ಓ ಮೆಣಸೇ ... | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ ...

*ಕೊಟ್ಟ ಕುದುರೆ ಏರದವನು ವೀರನೂ ಅಲ್ಲ, ಶೂರನೂ ಅಲ್ಲ - ಲಕ್ಷ್ಮೀ ಹೆಬ್ಬಾಳ್ಕರ್, ಶಾಸಕಿ
  ಕುದುರೆ ಎಂದು ಕೊಟ್ಟದ್ದು ಕತ್ತೆಯನ್ನಂತೆ.

---------------------

ತಂತ್ರಜ್ಞಾನವನ್ನು ವಿವೇಚನಾ ರಹಿತರಾಗಿ ಬಳಸದೆ ಅನುಕೂಲಕ್ಕೆ ತಕ್ಕಂತೆ ಬಳಕೆ ಮಾಡಬೇಕು - ರಾಘವೇಶ್ವರಸ್ವಾಮೀಜಿ, ರಾಮಚಂದ್ರಾಪುರ ಮಠ

 ಯಾರ ಅನುಕೂಲಕ್ಕೆ ತಕ್ಕಂತೆ?

--------------------

ಅಸ್ಪಶ್ಯತೆ ವಿರುದ್ಧ ಅಂಬೇಡ್ಕರ್ ಹೋರಾಟ ನಡೆಸುತ್ತಿದ್ದ ಕಾಲದಲ್ಲಿ ಸಂಘ ಪರಿವಾರವೂ ಆ ಕೆಲಸ ಮಾಡುತ್ತಿತ್ತು - ಬಿ.ಎಲ್. ಸಂತೋಷ್, ಬಿಜೆಪಿ ನಾಯಕ  

ಹೌದು, ಅಂಬೇಡ್ಕರ್ ಹೋರಾಟದ ವಿರುದ್ಧ.

---------------------

ಗೂಂಡಾಗಿರಿ ಮಾಡುವವರನ್ನು ಎಲ್ಲಿಡಬೇಕು, ಹೇಗಿಡಬೇಕು ಎಂಬುದು ನನಗೆ ಗೊತ್ತಿದೆ
- ಯಡಿಯೂರಪ್ಪ, ಮುಖ್ಯಮಂತ್ರಿ
ಸದ್ಯಕ್ಕೆ ಅವರನ್ನೆಲ್ಲ ಸಚಿವ ಸಂಪುಟದಲ್ಲೇ ಇಟ್ಟಂತಿದೆ.

---------------------

 ನನ್ನ ರಾಜಕೀಯ ಪ್ರವೇಶ ಆಕಸ್ಮಿಕ - ನರೇಂದ್ರ ಮೋದಿ, ಪ್ರಧಾನಿ
ಆ ಆಕಸ್ಮಿಕಕ್ಕೆ ದೇಶ ಕೊಟ್ಟ ಬೆಲೆ ಮಾತ್ರ ಭಾರೀ ದೊಡ್ಡದು.

---------------------

ನಾನು ಸರಕಾರ ಕಾಪಾಡುತ್ತೇನೆ ಎಂದು ಹೇಳಿದ್ದೆ, ಯಾವ ಸರಕಾರ ಎಂದು ಹೇಳಿಲ್ಲ - ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
 ಬಹುಶಃ ಅಮೆರಿಕದ ಸರಕಾರ ಇರಬಹುದೋ?

---------------------

ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯರನ್ನು ಹೊಗಳಿದರೆ ನನಗೆ ಯಾವ ರಾಜಕೀಯ ಲಾಭವೂ ಇಲ್ಲ - ಎಚ್.ವಿಶ್ವನಾಥ್, ಮಾಜಿ ಶಾಸಕ

ಅಮಿತ್ ಶಾರನ್ನೊಮ್ಮೆ ಹೊಗಳಿ ನೋಡಿ.

---------------------

15 ಅನರ್ಹ ಶಾಸಕರು ಕರ್ನಾಟಕದ ಮುತ್ತುಗಳು
- ನಳಿನ್ ಕುಮಾರ್ ಕಟೀಲು, ಸಂಸದ
ಯಾವಳು ಕೊಟ್ಟ ಮುತ್ತುಗಳು ಎನ್ನುವುದನ್ನೂ ಹೇಳಿ.

---------------------

ಉಪಚುನಾವಣೆ ನಂತರ ಮುಖ್ಯಮಂತ್ರಿ ಯಡಿಯೂರಪ್ಪ ಮತ್ತಷ್ಟು ಗಟ್ಟಿಯಾಗಲಿದ್ದಾರೆ -ಬಸನಗೌಡ ಪಾಟೀಲ್, ಶಾಸಕ
ಹೊಡೆತ ತಾಳಿಕೊಳ್ಳಬೇಕಾದರೆ ಗಟ್ಟಿಯಾಗಲೇ ಬೇಕು.

---------------------
 
ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಈಗ ರಾಜ್ಯ ಕಾಂಗ್ರೆಸ್‌ನಲ್ಲಿ ಏಕೋಪಾಧ್ಯಾಯ ಶಾಲೆಯ ಮುಖ್ಯೋಪಾಧ್ಯಾಯರಂತಿದ್ದಾರೆ - ಶೋಭಾ ಕರಂದ್ಲಾಜೆ, ಸಂಸದೆ
  
ಉಪಾಧ್ಯಾಯರೇ ಇಲ್ಲದ ಶಾಲೆಗಿಂತ ವಾಸಿ.

---------------------
  
ಸಂವಿಧಾನ ದಿನದ ಇಂದು(ನ.26) ಡಾ.ಬಿ.ಆರ್. ಅಂಬೇಡ್ಕರ್ ಬದುಕಿದ್ದಿದ್ದರೆ ಬಹಳ ಖುಷಿ ಪಡುತ್ತಿದ್ದರು - ನರೇಂದ್ರ ಮೋದಿ, ಪ್ರಧಾನಿ
  ಅರ್ಬನ್ ನಕ್ಸಲ್ ಎಂದು ಜೈಲು ಸೇರುತ್ತಿದ್ದರೇನೊ

---------------------

ಉಪಚುನಾವಣೆಯಲ್ಲಿ ಕಾಂಗ್ರೆಸ್ 12 ಸ್ಥಾನಗಳನ್ನು ಗೆದ್ದರೆ ಮಾಜಿ ಸಿಎಂ ಸಿದ್ದರಾಮಯ್ಯರಿಗೆ ಚಿನ್ನದ ಉಂಗುರ ತೊಡಿಸಿ ಮೆರವಣಿಗೆ ಮಾಡಿಸುತ್ತೇನೆ - ಗೋವಿಂದ ಕಾರಜೋಳ, ಉಪಮುಖ್ಯಮಂತ್ರಿ
ಯಡಿಯೂರಪ್ಪ ಸೋಲುವುದನ್ನು ನೋಡಲು ಅಷ್ಟೊಂದು ಆತುರವೇ?

---------------------

ಪ್ರಧಾನಿ ಮೋದಿ ನೇತೃತ್ವದಲ್ಲಿ ಈ ದೇಶ ಮುಂದುವರಿಯಲು ಮುಸ್ಲಿಮರು ಪೂರ್ಣಮನಸ್ಸಿನಿಂದ ಬೆಂಬಲ ನೀಡಬೇಕು - ರೋಷನ್ ಬೇಗ್, ಅನರ್ಹ ಶಾಸಕ   
ಅನರ್ಹ ಶಾಸಕನ ಮಾತುಗಳು ಆಲಿಸುವುದಕ್ಕೆ ಸದಾ ಅನರ್ಹವಾಗಿಯೇ ಇರುತ್ತದೆ.

---------------------
  
ಶ್ರೀಲಂಕಾವು ಭಾರತದ ಹಿತಾಸಕ್ತಿಗೆ ವಿರುದ್ಧವಾಗಿ ನಡೆದುಕೊಳ್ಳುವುದಿಲ್ಲ - ಗೋತಬಯ, ಶ್ರೀಲಂಕಾ ಅಧ್ಯಕ್ಷ  
ಚೀನಾದ ಹಿತಾಸಕ್ತಿಗೆ ನೀವು ಹೇಗೆ ನಡೆದುಕೊಳ್ಳುತ್ತೀರಿ ಎನ್ನುವುದನ್ನೂ ಸ್ಪಷ್ಟಪಡಿಸಿ.

---------------------
  
ಮಹಾರಾಷ್ಟ್ರ ಸರಕಾರದ ಶಿವಸೇನೆ, ಕಾಂಗ್ರೆಸ್, ಎನ್‌ಸಿಪಿ ಮೈತ್ರಿ ಅಕ್ರಮ ಸಂಬಂಧದಂತೆ - ಕೆ.ಎಸ್. ಈಶ್ವರಪ್ಪ, ಸಚಿವ
ಅನರ್ಹ ಶಾಸಕರ ಜೊತೆಗಿನ ನಿಮ್ಮ ಸಂಬಂಧ?

---------------------

30 ವರ್ಷಗಳಿಂದ ಗೆಳೆಯರಾಗಿದ್ದವರು ನನ್ನನ್ನು ನಂಬಲಿಲ್ಲ, 30 ವರ್ಷಗಳಿಂದ ನಾವು ಯಾರ ವಿರುದ್ಧ ಹೋರಾಡಿದ್ದೆವೋ ಅವರು ನನ್ನನ್ನು ನಂಬಿದರು
- ಉದ್ಧವ್ ಠಾಕ್ರೆ, ಮಹಾರಾಷ್ಟ್ರ ಮುಖ್ಯಮಂತ್ರಿ
ಆ ನಂಬಿಕೆಗೆ ಅವರು ಶೀಘ್ರವೇ ದುಬಾರಿ ಶುಲ್ಕ ನೀಡಬೇಕಾಗುತ್ತದೆ.

---------------------

ರ್ನಾಟಕದ 17 ಶಾಸಕರ ರಾಜೀನಾಮೆಯ ಹಿಂದೆ ನನ್ನ ಪಾತ್ರವೂ ಇದೆ - ಎಸ್.ಎಂ. ಕೃಷ್ಣ, ಮಾಜಿ ಮುಖ್ಯಮಂತ್ರಿ
  ಅಳಿಯನ ಸಾವಿನ ಹಿಂದಿರುವ ಪಾತ್ರಗಳ ತನಿಖೆ ಅಗತ್ಯವಿಲ್ಲವೆ?

---------------------

ಅನರ್ಹರು ತಾವು ಅರ್ಹ ಎಂದು ಭಾವಿಸುವುದಾದರೆ ಅವರ ಮಾನಸಿಕ ಆರೋಗ್ಯ ಸರಿ ಇಲ್ಲ ಎಂದು ಅರ್ಥ - ರಮೇಶ್ ಕುಮಾರ್, ಮಾಜಿ ಸ್ಪೀಕರ್ 
ಮಾನಸಿಕ ಆರೋಗ್ಯ ಸರಿ ಇದ್ದರೆ ಅವರು ಅನರ್ಹರಾಗುತ್ತಿರಲಿಲ್ಲ.

---------------------

ಮತ್ತೆ ಬಂದೆ ಎನ್ನಲು ನಾನು ಯಾವತ್ತಾದರೂ ಪಕ್ಷ (ಎನ್‌ಸಿಪಿ) ಬಿಟ್ಟು ಹೋಗಿದ್ದೇನೆಯೇ? - ಅಜಿತ್‌ಪವಾರ್, ಎನ್‌ಸಿಪಿ ನಾಯಕ  
ನೀವು ಬಿಟ್ಟು ಹೋಗಿದ್ದು ನಿಮ್ಮ ಮಾನ, ಮರ್ಯಾದೆಯನ್ನು ಮಾತ್ರ.

---------------------
370ನೇ ವಿಧಿ ರದ್ದಾದ ಬಳಿಕ ಜಮ್ಮು- ಕಾಶ್ಮೀರದಲ್ಲಿ ಭಯೋತ್ಪಾದಕ ಕೃತ್ಯಗಳು ಶೂನ್ಯಕ್ಕಿಳಿದಿವೆ - ರಾಜನಾಥ್‌ಸಿಂಗ್, ಕೇಂದ್ರ ಸಚಿವ  
ಆ ಕೆಲಸವನ್ನು ಸೇನೆಯೇ ವಹಿಸಿಕೊಂಡಿದೆ ಎನ್ನುವ ಆರೋಪಗಳಿವೆ.

---------------------
  
ಮಹಾರಾಷ್ಟ್ರದಲ್ಲಿ ಆದ ಬೆಳವಣಿಗೆಯಿಂದ ಎಲ್ಲ ರಾಜಕೀಯ ಪಕ್ಷಗಳ ನೈತಿಕತೆ ಕುಸಿದಿರುವುದು ನೋಡಿ ಬೇಸರವಾಗುತ್ತಿದೆ - ವಿಶ್ವೇಶ ತೀರ್ಥಸ್ವಾಮೀಜಿ, ಪೇಜಾವರ ಮಠ
 ಸನ್ಯಾಸಿಗಳ ನೈತಿಕತೆ ಕುಸಿದಿರುವುದರ ಬಗ್ಗೆ ಬೇಸರವಿಲ್ಲವೆ?
---------------------

ಎಲ್ಲವೂ ಕುಸಿಯುತ್ತಿದೆ ಎಂಬುದು ಸರಿಯಲ್ಲ - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ 
ಈರುಳ್ಳಿ ಬೆಲೆ ಏರುತ್ತಿದೆ ಎಂಬ ಕಾರಣಕ್ಕಿರಬೇಕು.

---------------------
  
ನಾವು ಅಣಬೆಗಳ ರೀತಿ ಬೆಳೆದು ಬಂದವರಲ್ಲ, ಹೋರಾಟದ ಮೂಲಕ ಬೆಳೆದವರು - ಆರ್. ಅಶೋಕ್, ಸಚಿವ  
ಯಡಿಯೂರಪ್ಪ ವಿರುದ್ಧ ಹೋರಾಟ ಮಾಡುವ ಮೂಲಕ ಇರಬೇಕು.

---------------------

ನಾನು ಕೂಡಾ ರೈತ ಮನೆತನದಿಂದ ಬಂದವನು - ಪ್ರತಾಪ ಸಿಂಹ, ಸಂಸದ
  ಆ ಕಾರಣಕ್ಕಾಗಿ ರೈತರಿಗೆ ದ್ರೋಹವೆಸಗುವ ಹಕ್ಕಿದೆ ಅಂತೀರಾ?

---------------------
ಒಬ್ಬ ವ್ಯಕ್ತಿಯನ್ನು ಒಮ್ಮೆ ಮಾತ್ರ ಫೂಲ್ ಮಾಡಬಹುದು. ಪ್ರತೀ ಸಲವೂ ಫೂಲ್ ಮಾಡಲು ಆಗುವುದಿಲ್ಲ - ಸದಾನಂದ ಗೌಡ, ಕೇಂದ್ರ ಸಚಿವ
ಮುಂದಿನ ಬಾರಿ ಮೋದಿ ವಿಫಲರಾಗುತ್ತಾರೆ ಎಂದು ಅರ್ಥವೆ?
---------------------

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top