ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

 ಉಪ ಚುನಾವಣೆಯಲ್ಲಿ ಅನರ್ಹ ಶಾಸಕರ ದಾರಿ ಅವರಿಗೆ, ನಮ್ಮ ದಾರಿ ನಮಗೆ - ಉಮೇಶ್ ಕತ್ತಿ, ಬಿಜೆಪಿ ಶಾಸಕ
ತಮ್ಮ ಕತ್ತಿ ಹೆಸರಿಗೆ ತಕ್ಕಂತೆ ಕತ್ತಿ ಇಟ್ಟಿದ್ದೀರಿ.

---------------------

ಸಾಹಿತಿ ಬರವಣಿಗೆ ಬಿಟ್ಟು ಜಯಕಾರ, ಧಿಕ್ಕಾರ ಕೂಗಲು ಹೋಗಬಾರದು - ಎಸ್.ಎಲ್. ಭೈರಪ್ಪ, ಸಾಹಿತಿ
ಜಯಕಾರ, ಧಿಕ್ಕಾರ ಏನಿದ್ದರೂ ಬರವಣಿಗೆಯ ಮೂಲಕವೇ ಮಾಡಿ.

---------------------

ನರೇಂದ್ರ ಮೋದಿ ಪ್ರಧಾನಿಯಾಗಿ ಅಧಿಕಾರ ಸ್ವೀಕರಿಸಿದ ಬಳಿಕ ದೇಶದ ವರ್ಚಸ್ಸು ಬದಲಾಗಿದೆ - ಲತಾ ಮಂಗೇಶ್ಕರ್, ಗಾಯಕಿ
ಕೋಗಿಲೆಗೆ ಕಾಗೆಯ ಮೇಲೆ ಒಲವು ಬಂದಂತಿದೆ.

---------------------

ನನ್ನದು ತಂತಿ ಮೇಲಿನ ನಡಿಗೆ - ಯಡಿಯೂರಪ್ಪ, ಮುಖ್ಯಮಂತ್ರಿ
ಸರಕಾರ ನಡೆಸುವ ಬದಲು ಸರ್ಕಸ್ ಕಂಪೆನಿ ನಡೆಸುತ್ತಿರುವಂತಿದೆ.

---------------------

ಯಡಿಯೂರಪ್ಪ ಮುಖ್ಯಮಂತ್ರಿಯಾದ ನಂತರ ರಾಜ್ಯದಲ್ಲಿ ಉತ್ತಮ ಮಳೆಯಾಗಿ ನದಿಗಳೆಲ್ಲ ತುಂಬಿವೆ - ಜಿ.ಟಿ. ದೇವೇಗೌಡ, ಶಾಸಕ
ಮಳೆ ನೀರು ಯಡಿಯೂರಪ್ಪರ ಕುತ್ತಿಗೆವರೆಗೆ ಬಂದಿದೆ.

---------------------

ಯಡಿಯೂರಪ್ಪರ ಬೆಂಬಲದಿಂದಾಗಿ ವೀರಶೈವ ಸಮಾಜ ಉಳಿದಿದೆ - ಶಾಮನೂರು ಶಿವಶಂಕರಪ್ಪ, ಅ.ಭಾ.ವೀರಶೈವ ಮಹಾಸಭಾ ಅಧ್ಯಕ್ಷ
ವೀರಶೈವ ಸಮಾಜವನ್ನು ಉಳಿಸುವುದಕ್ಕಾಗಿ ಅವರು ಲಿಂಗಾಯತ ಧರ್ಮವನ್ನೇ ಬಲಿಕೊಟ್ಟಿದ್ದಾರೆ.

---------------------

ಗೋಡ್ಸೆ ವಿಚಾರಧಾರೆಯನ್ನು ದೇಶದಿಂದ ಹೊರದಬ್ಬ ಬೇಕಾಗಿದೆ - ದೇವನೂರ ಮಹಾದೇವ, ಸಾಹಿತಿ
ಹೊರದೇಶಗಳಲ್ಲೂ ಗೋಡ್ಸೆ ಚಿಂತನೆ ಹರಡಲಿ ಎನ್ನುವ ಆಸೆಯೇ?

---------------------

ರಾಜಕಾರಣ ಎಂಬುದು ಸನ್ಯಾಸಿಗಳ ಸಂಘ ಅಲ್ಲ - ಕೋಟ ಶ್ರೀನಿವಾಸ ಪೂಜಾರಿ, ಸಚಿವ
ಬಯಲಾಗುತ್ತಿರುವ ಲೈಂಗಿಕ ಹಗರಣಗಳನ್ನು ಗಮನಿಸಿದಾಗ ನಿಜ ಅನ್ನಿಸುತ್ತದೆ.

---------------------

ಅನರ್ಹ ಶಾಸಕರನ್ನು ಕಡೆಗಣಿಸುವುದೂ ಇಲ್ಲ, ತಲೆ ಮೇಲೆ ಕೂರಿಸಿಕೊಳ್ಳುವುದೂ ಇಲ್ಲ - ಸಿ.ಟಿ. ರವಿ, ಸಚಿವ
ಅವರೀಗ ಯಡಿಯೂರಪ್ಪರ ಎದೆ ಮೇಲೆ ಕೂತಿದ್ದಾರೆ.

---------------------

ಮುಖ್ಯಮಂತ್ರಿ ಯಡಿಯೂರಪ್ಪರನ್ನು ನೋಡಿದರೆ ಅಯ್ಯೋ ಎನಿಸುತ್ತಿದೆ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಡಿಕೆಶಿಯನ್ನು ನೋಡಿದಾಗ ನಿಮಗೆ ಏನನ್ನಿಸುತ್ತಿದೆ ಎನ್ನುವುದನ್ನೂ ಹೇಳಿ.

---------------------

ಮುಖ್ಯಮಂತ್ರಿ ಯಡಿಯೂರಪ್ಪ ಹಾಗೂ ನನ್ನನ್ನು ಪರಸ್ಪರ ದೂರ ಮಾಡಲು ಯಾರಿಂದಲೂ ಸಾಧ್ಯವಿಲ್ಲ - ಈಶ್ವರಪ್ಪ, ಸಚಿವ
ನನ್ನನ್ನು ಅಂಟಿಕೊಂಡ ಶನಿ ಅದು ಎನ್ನುತ್ತಿದ್ದಾರೆ ಯಡಿಯೂರಪ್ಪ.

---------------------

ಕೋಟಿ ಕೋಟಿ ರೂಪಾಯಿ ದುಡಿಮೆಗಿಂತ ನೆಮ್ಮದಿಯ ಬದುಕು ಮುಖ್ಯವಾಗಬೇಕು - ಪ್ರಹ್ಲಾದ್ ಜೋಷಿ, ಕೇಂದ್ರ ಸಚಿವ
ನಿಮ್ಮ ನೆಮ್ಮದಿಯ ಬದುಕಿಗಾಗಿ ಜನರ ನೆಮ್ಮದಿಯನ್ನು ಕೆಡಿಸದಿರಿ.

---------------------

ಗುರುಕುಲಗಳು ಮನೆಯೇ ಹೊರತು ಜೈಲಲ್ಲ - ಸುರೇಶ್‌ಕುಮಾರ್, ಸಚಿವ
ಕುಲ ನೋಡಿ ಶಿಷ್ಯರನ್ನು ಆರಿಸುವ ವ್ಯವಸ್ಥೆಯೇ ಗುರುಕುಲ.

---------------------

ವಿಶ್ವವು ಭಾರತದಿಂದ ಬಹಳಷ್ಟು ನಿರೀಕ್ಷಿಸುತ್ತಿದೆ - ನರೇಂದ್ರ ಮೋದಿ, ಪ್ರಧಾನಿ
ಭಾರತದ ಜನರು ಕೂಡ ನಿಮ್ಮಿಂದ ನಿರೀಕ್ಷಿಸುತ್ತಿದ್ದಾರೆ.

---------------------

ನಮ್ಮನ್ನು ಆಳಿದವರು ಗಾಂಧಿ ಚಿಂತನೆಗಳನ್ನು ಅನುಸರಿಸಿದ್ದರೆ ಇಂದಿನ ಅನೇಕ ಸಮಸ್ಯೆಗಳು ಇರುತ್ತಲೇ ಇರಲಿಲ್ಲ - ಮೋಹನ್ ಭಾಗವತ್, ಆರೆಸ್ಸ್ಸೆಸ್ ಮುಖಂಡ
ಅದಕ್ಕೆ ತಾನೆ ಗೋಡ್ಸೆಯ ಕೈಯಲ್ಲಿ ಗಾಂಧಿಯನ್ನು ಕೊಲ್ಲಿಸಿದ್ದು.

---------------------

ರಾಜ್ಯದ ಜನರು ನೆನಪಿನಲ್ಲಿಟ್ಟುಕೊಳ್ಳುವ ಯಾವ ಸಾಧನೆಯನ್ನ್ನೂ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮಾಡಿಲ್ಲ - ಶೋಭಾ ಕರಂದ್ಲಾಜೆ, ಸಂಸದೆ
ಒಮ್ಮೆ ಜೈಲಿಗೆ ಹೋಗಿ ಬಂದಿದ್ದರೆ ನೆನಪಿಟ್ಟುಕೊಳ್ಳುತ್ತಿದ್ದರೇನೋ, ಅಲ್ಲವೇ?

---------------------

ಅನರ್ಹ ಶಾಸಕರೆಲ್ಲ ಚುನಾವಣೆಯಲ್ಲಿ ಗೆದ್ದು ಎಲ್ಲರೂ ಸಚಿವರಾಗುತ್ತಾರೆ - ಎಚ್. ನಾಗೇಶ್, ಸಚಿವ

ಅಂದರೆ ಅರ್ಹರ್ಯಾರೂ ಗೆಲ್ಲುವುದಿಲ್ಲವೇ?

---------------------

ಪ್ರಧಾನಿ ಮೋದಿಗೆ ಸರಿಸಾಟಿ ಯಾರೂ ಇಲ್ಲ - ಡಾ. ದೊಡ್ಡರಂಗೇಗೌಡ, ಸಾಹಿತಿ
ಮತ್ತೇಕೆ ತಡ, ಅವರ ಹೆಸರಲ್ಲಿ ಮಹಾಕಾವ್ಯವೊಂದನ್ನು ಬರೆದು ಜ್ಞಾನಪೀಠಕ್ಕೆ ಅರ್ಹರಾಗಿ.

---------------------

ಪ್ರಧಾನಿ ಮೋದಿ ದೇವರಿದ್ದಂತೆ, ಅವರನ್ನು ಬೈದರೆ ದೇವರನ್ನು ಬೈದಂತೆ - ಪ್ರತಾಪಸಿಂಹ, ಸಂಸದ
ನಿಮ್ಮ ಆ ದೇವರ ತಲೆಯ ಮೇಲೆ 100 ತೆಂಗಿನಕಾಯಿ ಒಡೆಯುವ ಹರಕೆ ಹೊತ್ತಿದ್ದಾರಂತೆ ಕೇಜ್ರಿವಾಲ್.

---------------------
ಸಮ್ಮಿಶ್ರ ಸರಕಾರದ ವಿರುದ್ಧ ಅಸಮಾಧಾನ ಇದ್ದುದರಿಂದಲೇ ನನಗೆ ಅನಾರೋಗ್ಯ ಕಾಡಿತು - ಶ್ರೀಮಂತ ಪಾಟೀಲ್, ಅನರ್ಹ ಶಾಸಕ
ಬಹುಶಃ ಈಗ ಅನಾರೋಗ್ಯ ಉಲ್ಬಣಿಸಿರಬೇಕು.

---------------------

ನಾನು ಮೊದಲು ನಕ್ಸಲ್ ಆಗಿದ್ದೆ, ಬಳಿಕ ಆರೆಸ್ಸೆಸ್ ಸೇರಿಕೊಂಡೆ - ನಿತಿನ್ ಗಡ್ಕರಿ, ಕೇಂದ್ರ ಸಚಿವ
ಗಾಂಧೀಜಿಯ ಕೊಲೆಯನ್ನು ನಕ್ಸಲರ ತಲೆಗೆ ಕಟ್ಟುವ ಹುನ್ನಾರವೇ?

---------------------

ನಾನು ಮೊದಲಿನಿಂದಲೂ ಭಾರತೀಯ ಜನತಾ ಪಕ್ಷದವನು- ಚಿದಾನಂದ ಮೂರ್ತಿ, ಸಂಶೋಧಕ
ನೀವು ವಿದ್ವಾಂಸರು ಎಂದು ನಾವಿದುವರೆಗೆ ತಪ್ಪು ತಿಳಿದಿದ್ದೆವು, ಕ್ಷಮಿಸಿ.

---------------------

ಮಹಾತ್ಮಾ ಗಾಂಧಿಯಂತಹ ವ್ಯಕ್ತಿ ಮತ್ತೆ ಹುಟ್ಟಿ ಬರಲು ಸಾಧ್ಯವಿಲ್ಲ - ದೇವೇಗೌಡ, ಮಾಜಿ ಪ್ರಧಾನಿ
ತಮ್ಮ ಮಗನ ರೂಪದಲ್ಲಿ ಗಾಂಧಿ ಪುನರ್‌ಜನ್ಮ ಎತ್ತಿದ್ದಾನೆ ಎಂದು ಹೇಳಲಿಲ್ಲವಲ್ಲ ಪುಣ್ಯ

---------------------
ಬಿಜೆಪಿಯವರು ನಮ್ಮ ಮಕ್ಕಳನ್ನು(ಅನರ್ಹ ಶಾಸಕರು) ಕರೆದು ಕೊಂಡು ಹೋಗಿ ಬೀದಿಪಾಲು ಮಾಡಿದ್ದಾರೆ - ಸಿ.ಎಂ. ಇಬ್ರಾಹೀಂ, ವಿ.ಪ. ಸದಸ್ಯ
ಬೀದಿ ಪಾಲಾಗಲು ನೀವು ಕೂಡ ಅತ್ಯುತ್ಸಾಹದಲ್ಲಿದ್ದಿರಂತೆ ಹೌದೇ?

---------------------

ನೆರೆ ಪೀಡಿತ ಜನರ ಸಹಾಯಕ್ಕೆ ಧಾವಿಸದ ಸಂಸದರನ್ನು ಆಯ್ಕೆ ಮಾಡಿರುವುದಕ್ಕೆ ನಮ್ಮ ಚಪ್ಪಲಿಯಲ್ಲಿ ನಮಗೆ ನಾವೇ ಹೊಡೆದುಕೊಳ್ಳಬೇಕು - ಶಂಕರ ಬಿದರಿ, ನಿವೃತ್ತ ಪೊಲೀಸ್ ಮಹಾ ನಿರ್ದೇಶಕ
ಜನ ತಮ್ಮ ಮನೆಯ ಹೊರಗೆ ಚಪ್ಪಲಿ ಹಿಡಿದು ಕಾಯುತ್ತಿದ್ದಾರೆ ಸಾರ್...

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top