ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

ಓ ಮೆಣಸೇ...

ಜೆಡಿಎಸ್‌ನವರು ಎಂದೂ ಭಾರತ್ ಮಾತಾ ಕೀ ಜೈ ಎಂದು ಹೇಳಿಲ್ಲ -ನಳಿನ್ ಕುಮಾರ್ ಕಟೀಲು, ಬಿಜೆಪಿ ರಾಜ್ಯಾಧ್ಯಕ್ಷ.
ನೀವೊಮ್ಮೆ ಜೋರಾಗಿ ಪಂಪ್‌ವೆಲ್ ಮಾತಾ ಕೀ ಜೈ ಅನ್ನಿ ನೋಡೋಣ ?

---------------------
ಬಿಜೆಪಿಯವರು ತಾವು ಹೇಳಲಾಗದ್ದನ್ನು ಆರೆಸ್ಸೆಸ್ ಮೂಲಕ ಹೇಳಿಸುತ್ತಿದ್ದಾರೆ- ಡಿ.ಕೆ.ಶಿವಕುಮಾರ್, ಶಾಸಕ.
ನೀವು ಹೇಳಲಾಗದ್ದನ್ನು ಭಿನ್ನಮತೀಯರ ಕೈಯಲ್ಲಿ ಹೇಳಿಸುತ್ತೀರಲ್ಲ, ಹಾಗೆಯೇ ಇರಬೇಕು.

  ---------------------
  ಗುರುಕುಲದ ರಕ್ಷಣೆ ಸಮಾಜದ ಜವಾಬ್ದಾರಿ - ಮೋಹನ್ ಭಾಗವತ್, ಆರೆಸ್ಸೆಸ್ ಸರಸಂಘ ಚಾಲಕ.

  ಸರಕಾರಿ ಶಾಲೆಗಳನ್ನು ಮುಚ್ಚಿಸುವ ಮೂಲಕ ಗುರುಕುಲಗಳನ್ನು ತೆರೆಯುವ ಯೋಜನೆ ಇರಬೇಕು.

---------------------
ಕೃಷ್ಣನ ನಾಡಾದ ಭಾರತವನ್ನು ಎಂದಿಗೂ ಕ್ರಿಸ್ತನ ನಾಡು ಮಾಡಲು ಬಿಡುವುದಿಲ್ಲ - ಕಲ್ಲಡ್ಕ ಪ್ರಭಾಕರ್ ಭಟ್, ಆರೆಸ್ಸೆಸ್ ನಾಯಕ.
ಈ ನಾಡು ಕ್ರಿಸ್ತನದೂ ಅಲ್ಲ, ಕೃಷ್ಣನದೂ ಅಲ್ಲ ಭೀಮ ಅಂಬೇಡ್ಕರ್ ಅವರದು.

---------------------

 ಜೆಡಿಎಸ್ ಶಾಸಕ ಕೆ.ಎಸ್.ಲಿಂಗೇಶ್ ಅಂದು ತಮ್ಮ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿ ಬಿಜೆಪಿಗೆ ಬಂದಿದ್ದರೆ ಇಂದು ಅವರ ಕ್ಷೇತ್ರದ ಎಲ್ಲ ನೀರಿನ ಟ್ಯಾಂಕ್‌ಗಳು ಭರ್ತಿಯಾಗುತ್ತಿದ್ದವು- ಬಿ.ಸಿ.ಪಾಟೀಲ್, ಸಚಿವ.  

ಅಂದರೆ ಜನರ ಕುಡಿಯುವ ನೀರಿನ ಟ್ಯಾಂಕ್ ಭರ್ತಿಯಾಗಬೇಕಾದರೆ ಆ ಕ್ಷೇತ್ರದ ಶಾಸಕರು ರಾಜೀನಾಮೆ ನೀಡುವುದು ಅಗತ್ಯ ಎಂದಾಯಿತು.

---------------------
ಆರ್ಥಿಕ ಹಿಂಜರಿತವಿದ್ದರೆ ಜನರು ಕುರ್ತಾ, ಧೋತಿ ಬದಲು ಕೋಟು ಧರಿಸುತ್ತಿದ್ದರೇ?- ವೀರೇಂದ್ರ ಸಿಂಗ್, ಬಿಜೆಪಿ ಸಂಸದ.  
ಅಂದರೆ ಏನನ್ನೂ ಧರಿಸದೆ ಬೆತ್ತಲೆ ತಿರುಗಿದಾಗಷ್ಟೇ ಒಪ್ಪಿಕೊಳ್ಳುತ್ತೀರಿ ಎಂದಾಯಿತು.

---------------------

ನನ್ನ ಹೆಂಡತಿಯ ಮೇಲೆ ನಾನು ಸಿಟ್ಟು ಮಾಡಿಕೊಂಡಿಲ್ಲ, ಇನ್ನು ಸಿಎಂ ಯಡಿಯೂರಪ್ಪರ ಮೇಲೆ ಸಿಟ್ಟು ಮಾಡಿಕೊಳ್ಳುತ್ತೇನೆಯೇ?- ಉಮೇಶ್ ಕತ್ತಿ, ಶಾಸಕ.  
ನಿಮ್ಮ ಹೆಸರಲ್ಲಿರುವ ಕತ್ತಿಯೇ ಎಲ್ಲಕ್ಕೂ ಕಾರಣ.

---------------------

ಮೀಸಲಾತಿ ನಿರ್ಮೂಲನೆ ಬಿಜೆಪಿ, ಆರೆಸ್ಸೆಸ್‌ನ ಡಿಎನ್‌ಎ ಯಲ್ಲಿಯೇ ಇದೆ - ರಾಹುಲ್ ಗಾಂಧಿ, ಕಾಂಗ್ರೆಸ್ ನಾಯಕ.
ಮೀಸಲಾತಿ ನಿರ್ಮೂಲನೆಯಾಗುತ್ತದೋ ಇಲ್ಲವೋ, ಕಾಂಗ್ರೆಸ್ ಅಂತೂ ನಿರ್ಮೂಲದ ಹಾದಿಯಲ್ಲಿದೆ.

---------------------

ನನಗೂ ಮುಖ್ಯಮಂತ್ರಿಯಾಗಬೇಕೆಂಬ ಆಸೆ ಇದೆ - ಬಿ.ಸಿ.ಪಾಟೀಲ್, ಸಚಿವ.
ಹೊಸ ಸಿನೆಮಾದಲ್ಲಿ ಮುಖ್ಯಮಂತ್ರಿಯಾಗಿ ಅಭಿನಯಿಸಿ ಆಸೆ ತೀರಿಸಿಕೊಳ್ಳಿ.

---------------------
ನನ್ನ ಯೋಗ್ಯತೆಗೆ ಸಚಿವ ಸ್ಥಾನವಲ್ಲ, ಮುಖ್ಯಮಂತ್ರಿ ಸ್ಥಾನವೇ ಸಿಗಬೇಕು -  ಉಮೇಶ್ ಕತ್ತಿ, ಶಾಸಕ.
  ಉತ್ತರ ಕರ್ನಾಟಕ ಪ್ರತ್ಯೇಕ ರಾಜ್ಯವಾಗಬೇಕು ಎನ್ನುವ ನಿಮ್ಮ ಹೋರಾಟಕ್ಕೆ ಇದು ಕಾರಣವೇ?

---------------------
ನಾನು ಹಿಂದೆ ಮಾಡಿದ ತಪ್ಪನ್ನು ಮತ್ತೆ ಮಾಡುವುದಿಲ್ಲ - ಎಚ್.ಡಿ.ದೇವೇಗೌಡ, ಮಾಜಿ ಪ್ರಧಾನಿ.
ಆದರೆ ಬೇರೆಯೇ ಹೊಸ ತಪ್ಪನ್ನು ಮಾಡುತ್ತೀರಿ ಎಂದಾಯಿತು.

---------------------

ದಿಲ್ಲಿಯಲ್ಲಿ ಮತ್ತೆ ಆಪ್ ಅಧಿಕಾರಕ್ಕೆ ಬಂದಿರುವುದು ಬಿಜೆಪಿಗೆ ಆದ ಹಿನ್ನಡೆ ಅಲ್ಲ - ಗೋವಿಂದ ಕಾರಜೋಳ, ಉಪಮುಖ್ಯಮಂತ್ರಿ.
ಪಾಕಿಸ್ತಾನಕ್ಕೆ ಆದ ಹಿನ್ನಡೆ ಎಂದು ಸ್ಪಷ್ಟವಾಗಿ ಹೇಳಿ ಬಿಡಿ.

---------------------
ಬಿಜೆಪಿ ಚುನಾವಣೆಗಳ ಫಲಿತಾಂಶ ಏನೇ ಬಂದರೂ ಸ್ವಾಗತಿಸುತ್ತದೆ- ಸಿ.ಟಿ.ರವಿ, ಸಚಿವ.
  ಸ್ವಾಗತಿಸದೇ ತಿರಸ್ಕರಿಸುವುದಕ್ಕಾಗುತ್ತದೆಯೇ?

---------------------

ಶಾಸಕ ಕುಮಟಳ್ಳಿಗೆ ಸಚಿವ ಸ್ಥಾನ ನೀಡದಿದ್ದರೆ ಸಿಎಂ ಯಡಿಯೂರಪ್ಪ ವಚನ ಭ್ರಷ್ಟರಾಗುತ್ತಾರೆ - ಬಸನಗೌಡ ಪಾಟೀಲ್ ಯತ್ನಾಳ, ಶಾಸಕ.
ಭ್ರಷ್ಟಾತಿ ಭ್ರಷ್ಟರಿಂದಲೇ ರಚನೆಯಾಗಿರುವ ಸರಕಾರದಲ್ಲಿ ವಚನಭ್ರಷ್ಟರಾಗುವುದು ತಪ್ಪೇನಿಲ್ಲ.

---------------------

ಮೂರು ವರ್ಷಗಳಲ್ಲಿ ಕರ್ನಾಟಕವನ್ನು ಸುವರ್ಣ ರಾಜ್ಯ ಮಾಡುವ ಸಂಕಲ್ಪ ಮಾಡಲಾಗಿದೆ - ಎನ್. ರವಿಕುಮಾರ್, ಬಿಜೆಪಿ ಪ್ರಧಾನ ಕಾರ್ಯದರ್ಶಿ.
ಕರ್ನಾಟಕದ ಹೆಸರು ಬದಲಿಸುವ ಉದ್ದೇಶವಿರಬೇಕು.

---------------------
ಕಾಂಗ್ರೆಸ್‌ಗೆ ಈಗ ಹೋರಾಟದ ಸಮಯ - ಪ್ರಿಯಾಂಕಾ ಗಾಂಧಿ ವಾದ್ರಾ, ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ.

 ಹೋರಾಡುವುದಕ್ಕೆ ಅಲ್ಲಿ ಕಾರ್ಯಕರ್ತರು ಬೇಡವೇ?

---------------------

ದೇಶದಲ್ಲಿ ಪ್ರಧಾನಿ ಮೋದಿಗೆ ಸರಿಸಾಟಿಯಾದ ನಾಯಕ ಯಾರೂ ಇಲ್ಲ - ಉಮಾಭಾರತಿ, ಬಿಜೆಪಿ ನಾಯಕಿ.
ಹೌದು, ಇಷ್ಟು ಬೇಗ ದೇಶವನ್ನು ಮುಳುಗಿಸಿದ ಇನ್ನೊಬ್ಬ ಪ್ರಧಾನಿ ಇರಲು ಸಾಧ್ಯವೇ ಇಲ್ಲ.

---------------------

ವಿದ್ಯುನ್ಮಾನ ಮತ ಯಂತ್ರಗಳನ್ನು ತಿರುಚುವುದು ಸಾಧ್ಯವೇ ಇಲ್ಲ - ಸುನಿಲ್ ಅರೋರಾ, ಮುಖ್ಯ ಚುನಾವಣಾ ಆಯುಕ್ತ.
ಪ್ರಯತ್ನಿಸಿ ವಿಫಲರಾಗಿ ನೀಡಿದ ಹತಾಶ ಹೇಳಿಕೆಯಂತಿದೆ.

---------------------
ಪ್ರಜಾಪ್ರಭುತ್ವ ಹಾಗೂ ಬಹುತ್ವ ವ್ಯವಸ್ಥೆಯಲ್ಲಿ ಭಾರತ - ಅಮೆರಿಕ ಸಮಾನ ದೃಷ್ಟಿಕೋನ ಹೊಂದಿದೆ - ನರೇಂದ್ರ ಮೋದಿ, ಪ್ರಧಾನಿ.
ಹೌದು, ಎರಡೂ ದೇಶಗಳ ನಾಯಕರೂ ಅದರ ಬಗ್ಗೆ ನಂಬಿಕೆಯನ್ನು ಇಟ್ಟಿಲ್ಲ.\

---------------------
ನನ್ನನ್ನು ಸಚಿವನನ್ನಾಗಿ ಮಾಡಿ ಎಂದು ನಾನು ಗೋಗರೆಯುವುದಿಲ್ಲ- ಎಚ್.ವಿಶ್ವನಾಥ್, ಮಾಜಿ ಶಾಸಕ.

ಗೋಗರೆಯುವ ಇನ್ನೊಂದು ವಿಧಾನ ಇದು.

---------------------
 ನೆಲಕ್ಕ ಬಿದ್ದ ಬೀಜ, ಹೃದಯ ಸ್ಪರ್ಶಿ ಮಾತು ಯಾವತ್ತೂ ಉತ್ತಮ ಫಲ ಕೊಡದಿರಲು ಸಾಧ್ಯವಿಲ್ಲ - ಕೋಟ ಶ್ರೀನಿವಾಸ ಪೂಜಾರಿ, ಸಚಿವ.

ಆದರೆ ನೆಲಕ್ಕೆ ಬಿದ್ದ ವಿಷ ಬೀಜ, ಕೋಮುವಾದಿ ಮಾತು ಉತ್ತಮ ಫಲಕೊಡುವುದು ಹೇಗೆ ಸಾಧ್ಯ ?

---------------------
 ದಿಲ್ಲಿ ವಿಧಾನಸಭೆ ಚುನಾವಣೆಯಲ್ಲಿ ‘ಗೋಲಿ ಮಾರೋ’, ‘ಇಂಡೋ-ಪಾಕ್ ಮ್ಯಾಚ್’ಗಳಂತಹ ದ್ವೇಷ ಭಾಷಣಗಳಿಂದ ಬಿಜೆಪಿ ಸೋತಿರಬಹುದು - ಅಮಿತ್ ಶಾ, ಕೇಂದ್ರ ಸಚಿವ.
ಇವಿಎಂನ್ನು ಪರಿಣಾಮಕಾರಿಯಾಗಿ ಬಳಸಿಕೊಳ್ಳದೇ ಇರುವ ಸಾಧ್ಯತೆಯೂ ಕಾಣುತ್ತದೆ.

---------------------

 ಕಾಂಗ್ರೆಸ್ ಪಕ್ಷವನ್ನು ಉಳಿಸಿ ಬೆಳೆಸಬೇಕಿದ್ದರೆ ಸರ್ಜಿಕಲ್ ಆ್ಯಕ್ಷನ್ ಅನಿವಾರ್ಯ- ವೀರಪ್ಪ ಮೊಯ್ಲಿ, ಕಾಂಗ್ರೆಸ್ ನಾಯಕ.
ಸರ್ಜಿಕಲ್ ದಾಳಿ ನಡೆಸಲು ಮೋದಿಯವರು ತುದಿಗಾಲಲ್ಲಿ ನಿಂತಿದ್ದಾರೆ.

---------------------

ದಿಲ್ಲಿ ಚುನಾವಣೆ ಬೆಂಗಳೂರು ಕಾರ್ಪೊರೇಶನ್ ಮಟ್ಟದ್ದು, ಅದಕ್ಕೆ ಅಷ್ಟೊಂದು ಮಹತ್ವ ಕೊಡುವ ಅಗತ್ಯ ಇಲ್ಲ - ಅಶ್ವತ್ಥ ನಾರಾಯಣ, ಉಪಮುಖ್ಯಮಂತ್ರಿ.
ಕೊನೆಗೂ ಬಿಜೆಪಿ ಕಾರ್ಪೊರೇಶನ್ ಕಸದ ಲಾರಿ ಸೇರಿ ಬಿಟ್ಟಿತು ನೋಡಿ.

---------------------

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top