಾವುದೇ ಹಗರಣಗಳಲ್ಲಿ ಸಿಲುಕಿಸಲು ಯಾರಿಂದಲೂ ಸಾಧ್ಯವಿಲ್ಲ - ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ನಿಮ್ಮ ಫೋನ್‌ಗಳನ್ನು ಕದ್ದು ಆಲಿಸಲಾಗುತ್ತಿದೆ, ಎಚ್ಚರಿಕೆ ಇರಲಿ.
--------------------
ಸಮಸ್ಯೆಗಳನ್ನು ಕಂಡು ಓಡಬೇಡಿ, ಸಮಸ್ಯೆಗಳನ್ನೇ ಓಡಿಸಿ - ಕಲ್ಲಡ್ಕ ಪ್ರಭಾಕರ ಭಟ್, ಆರೆಸ್ಸೆಸ್ ನಾಯಕ
ಜನರು ಈ ಕರೆಗೆ ಓಗೊಟ್ಟರೆ, ಕಲ್ಲಡ್ಕದ ಸಮಸ್ಯೆ ಸಂಪೂರ್ಣ ಪರಿಹಾರವಾಗುತ್ತದೆ.
---------------------
ವಿಧಾನ ಸಭೆಯ 17 ಸ್ಥಾನಗಳಿಗೆ ನಡೆಯುವ ಉಪ ಚುನಾವಣೆಯಲ್ಲಿ ನನ್ನ ಕುಟುಂಬದ ಯಾರೂ ಸ್ಪರ್ಧಿಸುವುದಿಲ್ಲ - ಎಚ್.ಡಿ. ದೇವೇಗೌಡ, ಮಾಜಿ ಪ್ರಧಾನಿ
ಯಾವ ಸ್ಥಾನಗಳಲ್ಲೂ ಗೆಲ್ಲುವ ಭರವಸೆ ಇಲ್ಲವೇ?
---------------------
ನನಗೆ ಜೆಡಿಎಸ್ ಪಕ್ಷದಲ್ಲಿ ಸಾಕಷ್ಟು ನೋವಾಗಿದೆ. ನನ್ನ ನೋವು ಕಡಿಮೆಯಾಗುವ ತನಕ ನಾನು ಆ ಪಕ್ಷದಲ್ಲಿಯೇ ಇರುತ್ತೇನೆ - ಜಿ.ಟಿ. ದೇವೇಗೌಡ, ಮಾಜಿ ಸಚಿವ
ದೇವೇಗೌಡ ಎನ್ನುವ ಹೆಸರಿದ್ದ ಕಾರಣಕ್ಕೆ ಪಕ್ಷದ ಹೈಕಮಾಂಡ್ ಆಗಲು ಹೋದರೆ ಹೇಗೆ?
---------------------
ದೇಶದ ಪ್ರಜಾಪ್ರಭುತ್ವವು ಗಂಡಾಂತರದಲ್ಲಿದೆ - ಸೋನಿಯಾ ಗಾಂಧಿ, ಎಐಸಿಸಿ ಅಧ್ಯಕ್ಷೆ
ಅದು ದೇಶಕ್ಕೇ ಗೊತ್ತಿದೆ. ಅದನ್ನು ತಡೆಯಲು ತಾವೇನು ಮಾಡುತ್ತಿದ್ದೀರಿ ಹೇಳಿ?
---------------------
ರಾಜ್ಯ ಸರಕಾರದ ಆಡಳಿತದಲ್ಲಿ ಮೂಗು ತೂರಿಸಿಲ್ಲ - ಬಿ.ವೈ. ವಿಜಯೇಂದ್ರ, ಬಿಜೆಪಿ ನಾಯಕ
ಬೇರೇನು ತೂರಿಸಿದ್ದೀರಿ ಅದನ್ನು ಹೇಳಿ.
---------------------

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top